سمارة بقلم فاطيما يوسف

ــ واد يا سمير انت ياواد تعالى لي اهنه جاك خابط في نافوخك .

جري سمير بسرعه عشان يشوف ابوه عايز ايه ورد عليه وهو بينهج :

ــ جرى ايه عاد يابا هو انت ما تعرفش تنادي لي الا لما تشتمني حرام عليك تعمل فيا اكده اني كبرت على الشتيمه واللي رايح واللي جاي يتمقلت علي .

ضربه ابوه على كتفه وهو بيتمسخر عليه :

ــ ما بقاش غير حتى عيل زيك هو اللي هيقول لي اعمل ايه وما اعملش ايه يلا ياض روح على عربيه الباشا نظفها وسيقها وخليها فله علشان هو نزل كمان ساعه وبعد ما تخلص تعالى ورايا علشان نشوف طلبات البيت من السوق ايه وعلى الله تتلكع زي عوايدك هخلي يومك طين يا سمير .

اتكلم سمير بصوت هادي وناعم وده خلي ابوه يتنرفز :

ــ حاضر يا ابويا هعمل اللي هتقول لي عليه كلاته بس خليك حنين وياي وما تعاملنيش المعامله الشينه دي انت عارف ما هحبش حد يتمقلت علي واصل .

ضربوا ابوه على كتفه وهو مش عاجبه كلامه :

ــ انشف ياد في كلامك اكده وسيبك من النعوميه اللي هتتحدت بيها دي وتخن لي صوتك الناعم دي يا اما هظرفك قلمين على قفاك اخليك تتعدل .

نفخ سمير بضيق من اصرار ابوه على معاملته دي ورد عليه بنفس النبره:

ــ يا ابوي ربنا خالقني اكده اعمل ايه عاد هتعترض على حكم ربنا انت اللي عايز تغير في خلقه ربنا وفي تدابيره في خلقه واني تعبت من الحوار دي ومقادرش عليه.

ابو غضب الدنيا كله اتجمع في وشه وهو سامع كلام ابنه :

ــ يمين بعظيم يا سمير ان سمعت الكلام منك دي تاني لاخلي الحته منك بقرش ورياض من قدامي اعمل اللي قلت لك عليه وسيبك من اللكاعه اللي انت فيها وانجز في الشغل علشان ما اخليش يومك معدي واحبسك في الاوضه لمده يومين ومخليكش تخرج عاد ولا تشوف الشارع .

اتأفف سمير بمناهده وحوار مع ابوه ما بيجيبش نتيجه ابدا وراح على العربيه بتاعه البيت بتاعهم يغسلها علشان يروح السوق مع ابوه ويوم يخلص بسرعه من الشغل اللي ما بينتهيش كل يوم وابوه بيتعمد يهد حيله شكل ما يكون مش ابنه ،

خلص سمير غسيل العربيه ومشي مع ابوه للسوق واثناء ما هم بينقوا الحاجات البايع بيبص على سمير وعينه بتزوغ عليه وهو بيقول له لما لقى ابوهم انشغل عنه في حته تانيه :

ــ شكل الايادي الناعمه دي ما تدلش على لبسك يا جدع هو انت صنفك ايه بالظبط ولا عينيك دول عينيك يدوبوا اجدعها شنب انا شاكك فيك ياض .

زهق سمير من كلام البيع اللي كل ما يجي عنده يشتري الخضار يقول له الكلمتين دول وابوه ما بيرضاش يشتري غير منه عشان بيبيع لهم بسعر رخيص عن السوق كله :

ــ جرى ايه يا عم الفكهاني هو انت كل اما هتشوفني هتقول لي الكلمتين دول عاد خلقه ربنا هتعترض انت كمان على خلقه ربنا .

البايع لعب في شنبه ورد على سمير وهو بيهز في حواجبه :

ــ والله الصوت بتاعك ياض ولا المغنواتيه ما تيجي تشتغل عندي وانا ابسطك واروقك واسيبك من الشغل مع ابوك وهدي لك يوميه ضعف اللي ابوك هيديها لك مرتين ثلاثه .

رمى سمير الرمان اللي كان بينقيه وحدف في الكيس في وش البيع :

ــ يا فتاح يا عليم يا رزاق يا كريم اني بقى مش هشتري منك عاد ولا هاجي ناحيه فرشتك دي تاني علشان انت راجل قليل الادب وشكلك أكده من إياهم .

حاول البيع يمسك ايده وهو بيترجاه ميمشيش :

ــ أيوه عليك يا صعيدي استنى بس يا مسكر انت واخد على خاطرك ليه بسرعه خلي خلقك واسع ما تبقاش نرفوز كده ده حتى هنا اسكندريه هواها وبحرها وجوها يقولوا ان الناس لازم تكون اعصابها رايقه وهاديه ولا تزعل نفسك نقي الرمان هديه مني ليك .

نفض سمير ايديه وهو بيدي له بالكوميه في صدره وبيبص له بعينين حادتين :

ــ انت زي ما قلت يا صعيدي عوايدنا مش زي عوايدكم اهنه في اسكندريه وان يدك دي اتمدت عليا يا تاني هخليك تبقى مسخره في سوق الخضار وهخلي اللي ما يشتري يتفرج عليك النهارده .

البايع ما هموش كلام سمير ومسك ايده اللي بيخبط بيها على صدره:

ــ يا سلام على الحمشنه يا سلام على المجدعه اللي هتبظ من لسانك بظ يا جدع هو انا طول تفرج عليا السوق اي حاجه منك حلوه يا جميل .

سمير جز على اسنانه بغضب من برود البايع معاه وساب المكان وروح لابوه وابوه اول ما شافه جاي فاضي :

ــ كالعاده المسخه بتاعتك تقف تقر ساعتين مع البيعين وما تجيبش حاجه واني اللي افضل الف على كعوب رجلي طول النهار في السوق عشان اجيب طلبات البيت والست الكبيره وانت مش شاطر غير في اللت والعجن ما جبتش الحاجه من الفكهاني ليه يا سمير؟

سمير كان بيبص على الفكهاني اللي بيبص له بنفس النظره اللي بتخليه يشمئز منه وهو بيقول لابوه :

ــ الفكهاني دي يابا راجل مش مظبوط واني ما هقفش عنديه ثاني واصل انا ما فاهمش انت ليه هتخليني اجيب من ده بالذات مع اني هقول لك ان كل مره هيضايقني بالكلام وانت برده تخليني اجيب من عنديه .

مسكوه ابوه من لياقه قميصه :

ــ بيديك كتير وسعر رخيص عن السوق كله واني هستفاد من فرق السعر وهحطه في جيبي يا غشيم انت ومش هنجيب غير منه يلا غور هات منه الفاكهه اللي الست قالت لك عليها عشان انت زهقتني ؟

دبدب سمير في الأرض من اوامر ابوه اللي بتغصبه دايما على كل حاجه :

ــ خلاص يا ابوي روح انت هات منه الفاكهه واني هجيب الفراخ من الراجل وهفضل وياك لحد ما يخلصها .

