اجمد القصص و الروايات

الاول والثاني
البنت محبوسه عندي في الزنزانه بقالها ست شهور …هيه مش فاكره اي حاجه زي ما امرت ..بس للامانه صغيره ..و…وحلوه قوي حرام اللي انت ناوي عليه ده
وقف وولع سيجارته بلا مبالاه وقال…عندك حل تاني…ولا عادي عندك رقبتي تطير يا حنين
اتنهد وقال…اكيد لا يا مختار باشا …بس انا قصدت يعني نحاول نلاقي فكره تانيه او
مختار قاطعه وقال بسخريه….شاكر …انا فكرت كتير قوي تلت سنين في السجن وانا بفكر في حل للمشكله دي وملقتش غير الحل ده …وطالما الموضوع يخص حياتي يبقى انا جاهز ادوس علي اي حد… فهمت
قال كده وداس على السيجاره وقال بحزم…انا رايح الفيلا اشوف اخويا …طلعت من السجن على هنا علشان افهمك اللي هتعمله ..عايز الليله كل حاجه تبقى جاهزه في الشقه مفهوم
شاكر هز راسه بالموافقه وقال بيأس..مفهوم يا مختار بيه
مختار قال كده ومشي
وشاكر نزل في نفس المبنى لزنزانه تحت الارض وفتح الباب الحديد بتاعها
كانت فيه بنت ملامحها طفوليه متديش على ٢٠ سنه قاعده على الارض وايدها متسلسله بصت لشاكر بيأس ورجعت بصت لقدامها وكانها معتاده دخلته
شاكر قرب منها وقال بحزن….قومي معايا يا….
بس اتنهد لانه ميعرفش اسمها ولا حتى هيه تعرفه قال بضيق…قومي معايا هتطلعي من هنا خلاص
بقلم …زهرة الربيع
البنت وقفت بسرعه ولهفه وقالت …ايه….هتطلعوني اخيرا…يعني هترجعوني لاهلي..عرفتوا انا مين ومين اهلي
شاكر اتنهد وقال …تعالي معايا وهتعرفي كل حاجه
وبقى يفك السلسله من ايدها وهو بيقول في نفسه …انا اسف…حقك عليا
في مكان تاني فيلا راقيه وجميله نزل شاب في ال٢٩ من العمر قمه في الاناقه والجاذبيه كان بيقفل ازرار اكمامه وبيصفر بسعاده
قاطعه صوت راجل في الخمسين قال بابتسامه…اش اش ايه الجمال ده يا دكتور حمزه… لمين كل الشياكه دي
حمزه ضحك وقرب منه وقال بابتسامه…صباح الخير على احلى عم غانم في الدنيا
ولف قدامه وقال بحماس ها ايه رايك ..انهارده مسموح تتغزل فيا شويه علشان تديني بور وثقه..بس متكترش لنتفهم غلط
غانم ضحك جامد وقال…ياض يا اونطجي هو انت محتاج راي بسم الله ماشاء الله ما كامل إلا هو…بس برضو مش هتتهرب على فين بالشياكه دي
حمزه قال بمراوغه…هعدي على العياده
غانم قال …ها وبعدها
حمزه قال …بعدها المستشفى
غانم ضحك وقال …مهو هتتكلم يعني هتتكلم لخص مش على عمك غانم التحوير ده
حمزه ضحك وقال بسعاده….نسيم رجعت يا عم غانم …الشاب اللي بيعدي كل فتره يشوفلي اخبارها …شاف شقتهم اتفتحت وسأل قالوله اصحاب الشقه رجعوا
غانم قال بذهول ….يا خبر يا ابني …انت لسه فاكر يا حمزه ..مش دي البنت اللي حكيتلي عنها ….اللي عرفتها زمان …من خمس سنين تقريبا انت لسه فاكرها
حمزه ابتسم وقال والعشق واضح في عيونه …ولا عمري هنساها يا عم غانم…بس انت ادعيلي هيه تفتكرني
غانم ضحك وقال ..طالما انت لسه فاكرها كده يبقى اللي بينكم كان كبير واكيد هتفتكرك
حمزه ضحك وقال ..يتخم انت علشان احكيلك بعينك
غانم ضحك وقال ….انا كده كده مش هسيبك الا لما تحكي و…
بس قطع كلامه لما شاف حمزه باصص ناحية الباب بصدمه وعيونه هتطلع من مكانها
التفت هو كمان واتصدم بشده لما شاف مختار واقف عند الباب
حمزه وقف واتقدم عليه بخطوات بطيئه وهو مش مصدق عيونه
مختار جري عليه حضنه بقوه وقال …وحشتني وحشتني يا حمزه واحشني قوي يا اخويا قوي
حمزه فضل متجمد مكانه ومرفعش ايده ولا حضنه
مختار بعد عنه باستغراب وقال …مالك ياض انت مش مصدق انك شايفني ولا ايه….اه طبعا ما انت لو فاكرني كنت افتكرت ان ده معاد خروجي واقل حاجه كنت استنتني هناك مش كفايه مكنتش تذورني طول التلت سنين اللي اتسجنتهم
حمزه كان بيسمعه بملامح جامده جدا ومختار قال بابتسامه…بس ولا يهمك يا عم …انا متابع اخبارك وعارف انك بقيت اشطر دكتور ومعندكش وقت و…..
بس قطع كلامه لما حمزه قال بجمود…انت جاي ليه
مختار اختفت ابتسامته وقال بدهشه…ايه…يعني ايه جاي ليه ..جاي بيتنا ..جاي اشوف اخويا
حمزه قال بسخريه…بيتك…واخوك
وبان الغضب على ملامحه وقال بحده ..انت ولا ليك بيت ولا ليك اخ هنا سامع….البيت ده بيت محمد الديب ..اللي كان سمعته زي الجنيه الدهب ..ومفيش فيه مكان للمجرمين ولا اصحاب السجون
مختار اتسعت عنيه بدهشه وقال …انت…انت سامع نفسك بتقول ايه يا حمزه..انت بتطردني من بيت ابويا
حمزه قال بغضب شديد…اه بطردك …ولو مش عاجبك ومصر تفضل هنا خلاص ..على راحتك خليك فيه …انا اللي همشي واشبع بقى بحيطانه
مختار لسه هيتكلم غانم جري على حمزه وقال…استهدى بالله يا ابني ده مهما كان اخوك …الدم عمره ما يبقى ميه يا حمزه
حمزه لسه هيرد مختار قال بغضب وقهر ..انت بتتدخل ليه….واصلا انت ليه لسه موجود هنا اساسا …انت تاخد بعضك وتغور من هنا بدل ما اطلعك على نقاله
ولسه هيقرب منه بس حمزه وقف قدام غانم وقال بغضب شديد…اياك وهحذرك لمره واحده…. ملكش دعوه بيه…عمي غانم زي والدي بالظبط وهيفضل هنا غصب عن عنيك…امي وصتني عليه قبل ما تموت …قصدي قبل ما تتنقط وتموت بسبب حضرتك
مختار لمعت عيونه بصدمه وبلع ريقه بالعافيه وقال بوجع….حرام عليك يا حمزه …كفايه تشيلني ذنب عمري ما قصدته
حمزه قال بغضب ودموع بيحاول يخبيها….مش عايز اشوفك يا مختار….انا معنديش اخوات …اخويا مات من زمان
مختار حس بسك..ين في قلبه وبصله بحزن شديد ونطق بالعافيه وقال…تمام…احم ….اللي تشوفه يا حمزه….انت معاك حق انا فعلا مليش مكان هنا
قال كده ومشي بسرعه وهو مدمر من جواه وحمزه بص لطيفه بوجع ونزلت دموعه وهو مش مستوعب انو شاف اخوه بعد غياب ٣ سنين
غانم قال بحزن..ليه كده يا حمزه ليه….ده اخوك يا ابني هو فيه اغلى من الاخ
حمزه اتنهد ومسح دموعه وحاول يتكلم طبيعي وقال…انسى يا عم غانم…كانه لسه مخرجش …السجن مكانه الوحيد اصلا
عن اذنك انا اتأخرت قوي على العياده
قال كده وخرج هو كمان وغانم ضرب كف على كف وقال ….لا حول ولا قوة الا بالله
حمزه راح على عيادته و فضل وسط المرضى بتوعه لحد الليل ونزل بالليل بحماس عدى على بياع ورد واشترى بوكيه جميل جدا وراح على بيت نسيم
وقف عند باب بيتها بتوتر وهو مش عارف هيقول ايه وهيتكلم ازاي خايف ومتوتر ومتردد وحاسس بسعادة الدنيا كلها في وقت واحد
ولسه هيخبط على الباب سمع صوت صريخ عالي من جوه واتفتح الباب وكانت نسيم و قالت بسرعه و رعب…الحقني حوش عني ابوس ايدك
حمزه كان واقف مصدوم ومش فاهم حاجه ونسيم استخبت وراه ولسه هيسأل خرج راجل في الثلاثين بطريقه تخوف وقال بغضب وجنون…وديني لاعلمك الادب يا نسيم وكمان بتفتحي الباب وتطلعب تجري بشعرك و….
بس قطع كلامه لما شاف حمزه وبصله بشر وقال ..انت مين انت كمان
حمزه قال بذهول…حمزه …انا حمزه
الراجل قال ببرود..وانا جمال …ايه رأيك نشرب قهوه ونتعرف اكتر
وزعق فيه وقال بغضب ..انت مين يلا ما تنطق وتخلصنا ولا غور من هنا
حمزه بصله بتوتر وقال انا…
بس قاطعه صوت واحده من الجيران بتقول بزهق….فيه ايه يا استاذ جمال …من وقت ما شرفتوا واحنا في صريخ وزعيق مش عارفين ننيم العيال
جمال قال بغضب…ملكيش دعوه يا وليه ….راجل ومراته بيتخانقه ايه ناخد بيت تاني نتخانق فيه
هنا حمزه كان هيقع من طوله والورد وقع على الارض والتفت لنسيم وقال بصدمه ..ايه …مراته….مراته ازاي..انتي اتجوزتي يا نسيم
عند مختار كان نايم في احد الفنادق وقام على مكالمه في التليفون رد بضيق وقال….. ايوه يا شاكر فيه ايه صحتني
شاكر قال ..جبنا البنت على الشقه يا باشا وجهزنا الاوضه وكل حاجه تمام …ايه مش هتيجي
مختار قال بضيق…جاي …متبدأوش قبل ما اجي
قال كده وقفل معاه وقام استحمى ولبس وراح على شقه في المعادي بتاعته
عند شاكر كان قاعد قصاد البنت اللي كانت بتبص للمكان باعجاب ووقفت قدام شاشة التلفزيون اللي كانت بعرض الحيط وقالت بانبهار …اشش اشش يا حلاوة التلفزيون ابو دش
ايه ده …تلفزيون ده ولا يافطة اعلانات ..ده الواحد خايف يفتحه الناس اللي جوه تطلع تقعد معانا
وضحكت ضحكه حلوه غريبه وكوميديه جدا
شاكر ضحك على ضحكتها وقال..اول مره تشوفي شاشة عرض ولا ايه
البنت قالت بانبهار…..اول مره اشوف كل حاجه ..كل حاجه هنا اول مره اشوفها …حتى انت هنا غير هناك وشك واضح ومنور هناك كنت تبان زي القرد
شاكر اختفت ابتسامته وقال …قرد…ماشي ده من زوقك
ضحكت تاني بنفس الطريقه وقالت …يا عم قصدي ان المكان هناك ضلمه مش مديك حقك انما هنا قمور كده زي بتوع السيما
شاكر ابتسم تلقائي وقرب منها وهو بيبص لعيونها اللي زي اللؤلؤ وقال…وانتي كمان حلوه قوي سواء هناك او هنا زي القمر وضحكتك عسل قوي كلك حلوه…. يا خساره
البنت استغربت من كلمة خساره ولسه هترد سمعو صوت حمحمه
شاكر بعد عنها بخوف لما عرف انه مختار وصل
ومختار دخل وهو بيبتسم بسخريه ووقف قدام شاكر وقال بخبث …جيت في وقت مش مناسب ولا ايه…لو فيه مشروع بوسه ولا حاجه ناعمه ارجع وقت تاني…انا مقدرش على زعلك يا شوك
شاكر بلع ريقه بتوتر ولسه هيتكلم البنت قالت بغضب…باستك عقربه ….عفيه ومتدربه ….ما تحترم نفسك يا قفا انت
مختار اتسعت عيونه بذهول والتفتلها كانت بنت جميله جدا بس مش باينه ملامحها من كتر الوسخ اللي عليها وهدومها لونها اتغير وشعرها زي المقشه مفييش الا عيونها اللي شبه حجر زمرد في وسط الاوساخ قرب منها بدهشه وقال….انتي بتكلمي مين كده يا بت انتي و…
بس قطع كلامه وحط ايده على بقه وانفه وهو حاسس بغثيان وقال…ايه القرف ده البت دي ريحتها كده ليه…ده لو فسيخ متعفن مهيبقاش كده
بقلم ….زهرة الربيع
البنت شمت نفسها يمين وشمال باستغراب
وشاكر قال …بقالها ست شهور سيادتك في القبو …ومش بنخرجها غير علشان تروح الحمام العمومي يعني مكانتش بتستحمى ده طبيعي
مختار حاول ياخد نفسه وقال..الناس اللي جوه كدده هيموتوا يا نهار اسود….بص لازم ناخدها نحميها الاول قبل اي حاجه
البنت قالت بذهول ….تحمي مين …انت اهطل يا جدع انت ولا عايزني اتغابى عليك
وبصت لشاكر وقالت بضحك …اتغابى واوديه امبابه ..هاهاءهاء اوءاووو
شاكر حاول يكتم ضحكته ومختار ابتسم تلقائي وقال…ايه ضحكة نقار الخشب دي ..بس يا بت مش عايز اسمع صوتك فاهمه
البنت سكتت خالص وهو اتنهد وقال ….قربي
لسه هتتحرك قال ..لا لا خليكي مكانك متقربيش انا شويه وهيغمى عليا
البنت رجعت مكانها بحرج وهو قال ….انتي عارفه انتي هنا ليه
البنت قالت بسرعه..شاكر بيه قالي على الطريق انك انت هترجعني لاهلي …وانا كنت مستنياك علشان اشكرك….بس انت طولت لسانك الاول…يلا معلش تشكر يا زوق مش هنسالك الخدمه دي ابدا
مختار ابتسم بخبث وقال بسخريه ….ولسه هتشكريني اكتر لما تعرفي انتي هنا ليه
وبص لشاكر وقال بامر …هبعتلك رقم واحده اسمها عبله …خليها تيجي علشان تحميها قولها مختار الديب عايزك
واطلع عند الدكاتره اللي جوه وقولهم يجهزه التخدير ويعقموا الأوضه للعمليه…هنبدأ على طول
شاكر هز راسه بطاعه وحزن وخرج
والبنت بصت لمختار بصدمه وقالت….عم..عمليه…عملية ايه وووووو
#في_عشقها_هلاكي
#الحلقه_الاولى
حبايب قلب زهرة ❤️وحشتوووني جدا من الروايه اللي فاتت 🥰❤️
يلا بقى عايزه تفاعل جامد
صلوا على حبيب الله 💚
وانطلقووووووو🏃‍♀️🏃‍♀️🏃‍♀️🏃‍♀️🏃‍♀️🏃‍♀️
يلا اجهزي ريحتك قلبت الاوضه لازم تستحمي قبل ما نعملك العمليه والا هتموتي الدكاتره بالريحه دي
البنت كانت بتبصله بدهشه ومش مستوعبه وقالت بخوف ..عم..عمليه ايه
مختار فتح البلكون وبقى يولع سيجاره بمنتهى البرود وقال …عمليه بسيطه متخافيش…علشان ترجعي الاهلك لازم تعمليها الاول
البنت بلعت ريقها بخوف وقالت..ايوه برده عملية ايه ….انا كويسه مفيش حاجه وجعاني
مختار بقى يشرب من سيجارته بهدوء مستفز والتفتلها فجأه بطريقه تخوف وقال….انا فيه حاجتين مش بطيقهم ..كتر الاسألة ..والاسأله الكتير …وانتي بدأت اسالتك تكتر وتزهقيني ….اسمعي الكلام من سكات لو عايزه ترجعي لاهلك
البنت خافت منه وقالت بتوتر..لا لا مش عايزه خلاص مش عايزه ارجع لاهلي سيبوني في حالي..انا…انا ماشيه
وجريت ناحية الباب فسبقها ووقف عند الباب وفاجأها لما سحب سل..احه بحركه سريعه كان موجهه بين حواجبها وقال بخبث….بلاش تسمعي الكلام علشان ترجعي لاهلك…نعداها شويه
البنت بقت ترجع لورا برعب ومختار بقى يقرب منها وهو رافع سل..احه في وشها وقال بطريفه ترعب…..اسمعي الكلام علشان ترجعي لاهلك عايشه …حلوه الصيغه دي
البنت نزلت دموعها ولسه هتتكلم دخل شاكر وقال…مختار بيه انا كلمت عبله و
بس قطع كلامه بصدمه لما البنت جريت عليه واستخبت وراه وهيه بتقول برعب…الحقني…ابوس ايدك متسبنيش انا خايفه
شاكر اتفاجأ ومختار كمان نزل سل..احه وهو بيبصلهم بذهول
بقلم….زهرة الربيع
عند حمزه كان واقف مبهوت من اللي سمعه بص لنسيم وقال بصدمه….مراته..مراته ازاي انتي اتجوزتي يا نسيم اتجوزتي
وخرج عن شعوره ومسكها من دراعاتها بيهزها بعنف وبيقول بجنون….ليه..ليه عملتي كده…وانا ..انا نستيني خلاص
نسيم بصتلو باستغراب وقالت بدهشه…فيه ايه انت مين اصلا
حمزه سابها فورا لما قالت كده وبقى يبصلها بصدمه وقال بذهول…ايه …انا مين !!!
