فاطيما يوسف
بسم الله الرحمن الرحيم
الجزء الاول من جميلة بنت المعلم
بقلمي فاطيما يوسف
ــ اني جاي لك وليه طلب حداك يا معلم، في واد معرفه حبايبي وصوني عليه عايز شغلانة علشان يقدر يصرف بيها على كُليته، انت عارف ابوه ميت وأمه ست تعبانة على كد حالها وعايزاه يكمل علامه بس المصاريف مقدراش عليها علشان هو في كلية عالية مجموعه هو اللي جابها لكن ما حداهوش فلوس يصرف على نفسه بيها فقال يشتغل جار الجامعة، ورايده ياجي يشتغل عِندك في القهوة اهنه .
كأن أبواب السما كانت مفتوحة فرد عليه والبسمة هتعلم على وشه علامات:
ــ واه يا معلم كأن الواد دي ربنا بعته ليا فرج من السماء، انت عارف العضمة كبرت وما بقتش متحمَل قعدة القهوة ليل ونهار، وكماني بتي هتقف تساعدني واني مغصوب على وقفتها في القهوة، وكنت عايز واد يتيم ياجي يشتغل حداي يقف جاري وهعامله كانه ابني من صلبي اللي ما خلفتهوش خليه ياجي وأني اشوفه ينفع ولا له .
ما فيش ساعتين وجه صاحبه ومعاه “سلام” وبعد ما قعدوا وسلموا اتكلم “سلام” وهو حاطط وشه في الارض مكسوف :
ــ اني طمعان في كرمك يا معلم تشغلني معاك في القهوة في الوقت اللي هرجع فيه من الجامعة، لان كليتي صعبة محتاجة إني أروح ولو اربع ايام في الأسبوع، واني والله واد لهلوبة وهعجبك مش هقصر وياك في أي شغل بس الله يكرمك تشغلني باللي هتقول عليه .
المعلم “عواد” شاف فيه الانكسار وان هو عايز يشتغل فطبطب على ضهره بحنان :
ــ ولا طمع ولا حاجة يا ولدي، انت شاب زين هتحب علامك وهتساعد بالقرشنات اللي هتشتغل بيها امك العيانة الله يعينك على حالك، واني كمان العضمه كبرت وشغل القهوة كَتير، انت عارف إنها قهوة قبلي والناس هتاجيها نهار وليل، وكمان بتي ” جميلة” ما عايزش امرمطها وياي في شغل القهوة أصل شغل رجالة عاد وانت عارف .
حرك “سلام” راسه بفرحه وهو هيوعدوا بتأكيد :
ــ اطمن يا معلم شغل القهوة هيُبقى في عيني والوقت اللي هتقول لي اقفل فيه هقفل، وربنا يخليك ويبارك في كرمك وانك هتُقف جنب الغلبان وهتساعده ويجعله في ميزان حسناتك يا رب .
اتفقوا على كل حاجة ومشي ” سلام” وراح حكى لامه على إنه لقى شغل علشان يفرحها كانت شايلة همه :
ــ خلاص يا ماي اني لقيت شغل ومهفوتش جامعتي واصل، وكماني المعلم طلع طيب وهيسيبني أروح الجامعة أربع ايام في الاسبوع وهيديني مرتب حلو قوي يا اماي يا بركة دعاكي .
فرحت أمه علشان لقى شغل كانت شايله همه ومناها ان ولدها يخلص الجامعة ويتعين دكتور فيها زي ما كانت بتحلم وطبطبت على ظهره :
ــ الحمد لله يا ولدي ربك معين وما بيسيبش حد محتاج واصل، عايزاك تخلي بالك من شغلك والاهم من الشغل الكتاب والمذاكرة، تعافر يا ولدي عشان يبقى ليك مستقبل زين، العلام هيرفع من شأن الانسان وبوك الله يرحمه كان نفسه توبقى داكتور كد الدنيا ، هتعرف تحقق اللي كان نفسه فيه يا ولدي ؟
حض,نها وهو هيطمنها وهو هيبص لقدام وعينيه هتلمع على الحلم الكبير اللي مستعد يعمل عشانه أي حاجة حتى لو كانت صعبة :
ــ واه يا حاجة! كانك ما دارياش ولدك هيفحت نفسه كل يوم والتاني وهو هيذاكر وما هيفوتش محاضرة الا لما يراجعها ويحفظها صم، بعون الله هتشوفي ولدك احسن واد في الدنيا انا حلمي أكبر من إني ابقى داكتور يا اماي .