ابوه بتصميم :

ــ لا مش هروح اجيب منه انت اللي هتجيب بيديك اكثر مني وبسعر اقل مني ده راجل غتت ولو طولت معاه ممكن ادي له كفين على وشه ونفرج الناس علينا وخلص بقى .

مشي سمير من قدامه ورجع للفكهاني وهو هينفذ اوامر ابوه من غير اي اعتراض زي كل مره :

ــ خلصي وزن الحاجات اللي قلت لك عليها من غير كلام يا اما هدب صوابعي ال 10 دول في عينيك اللي عايزين يتخزقوا دول .

رد عليه الفكهاني بسماجه :

ــ انت تؤمر يا جميل بس لو تحن واني هظبطك وهخليك برنس وتمشي تقولي ارض انهدي ما عليكي قدي .

اتريق سمير على كلامه بحركات وشه وفضل مديه لي ظهره لحد اما اخلص له الحاجه وراح لابوه يكمله بقيه السوق وخلصوا الحاجه وروحوا على البيت وفضل سمير شغال في البيت زي الفواعلي طول النهار لحد ما جسمه همد وما بقاش قادر زي كل يوم خلص اللي وراه وراح غير هدومه بتاعه الشغل ولبس هدوم الخروج ونازل من ورا ابوه اللي نايم كالمعتاد لانه لو شافه هو خارج مش هيخليه يعتب عتبه البيت .

“$$$$$$$$$$$$$$$$$$$$

ــ أيووه يا جدعان جري ايه يا سماره بتتقلي علينا ليه وكل ما اقول لك تعالي عايزك تتمنعي وتيجي بالعافيه بعد محايله بعد ما كنت بتتمني لي الرضا ارضى ؟

اتدلعت سماره عليه وهي بتحاول تبعد عنه هي ليها غرض في دماغها عايزه توصل له ومصممه عليه مش تتنازل عنه ابدا :

ــ والله شكلك انت اللي شفت لك شوفه عيله اسكندرانيه لعبت في دماغك ونسيتك سماره ولياليها وايامها وخليتك ما بقتش تحبيني زي الاول ولا تتمنى وجودي معاك .

حاول يشدها من ايديها وهي لسه بتتمنع :

ــ لا بقي انتي فيكي حاجه ولازم نشوف صرفه في الموضوع ده يا اما والمرسى ابو العباس احبسك هنا وما أخليكي ترجعي لابوكي الفقر اللي بيذلك في الدخول والخروج ومطلع عينك انطقي يا بت في ايه ؟

مثلت سماره الزعل وهي بتدلع عليه علشان تجننوا اكتر :

ــ في انك معلقني معاك بقى لك خمس سنين بدلعك فيهم وبسطاك وبعمل لك اللي ما فيش واحده في اسكندريه كلها تعمله لك وفي الاخر بقول لك تكتب عليا ولو في السر ومش راضي يبقى زي ما ما دخلنا بالمعروف نخرج بالمعروف وانت من طريق وانا من طريق .

اتجنن من كلامها اللي قالته هي بالنسبه له عامله زي المخدر ما يقدرش يستغنى عنها ابدا وفي نفس الوقت ما ينفعش يتجوزها فمسكها من ذراعها وهو بيلويه :

ــ ده انت الظاهر في حد لعب لك في صواميل مخك يا سماره وهتبقي الجانيه على روحك لو قلت الكلام ده تاني انت بتاعتي وملكي وما فيش راجل هيلمسك بعدي زي ما فيش راجل لمسك قبلي ده انا اللي نظفتك وخليتك ليكي شكل ومنظر وبعد ده كله عايزه تسيبيني .

شدت سماره ايديها منه بشدة لانه قوي وماسكها قوي لكن هي مصممه على اللي في دماغها ومش هتسلم نفسها تاني الا لما يكتب عليها :

ــ هو انا بمزاجك تعمل اللي على كيفك معايا ولعلمك بقى انا حلوه والف مين يتمناني وهبعد عنك وهوافق بعريس مين اللي بيجولي وهحرق قلبك عليا طالما انت مصمم على اللي في دماغك وبتمشي ورا كلام امك الست الهانم اللي عايزه تجوزك على كيفها ومفكرني نايمه على وداني .

عدل في لياقه الروب بتاعه بكبر وهو بيرد عليها باللي خلاها دمها اتحرق :

ــ وماله ما انا مسيري هتجوز في يوم من الايام واحده برنسيسه تمشي جنبي هو انت مفكره اني هفضل من غير ست تنكتب على اسمي ومن غير عيال امال مين اللي هيورث العمارات والفدادين واملاكي اللي ملهاش اول من الاخر بس ايه حوار اني اتجوز بعلاقتي بيكي ؟

ضحكت بسخريه من سؤاله :

ــ ليه هو انا برده مش مسيري في يوم من الايام هتجوز وهيبقى ليا بيت وعيال ولا انت مفكرني هفضل عشيقتك في السر من ورا اهلي فوق يا نعمان قبل ما اضيع من ايدك وبدل ما تروح تجيب واحده تكتبها على اسمك انت ممكن تلمعني وانت عارف اني هبقى احلى من اي واحده هتجيبها وهليق بيك وتقدمني للست امك وانت مش هتغلب لكن انا مش هفضل عشيقتك في السر .

ضرب كف على كف بغيظ من الليله اللي انضربت واللي كان ناوي يقضيها معاها النهارده بسبب عندها ونشوفيه دماغها :

ــ ده انت ضيعتي لي الدماغ اللي انا كنت عاملها وكنت ناوي اظبط لك دماغك انت كمان النهارده بس انت وش فقر وطالما انت عايزه تتخانقي بلاها دلع وفرفشه ونتخانق،

مسك في كلامها الاخير وهو بيذلها عشان يفكرها باصلها وتبطل تقول له هتجوز :

ــ جواز مين اللي انت هتتجوزيه يا بت انت هو ابوكي طايقك اصلا ده انت بيشوفك الراجل رايح والراجل جاي وانا اللي طلعتك من قمقم الفقر اللي انت عايشه فيه ونزهتك وحسستك انك ست جايه دلوقتي تتفرعني عليا فوقي يا بت امبارح مش هتصيع على نعمان بدل ما افوقك .

جيوش الغضب اتجمعت جوه قلبها وعينيها بغل وهو بيفكرها بكره ابوها ليها وحتى هو كمان واخدها سلعه يعمل فيها اللي على كيفه وكرهت صنف الرجاله كلهم وحلفت لا تنتقم منه اشد انتقام هو وابوها اللي ما وريهاش يوم عدل في الدنيا وكأن الشيطان وسوس في دماغها بالتقيله اللي هتدمر بيها الكل ،

وقربت منه بدلع وقررت انها تستخدم معاه مكر الستات اللي ما حدش يقدر عليهم ابدا :

ــ جرى ايه يا نعومتي انت صدقت هو انا برده ليا في الدنيا غيرك ولا راجل في الدنيا يملا عينيا غير نعمان باشا قلبي على سن ورمح طب ايه رايك مش مزاجك تعكر والله لاظبطه لك النهارده واخليك تحلف ان اليوم ده ممرش عليك يوم في حلاوته في حياتك كلها يا نعومتي .