نسيم لسه هتتكلم جمال دفعها ووقف قدامه وهو بيقول…لا وسعي يا اختي انتي دلوقت …خليني اشوف الحلو ابو بدله ده عايز ايه…ايه يا حبيبي …مين هيه اللي نسيتك ونستها انت تعرف مراتي
حمزه بصله بغضب ولسه هيتكلم اتفاجأ بنسيم من وراه بتهز راسها بالرفض بدموع وهيه بتتنفض من الخوف وبتترجاه بنظراتها انو يقول لا
حمزه بقى يبصلها وهو مش فاهم حاجه وحاسس الدنيا بتدور بيه وجمال زعق فيه وقال..انا بكلمك ..تعرف مراتي
حمزه غمض عنيه واخد نفس عميق وقال ..لا….انا اسف
وبص لنسيم بوجع وقال ….كنت فاكر اني اعرفها بس طلعت غلطان مش هيه …مستحيل تكون هيه
قال كده ومشي فورا وهو بيدوس على الورد اللي جابهولها زي ما اداس على قلبه ونسيم بصت لطيفه بدموع
جمال بصلها بشك وقال…تعرفي الواد ده
هزت راسها بالرفض بسرعه وقالت..لا …هعرفه ازاي احنا وصلنا امبارح
جمال قال …اممم صح وصلنا امبارح ..بس انتي كنتي عايشه في الشقه دي زمان …يمكن تعرفو بعض قبل السفر اصلا
نسيم قالت بغضب..قولتلك معرفوش وبعدين افرض اعرفه زمان هتحاسبني على حاجات عملتها وانا لسه معرفتكش اصلا ايه الجنان ده
ولسه هتتحرك مسكها من شعرها بغضب وقال..جنان …هو انتي لسه شوفتي جنان …ده حتى جيته قطعت علينا جنانا يا حلوه …..ودفعها في البيت ودخل وقفل الباب ومبقاش مسموع غير صوت صراخها
عند مختار كان واقف بدهشه لما البنت استخبت ورا شاكر وقال ..هو ايه النظام …انت ايه علاقتك بالبت دي
وبصلها بطرف عينه وقال بتحذير..اوعى تكون نمت معاها…هخرب بيتك يا شاكر
شاكر اتسعت عيونه ولسه هيرد بس البنت طلعت من وراه بغضب وقالت…انت عيل قليل الادب ومحدش رباك
مختار قال بصدمه…..عيل..انا عيل
شاكر قال بتوتر..حضرتك زعلان من عيل ومش زعلان من قليل الادب ولا مؤاخذه محدش رباك
مختار قال بسرعه….دي حقيقه ..انما انا عيل…انا يتقالي عيل يا شاكر …اقسم بالله لولا اني للاسف محتاجك كنت وريتك شغل العيال على اصوله
ورفع السل..اح في وشها وقال بزعيق..اطلعي قدامي يا بت متخرجنيش عن شعوري ..الناس مستنينك في اوضة العمليات وانا هستناك في اوضة النوم…ااا قصدي اطلعي قدامي متعصبنيش
البنت بصت لشاكر بخوف ولمعت عيونها بالدموع وشاكر اتنهد بحزن وقال…ممكن معلش تسبني افهمها…صدقني هيه طيبه جدا وممكن نشرحلها
مختار زعق فيه وقال..انا لسه هشرح و
بس قطع كلامه بصدمه لما البنت دفعت شاكر عليه بقوه وجريت بسرعه رهيبه
مختار وشاكر اتكعبله في بعض ووقعو على الارض بذهول بس مختار وقف بسرعه وهو بيقول ورحمة امي لاربيكي يا بنت ال ***
وجري وراها بسرعه وشاكر حصله وهو بيحاول يهديه
في جنينة قصر كبير وراقي قاعد راجل في الخمسين بيشرب قهوته بهدوء وجيه شاب في العشرين قعد قصاده وقال …مختار طلع من السجن
رد بهدوء غريب وقال…عارف
الشاب قعد قصاده وقال باستغراب …عارف …غريبه يعني …افتكرت ان اول ما يخرج هتجيبه هنا علشان الفلوس اللي لهفها ..متقوليش ان عزيز باشا هيسيب حقه بسهوله كده
عزيز قال بضيق…ومين قال اني هسيبه…هو انا سلفته عشره جنيه …دول ٥٠ مليون جنيه …بس لو نفذ مش خساره فيه قدهم كمان
الشاب اتنهد وقال بغيظ…لو نفذ…انت لسه عندك امل ينفذ يا بابا دي فلوس بتطير على الفاضي وعلى موضوع انتهى
عزيز ضرب على الطاوله بغضب وقال…موضوع انتهى ….دم اخوك بقى موضوع انتهى في نظرك يا رامي بيه
رامي نزل عيونه بحرج وقال..مقصدتش يا بابا قصدي انو مستحيل يلاقيها..ما احنا دورنا كتير وهو كمان دور كتير..وانت عارف مختار الديب يجيب المسمار لو ضايع في قلب البحر بس برضو ملقهاش انا متأكد البت دي هاجرت مش في البلد يا اما ماتت ..احنا مش هنكسب حاجه من الفلوس اللي بتتصب في جيب مختار علشان يلاقيها واهو صرف الفلوس وهيجيلك باعزار زي ما كان يعمل قبل ما يتسجن وفي الاخر يبقى لهفهم ونصب علينا
عزيز وقف وقال بغضب …مش هيقدر …ده انا امحيه من على الارض ..وهو عارف كده كويس…
ولمعت عيونه بالدموع وقال بغل شديد…مش هسيب دم حكيم ابني لو كان اخر يوم في عمري هلاقيها وهقطع من لحمها اكبر حته قد كف ايدي…انا عزيز ابو العزم تيجي واحده و تدخل بيتي وتضحك عليا وتق..تل ابني وتطفش بسهوله..وعايزني اسبها تعيش وتتهنى لا تنسى لسه متخلقتش اللي يقف في وشي
رامي اتنهد وقال..طيب يعني هتروح لمختار وتخليه يدور تاتي
عزيز ابتسم بسخريه وقال…ابوك من امتى بيروح لحد ….هو بنفسه هيجيني اتفرج انت بس
عند حمزه كان على البحر والهوى بيضرب بقوه ومع ذالك حاسس بخنقه شديده …كل ما يفتكر ان نسيم اتجوزت يحس انه هيموت …معقوله البنت اللي محبش غيرها بقى بالنسبالها ماضي وانتهى وهو لسه عايش علشانها نزلت دمعه على خده مسحها بقوه لما سمع صوت تليفونه رد وقال بضيق…ايوه يا عم غانم
غانم قال بضحك…ايه يا عم التاخير ده كله …يعني هو اللي يلاقي هواه ينسى اللي رباه
حمزه ابتسم بسخريه وقال…هواه….انا فعلا مع الهوى..مع الهوى حرفيا
غانم قلق من صوته وقال ..فيه ايه يا حمزه….مال صوتك يا ابني
حمزه قال بحزن وخنقه…مفيش يا عمي…انا …انا دلوقت هرجع متقلقش….مسافة السكه
قال كده وقفل معاه وراح بحزن شديد يركب عربيته بس اتفاجأ بالاربع اطارات نايمين قال بذهول…ايه ده…ازاي كده…يارب هيه ناقصه
بس قاطعه بصوت بيقول…شكلك محتاج توصيله يا دكتور
حمزه التفت للي بيتكلم واتفاجأ بمجموعه من الشباب مسلحين وشكلهم ميطمنش قال باستغراب…انتو مين
واحد منهم قال..مش دكتور حمزه الديب ولا انا غلطان
حمزه هز راسه وقال باستغراب…ايوه انا حمزه…عايزين ايه
الشاب قال بخبث ..لا ابدا مراتي عقبال عندكم بتولد ..ومحتاجين دكتور بسرعه مش حضرتك دكتور نسا توليد
حمزه قال بشك…ايوه انا دكتور نسا و توليد فعلا..بس مش بولد خارج العياده …كمان مش مستريحلكم لو افترضت انكم تعرفو اسمي وشكلي من المجلات …عرفتو مكاني منين متقوليش انك خارج تدور على دكتور يولد المدام فلقتني صدفه ..لان كده المدام يبقى مكشوف عنها الملايه لا مؤاخذه
الشاب ضحك وقال…تبقى اخو مختار فعلا
حمزه غمض عنيه بتفهم وقال..مختار..اممم…كده فهمت…طيب انا مش اخو مختار ….ولا عايز اعرفه ولا هاجي في اي مكان ..تمام
ولسه هيتحرك واحد منهم خبطه على دماغه بقوه
حمزه حس الارض بتتهز من تحته وبقى ينزف ونزل على الارض وهو شايفهم بيشلوه وياخدوه في عربيتهم بس مش قادر يتحرك وبدا يغيب عن الوعي ببطأ
عند مختار كان بيجري ورا البنت اللي نزلت الشارع وبقت تجري بجنون بس قدر بعد مسافه قصيره يحصلها وجابها من شعرها وقال بغضب….اثبتي هنا يا بت اثبتي يا روح امك
البنت بقت تزقه وتقول بزعيق..يا ناس..الحقوني…الحقوني ياناس..انا مخطو….