نعمان ريل من الكلمتين الدلع اللي سمعهم من سماره في ثانيه شكل ما تكون كلامها سحر وهو بيغمز لها :

ــ ايوه اظبطي على النغمه دي على طول والمرسى ابو العباس لو فضلتي عليها لنروقوكي ونظبطوكي ونخلوكي ولا اجدعها برنسيسه فيكي يا اسكندريه بس بعيد عن المخاليق ويلا اظبطي الاداء يا مس أليكس .

$$$$$$***$$$$$$$$$

محروس اول ما شاف عربيه نعمان داخله الفيلا جري عليها علشان يفتح له باب العربيه كالمعتاد وهو بينده على سمير ابنه :

ــ واد يا سمير انجر يا واد خد الشنطه من البيه اخلص ورايا على طول علشان البيه بيبقى داخل مستعجل وما بيحبش التاخير .

لحق سمير ابوه وهو ماشي براحته وده اللي نرفز محروس وحلف لا يرنوا علقه على البرود بتاعه ده وصل للعربيه وفتح له الباب فزعق له نعمان :

ــ هو انا مش قايل لك 100 مره يا محروس ما تزعقش لسمير قدامي شكلي هرفدك وهرجعك بلدكم الصعيد تاني وامسك سمير الفيلا وكل حاجه هنا علشان ما تبقاش تزعق له بالطريقه دي تاني .

حك محروس راسه وهو بيبص لسمير من تحت لتحت نظره كلها توعد بسبب الكلمتين اللي سمعهم من نعمان :

ــ حاضر يا باشا اللي تؤمر بيه بس هو بيزهقني بلكاعته والمفروض الراجل ما يتلكعش كده ويصلب طوله ويوبقى حِرك .

سمير جاي مد ايده عشان ياخد الشنطه منه لكن نعمان ما رضيش يديها له وهو بيقول له بهدوء وبيطبطب على ضهره :

ــ خليك انت يا سمير ابوك اللي هيشيلها علشان يبطل يفتري عليك عمال على بطال،

ومد ايده بالشنطه لمحروس واخدها منه ودخلوا على جوه واثناء ما هم ماشيين بيتكلم نعمان مع سمير :

ــ ما حدش شايفك بقى لك يومين يا سمير مختفي فين ؟

رد عليه سمير وهو بيحك في راسه وبيبص على ابوه قوي:

ــ معلش يا نعمان بيه ببقى حالي مهدود طول النهار في البيت والطلبات بيجي عليا الليل برتمي على السرير ما بقدرش اقوم من مكاني .

طلب منه نعمان :

ــ طب يبقى اطلع لي فوق انا عايزك في حبه هدوم صغروا عليا عايز اديهم لك بعيد عن ابوك علشان ما ياخدهمش يبيعهم زي كل مره .

حرك سمير راسه بموافقه:

ــ حاضر يا باشا هخلص اللي ورايا واطلع لك.

اكد عليه نعمان:

ــ لا انا مش عايزك تعمل حاجه في البيت النهارده خالص وهنبه على ابوك كفايه عليك بيصحيك من قبل الفجر ويشغلك زي الفاعل طول النهار .

دخلوا على الفيلا كانت والده نعمان كالمعتاد تشرب قهوتها في الوقت ده وبعد ما دخل وقعد وحط سمير الاكل على السفره وقف وراهم علشان يخدم عليهم فبتتكلم والده نعمان وهي بتاكد عليه :

ــ اعمل حسابك ما فيش مفر النهارده من زياره العروسه اللي اخترتها لك واظن انت شفت صورتها وما قدرتش تطلع فيها عيب وانا اتفقت مع الناس انك هتيجي معايا النهارده بعد المغرب وهتقضي السهره مع عروستك في المطعم اللي انا عازماهم فيه وحذاري يا نعمان تطفشها زي ما بتطفشهم كل مره.

نعمان بص على سمير لقاه مركز معاهم فرد على مامته :

ــ طب ليه يا ماما تاخدي الميعاد من غير ما تقولي لي وتستاذنيني افرض ورايا شغل انا النهارده مش فاضي اعتذري لهم .

صممت والدته انه يروح الميعاد وهي بتقول له عنوان المطعم:

ــ طيب يا نعمان بعد المغرب ما لقيتكش موجود قدامي ومشينا على المطعم لانت ابني ولا اعرفك وقلبي وربي غضبانين عليك انا نفسي تتجوز واشيل عيالك بايدي هو انا ليا غيرك ولا بنت ولا ابن ما رضيتش اتجوز بعد ابوك الله يرحمه علشان ما اجيب لكش جوز ام انت عايزني افضل عايشه لوحدي كده كتير انا عايزه حفيد واثنين وثلاثه يانعمان.

نعمان ما قدرش يفلت من تصميم امه وهو لسه مركز مع سمير وبعد الغداء ما خلص طلع نعمان على اوضته عشان يستريح الساعتين الفاصل بتوع الغداء وبعدين يرجع شغله تاني وطلب من سمير انه يطلع وراه عشان يدي له الهدوم ،

واول ما طلع نعمان وسمير واخدين على بعض جدا الفرق ما بينهم في السن حوالي خمس سنين نعمان اكبر فيهم ومتربي معاهم من وهو صغير وبيعتبره زي اخوه مش واحد شغال عندهم وبياخذ رأيه ومشورته في كل حاجه:

ــ مبروك يا باشا على جوازك شكل العروسه اللي منقيها لك الست هانم قيمه وسيما وحاجه اخر فخامه ربنا يسهل لك .

نعمان عينيه زاغت وسمير بيتكلم عن العروسه :

ــ طب ايه رايك بقى ان انا هطفشها زي ما طفشت اللي قبلها انت عارف مين اللي في القلب يا سمير واللي بيظبط دماغ نعمان فكك من حوار العروسه ده وقول لي انت هتفضل ترضى بمعامله ابوك دي كثير انا بتخنق كل اما اشوفه بيزعق لك .

ــ والله يا باشا ما باليد حيله دي ابويا ومضطر ان اني استحمله وبعدين دي راجل صعيدي ودقه قديمه ومخه متركب على كده فمش هاجي اعدل الكون هوا وادينا عايشين الحمد لله .

ناوله نعمان الهدوم في كيس مقفول :

ــ طب خد الهدوم دي جايبها لك نقاوه حاجه كده خامه وفخامه تليق عليك يا سمير خبيهم بعيد عن ابوك علشان دول مش زي اللي جبتهم لك قبل كده خالص مختلفين وعايز اشوفهم عليك قريب .

بص سمير على الهدوم وهو بيقلب فيها ومنبهر بيها :

ــ ده ايه الحاجات التحفه دي يا باشا ما انحرمش منك ولا من مجايب ايدك.

ــ خلاص روح يا سمير عشان استريح وافضي دماغي للحوار بتاع بالليل ده عشان اعرف اخلص منه ولو ان امي حلفت عليا انها هتتبرى مني لو طفشت العروسه ربنا المسهل بقى .

في مكان تاني بتتكلم سماره مع صاحبتها وهم ماشيين في السوق :

ــ الله ايه يا بت يا سماره الهدوم الأبهه دي ده اللي يشوفك يقول عليك ولا هوانم جاردن سيتي مين اللي جاب لك الحاجات الخطيره قوي دي انطقي .

ــ اهم جايين لي من عند الله واللي عند ربنا ما بيخلاش .

ــ مالك يا سماره حزينه كده ليه وبتتكلمي كانك شايله هموم الدنيا بحالها .

ــ يعني مش عارفه يا صاحبتي انا مالي الدنيا كلها جايه عليا الراجل اللي وهبته نفسي بقالي سنين عايشه معاه مستخسر يكتب عليا حتى لو ورقه عرفي وابويا مسخرني تحت رجليه عشان اجيب له الجنيه وما بيهونش عليه يجيب لي حتى جلابيه ألبسها شكل ما يكون صنف الرجاله على الدنيا مستخسرين يخلوني اعيش حلوه زي البني ادمين انا مش بتعري بحقيقتي غير قدامك انتي يا صاحبتي .

ــ يا اختي بلا هم طب ما تسيبك منه نعمان ده واللي يجي منه في 60 الف داهيه طالما هيوقف حالك وروحي اعملي لك العمليه ترجعي بنت ثاني وعيشي حياتك واتجوزي انت الف من يتمناك يا سماره .

ــ وتفتكري ابويا هيشوفني بنتي زي البنات وهيرضى لي ان اتجوز ويضيع البيضه الذهب اللي بتجيب له الافات كل شهر ويكنزهم ويخزنهم لحد ما العته هتاكلهم .

ــ سيبك من ابوكي انت ممكن تروحي مكان ثاني تعيشي فيه طالما قربت تبلغي السن القانوني وتعيشي مع نفسك وتعتمدي على نفسك وانت تقدري انت ب 100 راجل يا سماره .

ــ ما تقوليش انت ب 100 راجل دي تاني انا بكرهها يا نعمات ما تقوليهاليش تاني لو سمحتي .

ــ خلاص خلاص ما تتعصبيش اني مش عارفه خلقك ضيق النهارده كده ليه ايوه يا جدعان عليك وعلى العرق الصعيدي اللي فيكي .

ــ معلش يا نعمات اتعصبت عليكي البيه النهارده رايح يقابل عروسه علشان يخطبها وأمه صممت انه يروح يقابلها وانا النهارده عامله له خطه في دماغي هولع في قلبه واخليه ما يعرفش يقعد معاها ولا يتهنى ثانيه واحده من اللي هعمله فيه .

ــ ايوه يا سماره هتجيبي لنفسك وجه الدماغ نعمان قرصته والقبر ومش هيعدي لك اللي هتعمليه خليك في حالك يا بنتي وابعدي عنه واللي يجي منه احسن منه .

ــ وايه فايده الفلوس اللي هو بيديها لي والهدوم اللي هو بيجيبها لي طول ما انا مدفونه بالحياه تحت قمقم ابويا اللي مش مخليني عارفه اتنفس انا لازم انتقم منهم كلهم انتقم من ابويا اللي وصلني للمرحله دي وانتقم من نعمان اللي استغلني من سنين واستغلت طفولتي وبراءتي وحولني لواحده عاهره كلهم لازم ياخدوا جزاهم على اللي عملوا فيا كلهم لازم قلبهم يتحرق زي ما هم حارقين قلبي.

ــ يا بنتي بلاش الانتقام اللي في دماغك ده سيبك من التفكير اللي هيوديكي في داهيه والله ما فيش حل غير اللي انا قلت لك عليه انك تبعدي عن ابوكي وعن نعمان ده خالص ما هو مصيبه هيتجوز امه مش هتسيبه كده ما هم مسيره هيتجوز ومسيره هيبعد امه مش هتبطل غير لما تجوزوا وانت اللي هتخسري .

ــ اهرب اروح فين ان كنت هعرف افلت من ابويا مش هعرف افلت من نعمان اصلك ما تعرفيهوش متملك زياده عن اللزوم وحاططني في دماغه قوي وشكلي كده هفضل تحت قبضه رحمته العمر كله زي ما هفضل تحت رحمه ابويا برده العمر كله كل واحد فيهم يشكلني على كيفه بمزاجه وكل واحد فيهم يستفاد مني زي ما يحب .

ــ والله انا نصحتك وانت حره وبعدين انت مقروده وتعرفي تفلتي من ايتها جن مش هتعرفي تفلتي من نعمان وابوكي انت حره بقى اعملي اللي على كيفك بس ما ترجعيش تعيطي وتقولي لي الحقيني يا نعمات .

بالليل جه معاد مقابله نعمان مع العروسه اللي هم جايبيها له وبعد ما الامهات قعدوا مع بعض شويه سابوهم الاثنين يتناقشوا مع بعض فالعروسه حست ان نعمان متجاهلها من اول القعده واول ما امها قامت وشافته عمال يتلفت حواليه يمين وشمال مسكت موبايلها وهي بتتجاهله والحركه دي ضايقته منها فبدا يتكلم :

ــ ما قلتليش بقى اسمك ايه يا جميل وبعدين هو انا مش قاعد معاكي ينفع تمسكي الموبايل تقلبي فيه واحنا قاعدين مع بعض بنتعرف .

حست بانتصار لما بدا الكلام ولامها على انها مش بتتجاوب معاه :

ــ اصل انا حسيتك جاي مغصوب على القعده دي ومش انا اللي عريسها هيتغصب عليها والله لو انت جاكي شان مش هقبلك .

ــ الله الله انت بدآها حاميه قوي كده ليه يا جميل اهدي علينا احنا لسه بنقول يا هادي ما حدش قال ان انا مغصوب ولا حاجه .

ــ اه واضح ان ما حدش قال بدليل انك عمال تتلفت يمين وشمال ومش عارف حتى اسمي اللي والدتك نطقته 50 مره واحنا بنتعشي.

ــ طب ما تزعلش يا باشا علشان بس مشغول بصفقه مهمه في الشغل فتلاقيني مش مركز اما انا دلوقتي كلي اذان صاغيه .