بس قطعتها لما حست بسل..احه في ضهرها وقالت بسرعه و بابتسامة خوف…مخطووو…به…مخطوبه وده خطيبي…احنا مخاطيب لبعض يعني
الناس بقم يبصولها باستغراب ومختار بقى يساوي شعرها وهو بيقول..مفيش حاجه يا جماعه …مش كده يا حببتي
بصتله بخوف وهو زق السل..اح في ضهرها اكتر فقالت بسرعه….اه اه كده ….احنا مخطوبين وبنحب نجري ورا بعض في الشارع
الناس بصولهم باستغراب ورجع كل واحد لطريقه ومختار اخدها بغضب معاه وقال بتوعد…اصبري عليا ..الصبر طيب
ورجعو الشقه تاني وشاكر معاهم
مختار قال بغضب…..خد البت المقشفه دي دخلها لعبله جوه قلها خليها تستحمى كويس وهحلق شنبي لو نضفت…اخلص يا شاكر انا اتخنقت
شاكر قال بسرعه…لا لا متتخنقش ارجوك …ربنا ما يجيب خنقه ..انا هاخدها اهوه
و اخدها على اوضه من الاوض واول ما دخلو شاكر قال لها …حقك عليا..انا بجد اسف …..انا السبب في اللي انتي فيه ده
البنت قالت بسرعه….انا هنا ليه يا شاكر…الموضوع مش زي ما قولت ان اهلي هياخدوني…انا اصلا غبيه …ازاي صدقت ان اللي خاطفني كل الوقت ده ممكن يرجعني لاهلي بسهوله كده
شاكر اتنهد وقال …انا مش هقدر اقول حاجه…زي ما انتي شايفه انا عبد مأمور …بس انا هحاول والله هحاول اخرجك من هنا بس انتي ساعديني وطاوعيهم في اللي يتقال
البنت اتنهدت وقالت بدموع….انا خايفه يا شاكر…خايفه قوي …هما هياخدو اعضائي في العمليه دي صح
شاكر ابتسم بحزن عليها وقال…ياريت
البنت بصتله بدهشه وشاكر قال بسرعه وتوتر….قصدي متخافيش …محدش هيأذيكي اطمني انا هخرج دلوقت وانتي اسمعي الكلام وبس…ماشي طاوعيهم قد ما تقدري
ونادى وقال…عبله..انتي روحتي فين البت اهيه….عبله…عبله
عبله جات جري كانت بنت في منتصف العشرين وقالت بزهق….يخربيت اللي جابوا عبله ايه منتزفتش نروح الحمام…مش كفايه قولتولي حالا حالا حتى هدومي مغيرتهاش عايز ايه
شاكر قال بسرعه…متلتيش كتير يا بت….اخلصي ساعدي الانسه زي ما قولتلك مختار بيه مستني بره
عبله قالت بسرعه..وانبي مختار بره اشوفه هموت واشوفه
ولسه هتخرج شاكر قال بغضب..ما تظبطي يا بت بنقولك مستعجلين مش وقتو يا اختي
عبله لوت بقها بضيق وقالت…طيب متتزرزرش…تعالي يا حلوه يلا معايا…يخربيت سنينك ايه الريحه دي…دي عايزه تتنقع مش تستحمى يا شاكر
شاكر قال بضيق…اخلصي اتصرفي
عبله اخدتها على الحمام والبنت مشيت معاها بيأس وهيه خايفه ومش عارفه تخلص من المصيبه دي ازاي
بعد شويه مختار كان رايح جاي باستعجال وقال لشاكر روح يا عم استعجلهم اتاخرو قوي
شاكر لسه هيتحرك بس مختار قال بسرعه..ولا اقولك انا رايحلهم
وراح الاوضه فتح الباب بدون استأذان وقال…..هو انتي هتسلخيها يا عبله و……
بس قطع كلامه لما شافها قدامه كانت استحمت ولبست فستان رقيق جدا وملامحها وضحت كان وشها صافي زي الاطفال وشعرها اتفرد كان واصل لخصرها قرب منها وهو تايه في جمالها وقال…هو معقوله كده…انتي حمتيها ولا بدلتيها
…يخربيت جمال امك
بقلم….زهرة الربيع
البنت قالت بضيق….ما تتلم كده وتصلب طولك فيه ايه
مختار ضحك جامد وقال..لا هيه هيه …امان يا بلبله
عبله جريت عليه وحضنته وقالت…وحشتني يا مختار وحشتني قوي
البنت اندهشت من جرئتها ومختار ضمها وهو مركذ على البنت مشالش عيونه من عليها وقال بمغازله …وانتي كمان وحشاني يا قلب مختار…ايه الحلاوه والطعامه والرقه دي يا بت
البنت كانت متأكده انو يقصدها وكانت متغاظه منه وعبله قالت بفرحه..دول عيونك اللي حلوين يا سيد الناس
مختار قال..طيب انا هخلص اللي ورايا وابقى اجيلك يا عبله بس مستعجل دلوقت
ومسك ايد البنت وقال…يلا يا….اه صحيح اسمك ايه
البنت قالت بحزن…معرفش
مختار افتكر انها مش فاكره حاجه ابتسم وقال…روعه….اسمك روعه….هسميك روعه لان مفيش اروع من كده
اتنهدت بخنقه من معاكساته ليها بس كانت عايزه تطاوعه وخلاص زي ما طلب منها شاكر قالت بضيق …اللي تشوفه
مختار شدها من ايدها وخرج بيها
شاكر اول ما شافها اتجمد مكانه وبقى يبصلها باعجاب واضح
مختار ابتسم بخبث وقال…ايه رايك في البت….بقت مكنه …روعه اسم على مسمى مش كده
شاكر اختفت ابتسامته لما قال الاسم ده ولسه هيرد خرج دكتور من الاوضه التانيه وقال…يا مختار بيه كده كتير العمليه بتاخد اكتر من ١٠ ساعات ولسه الاجرائات والتخدير عايزين نخلص
مختار قال بسرعه ..احنا خلصنا خلاص …وبعدين ١٠ سعات ليه ليه ١٠ سعات ده انت هتغير وشها هو انت هتغير الكون
الدكتور لسه هيتكلم روعه قالت بصدمه شديده…مين…مين هيغير……هيغير لمين
مختار ابتسم ببرود وقال…معاك حق تزعلي والله خساره وش القفص ده يتغير ..بس متقلقيش الوش التاني مش بطال برضه
روعه بصتله وعيونها مفتوحين على اخرهم ورجت بصت لشاكر لقته منزل عيونه بحزن
فضحكت بصدمه ضحكتها الغريبه ووقعت من طولها مغمى عليها
مختار قال بسرعه…واهو كده مش محتاجين تخدير شوفت الحياه سهله الزاي ووووو
#في_عشقها_هلاكي
#الحلقه_الثانيه
#زهرة_الربيع

اهي اغمى عليها وريحتنا…كده مش محتاجين تخدير مش كده يلا ابدا العمليه بقى وخلصنا
الدكتور بصله بدهشه وقال…عملية ايه اللي مش هتحتاج تخدير …هو احنا هنخلع لها ضرس يا مختار بيه
مختار اتنهد وبص لشاكر اللي كان بيحاول يفوق روعه وهيتجنن عليها قاله بضيق…شاكر شلها دخلها الاوضه اللي الدكاتره هيشتغلوا فيها …يلا بسرعه مش وقت نحنحه يا حبيبي انا عندي مراره واحده
شاكر قال بتوتر….مش نستناها تفوق طيب
مختار قال بخنقه…. لا…مش هنستنى حاجه كفايه كده
وبص للدكتور وقال …دكتور التخدير جاهز
الدكتور قال…. اه تمام جاهز…بس المفروض نعملها شوية تحاليل عامه قبل ما نبدأ
مختار قال…موجوده شاكر اخد منها العينه وعملها الفحوصات اللازمه ..كل حاجه جاهزه
شاكر دخل روعه اوضة العمليه وطلع بحزن
ومختار قال بضيق….هات التحاليل والصوره يا شاكر
شاكر هز راسه بطاعه وجاب التحاليل والصوره اداهم لمختار
مختار قال بجديه وتحذير…. دي تحاليل شامله ….ودي صورة البنت عايزك تخليها شبها بالملي ولا غلطه لان الحوار ده فيه رقبتي ورقبتي يعني رقبتك يا دكتره
الدكتور بلع ريقه وقال….هتبقى نسخه منها متقلقش
وبقى يبص للصوره كانت لبنت تقريبا في نفس السن بس ملامحها مختلفه تماما
ومسك التحاليل بقى يقراها وبص لمختار وقال ….انت مش قولتلي البنت سليمه معندهاش مشاكل
مختار قال باستغراب…. ايوه فيه دكتور كشف عليها من ايام وقال انها سليمه
الدكتور قال..لا مقصدش الكشف اقصد التحاليل…فيه سيوله شديده في الدم ونقص متوسط في الصفائح
مختار قال بعدم فهم…… مش فاهم يعني ايه الكلام ده
الدكتور قال…ببساطه يعني العمليه متنفعش تتعمل تحت اي ضغط دلوقت …لان احتمال 90% يحصل نزيف كارثي ونفقد البنت
مختار مسكه من هدومه وقال بغضب وقلق …انت بتخرف تقول ايه العمليه دي لازم تتم انت مش دكتور اتصرف
شاكر بقى يحوشه عنه وقال…يا مختار بيه اهدى علشان نعرف نلاقي حل
مختار ساب الدكتور وقال بقلق وجنون…حل ايه…بيقولك مينفعش يعملها العمليه…ده انا ابقى ضعت كده….احنا صدقنا ما لقينا بنت بالمواصفات الللي محتاجينها حلني بقى على ما نلاقي غيرها اكون انا بقى الله يحسن للي خلفوني
الدكتور قال بسرعه وخوف….وتلاقي واحده تانيه ليه ..انا قولت مينفعش نعمل العمليه دلوقت يا باشا مش للابد…نقدر نعالج البنت …هتحتاج ادويه محفزه للنخاع وشويه فيتامينات وهتبقى كويسه جدا
مختار قال بسرعه …طب هتحتاج وقت قد ايه
الدكتور قال….. اقل حاجه اسبوعين او تلاته
مختار جذب شعره لورا وقال بحيره…كتير…مش هعرف انيمهم كل ده..ولسه محتاج قدهم بعد العمليه علشان وشها يبقى طبيعي
وبص لشاكر وقال….كل ده بسببك…قولتلك اعملها كل اللازم كان المفروض تشوف موضوع التحاليل ده يا غبي
شاكر نزل راسه بحرج وقال ….انا يا باشا مكنتش اعرف موضوع التحاليل ده غير من كام يوم بس لما انت قربت تطلع انا كلمت الدكتور وقولتلو يجهز ..فقالي ان لازم تحاليل كذا وكذا قبل ما نبدا
مختار قال بغضب….الغلط من عندي لاني اعتمدت عليك و…..
بس قطع كلامه لما جاله اتصال وبص للتليفون بغضب شديد لما لقاه غانم اللي بيتصل ورد وقال بانفعال…نعم عايز ايه انت كمان مكانش ناقصني انهارده غير اسمع صوتك
غانم قال بتوتر شديد….اكيد انا مش قاتل نفسي علشان اسمع صوتك يا مختار …بس مضطر اكلمك قلقان على اخوك جدا…حمزه عندك او كلمك او تعرف عنه حاجه
مختار اتبدلت ملامحه لقلق شديد وقال….مالو حمزه فيه ايه
غانم قال بتوتر وخوف….بقالو اكتر من ساعه قالي انو راجع البيت وكان صوته ميطمنش ولحد دلوقت مرجعش..بتصل عليه تليفونه اتقفل فقولت يمكن اتكلمتوا او اتقابلتوا انا قلقان عليه قوي
مختار اتسعت عيونه بدهشه وقال..يعني ايه الكلام ده…فهمني ايه اللي حصل بالظبط
بقلم….زهرة الربيع
عند حمزه كان مربوط على كرسي وواقفين قصاده الرجاله اللي اخدوه وهو بيقول بغضب …ايه اللي بيحصل انا مش فاهم..انا هنا بعمل ايه…حد يرد عليا مش بكلم نفسي انا
الشباب مكانوش بيردو وواقفين بزهق من اسالته وحمزه قال بغضب شديد…انتو مش عارفين حجم اللي بتعملوه ..دي قض..ية خطف بالعمد وانا مش هسكت انا …
بس قاطعه واحد منهم لما قرب تليفونه منه وقال….اخوك على الخط عايز يكلمك
وحطله التليفون على ودنه
حمزه قال بغضب شديد…ايوه يا مختار ..انت عملت ايه يا زفت الله يخرب بيتك
مختار قال بتوتر .. حمزه… اهدى خالص متقلقش انا….