نعمان عجبه جدا قوتها في الكلام وانها ما اترمتش تحت عيونه ولا اتهبلت برجولته زي البنات اللي قعدت معاه قبل كده دايما الراجل بيحب الست الشرسه العنيده اللي ما تسلملهوش مفاتيحها بسهوله فاتكلمت باختصار على قد سؤاله :

ــ اسمي فرحه واسمي مميز ما بيتنسيش .

ــ واضح يا جميل اسمك بيدل على البهجه والفرح وربنا يجعل ايامنا مع بعض فرح في فرح .

واثناء ما هو بيتكلم معاها شاف سماره داخله المكان اللي موجود فيه ومعاها واحد ولابسه فستان شياكه من اللي كان جايبهم لها وظبطه نفسها على الاخر وبتضحك وبتمدي له ايدها عشان يقعدها على الكرسي شاف المنظر ده والدم فار في عروقه وفاجأه

ونكمل الفصل الجاي

سمارة ٢
واثناء ما هو بيتكلم معاها شاف سماره داخله المكان اللي موجود فيه ومعاها واحد ولابسه فستان شياكه من اللي كان جايبهم لها وظبطه نفسها على الاخر وبتضحك وبتمد له ايدها عشان يقعدها على الكرسي شاف المنظر ده والدم فار في عروقه وبقى قاعد مش على بعضه ولا مركز مع فرحه اللي ركزت مع نظر تاني وشافته بيبص على واحده في خبطت على الترابيزه عشان تفوقه :

ــ يعني كون ان انت مش محترم وجودي معاك دي مشكله وكون انك تبص على واحده معاها جوزها او خطيبها بالطريقه دي تبقى مشكله اكبر وكويس قوي ان انا اكتشفتك على حقيقتك قبل ما ارتبط بيك يا حضره الباشا نعمان .

لسه كان هيتكلم سابته واخذت شنطتها ومشيت وهو كل اللي كان مركز معايا سماره وازاي تخرج مع واحد غريب وكمان تقعد وتضحك معاه بالمنظر ده وقام من على ترابيزته وهو زي الطور الهايج راح عليهم ومسكها من ذراعها وامرها :

ــ قومي يا بت ايه اللي جايبك هنا ومقعدك مع البقف ده وكمان بتضحكي وبتهزري وسايباه يمسك ايدك ده انت لعبتي في عداد عمرك النهارده يا سماره .

رفعت سماره حاجبها بابتسامه انتصار وهي شايفه الدخان طالع من وشه وكمان كانت واخده بالها من عروسته اللي سابت له المكان بغضب ومشيت وجواها بيزقطط من الفرحه :

ــ ده خطيبي ان شاء الله هبقى اعزمك على خطوبتنا يا نعمان بيه وبعدين انا حره اخرج على كيفي ومع اللي يعجبني وانت ما لكش حكم عليا لا انت جوزي ولا خطيبي ولا حتى اخويا ولا ابويا وبراحتي وبمزاجي .

نعمان ما شافش قدامه وهو بيشدها يقوم من على الكرسي ولوى دراعها ورا ضهرها وهو بيتكلم معاها بفحيح :

ــ يمين بعظيم يا سماره المحترمت نفسك ولميتي لسانك وخرجت معايا دلوقتي لهكون مكسر لك رجلك دي وهوديك لابوكي على نقاله الراجل الناقص اللي بيسيبك تخرجي في الوقت ده وتقعدي مع شباب .

حاولت تشد دراعها منه وهي مستمره في استفزازه :

ــ الله الله هو خدهم بالصوت قبل ما يغلبوكم ولا ايه الزم حدك يا باشا وملكش صالح بيا وبعدين انت مش كنت قاعد مع عروستك روح الحقها قبل ما تبلغ مامي وتخصم منك المصروف وتعاقبك يا نونه .

نعمان ما بقاش متحمل طريقتها في الكلام وفجاه نزل على وشها بقلم سمع اللي قاعدين في المطعم كلهم من شده الالم حطت ايديها على وشها وهي بتبص على الناس اللي شافتها وهي بتنضرب وفجاه سحبت شنطتها وخرجت من المكان بسرعه وهو مستناش جري وراها علشان يلحقها قبل ما تروح اي حته وقبل ما توقف تاكسي كان ساحبها من ايديها واخدها على عربيه بتاعته وفي سرعه البرق كان متحرك من مكانه وراحوا على الشقه اللي بيتقابلوا فيها وكل ده وهي عماله تعيط ومش عايزه تروح معاه لكنه واخدها بالغصب ،

وصلوا المكان ونزلها من العربيه وسحبها على فوق غصب عنها واجبار وطلع بيها الشقه واول ما فتح الباب زقها بعنف اترمت على الارض وقفل الباب وراه المفتاح وعينك ماتشوف الا النور نزل عليها ضرب موت وهي مش عارفه تفلت منه كل اللي بتعمله انها حاطه ايديها على وشها علشان ايدوا ما تطولش وشها وهي بتستنجد بيه يسيبها :

ــ حرام عليك كفايه ضرب انت ما لكش ضرب عليا ابعد عني سيبني في حالي انت هتتجوز عايز مني ايه ما انت هتعيش حياتك وهتتجوز وهتخلف كفايه ضرب اه حرام عليك يا مفتري .

ايديه وجعته من كتر الضرب على جسمها فنزل لمستواها وهو ماسكها من كتفها الاثنين ورفع وشها قصاد عينيه وبيحذرها بفحيح :

ــ واللي خلق الخلق يا سماره ان شفتك خارجه مع واحد ثاني ولا جنس راجل المره الجايه هكون كاسر لك رجلك الاثنين ومش مخليك تتحركي من مكانك خالص انت اتجننتي يا بت ازاي تعملي الحركه دي وانت قاصده تعمليها وعارفه ان انا هناك علشان تبوظي لي الجوازه وتربكيني .

نفضت ايديها من بين ايديه بالعافيه وهي بتمسح دموعها المتكحلين من عينيها وبتجز على اسنانها بغضب وبترد عليه الند بالند :

ــ انا حره ما انت هتتجوز سيبك من الانانيه اللي فيك دي يا نعمان وابعد عني طريقي ما بقاش زي طريقك وبعدين انت اخذت مني اللي انت عايزه ثالث ومثلث وما بقاش في حاجه جديده هنستنفعها مني كل حاجه حلوه وكل مشاعر وعواطف جميله في حياتي اديتها لك سيبني بقى اشوف حياتي انا كمان …

ــ اسيبك مين ده في احلامك انا دلوقتي هاخدك اوصلك لبيت ابوك واقسمت بالله يا سماره بنتكرر اللي حصل تاني مش هتشوفي خير في الدنيا ابدا وبعدين انت بمزاجي وعلى كيفي وقت ما احب ارميكي هرميكي اما دلوقتي انا لسه عايزك ومصمم على وجودك .

ــ انت كده بتستدعي ن*ار سماره يا نعمان وما تمسكش الن*ار بايدك علشان ما تحرقكش وتولع فيك احسن لك سيبني في حالي لاني مش هرضي اني اكون عرفت طول العمر انا عايزه اتجوز واعمل بيت وعيله ويكون ليا عيال زيك بالظبط .

الاثنين استمروا في عنادهم لبعض وهو مصمم على اللي في دماغه وما وصلوش لحل خدها وصلها وهو بقى زي المجنون من عمايلها ،

$$$$$$$$$$$$$$$$

ــ يا نهارك مش فايت النهارده يا سمير هو انا مش قلت لك ارجع الاقيك قايم من النوم وساقي الزرع اللي في الجنينه بره ومجهز الفطار على ما ارجع ياض وفي الاخر اجي الاقيك نايم زي ما انت ده انا هخلي يومك جحيم النهارده يا سمير .

سمير كان جسمه بيوجعه ومش قادر يتحرك من مكانه ولا يقوم من السرير وحاسس انه تعبان بشده فترجى ابوه :

ــ معلش يابا سيبني النهارده مش قادر اقوم من مكاني حاسس اني تعبان وجسمي حالل من بعضه وعندي صداع ومش قادر احرك ولا دراعي ولا رجلي .

ابو ضربه بالكوميه في جنبه خلاه انتفض واتوجع قوي من شده ضربته وهو حاطط ايده على جنبه ماسكه والدمعه فرت من عينيه :

ــ ليه يابا حرام عليك بقول لك تعبان وجسمي بيوجعني تقوم تعمل فيا كده حرام عليك انت ليه قاصد تعذبني على طول ليه قاصد ما تشوفش ولا تعبي ولا حياتي اللي متدمره بسبب قسوتك عليا كنت بتخلفني ليه يابا لما انت هتعمل فيا كده .

خلص سمير كلامه وساح في العياط جامد وابوه شايف ان عياطه ده دلع وما ينفعش يعيط من الاساس فمسكه من دراعه وهو بيشده من على السرير يقومه غصب عنه :

ــ قوم ياض انت بطل سهوكتك دي وبطل كسلك وسيبك من كلامك الاهبل اللي هتقوله دي هو انت مفكرني عيل برياله علشان اصدق النحنحه بتاعتك داي ،

قوم فز انجر قدامي تك خابط في نفوخك انا مش عارف خلفه ايه السوده دي اللي ربنا بلاني بيها عيل خرع ولا له في الطور ولا الطحين وكمان مش عاجبك .

سمير خلاص كان فقد اعصابه من معامله ابوه ده غير جسمه اللي بيوجعه فعلا وقال لأبوه وهو بيبص في عينيه من بين شهقاته الشديده :

ــ موتني يابا وارتاح مني او ريحني من الدنيا اللي انت معيشها لي دي على الاقل اما اروح عند ربنا هيكون عليا ارحم منك ومن قسوه قلبك شكل ما اكون مش حته منك ولا لحمك ودمك علشان تعذب فيا كده ليل ونهار وتقطمني ليل ونهار كفايه انك غيرت خلقتي وخلتني شبه الشحاتين وما بيهونش عليك تجيب لي حتى جلابيه .

ــ انت بترد على ابوك يا سمير وبتبجح في وشه من امتى ياض اتعلمت انك تبجح فيا ما هو من شله الصيع اللي انت بتخرج معاهم كل يوم واني مهعرفش انت رايح فين ولا جاي منين داهيه تاخدك ولا ترجعك يا شيخ عشان استريح منك قوم ياض بدل ما هموتك بجد زي ما انت ما بتقول .

جر سمير في رجله وهو بيقوم بالعافيه وحاسس ان الدنيا بتلف بيه ومش قادر يتحرك من مكانه ابوه زقه علشان يتحرك فتره مع الارض ما حطش منطق ،

ابوه ما تهزش من غميانه وراح جاب ميه ودلقها على وشه وهو نايم مكانه على الارض وبعد سمير ما الميه نزلت عليه بغزاره فاق وابوه ما كفهوش اللي عمله فيه ضربه بالرجل في بطنه وهو بينبه عليه :

ــ اني خارج اجيب طلبات الفطار ارجع الاقيك فوقت من غيبوبتك دي وقمت شفت طلبات الجنينه عايزه ايه وشفت الست هانم وجهزت المطبخ للفطار وعلى الله ارجع الاقيك نايم مكانك .

خرج ابوه وهو جرجر جسمه بالعافيه وسند على الحيطه وفضل يعيط جامد عياط يقطع القلب من العيشه اللي هو عايشها بسبب ابوه وجحوده وقسوه قلبه وفكر ينتحر ويموت نفسه بدل المره 1000 وفي كل مره يتراجع شكل ما تكون في حته نظيفه في قلبه بتمنعه ان هو يعمل كده ،

كان واقف سمير في الجنينه ماسك الخرطوم بيرش الزرع وهو مش قادر يقف على رجليه فتقدم منه نعمان كان خارج رايح شغله وشافه بالمنظر ده :

ــ مالك يا سمير شكلك تعبان قوي ومش قادر تطلب طولك طالما تعبان كده ما استريحتش في سريرك ليه .

سمير ما بصلوش وهو بيتكلم ورد عليه على قد السؤال :

ــ ما تشغلش بالك بيا يا باشا روح انت على شغلك وانا ليا رب كريم قادر يقبض روحي ويريحني .

ــ ايه اللي هتقوله ده يا سمير حرام عليك يا اخي ايه التشاؤم والاكتئاب ده على الصبح اكيد ابوك الفقري منكد عليك وما رعاش ان انت مش قادر تطلب طولك وغصب عليك تقوم تشوف شغلك .

ــ عادي وايه الجديد ما كل حياتي انا مغصوب عليها شكلي لبسي ملامحي كل حاجه عكسي وكل حاجه مش بتاعتي وكل حاجه ضدي اشمعنى ابويا اللي هيبقى حلو .

ــ ما ابوك هو السبب في اللي انت فيه وهو اللي وصلك للمرحله دي ياما قلت لك يا سمير تعالى وابعد عنه وانا هروقك وانت مصمم تفضل في جحيم ابوك وانا مش هخليه يعرف طريق جره ليك .

ــ ابويا ارحم من الذئاب الكبيره اللي هقابلها بره في دنيا انا ما اعرفهاش وحتى لو كان هو لحمه مر معايا بس في الاخر ابويا يا باشا .

نعمان لمح امه بتبص عليه من بعيد وهو اصلا نازل بدري علشان ما يقابلهاش بعد ما اطفش العروسه فساب سمير الوجعه وحيرته وجري بسرعه قبل ما امه تنادي عليه وطبعا هو عارف انها حالفه له ،

ومر اليوم ده على سمير والوجع فاق الحدود معاه واول ما اخلص شغله دخل على سريره ينام وقرر انه ما يخرجش خالص ،

هي صاحبتك اللي اسمها سماره ما جتش النهارده معاكي يعني وبقى لها اسبوع مطنشه لك هي البنت دي وقعت على الكنز ولا ايه ؟

ــ مش عارفه يا بت ما انا مستغربه برده هي البت دي بقت تستكبر عليا ولا ايه.