بس قبل ما يكمل الشاب سحب التليفون وقال ….عزيز بيه مستنيك…وانت عارف مش بيحب يستنى كتير
مختار قال بخوف….طيب..طيب انا جاي مسافة السكه…حمزه ملوش دعوه يا فخري …الو…الو…فخري
بس الخط اتقطع ومختار جري بخوف شديد وشاكر كان بينادي عليه بس موقفش
في البيت كان غانم رايح جاي بخوف وبيقول..استر يارب…جيب العواقب سليمه
قاعده بنت في العشرين بتعمل ضوافرها بلا مبالاه وقالت بزهق…يوه يا بابا …هتفضل رايح جاي كده كتير ما خلاص بقى هو عيل صغير
غانم قال بتوتر…مش متعود يقفل تليفونه يا منى انا خايف عليه قوي …ليكون لا قدر الله حصله حاجه صوته كان مضايق قوي لما كلمني
منى قالت بخنقه….وافرض يعني انا مش عارفه انت تاعب نفسك ليه…امه ماتت خلاص يعني صلتك بيه اتقطعت هتفضل عايش تحت امره زي الخدم لامتى يعني
غانم قال بضيق..منى الف مره قولتلك حمزه زي اخوك …الراجل ولا مقصر معايا ولا معاك كفايه اننا قاعدين في بيته وهو مش ممانع مش عايز اسمع منك الكلام ده ولا عايزك تضايقيه ابدا سامعه
منى وقفت وقالت بغضب….حاضر يا يابا مش هضايق الامير بتاعك …بس لازم تعرف احنا مش قاعدين عنده …البيت ده والدته الله يرحمها وريثه فيه وهيه اتوفت وهيه على زمتك يعني انت وريث في البيت ده وفي كل حاجه ليها وانا قاعده في ورث ابويا اوعى تنسى النقطه دي احنا مش عايشين عند حد
قالت كده وطلعت على اوضتها وغانم اتنهد وقال …ياترى انت فين يا حمزه
عند حمزه كان متغاظ جدا من الوضع اللي هو فيه وبيقول بغضب …على فكره انا مش زي مختار ..يعني مش هسكت على اللي بيحصل ده وهرفع قضي..ه وهوديكم في داهيه …انتو كده بتجيبوا المشاكل لنفسكم سامعين ولا لا
فخري قال بزهق….ياريتنا مكناش سامعين لاننا زهقنا من كتر ما سمعنا
حمزه لسه هيتكلم دخل عزيز ورامي ابنه والكل اتنفضوا من مكانهم بخوف ووقفوا باحترام
عزيز قرب من حمزه وبصله من فوق لتحت وقال بسخريه…هو ده الديب الصغير…ده اخو مختار
فخري قال …هو يا باشا ومختار جاي على الطريق
عزيز بص لحمزه وقال بابتسامه ….اممم …..جاي على الطريق …كنت متأكد انك اهم حد بالنسباله
حمزه قال بغضب…بس هو ولا حاجه بالنسبالي …ومعرفش عنه حاجه ولا عايز اعرف …ف شلوني من القرف بتاعكم ده ولاقو طريقه تانيه تبتذوه بيها غيري
عزيز ضحك وقال …كان على عيني يا حليوه ….بس للاسف اخوك بايع الدنيا ومفيش غيرك حاليا قدامي..استنا كام سنه كده يتجوز ويبقى معاه حتت عيل نستضيفه هنا علشان نجيبه بيه ووقتها اوعدك هبعدك عن القرف بتاعنا خالص
حمزه غمض عنيه بغضب ولسه هيتكلم دخل مختار وقال …انت مش مضطر لكل ده يا عزيز بيه …كنت كفايه تبعتلي رساله باني وحشتك
عزيز ابتسم والتفت لمختار وقال …حبيب قلبي الغالي….حمد الله على سلامتك يا مخ….ولا نقول كفاره
عند روعه كانت بدات تفوق وفتحت عيونها بتعب وقالت ..اه…اه يا دماغي يانا يا اما ….حاسه اني راكبه مرجيحه
شاكر ضحك بخفه وقال ….سلامتك
روعه قعدت بسرعه وبصتله بقلق وقالت….شاكر…..شاكر كويس انك هنا….هو..هو انا كنت بحلم ولا ايه…ايه اللي سمعته ده…وحياة اغلى حاجه عندك قولي اني كنت بحلم
شاكر قال بحزن…متقلقيش …كل حاجه هتتحل …ربنا بيحبك والعمليه هتتأجل شويه نكون فكرنا هنعمل ايه
وقفت وقالت بذهول وجنون….يعني ايه هتتاجل….يعني ممكن تتعمل…ازاي ازاي يعني …انتو مجانين عايزين تغيروا وشي …وشي ده اخر امل فاضلي علشان اعرف انا مين …عايزين تمحوا اخر حاجه فضلالي …عمري ما هعرف الاقي اهلي لو شكلي اتغير
شاكر اتنهد بحزن ومكانش عارف يقولها ان العمليه دي اسهل حاجه بالنسبه للي هيحصلها
روعه افتكرت حاجه وقعدت قصاده بسرعه وقالت….هو…هو عايز يغير شكلي ليه…هو يعرفني يا شاكر….انتو تعرفوا حاجه عني ….عايزين تغيرو وشي ليه
شاكر بلع ريقه بتوتر ومكانش عارف يرد عليها ومحتار يقول ايه
بقلم….زهرة الربيع
عند نسيم كانت واقفه بتحضر العشا ووشها وارم وواضح عليه اثار الضرب ودموعها بتنزل بغزاره كل شويه تمسحهم بضهر ايدها وينزلو تاني بحسره
انتفضت بخوف لما حست بادين بتحاوطها وكان جمال اللي قال بسرعه…اشش ده انا يا نسومه فيه ايه
نسيم قالت بغضب مكبوت…. لو سمحت ابعد عايزه اخلصلك العشا وانام تعبانه
جمال اتنهد وسند دقنه على كتفها وقال ….حقك عليا…كانت تتشل ايدي قبل ما امدها عليك….بس انت كمان يا نسيم اللي بتجننيني عليك..فيه واحده تقول لجوزها الكلام اللي قولتيه…انا متعاشرش وحرامي ده كلام يا نسومه …ده انا بموت فيك يا بت …عموما خلاص المسامح كريم وانا مسامحك …اقولك سيبي من ايدك يلا انا طلبتلنا شويه كباب وكفته على جوزين حمام يستاهلو بقك …ولا تتعبي اديك الحلوين دول انتي برنسيسه الاكل يجيلك لحد السرير
نسيم نزلت دموعها اكتر والتفتتله وقالت بوجع….انت مبتملش …مبتتعبش …انت ازاي كده
جمال قال باستغراب..كده ازاي يعني
نسيم مقدرتش تسكت وقالت بانفعال…يعني مقرف وغبي كمان….لو فاكر انك هتضربني وتهزأني وتهين كرامتي وتيجي تراضيني بكلامك المقرف بتاع كل مره تبقى غلطان انا مش جعانه زيك علشان اتراضى بعشوه فاهم
جمال قال بخنقه..وليه الغلط بقى …مهو كلامك ده هو اللي بيجبلك الاذى
نسيم قالت بغضب…..لا الغلط مش في كلامي الغلط على اللي قابل على نفسه الكلام ده…ارحمني بقى يا اخي حل عني…كفايه…كفايه انت ايه
قالت كده ولسه هتمشي مسك ايدها بقوه وقال….انت شكلك كده يا حلوه خدتي عليا ذياده…بس براحتك .. متجيش بقى تعيطيلي وتترجيني زي المره اللي فاتت لان قلبي رهيف ومبستحملش
قال كده ودفعها بقوه اتخبطت في المطبخ ورغم الم ضهرها لكن نادت عليه بسرعه وقالت ببكا..استنى
جمال ابتسم بمكر ونسيم نزلت دموعها بحسره وقالت ….عايز ايه
جمال قرب منها وقال ببرود…هعوز ايه يعني من مراتي حبيبتي غير قعده حلوه …الاكل هيجي وعايز نتعشى في اوضتنا وقرب منها قوي وحط ايده عليها وقال بطريقه مقرفه ….نتعشى ونهضم سوا وننبسط..اهم حاجه ننبسط يعني فكي التكشيره دي وضحكتك تلعلع في البيت علشان نفسي تتفتح
نسيم بصتله باشمئزاز ووجع وقالت….هو الضحك كمان عافيه
جمال ابتسم وقال ….كل حاجه متجيش بالزوق بتيجي عافيه يا قلبي ..يلا…يلا وريني الابتسامه الحلوه
نسيم زادت دموعها بس مسحتهم بسرعه وابتسمت بالعافيه وبتعب كأن روحها بتتسحب
جمال طبطب على خدها وقال…برافو يا قلبي يلا هروح انا اجهز القعده وانتي رصيلي حجر شيشه على مزاجك
قال كده ومشي وهو بيصفر ونسيم بقت تلعنه وتبكي بحرقه
بس سكتت فجأه لما جات عينها على ادوات المطبخ وسحبت سكي..ن كبيره وايديها بترتعش والحقد مالي قلبها وعيونها
عند مختار دخل وبص لحمزه لقاه مربوط ومتبهدل ودماغه مجروحه اثر الضربه بتاعة رجالة عزيز …داس على اسنانه بغضب ورجع بص لعزيز وقال….ولما انا حبيبك دي معامله تعامل بيها حد من طرف حبيبك
عزيز ابتسم ببرود وقال…. مهو عشان من طرفك لسه عايش يا مخ ..ولا السجن نساك مين عزيز
مختار اتنهد وقال….حمزه ملوش دعوه …خرجه وهنتكلم
حمزه قال بغضب…والله…لهو انت بعد ما مشيت في القرف ده واتعاملت مع ناس مقرفين زي دول متوقع ان الاذى هيقف عندك….اللي يدوس برجله في الوساخه مسيره هيرجع البيت ويوسخه
فخري اتقدم على حمزه وهو بيقول….ما تتلم ياض لالمك
وضربو قلم قوي
حمزه بصله بطريقه تخوف ومختار مسك فخري من هدومه وقال بصدمه وغضب …انت عملت ايه…انت ازاي تمد ايدك …ازاي تمدها وقدامي كمان…. ونزل فيه ضرب
عزيز اتنهد بخنقه وقال بغضب…خلاص يا مختار…خلاص
بس مختار كان بيضربه ومش سايبه وهنا ادخلوا رجالة عزيز بعدوه عنه
عزيز قال بسخريه…ليه كده بس يا فخري…زعلت الديب مننا ده كلام
مختار قال بسرعه وبدون تفكير…انا لقيت الامانه اللي انت عايزها…بس مش هتكلم غير لما حمزه يطلع من هنا
عزيز اتسعت عيونه بذهول وبقى مش مصدق اللي سمعه ووووو
#في_عشقها_هلاكي
#الحلقه3
#زهرة_الربيع

انا لقيت الامانه اللي انت قالب الدنيا عليها…بس مش هقول ولا حرف الا لما تسيبوا اخويا ويخرج من هنا
عزيز اتجمد مكانه وبقى مش مصدق اللي بيسمعه نطق بالعافيه وقال…بجد…بجد يا مختار ولا دي لعبه منك
مختار حاول ميتوترش وقال…هو ينفع حد يلعب معاك يا باشا…سيب حمزه وهنتفاهم
عزيز لسه هيتكلم حمزه قاطعه وقال بغضب ..تتفاهمو في ايه…انت هتورط نفسك في ايه كمان…امانة ايه اللي معاك ؟.. انت ماتعظتش من التلت سنين اللي اتسجنتهم
مختار اتنهد وقال …اطلع انت يا حمزه ..روح وملكش دعوه بالباقي …متقلقش مفيش اي مشاكل تاني ان شاء الله
عزيز قال بسرعه ولهفه…..اخوك معاه حق يا دكتور روح انت ومتقلقش من حاجه
يلا يا رجاله فكوه
رجالة عزيز فكو حمزه اللي بص لمختار بقلق وقال…امشي معايا يا مختار…متجبش لنفسك مصايب اكتر…بلاش تقضي عمرك كلو في السجون
مختار ابتسم لانه حس انه خايف عليه وقال…متقلقش يا حمزه…روح انت ومتخافش ابدا… انا عامل حساب خطواتي كويس المرادي
حمزه هز راسه بيأس وقال بسخريه …..اتمنى
قال كده ومشي ولسه هيخرج رجع تاني وقرب من فخري وفاجأهم لما ضربوا قلم قوي جدا وقال…معلش دي امانتك عندي كان لازم ارجعهالك قبل ما امشي
فخري اتعصب وعايز يهجم عليه بس عزيز شاور بايده ومنعه
وحمزه ابتسم بسخريه وقال….انا ضربتك دلوقت لاني معتمدتش على اللي عمله فيك مختار ..علشان انا باخد حقي بدراعي ومليش كبير …بس انت مقدرتش تمد ايدك لان كبيرك منعك وهتفضل كده طول عمرك صغير وفيه اللي اكبر منك
فخري بصلو بغيظ شديد وحمزه مشي وهو مضايق من مختار او مضايق عليه مش قادر يحدد بس اللي يعرفه ان اليوم ده كان من اسوء ايام حياته من بدايته
عزيز بص لطيف حمزه باعجاب وقال…ماشاء الله الجينات واضحه ..مش بس دمكم واحد…. كمان قوة قلبكم واحده
مختار حس بقلق من كلامه وقال بسرعه….شيل حمزه من دماغك علشان نفضل حبايب
عزيز ضحك جامد وقال ….ذكائك ده هو اللي بيبهرني كل مره …عموما متقلقش على اخوك …ميلزمنيش في حاجه…خلينا في المهم اخوك مشي… البنت فين
مختار بلع ريقه بتوتر وقال….مش معايا
عزيز اتسعت عيونه بذهول وقال بغضب..نعم يا روح امك
ورجالته فورا رفعوا اسلحتهم في وش مختار
بقلم…..زهرة الربيع
عند روعه كانت بتتحايل على شاكر علشان يتكلم وقالت…وحياة اغلى حاجه عندك يا شاكر لتقولي هو ليه عايز يغير وشي هيعمل فيا ايه
شاكر اتنهد وقال…ياروعه ما انا قولتلك معرفش
روعه قالت بغضب …متقوليش زفت …انتو اش عرفكم ان اسمي كده
شاكر قال …طيب مش هتخسري حاجه مشي حالك بيه لحد ما نعرف اسمك الحقيقي..اهو يتقالك ياروعه احسن ما يتقالك يا بت
روعه نفخت بضيق وقالت ..طيب ما علينا …خلينا في المهم قولي قبل ما يرجع ليه عايز يغير شكلي
شاكر فكر شويه بتوتر واتسعت عنيه لما جاتله فكره وقال بسرعه..مراته
روعه بصتله باستغراب وقالت ..ايه مراته..مراته يعني ايه
شاكر اصتنع الحزن وقال بتمثيل….كان يا مكان
روعه قالت بخنقه…انت هتحكيلي حدوته
شاكر قال …قصدي في يوم من الايام مختار مكانش كده كان انسان كويس ومتربي….بس حب واحده وكانت حته من قلبه…لا دي كانت كل قلبه واتجوزها ويشاء القدر المر ان تاني يوم جوازهم وهما في شهر العسل مراته تغرق في البحر ومن وقتها ومختار بيحمل نفسه ذنب موتها وبيقول انه مقدرش يحميها و…..
روعه قاطعته وقالت بسرعه..اااه زي فيلم …بتاع امينه خليل وحسن الرداد صح
شاكر بلع ريقه بارتياك وقال…حاجه شبه كده …بعدها بقى يزور دكاتره لان حالتة النفسيه سائت جدا واخير اجمعو كلهم انه لازم يعيدو المشهد من تاني ويقدر ينقذها ده الحل الوحيد لازم كل حاجه تتنفذ زي ما حصلت يومها و…..
قاطعته تاني وقالت …زي فيلم عيال حبيبه بتاع حماده هلال مش كده
شاكر اتوتر اكتر وقال….مش قوي يعني…المهم احنا جهزنا كل حاجه معادا البطله اللي هتقوم بدور مراته ومحتاجينك تحلي محلها دي مسأله انسانيه هنغير وشك وهتمثلي انك مراته نص ساعه بس و….