ــ اسكتي انت هبله وعبيطه ياما قلت لك سيبيكي من الطيابه اللي تتعاملي بيها مع الناس والبنت دي من ساعه ما شفتها معاكي قلت لك بدل المره 1000 انها سهونة وسوسه وانت بتدلقي عليها زي الجردل .

ــ طب والله لو طلعت بتتعامل معايا بالكبر ده لاخليها تندم علي اليوم اللي فكرت تتكبر على نعمات هي نسيت نفسها ولا ايه ده انا اللي طلعتها من الدفنه اللي كانت فيها وخليتها بنت زي بقيه البنات وفي الاخر ارن عليها ما تعبرنيش ماشي يا سماره .

ــ طب ما تقولي لي قصتها يا بت حكم انت بقيتي ملاوعه زيها ده انا حتى صاحبتك من قبلها بكثير وعيب لما تخبي عليا والبنت دي وراها حوار كبير .

ــ هقول لك وهو ادينا قاعدين بنلغي مع بعض البنت دي بتعرف صاحب الشغل بتاعهم راجل باشا كبير قوي أبهة من بقى لها سنين ماشيه معاه وبتروح تقابله في بيته ومنغنغها ومعيشها احلى عيشه وفي الاخر اتبطرت عليه وعايزاه قال يتجوزها وهو طبعا ما عجبهوش كلامها واتخانق معاها ما هو مش هيتجوز الخدامه بتاعته اللي طالها من غير جواز .

ــ هييييييي يا نهار ابيض بقى البنت اللي عامله نفسها ولا كانها جايه من بلاد بره وبتتأنتك علينا طلعت ماشيه في السكه البطاله ومسلمه نفسها الراجل عجبت لك يا زمن .

ــ هي سماره معتزه بنفسها بس المره اللي فاتت حلفت لي انها هتنتقم منه ومن ابوها وهتوريهم ايام سوداء عرفت ان هو هيخطب راحت نفس المكان اللي هيقابل فيه خطيبته عشان تبوظ عليه قعدته وناويه له على نيه سوداء .

ــ طب طالما الراجل غني يا بت ليه ما تروحيش تفهميه الفوله بتاعه البنت دي ونيتها وتستفادي من وراه ولا هي اللي هتاكل من التورته لوحدها وانت تاكلي الفسيخ ابو ريحه منتنه .

ــ لا يا شيخه حرام عليك دي ائىتمنتني على سرها معقول اخونها والبسها في الحيط اسكتي بطلي وز في دماغي .

ــ روحي وانت هبله كده خليكي زي ضلها على الفاضي ولا بتستفيدي منها باي حاجه ولا بيهون عليها حتى تديكي فستان من اللي بيديه لها .

نعمات عينيها زاغت من كلام صاحبتها وبدات تفكر فيه ونوت على نيه ما يعلم بها الا ربنا لسماره وده كله علشان ما ردتش عليها في مره .

$$$$$$$$$$$$###$

ــ حمد لله على السلامه يا نعمان يا اللي راجع بعد نص الليل علشان ما تقابلنيش ولا بترد على تليفوناتي طول النهار اكيد عارف عملتك السوداء اللي انت عملتها امبارح مع خطيبتك وخليتها تخرج من المكان وهي زعلانه واخده على خاطرها منك وسودت وشي قدامهم يا ابن بطني .

ــ قوام خليتيها خطيبتي ياماما انا يا ستي خلاص كرفت الفرحه دي ولا عايز سعاده ولا حزن وبعدين هي اللي فهمت غلط والظاهر كده هتبقى عقلها صغير وبتشك في كل حاجه وانا ما يلزمنيش المره اللي تشك فيا .

ــ خش في عبي ياض لا خش في عبي ،
انت ياض مفكرني هبله ودقه قديمه وعلى نياتي انت المفروض قاعد مع واحده بتحترمها وما تفكرش تبص لغيرها وسيبك من هناك الزايغة دي يا نعمان وتطلع دلوقتي تتصل بيها وتعتذر لها وتتفق معاها على ميعاد وتصلح كل الغلط اللي انت عملته انا بقى فرحه ديت دخلت في دماغي ومصممه عليها .

ــ اتصل بمين يا حاجه انت عارفه الساعه كام احنا بعد نص الليل زمانها نايمه في العسل ان شاء الله كمان شهرين ثلاثه كده .

ــ انت ايه يا واد انت كتله بجاحه وقله ادب متحركه على الارض وبتعصي اوامر امك طب اعمل حسابك اداره الشركه كلها تتسحب منك وكل حاجه هاخدها من تحت ملكيتك وانت عارف انها كلها املاكي وهخليك مجرد موظف في الشركه والمنظره والهيبه تضيع منك خالص لو ما عملتش اللي بقول لك عليه .

ــ لا وعلى ايه هتصل لك بها دلوقتي حالا قدامك وهصالحها واراضيها واداديها زي العيال الصغيره بالظبط احنا ناقصين غضب نبع الحنان كله الا غضب الام اللي يتهزلوا سبع سماوات يا حاجة .

وفعلا طلع التليفون ورن عليها يجي خمس مرات لحد ما ردت عليه وهو كان زهقان من قله ذوقها واول ما سمع صوتها وهي بتتكلم بتناكه :

ــ مين معايا مش عيب يا بني ادم قله الذوق دي تتصل بعد نص الليل وتزعج الناس .

سمير كان حاطط ايده على رقبته وهو بيشاور لامه مخنوق من طريقه كلامها بس هي اجبرته ان هو يكمل المكالمه ويعتذر لها :

ــ معلش يا برنسيسه اصل ما يحلاش الكلام والفرفشه الا بعد 12 بتصل بالبرنسيسه عشان اعتذر لها انا اللي حصل امبارح واقول لك انك فهمتي غلط وعايزه اتفق معك على خروجه في المكان اللي تختاريه يا جميل علشان اللي ما حصلش المره اللي فاتت يحصل المره الجايه .

ــ انا هقبل اعتذار لك بس علشان خاطر طنط ست ذوق معايا وحبيتها ودخلت قلبي هبعت لك المكان وانت تحدد الميعاد وتبقى تكلمني الصبح تصبح على خير .

قفل معاها الموبايل وهو بيقول لامه بلوم:

ــ بقى يا شيخه عايزاني اتجوز السمجه دي دي تقله وانا مش طايقها ولا طايق كلامها حرام عليك يا ماما

— ايوه هي دي وما فيش غيرها اللي هتظبطك وتمشيك على العجين ما تلخبطهوش وهتخليك مستقيم انا عارفه انا مختاره مين وعلشان كده هي مش لاده عليك .

ــ انت بتعملي معايا كده ليه ده انا ابنك يا شيخه المفروض تجيبي لي واحده تريحني تبسطني تدلعني مش واحده عامله زي الاستاذ اوامر متحركه .

ــ ما انا ياما جبت لك اللي تطبطب وتدلع وكنت بتتمنع خلاص فات الاوان انك تختار وهي دي اللي هتتجوزها يا نعمان يا اما كده يا اما هحرمك من كل حاجه عشان انا زهقت منك ومن دلعك .

ــ يوه ادي المكان ليكي هسيبه وطالع واعملي اللي يريحك وانا اخبط دماغي في الحيط والعلمك بقى انت اللي هتشيلي ذنب عدم ارتياحي للبني ادمه السمجه دي .

سمير شاف ابوه نام اخيرا وقرر ان هو يخرج النهارده ويفك عن نفسه بقى له اسبوع ما خرجش من الاوضه كنا بالتحديد الساعه 9:00 بالليل في الشتاء يعني الوقت متاخر خلص لبس وجهز نفسه للخروج ،

بعد شويه وصل سمير المكان وكانت القهوه اللي بيقعد عليها على طول فجاله واحد من اللي بيقعد معاهم :

ــ ازيك يا سمير عيش من شافك بقالك كتير ما جيتش القهوه يجي من شهر فينك يا جدع ؟

ــ اكون فين يعني من اهو موجود وعايش لسه يا ريت ربنا ياخذني ويريحني بدل العيشه اللي انا اعيشها دي .

ــ طب ليه كده يا شيخ حرام عليك ايوه يا جدعان على ملافظك ده انت شغال عند نعمان باشا اللي مروق على الناس كلها ومروق عليك على الاخر ايه يا عم شايل هم ايه ؟

ابتسم بسخريه ابتسم سمير بسخريه:

ــ والله انت ما عارف حاجه اسكت احمد ربنا على اللي انت فيه وبلاش تبص على المناظر اللي عند غيرك وتحكم عليها بالظاهر وانت ما تعرفش الباطن ساعات الوش بيداري بلاوي ما يعلم بها الا ربنا .

مشي سمير من القهوه خالص وراح مكان بعيد ما فيهوش ناس قدام البحر وهو بيبص حواليه يمين وشمال ما لقاش ناس قعد على الرمل وفجاه صرخ بصوت عالي :
ــ اه من الدنيا واللي بيجرى لك فيها هتستحملي لحد امتى يا سميرة هتستحملي لحد امتى مخبيه نفسك ورا قناع سمير ؟

تعبت يا رب من كل اللي حواليا تعبت من ابويا اللي خبيني في جلابيه الولد وصمم ان انا اعيش حياتي على اني ولد تعبت من نعمان اللي استغلني ولما عرف ان بنت ما رحمنيش وما خلاش فيا حته نظيفه لكل بنت ولا عايز يرحمني ولا من الناس اللي عيونها بتنهشني لو قلبت سمارة ذل واتذليت اهانه وضرب واتمرمطت من كل اللي حواليا اعمل ايه يا رب عايزه اعيش زي ما انت ما خلقتني مش عايزه اتنكر عايزه اتجوز واخلف وأعيش زي بقية البنات .

ورجعت بعقلها لخمس سنين وقت ما نعمان شافها وهي بنت كانت بتتسحب وخارجه من ورا ابوها وهي لابسه لبس بنات كانت زي القمر نعمان شافها وهي خارجه استغرب جدا مين اللي خارجه من بيتهم دي والفضول @ان هو يروح وراها عشان يشوف هي مين وفضل فعلا مراقبها لحد ما وصلت قدام البحر وقررت انها تنزل فيه وقبل ما تنزل سمعت صوته وهو بيقول لها :

ــ انت مين يا بت وكنت خارجه من بيتنا بتعملي ايه وبتتسحبي زي الحراميه انت حراميه؟

سماره اتخضت بشده من اللي جواها مره واحده وانصدمت لما لقيته نعمان ولسانها نطق بصدمه :
ــ ايه ده نعمان بيه ؟

ــ الله ده انت طلعتي عارفاني وحافظاني انطقي يا بت ازاي تدخلي الفيلا بتاعتنا وتخرجي منها وانت بتتسحبي يا اما هوديك السجن حالا .

سماره فضلت تجيبه يمين وشمال لكن ما اقتنعش بولا كلمه لحد ما لقيته قرب منها وبيجرها على الارض :

ــ طب ايه رايك ان الكاميرات هروح اراجعها وهجيبك وانت خارجه بتتسحبي وهدخلك السجن الليلة وهبيتك فيه لو ما اعترفتيش انت مين ؟

ما لقيتش حل غير انها تعترف له هي مين ابوها زمان لما جابها كان ملبسها لبس صبيان وحلق لها شعرها ومن وقت ما دخلت البيت وهي بتحلق شعرها لحد ما ترجت ابوها في يوم ان هي هتلبس باروكه وما يحلقلهاش شعرها علشان مش عايز حد يعرف انها بنت وخصوصا انهم من الصعيد وحاطط في دماغه انهم هيطمعوا فيها :

ــ انا سمير ابن محروس يا نعمان بيه .

انصدم نعمان وهو بيبص لها بذهول :

ــ يخرب بيتك سمير مين انا شايف قدامي كتله من الانوثه والجمال متحركه سمير ده واد انتي هتشتغليني .

حلفت له علشان يصدقها :

ــ والله العظيم انا سمير انا بنت مش ولد وابويا اللي عمل فيا كده وخلاني ابقى ولد علشان الناس ما تطمعش فيا وعلشان الست هانم كمان ترضى تشغله عندكم لانها كانت كاتبه في الاعلان لو البواب عنده بنت مش عايزين .

ــ بقي ابوكي دفنك جوه عبايه الواد علشان خاطر نفسه ! ازاي رضيتي انك تغيري من خلقه ربنا ازاي رضيتي انك تكبتي نفسك بالطريقه دي طول السنين دي كلها !

ــ ما باليد حيله يا باشا ما ليش غير ابويا في الدنيا ولازم اسمع كلامه ومجبره اني اعمل اللي هو عايزه ده كل يوم ضرب وزعيق وبهدله جتتي ما بقتش متحمله عذاب وليه وعمايله فيا فاضطريت اني اخضع للريح واسمع كلامه .

بص نعمان لجسمها المرسوم ولهيئتها اللي تخلي اجدعها راجل يميل على بوزه :

ــ بس انت اكتشاف خطير يا سماره خلاص انت بقيتي بتاعه نعمان وتخصي نعمان هاتي ايدك يا حلوه .

شافت في عيونه نظرات رغبه ونظرات هتاكلها وعرفت في الوقت ده انه هيستعملها لرغبته زي ابوها ما استعملها بقسوته لخدمته ومن وقتها من وقت ما مدت ايديها في ايد نعمان وهي ما بقتش سماره البنت المتغطيه البريئه اللي دنسها ومرحمهاش .