قالت بمقاطعه تاني…زي فيلم نص ساعه جواز بتاع شاديه صح
هنا شاكر قال بانفعال…..لا مش صح …هو انتي ناسيه اسمك واهلك وفاكره الافلام كلها …ده ايه الغلب ده
روعه ضحكت وقالت ….لا دول سمعتهم بعد ما فقدت الذاكره يا خفيف…. اصلي وانا في المستشفى طول فترة تعبي كنت متصاحبه اوي على ممرضه عسوله كده كانت تديني تليفونها اتسلى وكانت محمله عليه افلام كتير قوي ….المهم
انت هجاص ياله….كل دي حورات مهروسه ….عمال تجمع من كل وادي كلمه ….انسانية ايه وزفت ايه انتو هتغيروا وشي هو انا هغير هدومي لا ويقولي كانت كل قلبه ليه هو صاحبك اخطبوط بتلت قلوب ده حضن البت اللي جوه ساعه وكان بيعاكسني وهو حاضنها
شاكر بلع ريقه وقال..هو..احم …هو حضن جوه
روعه قالت بتاكيد..اه وعاكسني كمان
شاكر اتنهد بيأس وقعد على الكرسي وقال..حضن وعاكس…يبقى لما يجي بقى يقولك عايزك ليه…بلا وجع دماغ
روعه نفخت بخنقه بعد ما ايقنت انه مش هيقولها حاجه …وقعدت قصاده وهيه متوتره ومش عارفه ايه اللي هيحصلها
عند نسيم راحت عند جوزها في الاوضه لقته قاعد على السرير والاكل الي طلبه قدامه ومشغل اغاني شعبيه وبيدندن معاها واخر روقان
اول ما شافها قال …نوسه تعالي يابت الاغنيه دي لايقه عليك قوي… ايه رايك تحلي القعده وتهزي عليها شويه
نسيم كانت بتبصله بغل وبتحاول تخبي السك..ين ورا ضهرها وقربت منه وهيه بتصتنع البسمه وقالت…حاضر…هعملك كل اللي تحبه انهارده
ووقفت قدامه بالظبط وقالت…علشان هيبقى اخر ايامك وهجمت عليه بالس..كين بس اتصدمت لما لف ايدها بسرعه وكانه كان عارف انها ناويه على كده
نسيم اتفاجأت وبقت تحاول تفك ايدها من قبضته وجمال بقى يضغط على ايدها بقوه لحد ما السك..ين وقعت منها واول ما وقعت ضربها قلم قوي جدا
نسيم اتالمت جدا وحطت ايدها على خدها بوجع وهيه بتبصله بغل وجمال بصلها بغضب ومسكها من فكها بشده وقال ….عايزه تق..تليني….عايزه تموتيني يا بت الكلب وضربها قلم تاني
نسيم بقت تبكي وقالت بغل من وسط دموعها …مش طيقاك يا جمال …طلقني …سيبني في حالي بقى
جمال مسكها من شعرها وقال بغضب…مفيش طلاق يا نسيم…وهتقعدي زي الجزمه مسمعلكيش صوت والا ورحمة ابويا لاخلي الموت نعمه تتمنيها سامعه
قال كده ودفعها بغضب على الارض ومشي خطوات بس رجع تاني اخد الاكل وقال ….خليكي جعانه متستهليش اي خير يتعملك …صنف زباله مكانه الزباله
واخد الاكل ومشي ونسيم ابتسمت وسط دموعها بسعاده وهيه مش مصدقه نفسها انه خرج من الاوضه ومش هيقربلها ولا حتى هيتنفس جنبها قامت بسرعه قفلت الباب من جوه واترمت على السرير بتعب واستسلمت لنوم عميق نادرا ما بتحس بيه
عند حمزه رجع البيت بتعب وغانم جري عليه حضنه وهو بيقول…حمزه الحمد لله يارب الحمد لله
حمزه ابتسم وقال…يستاهل الحمد يا عم غانم…متقلقش انا كويس
غانم بصله بقلق وقال…لا انت مش كويس ابدا هو انا هتوه عنك ولا عن صوتك و
بس قطع كلامه وقال بخضه…ايه الدم اللي على قميصك ده….فيه ايه يا ابني ايه اللي حصلك طمني فيك ايه
حمزه اتنهد وقال بسرعه علشان يهديه….والله انا كويس..دي…احم…دي حادثه بسيطه كده وانا كويس دلوقت
غانم قال بقلق…حادثه …ما انا بقول برده اتاخرت ليه…طب ليه مكلمتنيش اجيلك يا ابني…طب يلا يلا بينا نروح المستشفى نطمن عليك يلا
حمزه قال بسرعه…والله ما مستاهله ابدا جرح بسيط خالص وهعقمه الحاجه معايا فوق ..متقلقش بقى
غانم قال …بس يا ابني نكشف نطمن يمكن تكون فيه حاجه في جسمك مش واخد بالك ليها
حمزه اتنهد وقال…متقلقش يا عم غانم انا متاكد ان جسمي سليم ….بس انا فيه حاجات كتير عايز احكهالك بس مش قادر اتكلم دلوقت…هطلع اغير واريح ونتكلم وقت تاني
غانم هز راسه بالموافقه وهو مش مطمن وقلقان وحمزه طلع على اوضته بتعب شديد
عند مختار كانت اسلحة عزيز في وشه قال بضيق….عيب كده يا رجاله …مش انا اللي يترفع سل..اح في وشي
عزيز قال بغضب…فعلا المفروض السل..اح يفضى في دماغك مش بس يترفع..انت فاكر هتضحك عليا تقولي خرج اخويا ولما اخرجه تقولي البنت مش معايا….طب ما انا اقدر اجيبه تاني وتالت ولا السجن نساك مين عزيز
بقلم……زهرة الربيع
مختار اتنهد وقال…انت فهمتني غلط…انا قولتلك عرفت مكان البنت…بس هيه لسه مبقتش معايا…بس في اقل من شهر هكون جايبهالك لحد عندك هنا
عزيز بصله باستغراب وقال..ايه شهر…شهر ليه
مختار حاول يستمر على ثباته وقال…ده الوقت اللي انا محتاجه …وانا ادرى بشغلي
عزيز قال بشك …..وانا اصدقك ليه…مش يمكن بتنيمني علشان تكسب وقت
مختار اتنهد وقال…هكسب وقت لايه بالظبط ….انا لو حاولت اسافر هتعرف وهتوقفني …هاخد وقت لايه بالظبط ….البنت عرفت مكانها بس محتاجه خطه محكمه علشان اجبها..انا عمري ما كدبت عليك…انت عمرك ادتني مهمه ومنفذتهاش
عزيز فكر شويه بتردد وشاور لرجالته ينزلو اسلحتهم
وبالفعل كله نزل
مختار ابتسم وقال…كده نرجع للشغل…البنت هتبقى عندك على اول الشهر الجديد باذن الله….وطبعا دي حلاوتها كبيره زي ما اتفقنا
عزيز ابتسم وقال وهو بيتمنى يكون كلامه صح…اشوفها بس قدامي….واللي تطلبه كله وقتها يا مختار قليل عليك
هنا رامي قلب وشه بغضب شديد وبص لمختار بتوعد ومشي من غير ولا كلمه
مختار ابتسم بسخريه وهو متوتر من جواه وبيحاول ميبينش قدامهم
في صباح يوم جديد مختار صحي من النوم في اوضة الفندق على رنه موبايله فتح وقال بنوم…الو….فيه ايه يا شاكر على الصبح
شاكر قال ….اخيرا رديت يا باشا …قلقتني عليك امبارح جريت ومن وقتها برنلك مش بترد
مختار قال بضيق…كنت عند عزيز
شاكر قال بتوتر….. ايه عزيز
مخنار قال …اممم كان خاطف حمزه …وروحت طلعته ورجعت متأخر ونزلت على الاوتيل اللي كنت بايت فيه…انت عملت ايه
شاكر قال..ابدا الدكتور كتب لي الروشته للبنت واخد فريقه ومشي …والبنت مش مبطله اسأله ليه هنغير وشها
مختار فرك دماغه بضيق وقال…اسمع خليها تجهز هاخد حاجتي من الاوتيل واعدي اخدها
شاكر قال بقلق…هتروحو فين
مختار قال بقلق واضح…البنت دي لازم تفضل تحت عيني…لازم تخف باي طريقه وتعمل العمليه في اسرع وقت …مش بس حياتي بقت متعلقه بيها..دي حياة اخويا كمان
شاكر قال بتوتر..يعني يعني هتقعدو فين لحد ما تخلص العلاج…مش هتسيبها معايا
مختار قال…… لا مش هينفع عندك…انا هاخدها على بيتنا..لازم افضل جنب حمزه كمان
شاكر قال بدهشه ايه..البيت…وهو حمزه بيه هيرضى…هتقوله ايه عنها وهتدخلها ازاي
مختار ابتسم بسخريه وقال …دي لعبتي انا
عند حمزه كان في المستشفى وقاعد مع دكتوره جميله معاه في القسم قالت…هو انت لازم تحتاجني حتى اشوفك
حمزه ابتسم بالعافيه وقال..معلش يا نجوى انا انهارده دماغي مش فيا مش هقدر اعمل عمليات حالتي النفسيه زفت …روحي لحالة الولاده اللي عندي وانا هخلصلك كل الكشفات اللي قدامك دي
نجوى ضحكت وقالت..انا بهزر معاك يا دكتور …بس انت غلطان برده …اول حاجه انت دكتور قيمه وقامه مش تحت التدريب …يعني المفروض تبقى اتعودت وتعرف تفصل بين الشغل والمشاكل الشخصيه
حمزه افتكر نسيم وحس بقلبه بيغلي وقال…كل حاجه كنت بعرف افصل فيها…بس الحمل المرادي تقيل قوي…عموما يلا بقى روحي للمريضه وانا هخلص كشوفات هنا ونطلع نتغدى ونفصل سوا
نجوى قالت بفرحه…بجد يا حمزه هنطلع نتغدى سوا
حمزه حاول يبتسم وهز راسه بالموافقه
نجوى طلعت بفرحه وهو قعد على الكرسي بتعب شديد ونادى للممرض وقال…دخل باقي كشوفات الدكتوره نجوى انا هكمل
الممرض خرج وحمزه كان حاطط اديه على دماغه بتعب وسمع خبطات على الباب حاول يبتسم وركذ وقال..اتفضلي اهلا وسهلا
المريضه دخلت وقالت اهلا يا دكتو….
بس قطعت جملتها بذهول وحمزه وقف بصدمه لما لقاها نسيم
نسيم اتصدمت اكتر منه واول ماشافته جريت على الباب بسرعه علشان تهرب ومتتواجهش معاه بس حمزه جري وقفل الباب بايده وبصلها بغضب شديد وووو
#في_عشقها_هلاكي
#الحلقه4
#زهرة_الربيع
نسيم جريت علشان تهرب لما لقت حمزه هو الدكتور بس هو وقفها لما سبقها للباب وقفله وبصلها بغضب شديد وقال….على فين يا …يامدام
نسيم بلعت ريقها بارتباك وقالت….انا…احم ..غيرت رأيي مش عايزه اكشف
حمزه قرب عليها وقال بغضب مكبوت …السبب
نسيم رجعت لورا بقلق وقالت بصوت طالع بالعافيه
…مش..مش بكشف غير عند دكتوره ست …قالولي ان فيه دكتوره اسمها نجوى هنا
حمزه ابتسم بسخريه وقال…وده ادب منك
وبصلها بطريقه قلقتها اكتر وقال…ولا غيره من جوزك
نسيم قالت بتوتر…انا عايزه امشي لو سمحت
ولسه هتتحرك شدها من ايدها غصب عنها وزقها على الكرسي اللي قصاده وقال …الدكتوره شويه وهتيجي
وقعد قصاد اللاب وهو مش بيبصلها
نسيم قالت بدهشه…هو الكشف بالعافيه هنا ولا ايه…قولتلك هاجي وقت تاني
حمزه فضل مكمل شغله على اللاب وقال….اسمك الثلاثي
نسيم قالت باستغراب …نعم
حمزه بصلها بطرف عينه وقال..هعملك الفايل بتاعك لحد ما دكتوره نجوى تيجي..لاني قولتلها هجهزلها الشغل لحد ما ترجع…اتفضلي قولي اسمك الثلاثي
نسيم نفخت بضيق وقالت…نسيم حمدي نصار
حمزه قال بنفس البرود…سنك
نسيم قالت بخنقه…٢٥ سنه
حمزه قال بنفس الطريقه….. متجوزه ولا سنجل
نسيم بصتله بدهشه وقالت …نعم ما انت عارف ان…
بس حمزه قاطعها وقال بسرعه…انا معرفش حاجه…انا هنا دكتور وانتي مريضه مطلوب بيناتها..لو سمحتي متعطلنيش
نسيم نفخت بغيظ وقالت….متجوزه
حمزه قال بضيق…بقالك قد ايه متجوزه
نسيم اتنهدت وقالت….سنه
حمزه مسك قلم وبقى يحركه في ايده بغضب وقال…حامل
نسيم قالت بعدم فهم …ايه
حمزه التفتلها بغضب وقال..انتي حامل ؟ جايه متابعه يعني
نسيم هزت راسها بالرفض وقالت بعصبيه…لا…لا مش حامل….وكشفت كتير قبل كده وعمري ما اتسألت كل الاسأله دي
حمزه قال بعمليه….يبقى اكيد مكشفتيش عندي قبل كده…لان انا لازم بعمل الفايل ده للمرضى …انا دكتور نسا وتوليد..يعني احتمال اتابع مع المريضه تسع شهور ولازم يبقى عندي بيناتها
نسيم نفخت بضيق وقالت …طيب اي اساله تانيه
حمزه التفتلها وبص لوشها ولاثار الضرب الواضحه عليه وقال بسخريه….مش جايه متابعة حمل…امال جايه هنا ليه …هو الحب اللي في وشك منتشر في اماكن تانيه ولا ايه
بقلم…..زهرة الربيع
نسيم اتصدمت ولمعت عيونها بالدموع وقالت بغضب..احترم نفسك..انا خارجه ومش هكشف انهارده اصلا
ولسه هتمشي شدها من ايدها بقوه رجعها على الكرسي وشد الكرسي عليه بقت قدامه بالظبط وبص لعيونها بقوه وقال….اتجوزتي ليه….ليه عملتي فيا كده
نسيم بصتله بوجع ومبقتش عارفه ترد تقول ايه
عند روعه كانت خاربه الدنيا ومش عايزه تركب مع مختار العربيه وماسكه باديها في الباب وبتدفع برجليها وكأن جسمها لوح خشب مش عارف يدخلها ولا حتى بالقوه قال بانفعال شديد وتعب…يابت اركبي جبتيلي غضروف هو انا بركب جاموسه…اخلصي هخبطك على دماغك اجيب اجلك
روعه هزت راسها بالرفض بعنف وقالت …لا والف لا ..مش قبل ما اعرف هتاخدني فين…انتو عايزين مني ايه…هتعملو فيا ايه
مختار عض على شفته بغيظ رهيب ومسكها من هدومها وقال بغضب…ورحمة امي لو ما ركبتي حالا ل….
بس قاطعه شاكر وقال بسرعه….اهدى انت يا مختار بيه انا هخليها تركب …معلش علشان خاطري اديني دقيقه واحده دقيقه والله مش اكتر
مختار قلب عيونه بزهق وقال…اتفضل…اقنع الهانم …اتحايل على البرنسيسه…شوف طلبات الاميره
شاكر بص لروعه وقال بهدوء…روحي معاه يا روعه….متقلقيش ..هو هياخدك على مكان امن من هنا….وانا مش هسيبك صدقيني…. وحتى هاجي علشان اشوفك…. اوعدك
روعه هديت شويه وقالت بحزن…انت كمان مبقتش امنلك يا شاكر…انت بتسمع كلامه في اي حاجه وخلاص
مختار ولع سيجاره واتكأ على العربيه وهو بيسمعهم وحاطط ايده على خده وكأنه بيسمع اغنيه رومانسيه
شاكر بص لروعه وقال بابتسامه…انا عارف ومعاك حق تزعلي مني بس صدقيني غصب عني….بس اكيد مش هسيبك تتأذي متقلقيش…يلا …يلا علشان خاطري اركبي معاه
روعه بصتلو شويه واتنهدت بيأس وقالت ….لا
هنا شاكر ومختار اتصدموا كانو متوقعين انها اقتنعت بس روعه بصت لشاكر بغضب وقالت…انت العن منه على فكره …ولا ناسي انك انت اللي جبتني ليه هنا…انا مبقتش اصدقك ولا هسامحك على اللي عملته….فاكر نفسك جوز عمتي هسمع كلامك هائاو كان فيه وخلص
شاكر اتنهد بحزن وقال…ياروعه انا….
بس مختار قاطعه وقال بسرعه…بس بس…انت خدت فرصتك كده ابعدلي شويه سبهالي….بص واتعلم الاقناع بيبقى ازاي
روعه نفخت بضيق ومختار قال… بصلي يا حلوه علشان تفهميني
روعه بصتله بضيق وقالت…اتفضل ارغي
مختار ابتسم بخبث وفاجأها لما ضربها بدماغه بقوه في دماغها
روعه فتحت بقها وهيه بترمش بعيونه بصدمه ووجع وقالت بالعافيه…يا ابن الغداره
ووقعت بين اديه
مختار ابتسم باستهزاء وقال…مسكينه… هو انتي لسه شوفتي غدر
شاكر قال بذهول….. انت عملت كده ليه …ليكون جرالها حاجه
مختار قال بسخريه …متخافش يا حنين مش هتموت من دماغ وشالها حطها في العربيه وبقى يبصلها شويه وهيه نايمه وشكلها مغري جدا وقال بوقاحه …اااخ البت زي الملبن ..بسبوسه ..والمقادير مدروسه
شاكر قلق لما قال كده وقال بسرعه…مختار بيه دي امانه عندك ..اكيد مش هتخون الامانه
مختار رفع حاجبه بدهشه وقال…مش هخون الايه
وضحك من قلبه وطبطب على كتف شاكر وقال بسخريه ….يلا يا حبيبي على وشك عدل على اقرب مطعم..دي اعراض الجوع انا عارفها كويس
وضحك تاني وركب العربيه وهو بيقول…. قال امانه قال
وساق بيها وشاكر جذب شعره لورا بقلق وهو حاسس بجبل على قلبه
عند حمزه كان محاصر نسيم ومانعها من انها تمشي وقال بغضب مكبوت…ردي على سؤالي مش اتخرستي….ليه عملتي كده …ليه …ليه اتجوزتي ونسيتي كل الي بنا ..لا وكمان مثلتي انك متعرفنيش ..للدرجادي مسحتيني من حياتك يا نسيم
نسيم لمعت عيونها بالدموع وقالت بتوتر…انا..احم انا فعلا معرفكش
حمزه بصلها بذهول من اجابتها الغبيه وقال…نعم…ههه متعرفنيش ….متعرفنيش ازاي
وكمل بسخريه وقال…فعلا معاك حق شكلي اتغير قوي.. لبست نضاره
وقلع نضارة القرايه اللي لابسها وقال…ها….ايه كده افتكرتيني
نسيم قالت بضيق…حضرتك بتستظرف
حمزه ضرب على المكتب بغضب وقال….مش زي استظرافك …انتي هتستهبلي ..متعرفنيش ازاي ايه فقدتي ذاكرتك
وحاول يهدى وقال بتأثر …معقوله نستيني… نسيتي اللي كان بنا ….نسيتي الليالي اللي قضتيها في حضني والسرير اللي ياما جمعنا
نسيم اتسعت عيونها بدهشه وقالت بسرعه….ليالي ايه….وسرير مين انت هتستعبط انت عمرك ما لمستني يا حم…..
بس قطعت كلامها وداست على شفتها وهيه بتلعن غبائها وحمزه ابتسم وقال بسخريه…يعني طلعتي تعرفيني
نسيم اتنهدت وقالت…انا قصدي اني اعرفك اكيد بس ناسيه…يعني كنت اعرفك زمان خالص وده كان ماضي ونسيته
حمزه ابتسم بوجع وقال…نسيتي…طيب يا ست نسيم انا افكرك بيا
…انا حمزه ….حمزه اللي حبك اكتر من نفسه …اللي كان يحلم بيك وهو صاحي …انا اللي اترجتيه وهو مسافر وقولتيله اوعى تعرف غيري وتنساني …انا اللي خلتيه يوعدك الف وعد انه يرجعلك وميبصش لاي واحده
ولمعت عيونه بالدموع وكمل وقال…انا الغبي اللي نفذ كل وعوده ورجعلك بقلب مدقش ولا دقه لغيرك …ومنع نفسه عن الدنيا كلها علشانك…. ايه افتكرتيني كده ولا تحبي افكرك اكتر
نسيم نزلت دموعها وبقت تحاول متبكيش وقالت بدموع….انا اسفه…اسفه …ارجوك سبني امشي…انا تعبانه ومش ناقصه
حمزه غمض عيونه وبص بعيد وهو بيحاول يتمالك نفسه ويحبس دموعه وقال …عايز بس اجابه لسؤالي وهسيبك تمشي
والتفتلها وقال برجاء واضح في عيونه…اتجوزتيه ليه….بيهددك بحاجه …اتجبرتي على جوازك منه….انا لما جيت كان بيضربك …وباين على وشك انها مش اول مره…انا اعرفك كويس مش انتي اللي ترضي بالذل ده…قوليلي وهساعدك…هقف معاك ومش هتندمي…قولي يا نسيم اي حاجه غير انك بعتيني كده بسهوله
نسيم بصتله وبلعت ريقها بتوتر وهيه مش قادره تنطق
عند مختار وصل بيتهم ونزل وشال روعه ودخل بيها
غانم كان بيهزر وبيضحك مع بنته واول ما شافه وقف بدهشه وقرب منه وقال…مختار…اذيك يا ابني…مين..مين اللي معاك دي
مختار ابتسم ببرود زي العاده وقال..اولا انا مش ابنك …ثانيا ملكش دعوه
ولسه هيطلع غانم وقف قدامه وقال…استنى انا بكلمك..يا مختار….يا ابني اخوك تعبان الفتره دي متذودش عليه مين دي اللي هتطلع بيها كده وجبتها منين…وعملت فيها ايه اصلا
مختار قال بخنقه….كل الاسالة دي مش من حقك تعرف اجابتها…متعملش فيها ابونا….. عمرك ما هتخاف على حمزه اكتر مني… لما يجي انا هفهمه…. خليك في حالك
وبص بطرف عينه لمنى بنت غانم وغمزلها وقال…منوره يا مدوره
منى نزلت عيونها بكسوف وغانم قال بغضب…كلمني انا هنا
مختار قال بخبث ..بص نصيحه مني سيبك مني انا وحمزه خالص ..وخليك في بنتك بدل ما انت بتمارس الأبوه على غيرها وسايب المدوره في البرد كده ….هات لها متر قماش تكمل فستانها قرونك دخلت في عيني و فيه شباب محرومه في البيت بذات انا …بمووووت في اللحوم بانواعها وقد اعذر من انذر
قال كده وطلع على الطابق التاني وغانم بص لطيفه بغضب وقال..وقح ومشافش تربيه ….وبص لبنته وقال بغيظ..وانتي مش الف مره قولتلك تلبسي حاجه طويله عاجبك اللي قاله ده يلا غوري البسي حاجه كويسه يلا
منى قالت بتوتر…. يابابا ما احنا كنا قاعدين لوحدنا هعرف منين انو جاي بس
غانم قال بغضب…بلا بابا بلا زفت يلا اطلعي غيري ولو لوحدنا ومفيش مخلوق تلبسي عدل برضه
منى ضحكت وقالت…… حاضر اللي تشوفه يا بابا
وطلعت وهيه مبسوطه جدا بوجود مختار ورجوعه البيت
عند مختار اخد روعه على اوضة حمزه لان اوضته مقفوله ومش متنضفه وحطها على السرير وبصلها شويه بقى يتامل ملامحها الجميله وعودها المظبوط بالملي وقال….مش حرام بطرمان العسل الصافي ده يتكسر ويدلق وهو مقفول محدش داقه
واخد نفس عميق وقال ….اجمد يا مختار اجمد بلاش فضايح هنا كفايه اللي حمزه هيعمله فيك
قال كده وراح استحمى وغير هدومه ولبس من هدوم اخوه اللي كانت على مقاسه لانهم قريبين من بعض في الجسم وبص لروعه وكانت لابسه الفستان اللي جابهولها من امبارح وكان مطرز كتير
طلع من الاوضه وقف على السلم ونادى لواحده من الخدم وقال….انتي يا بت اسمك ايه
البنت قالت بتوتر…اجلال يا بيه
مختار قال …طيب بصي يا اجلال هتروحي تنضفي اوضتي كويس جدا متخليش فيها ترابه واحده
اجلال قالت…ماشي يا بيه
مختار قال …وقبل ده تدخلي اوضة والدتي الله يرحمها تجيبيلي منها غيارين لحد ما تصرف ..اه و قميص نوم كمان
بقلم…..زهرة الربيع
الخدامه اتسعت عيونها بدهشه وبصت لغانم بتوتر
بس مختار قال بسرعه وتحذير ..لا بصيلي انا هنا..اسمعي انتي جديده هنا ومتعرفيش القوانين….. انا رجعت البيت يعني من هنا ورايح الكلمه اللي اقولها ولا تاخدي رأي حمزه فيها ولا الارجوز ده تمام…انا هنا كلمتي مسطره ماشي يا سكره
الخدامه هزت راسها بقلق منه وقالت ..حاضر يا مختار بيه وطلعت على اوضة والدته بسرعه
مختار لسه هيطلع غانم قال…حمزه مش بيرضى حاجة والدته تتحرك من مكانها …بلاش مشاكل يا ابني
مختار ضرب كف على كف وقال…لا حول ولا قوه الا بالله….وانت مال اهلك طيب هو انت هتشيل المشاكل على كتافك…حل عن دماغي متخلنيش ازعلك من اول يوم استنى بكره حتى
قال كده وطلع اخد الهدوم من الخدامه وراح على اوضة حمزه
غانم قال بتوتر..لا لا مش هينفع كده حمزه هيزعل مني ويقولي ليه مدتنيش خبر
وطلع تليفونه واتصل على حمزه
عند حمزه كان مستني من نسيم رد وقال ….يا نسيم اتكلمي انا هقف معاك صدقيني
نسيم كانت محتاره تتكلم او لا وقالت..انا يا حمزه اللي حصل انو …
بس قطعت كلامها لما تليفون حمزه رن
حمزه بص للتليفون لقاه غانم اتنهد بضيق وقال..مش وقتك
وبص لنسيم وقال….ثانيه واحده مش هطول
ورد وقال….. ايوه يا عم غانم فيه حاجه ضروري انا في كشف مهم
غانم قال بتوتر….حمزه يا ابني اخوك رجع البيت ومعاه واحده مغمى عليها ..معرفش مالها ولا جايبها ليه
حمزه اتسعت عيونه بذهول وقال بغضب رهيب…ايه وووووو
#في_عشقها_هلاكي
#الخامسه
#زهرة_الربيع

اخوك جايب بنت مغمى عليها او ميته معرفش فيها ايه … شالها وطلع بيها اوضتك لان اوضته مقفوله.. انا حاولت اكلمه بس انت عارف انه مش بيبلعلي كلمه و…..
بس حمزه مسمعهوش اكتر قفل فورا وبقى يقلع البالطو بسرعه وهو بياخد مفاتيح عربيته
نسيم قالت بقلق…فيه ايه يا حمزه خير
حمزه مسك ايدها وقال بسرعه..احنا لازم نتكلم بس ضروري اروح البيت دلوقت …عشان كده هاخدك معايا يلا بينا
نسيم سحبت ايدها بخوف وقالت…تاخدني فين ..مش هينفع طبعا
حمزه قال باصرار …..لا هينفع يا نسيم احنا لازم نكمل كلامنا لازم اسمع اللي كنتي هتقوليه يمكن قلبي يرتاح شويه…انا بموت يا نسيم فاهمه يعني ايه
نسيم خدت نفس عميق وقالت….بس اللي هقوله معتقدش يهدي قلبك للاسف يا حمزه
حمزه قال باستغراب….. يعني ايه
نسيم اتنهدت وحاولت تخبي الوجع اللي جواها وقالت بقوه…يعني انا مش مجبوره على جوازي من جمال زي ما انت متخيل …انا اتجوزته بارادتي …انت اتأخرت قوي في سفرك …وانا كان لازم اتجوز زي كل البنات اللي في سني…ده اللي حصل وفي النهايه ده نصيب انا مش اخر واحده في الكون…ربنا يكرمك باللي احسن باذن الله…لو سمحت تنساني خالص ..لان انا بحب جوزي ومش عايزه مشاكل معاه
قالت كده ولسه هتمشي حمزه شدها بقوه ومسكها من درعاتها وبقى يهزها بعنف وهو بيقول بزعيق..بعني ايه بتحبيه …بتحبي مين….وانا ….واللي كان بنا ..كنتي بتضحكي عليا
نسيم نزلت دموعها وقالت بالم…اه دراعي بيوجعني قوي يا حمزه …سبني اه
بس حمزه كان منفعل جدا وبيضغط عليها اكتر وبيقول..وانتي موجعتنيش… ده انتي دوستي عليا…. ازاي قدرتي ازاي
نسيم بقت تحاول تدفعه وهيه بتتالم من مسكته وفي الوقت ده دخلت نجوى بسرعه لما سمعت زعيقه واتصدمت لما لاقته ماسك نسيم بالشكل ده .جريت عليه وهيه بتقول بذهول..حمزه …حمزه انت بتعمل ايه …سيبها…سيبها يا حمزه بقولك
واتدخلت وبعدته عنها بالعافيه ووقفت وسطهم وهو بيزعق وبيقول.. …اوعي يا نجوى من وشي
وبص لنسيم وقال بانفعال….انا وقفت حياتي عليك واجي الاقيك اتجوزتي ولا على بالك …بعد كل وعودك ليا يا حقيره…. بس مش انا اللي يتعمل فيه كده انا حمزه الديب واحده غيرك تبوس ايدها من الوشين اني بصتلها اساسا… بس قسما بالله ما هعدهالك يا نسيم سامعه مش هعديها
نسيم قالت بدموع … ولا انا هعديها ….اجي اكشف الدكتور يتهجم عليا بالطريقه دي …مش هسكت وهعمل شكوى في المستشفى كلها وخصوصاً فيك يا دكتوره لان على الاساس داخله اكشف عندك مش عند حد تاني
بقلم….زهرة الربيع
قالت كده وطلعت جري ونجوى جريت وراها بذهول وهيه بتقول…لا لا فيه سوء تفاهم يا مدام استني يا مدام نسيم
بس نسيم موقفتش وجريت بسرعه وهيه بتبكي بقوه
وحمزه بيزعق وبيقول…اهربي زي العاده ده اللي بتعرفي تعمليه بس هتروحي مني فين
نجوى رجعتله وهيه بتبصله بصدمه وقالت…انت عملت ايه…ده وعدك ليا انك هتظبطلي شغلي لحد ما اخلص
حمزه اخيرا فاق لنفسه وبقى يحاول يهدى ويستوعب اللي عمله قال بتعب…انا….انا اسف يا نجوى حقك عليا والله…بس متقلقيش هيه بتقول كده علشان تعرف تهرب مش هتعمل حاجه من اللي قالتها
نجوى قالت باستغراب…..تعمل ولا متعملش…انا مش فارقلي غيرك..ايه اللي انت عامله في نفسك ده….انا اول مره اشوفك بالشكل ده
حمزه فرك دماغه بتعب وقال….انا تعبان يا نجوى حاسس …حاسس بنار في صدري…حاسس ضغطي مش مظبوط ابدا
نجوى مسكت ايده وقالت بحنيه…طيب..طيب اهدى ..هدي نفسك شويه واقعد ريح هطلبلك ليمون واشوفلك الضغط
حمزه اتنهد وقال…لا انا…انا كويس ..لازم امشي فيه مشكله كمان في البيت…بس انا بجد محرج منك جدا …مكنتش اقصد اوقف شغلك بالشكل ده واعملك مشاكل
نجوى قالت بسرعه..متقلقش عليا خالص انا هخلص كل حاجه..اصلا مش ورايا حاجه انهارده ..بس انت حاول ماتنفعلش ذياده ….بلاش تروح البيت طالما فيه مشاكل
حمزه ابتسم لها وقال….شكرا يا نجوى …بجد شكرا على وجودك في حياتي …متقليش انا تمام ..لازم اروح دلوقت وهبقى اكلمك اطمنك
قال كده ومشي ونجوى بصت لطيفه بحزن وقعدت على المكتب وهيه بتفكر في الكلام اللي قاله لنسيم
عند مختار جاب هدوم من بتاعة والدته وقرب من روعه وقال…جبتلك حاجه من ريحة الحبايب…ايه يا بت مش هتفوقي ولا انتي استحليتي ونمتي ولا حكايتك ايه
وجاب برفان من بتاع حمزه وقال ..ايه البرفان الجامد ده يا دكتور …بس مش خساره في اخوك
وبقى يحط منه ويرش في الاوضه وكأنه قاصد يخلصه
وقرب من روعه وبقى يشممها منه علشان تفوق وهو بيقول ..روعه..انتي يا بت …سمعاني …لو سمعاني حركي دماغك
روعه بدات تفوق وتبصله بتوهان وتحاول تفتح عنيها بتعب شديد وكانت شيفاه زي خيال بيتهز قالت بتوهان..انت مين..انا فين
مختار قال بدهشه..انا مين. يا نهار ازرق..انتي نسيتيني انا كمان
وقرب منها قوي وقال بمشاكسه…حد ينسى مختار الجبار اللي يخلي القلوب تحتار
روعه دفعته بعيد عنها برعب لما شافته بوضوح واحتدت عيونها بغضب رهيب وقالت…انت ….انت عملت فيا ايه..انطق انا فين وعملت فيا ايه
مختار قال بضيق..لسه…لسه معملتش
روعه بلعت ريقها بخوف وقالت..لسه…ليه هو انت ناوي تعمل ايه
مختار قرب منها قوي وقال بهمس….ناوي اعمل بلاوي
روعه بلعت ريقها بقلق وبقت تضم هدومها عليها من نظراته الجريئه وحاولت تبان قويه وقالت بحده مصتنعه ….على فكره لو بتقول كده علشان تخوفني ..تبقى بتتعب نفسك على الفاضي انا …انا مش بخاف من حد سامع…انا بنت جامده و بمية راجل و…..ومحدش يقدر عليا غير الي خلقني و….
بس قطعت كلامها لما لقته بيقلع قميصه وقرب جامد عليها وبسرعه البرق نطت من على السرير وقالت برعب ..لا لا لا ورحمة كل غالي عندك يا مختار بيه اعتبرني اختك الاهي يسترك
مختار اتفاجأ بتغير موقفها في ثواني وضحك جامد وقعد على السرير ورفع قزازة البرفان وقال …كنت بس هاخد القزازه من جنبك يا جامده ياللي بمية راجل
روعه قالت بتوتر….بجد…يعني انت مش عايز…
مختار قاطعها وغمز وقال..عايز قوي….بس مش وقته …احنا دلوقت في بيت اهلي….. واخويا زمانه على وصول ومش عايز مشاكل
روعه قالت بغضب…انا هقوله ان انت خاطفني يمكن يطلع عنده ضمير واحسن منك ويرجعني لاهلي..او حتى يرجعني للشارع المهم يخلصني منك
مختار بصلها بتحذير وقال..انا قولت ايه…قولت مش عايز مشاكل….اسمعي الكلام احسنلك ..ولازم تعرفي انك هتعملي مشكله وخناق على الفاضي وفي النهايه كلامي وبس هو الي بيتم …ومحدش بيقدر يعارضني ولا يعمل حاجه مش على هوايا فهمتي
روعه لمعت عيونها بدموع وخوف وقالت…ابوس على ايدك تقولي انت عايز ايه مني..هتعمل ايه فيا ريحني ارجوك
مختار اتنهد وقال..تمام..هشرحلك كل حاجه بالتفصيل ….خليني بس اتفاهم مع حمزه ومتعترضيش على اي حاجه اقولها…وبعدها بوعدك وعد رجاله اني هحكيلك اللي شاغلك كله
روعه مسحت دموعها وهزت راسها بالموافقه
مختار ابتسم وقال …تمام …الهدوم دي بتاعة والدتي الله يرحمها جبتهم ليكي علشان تاخدي راحتك بيهم لحد ما اجبلك هدوم
روعه بصتله بذهول وقالت…يالهوي..بتوع مرحومه انت عايزني اتلبس ولا ايه…هتلبسني هدوم واحده ميته
مختار ولع سيجاره بلامبالاه وقال..دي مش اي مرحومه بقولك دي امي يعني شرف ليك تلبسي هدومها ….وبعدين متقلقيش مش هيحصلك حاجه ..في النهايه انتو دلوقت في ملكوت واحد وكلها خطوه وتحصليها
روعه اتسعت عيونها بذهول شديد واتجمدت مكانها
مختار ضحك جامد على شكلها وفتح الباب لسه هيخرج اتصدم بحمزه في وشه وملامحه متطمنش ابدا رجع قفل الباب تاني بسرعه
عند نسيم وصلت البيت وهيه مش قادره تاخد نفسها من البكا ولسه هتجري على اوضتها جمال قال بغضب…كنتي فين يا هانم…وباتصل بيك مبترديش ليه
نسيم قالت برجاء ودموع..ارجوك …وحياة اغلى حاجه عندك يا جمال تسبني دلوقت…مش قادر اتكلم ..والله ما قادره
ولسه هتمشي جمال مسكها من دراعها بقوه وقال بغضب…وحياة امك….هو انا بقولك تعالي نرغي مع بعض شويه..انا بسألك كنتي فين..ولا مش من حقي اعرف مراتي كانت فين
نسيم قالت بغضب..كنت عند الدكتوره…زي العاده …لتكون مش عارف اني هبقى محتاجه اروح لدكتوره بعد عمايلك معايا
جمال قال بغضب ….دكتوره…اه…وياترى قالتلك ايه الدكتوره..هيه اللي بتقولك تطلعي من غير اذن جوزك
نسيم قالت بانفعال…انت ايه يا اخي..بقولك تعبانه مخنوقه سبني في حالي دلوقت …هبقى اشرح لحضرتك واديلك خط سيري بعد كده حل عني بقى
ولسه هتدخل اوضتها قال بطريقه ترعب…لازم تتعبي مش كنتي مع حبيب القلب واكيد بقى البيه زعلان انك اتجوزي وتعبتي لحد ما راضيتيه مش كده
نسيم بصتله بذهول وقالت…انت …انت بتقول ايه..هو اي جنان وخلاص
جمال قرب منها وقال بغل ….انتي لسه شوفتي جنان..فاكره اني مش هعرف انك كنتي عند عشيقك الدكتور حبيب القلب اللي جيه يسأل عنك لحد بيت جوزك…وانتي تاني يوم روحتيله عيادته تطيبي خاطره
قال كده وضربها قلم قوي بانفعال
نسيم حطت ايدها على خدها بذهول وبقت ترجع لورا برعب وهيه مش عارفه ازاي هتبررله ان كل ده كان صدفه
عند حمزه كان بيخبط على اوضته بجنون وزعيق وبيقول..افتح يا مختار افتح ورحمة امي ما هعتقك انهارده
مختار بلع ريقه بتوتر شديد وقال…وبعدين بقى …ايه العمل…مكنتش فاكر انه هيبقى متعصب قوي كده
روعه اتفاجأت وقالت…هو انت خايف منه
مختار اتنهد بخنقه وقال بغضب…بلاش عبط ..انا بس متوتر…لو فتحت دلوقت مش بعيد يمد ايده….شكلي هيبقى عره لو سكت…ولو مديت انا ايدي هأذيه وانا مش عايز كده
روعه ابتسمت وقالت بتوهان ….حلوه الاخوه…انا كمان كنت احب اخويا قوي ومقدرش ازعله حتى لو هيق..تلني و…..
بس قطعت كلامها وبصتله بدهشه واستغراب شديد وقالت….اخويا مين…هو انا ليا اخوات
مختار اتنهد بخنقه وقال…لا وحياة اللي خلفوكي مش ناقصني الزهايمر بتاعك دلوقت
روعه حاولت تفتكر حاجه بس كانت دماغها توجعها جدا حاولت تهدى وقالت…طيب انا ممكن افتحله وامتص غضبه قبل ما تتواجهه
مختار بصلها بدهشه وحيره استغرب جدا انها حابه تساعده بس حاول يتجاهل كل ده وقال..احم ….لا شكرا..انا..انا هتصرف…بس انتي اعملي نفسك مش شايفه اللي هيحصل..علشان الكاريزما يعني
روعه ضحكت بخفه وقالت….مفهوم مفهوم
حمزه كان بيضرب الباب برجله وبيقول…والله العظيم هكسره افتح يا وسخ حصلت تجيب حريم في البيت…وفي اوضتي كمان يا زباله
مختار اتنهد وفتح الباب ولسه هينطق حمزه ضربه بوكس قوي جدا رجعه خطوات
بقلم…زهرة الربيع
روعه حطت ايدها على بقها وجريت عليه وقالت…يالهوي …انت كويس
مختار حاول يكبت غضبه وهز راسه وقال…تمام…انا تمام
وبص لحمزه بغضب ميتوصفش وقرب منه وقال من بين اسنانه…انت قد اللي عملته ده ياله… بتمد ايدك عليا يا حمزه
حمزه قال بغضب شديد..اللي عملته ده ولا حاجه قصاد اللي لسه هعمله …قسما بالله لو ما خدت الزباله اللي انت جايبها في اوضتي دي وطلعت حالا من هنا لانسى ان اللي خلفتنا ست واحده وهمد ايدي ورجلي …ومش بس كده هعملك قض..ية دعاره وارجعك مكان ما كنت ايه رأيك هتمشي بالزوق ولا
مختار حس ان اخوه تعبان وفيه حاجه اكبر من كده مضايقاه اتنهد وحاول يمتص غضبه وقال..انت زعلان كل ده ليه..علشان استخدمت اوضتك..اوضتي خلاص بتتنضف ..وهطلع من هنا
حمزه قال بغضب وحزم …لا هتطلع من البيت كله…ده بيت نضيف ومش للنجاسه وقلة القيمه
روعه قالت بذهول..انت فاهم ايه..انا مش زي ما حضرتك بتقول ابدا انا…
مختار قاطعها بسرعه وقال …استني انت يا روعه
روعه قالت بغضب…استنى ايه مش شايفه بيغلط فيا وعمال يقول بيت نضيف ومش عارف ايه وناقص يقولي البيت ده طاهر وهيفضل طول عمره طاهر
حمزه قال بغضب…دي حقيقه …ولو مش عايزه تتورطي في بلاغات وسين وجيم وريني عرض كتافك
روعه لسه هترد حمزه شاف هدوم والدته على السرير قرب بذهول مسك هدومها وقال بصدمه والدموع بتلمع في عيونه…ايه ده…ها….دي هدوم امي… هيه صح
مختار فرك رقبته بقلق وقال بهمس..كده خربت بجد
حمزه هجم عليه ومسكه من هدومه بقوه وقال..انت اخدت هدوم امي لل**** اللي جايبها معاك يا كلب يا نجس
روعه شهقت بصدمه وقالت بغضب شديد..ده انت عيل قليل الادب ومتربتش انا مش جايه معاه بمزاجي انا جايه لاني….
مراتي…جايه لانها مراتي
قالها مختار بسرعه وحزم ونفض ايد اخوه وقال….لو فيه قانون هيمنع اني اقعد مع مراتي في بيت اهلي اتفضل بلغ انا مستني
حمزه وروعه بصوله بصدمه وقالو بصوت واحد….ايه…مراتك !!!؟
#في_عشقها_هلاكي
#الحلقه6
#زهرة_الربيع

روعه. مراتي ..احنا متجوزين لو فيه قانون هيمنع اني اقعد مع مراتي في بيت اهلي اتفضل بلغ البوليس انا مستني
حمزه وروعه قالو بصوت واحد….ايه…مراتك..مراتك ازاي !!!؟
مختار بص لروعه بحده وحمزه كتف اديه وقال بسخريه…رد على مراتك…. بتسألك مراتك ازاي
مختار حط اديه في جيوبه وقال بثقه….هيه بتسأل لاني اتفقت معاها مش هنقول اننا متجوزين دلوقت ..عندنا مشاكل مع اهلها ورافضين جوازتنا واتفقت معاها اقنعهم الاول حتى نعلن جوازنا
وبص لروعه وقال بلهجه فيها تحذير ..بس خلاص يا قلبي انتي سمعتي بنفسك الاتهمات دي كلها مش هقدر اسمع الكلام ده عنك وافضل ساكت ..انتي اهدي خالص وانا هحل كل حاجه
روعه بصتله بغضب وبقت تحاول تسيطر على اعصابها لانها خايفه من رد فعله
حمزه قال بغضب..لا والله انت هتستهبل … …فجأه كده هبت في دماغك تتجوز ومستني اصدقك ده على اساس اني مش عارفك….لاخر مره هسالك مين البنت دي وجبتها منين
مختار نفخ بضيق وقال..قولتلك مراتي ..بحبها واتجوزتها مش كميا هيه
حمزه حاول يسيطر على اعصابه وقال…تمام….فين القسيمه
مختار ابتسم بسخريه وقال..انا اتجوزتها امبارح قسيمة ايه اللي بتسال عنها
حمزه قال بسرعه…تمام ..ايصال المؤذون
مختار طلع ورقه وادهاله وقال..اتفضل…يارب التحقيق يكون خلص كده
حمزه قرى الورقه وكانت مظبوطه بقى يبص لاخوه باستغراب وقال…انت بتعمل ايه ..مبقتش فاهمك …انت …اتجوزت
مختار ضحك واخد الايصال منه وقال..ايه… هيه حاجه غريبه اني اتجوز…دي سنة الحياه…. عقبالك
حمزه ضحك بخفه وقال..سنة الحياه …اممم…طيب ربنا يقوي ايمانك…والف مبروك..يلا بقى خد المدام وروحوا شوفوا حياتكم الزوجيه السعيده بعيد عن هنا …انت ملكش مكان في البيت ده علشان تجيني بمراتك
مختار اخد نفس عميق وقال..انت كل اللي ليك عندي اني اطلع من اوضتك لما اوضتي تجهز..اكتر من كده انسى ولو مش عاجبك وجودي هنا اتفضل الباب يفوت جمل…ده بيت ابويا ومش هطلع منه
حمزه قال بغضب وزعيق..لا هتطلع بكيفك او غصب عنك هتطل متخلنيش اتصرف معاك بطريقه مش هتعجبك
مختار قال بثقه…وانا مستني اي طريقه تيجي منك …كلو منك جميل يا جميل
حمزه لسه هيشتبك معاه تاني جيه غانم ووقف قدامه وقال بسرعه..علشان خاطري يا حمزه ارجوك يا ابني اهدى..اخوك معاه حق ده بيته كمان ومفيش قانون ولا عرف يمنعه يقعد فيه
حمزه قال بجنون ..انا همنعه …انا مش طايقه يا عمي مش طايقه مش هقدر اصتبح بخلقته واتمسى بيها
غانم قال بسرعه…بس يفضل اخوك يا حمزه انت مؤمن بربنا وهو ليه حق في البيت ده ..هتعارض كلام ربنا ولا ايه
حمزه لسه هيرد مختار قال باستفزاز…اسمع كلام جوز امك يا حبيبي …ده في مقام جزمة والدك
حمزه هجم عليه تاني وهو بيقول…لم لسانك لم لسانك ده لقطعهولك
بس غانم كان ما بينه وبين مختار ومسكه من وسطه وبعده عنه بالعافيه وهو بيقول بتعب…بس يا حمزه خلاص يا ابني ربنا يسامحه انا مسامح
مختار ابتسم بسخريه وقال بضيق…طب يلا يا حبيبي خد سامح في ايدك ووروني عرض كتافكم انتو الاتنين …وخلو فيه سنس..بقولكم متجوز امبارح
… يعني ملحقتش اعيش واشوف الفرخه من غير ريش
حمزه قال بغضب…لا يا حبيبي الاوضه دي اوضتي خد فرختك وريشها وروح عيش في اوضتك ولو متوسخه عادي مش هتفرق وساخه هتقعد في وساخه هتتأقلم بسرعه متقلقش
مختار نفخ بخنقه منه وقال…حاضر يا حمزه …براحتك يلا يا روعه ومسكها من ايدها ولسه هياخد هدوم والدته حمزه مسك ايده وقال…سيب الهدوم ولا عايز حقك في الهدوم كمان
مختار قال بضيق…انا محتاج الهدوم انهارده …بكره هجيب غيرها و….
حمزه قاطعه وقال…ولا ثانيه دي هدوم امي مش هتلبسها واحده انا مش عارف انت جايبها منين
مختار قال بزعيق…وبعدين بقى بقولك ليله واحده وهرجعها و…
حمزه قال بانفعال ..وانا قولت لا..على جث..تي كفايه حرمتني منها مش كمان هتحرمني من اقل ذكرياتها ابعد ايدك الوسخه دي عن الهدوم اوعى
واخد هدومها في حضنه بقوه
مختار كان هيتجنن من حركاته بس مقدرش ينطق بحرف لما لقاه حاضن الهدوم وبيشمها وعيونه بتلمع بالدموع والوجع واضح على ملامحه
مختار حس بحزن شديد واتمنى لو ياخده في حضنه بس دي كانت امنيه بعيده قوي سحب روعه من ايدها وخرج بسرعه وهو حاسس بقلبه بينزف
حمزه قعد على السرير وهو حاضن هدوم امه وقال بوجع…وحشتيني ….وحشتيني قوي يا امي
غانم قرب منه بحزن شديد وحضنه وبقى يطبطب عليه وقال….ربنا يرحمها يا ابني
عند نسيم كانت مصدومه ان جمال عرف بحكاية حمزه وعرف انها كانت عنده كمان قالت بتوتر…انت…انت عرفت منين بكل ده
جمال بصلها بطريقه ترعب وقال…ليه كنتي فاكره هتلاقي قرطاس على مقاسي وتلفيني فيه واتفرج …ده انا جمال الزيني يا بت يعني لا اتخلقت ولا كانت اللي تستغفلني
نسيم بلعت ريقها بتوتر وقالت..والله ابدا ابدا يا جمال…انا…انا منكرش اني كنت اعرف حمزه..ايوه كنا نعرف بعض زمان…والدي كان سكرتير عند والده وكان دراعه اليمين وصحاب جدا ..وكنت بشوفه بالصدفه في شركة والده….وحمزه وقتها كان في الجامعه وانا في ثانوي وكنت ضعيفه في مواد وبابا كان يعزه قوي وطلب منه يجي يشرحلي اللي مش فاهماه و…
جمال قاطعها لما مسكها من دراعها بقوه وقال…يذاكرلك اه…وكان يذاكرلك ايه بقى يا حلوه وبيذاكرلك فين..لازم في اوضة النوم علشان التركيذ
نسيم بصتله بغضب وقالت بحده..اخرس ..انا مسمحلكش تغلط في تربيتي …اذا كنت بشرحلك عن الماضي فده لاني على زمتك ولك حق عليا حتى لو انا مش طيقاك مش اكتر من كده…حمزه كان يذاكرلي هنا في بيت اهلي وفي وجودهم كلهم …كان انسان كويس ومؤدب جدا وعمره ما غلط وكان هيتجوزني على سنة الله ورسوله حتى انه طلبني من ابويا وقاله انه لما يرجع من السفر هيخطبني رسمي …وبعدها سافر كان هيكمل تعليمه بره …وحصلت بلاوي كتير بعدها …ودلوقت لما رجع احنا كنا سافرنا عند اهلك ومكانش يعرف اني اتجوزت ففضل مستنيني…وانهارده كنت رايحه لدكتوره هناك في المستشفى وقابلته بالصدفه …مكنتش اعرف انه هناك…انا قولتلك كل اللي عندي وانت براحتك عايز تصدق او متصدقش انت حر
جمال قال بتحذير…لا مصدقك يا قلبي ..لاني سالت وعارف كل حاجه عنه….انا مش نايم على وداني…ومن هنا ورايح مفيش خروج خطوه بره البيت الا باذني والدكتوره دي تشوفي غيرها ولو لمحتك مع الحلو ده لو بالصدفه هتبقى فيها حياتك وحياته يا حياتي …مفهوم
نسيم لسه هتحاول تنطق قاطعها وقال بسرعه…مفهوم
اتنهدت بيأس وقالت…مفهوم
جمال قال …شطوره يا قلبي..يلا روحي حضري الغدا وتعالي علشان جايبلك حاجه عسل هتعجبك …قميص نوم بيغني هياكل منك حته
نسيم لمعت عيونها بالدموع وقالت…طيب احنا هنفضل هنا لامتى..مش كفايه كده …اهلي لازم يرجعوا بيتهم واحنا كمان نرجع بيتنا يا جمال
جمال قعد وولع سيجاره وقال ببرود…احنا اصلا في بيتنا يا قلبي ولا نسيتي ان ده بقى بيتي واشتريته من ابوك رسمي…انما اهلك بقى يحمدوا ربنا انه اكرمهم بجوز بنت قلبه طيب مرضاش بزلهم واجرتلهم الاوضه اللي قاعدين فيها لولا كده كان زمانهم في الشوارع
نسيم قالت بدموع…امي ست مريضه ومش واخده على البهدله والاوضه اللي انت فرحان بيها دي فوق سطوح ومش ادميه ابدا …اخويا الصغير بينزل كل يوم يجيب ميه من تحت لانها مبتطلعش فوق ..وامي ضهرها اتقطم من السلم …خليهم يرجعه هنا واحنا نرجع الشقه التانيه بتاعتك
جمال ابتسم وقال..انتي تؤمريني اجبهم هنا…بس احنا بقى مش هنروح شقتي هنرجع نزلة السمان عند امي وهتقعدي مع حماتك وسلايفك ومترجعيش زي المره اللي فاتت تقوليلي اصلهم بيتعبوني وبيعذبوني ومش عارف ايه… لو موافقه ارجع اهلك هنا من بكره الاختيار ليكي
نسيم قعدت على الكرسي بتعب وهيه محتاره جدا ومش عارفه تعمل ايه
عند حمزه كان هدي شويه ودخل خد حمام وخرج يريح بس جاله اتصال بص للتليفون وكانت نجوى
اتنهد بحرج ورد وقال…ايوه يا نجوى…ايه الاخبار
نجوى قالت…انا بخير المهم انت بقيت احسن
حمزه ابتسم وقال..انا بخير الحمد لله….عملتي ايه خلصتي الكشوفات اللي وراك
نجوى قالت…متحملش هم ابدا قربت اخلص..حبيت اطمنك انا كلمت مدام نسيم من قبل حتى ما توصل بيتها …وهيه تمام مش زعلانه وهترجع تكشف وقت تاني
حمزه اتفاجأ بكلامها وقال..ايه كلمتيها….هيه سايبه تليفون
نجوى قالت …اه طبعا هيه جات كشف امبارح واخدت رقم تليفونها لانها قالتلي هتابع معايا لحد ماتتحسن وطلبت منها تحاليل وكانت انهارده جايه اعادتها
حمزه وقف بسرعه وهو متفاجأ بكلامها وقال..بتابع معاك…ليه …هيه عندها ايه
عند مختار كان في اوضته رايح جاي بغضب وبيقول…شوفتي بعينك شوفتي عمل معايا ايه…ده حتى طردني من اوضته بقى بذمتك انا استاهل منه كده
روعه فكرت ثواني وقالت…بذمتي تستاهل اكتر من كده
مختار بصلها بغيظ وقال…طبعا لازم تقولي كده ما انتي متعرفيش انا عملت ايه علشانه ده انا دفعت من عمري علشان يبقى الاستاذ الدكتور اللي محدش زيه بس نقول ايه حظوظ ..طول عمره الغلبان مداس ومتهان
روعه وقفت وقالت بانفعال…مين ده الغلبان..انت غلبان انت….بقولك ايه انا مليش دعوه بحوارتك مع اخوك بطل تلف وتدور انت قولتلي لما تتفاهموا هتعرفني انا هنا بعمل ايه وانت عايز مني ايه اتفضل اتكلم انا مش هفضل اتحايل عليك دماغي هتتفرتك من التفكير
مختار قال بضيق…انتي شايفه ده وقته
روعه قالت بغضب..اه وقته ولازم تفهمني انا مش من بقية اهلك علشان اقدر مشاكلك المهمه مع اخوك ..انا حياتي بتبوظ لا انا عارفه انا مين ولا فين ولا فاهمه ليه بتعملوا فيا كده وليه عايزين تغيروا وشي وتمحوا اخر حاجه ممكن ترجعني لعيلتي
مختار اتنهد وقال…انتي فاهمه غلط انا بنفسي وبايدي هرجعك لعيلتك بس اتكي على الصبر ومتسأليش كتير
ولسه هيمشي مسكت ايده بقوه وقالت….. استنى هنا..انا مش هصبر تاني …انت لازم تتكلم انت وعدتني تخلص حوار اخوك وتشرحلي
مختار بص على ايدها وقرب منها وقال بخبث….طب من غير لمس لاحسن انا حساس زياده…واحساسي هيزعلك حبتين
روعه سابت ايده بتوتر وبعدت خطوات وهيه مش قادره تبصله من التوتر والقلق
مختار ضحك بخفه وقال….احلى حاجه فيكي موقفك مش بيكمل تلت ثواني على بعض..اوقات تبقي زي الاسد..واوقات زي القطه ومابين الاتنين مفيش دقيقه
روعه بلعت ريقها بقلق وقالت…لو سمحت انا عايزه اعرف هتعملوا معايا ايه..انت تعرف انا مين صح…اكيد تعرف …ارجوك يا مختار بيه لو تعرف قولي انا مش قادره افتكر حاجه ابدا
مختار اتنهد وبصلها شويه بتركيذ وقال بحيره..ولا انا قادر افتكر
روعه قالت باستغراب….نعم
مختار بقى يبصلها بتفكير وقال…حاسس اني شوفتك قبل كده….متاكد ملامحك مألوفه عندي بس مش فاكر شوفتك فين
بقلم…..زهرة الربيع
روعه قالت بسرعه ولهفه..بجد…كنت متاكده انك تعرفني..طب فكر …فكر ارجوك حاول تفتكر اي حاجه تفيدني
مختار اتنهد وقال بضيق….مش عارف افتكر من وقت ما شوفتك او بالاصح من بعد ما استحميتي وانضفتي وملامحك بانت…حاسس ان ملامحك مش غريبه..يمكن بتهيألي…اكيد بيتهيألي انا فيش قطه عرفتها ونامت في حجري الا وحافظها حته حته
روعه قالت بغضب..ما تلم روحك يا جدع انت قطه ايه وحجرك ده ايه…. انا مستحيل اكون من النوع ده ريح دماغك ومتفكرش احسن
مختار ضحك وولع سيجاره وقال….مستحيل تكوني من النوع ده يبقى مستحيل اكون عارفك
روعه اتنهدت بخنقه وقالت…طيب بلاش تعرفني…قولي انت جايبني هنا ليه
مختار قال بلا مبالاه…اخلص السيجاره واقولك
روعه سحبت منه السيجاره ورمتها وداست عليها وقالت بانفعال…بقى اسمع اسمع انت لو متكلمتش حالا انا هصوت واعرف الكل باللي عملته معايا وانك خاطفني ومخبيني هنا… هيحصل ايه يعني مفيش اسوء من الي انا فيه فاهم ولا لا
مختار اتنهد وقال..تمام..تمام انتي مش عايزه تعرفي…انا هقولك كل حاجه بس امسكي نفسك …انتي هنا علشان حياتي كلها متوقفه عليكي…انتي اخر فرصه بالنسبالي علشان اعيش وانا حياتي اغلى من اي حد
روعه بصتله باستفهام وقالت بدهشه … انا…وانا مالي ومال حياتك ….ايه دخل وشي بحياتك اصلا ؟!!!
#في_عشقها_هلاكي
#الحلقه7
#زهرة_الربيع