###################
ــ “جميلة” يا بتي تعالي عايزك جايب لك خبر حلو و زين .
خرجت “جميلة” بابتسامتها اللي تشبه ملامحها واسمها الجميل وهي هتبوس راس ابوها وهتسأله بلهفة:
ــ خير يا ابوي خبر ايه الزين اللي هتخبرني بيه انت عارف اني هحب الاخبار الزينة كيف ؟
طبطب على ظهرها وقال لها:
ــ أني لقيت واد يتيم وابن حلال هيشيل معاي اني وانتِ شغل القهوة، هو هيدرس في الجامعة وعايز يكمل علامَه، وعلشان اكده هو محتاج الشغل وهيرعاه كانه بتاعه، مش زي اي صبي كان هياجي يشغل القهوة ويتعبنا وياه ويتجلع، اما الواد دي عايز يشتغل عشان عايز فلوس يصرف على نفسه، فعايزك يا بتي تعرفيه على شغل القهوة كلاته وتتفقي وياه على المواعيد انتِ عارفة بوكي عضمته كبرت وما بقاش حمل تنطيط، أني بنزل المرة وانزل بعديها بسبوع عضمي متكسر ما هيتحملش الطلوع والنزول واصل .
طمنت أبوها وهي هتطبطب على ضهره بحب :
ــ اطمَن يا ابوي اني هعرفه على كل حاجة وهتفق وياه على مواعيد الفاضية اللي هينفع ياجي فيها وهبدل معاه كمان، اطمَن انت وحط في بطنك بطيخة صيفي وما تقلقش على القهوة أني عارفك انك هتحبها كيف عينيك واكتر من “جميلة” كماني يا راجل يا عجوز انت .
حض.نها وهو هيبو,سها من راسها بنته الوحيدة اللي خلفها على كبر وهيحبها كيف نن عينيه واكتر كمان :
ــ اني ما هحبش كدك في الدنيا يا “جميلة” خلفتك وأني راجل داخل على الـخمسين بحكمة ربنا بعد ما كنت فاقد الامل اني هخلَف، و أمك ألف رحمة ونور عليها ماتت وهملتنا بدري بدري، واني وانتي ملناش غير بعض واصل، وعلشان اكده يا بتي رايد اوصيكي على نفسك تخلي بالك منيها قوي، اني إن عشت لك النهاردة مهعيشلكيش بكرة .
برقت عينيها بصدمة من كلام ابوها وهي هتنهاه:
ــ واه يا ابوي عاد حسك في الدنيا ربنا يخليك ليا وما يحرمنيش منك يا حبيبي، اني من غيرك ما هعرفش اعيش في الدنيا داي واصل ليه بس هتقول الكلام دي يا نور عيني ؟
اتنفس ابوها بصعوبة كالمعتاد عنده ضيق تنفس جاله على كبر معذور هو دخل سن ال 75 وهو هيكمل كلامه وهيوصيها على حالها:
ــ اسمعيني زين يا بتي عايزك تاخدي بالك من حالك شرفك وسمعتك اهم شيء تحافظي عليهم في الدنيا داي، واعرفي ان المال زايل وان الراجل اللي هيوطي راسك في الارض تحطيه تحت رجليكي، اني ربيتك على الغالي وربيتك على انك ترفعي راسك في وسط الخلق وانتي ماشية، اوعاكي في يوم تذلي نفسك لراجل ولا تحبي اللي ما يحبكيش خلي بالك من حالك عشان لما اقابل وجه رب كريم ابقى مطمَن عليكي .
ــ يوه يا ابوي ليه هتقول الكلام دي عاد وهتخوفني عليك! يا ابوي انت سندي وراجلي ومالي وكل عزوتي في الدنيا اللي ما عايزاش منيها حاجة غير انك تكون جاري هتسندني وامشي جارك في الكفر كلاته وأتباهي إنك بوي، انت اللي هتختار عريسي وانت اللي هتجوَزني بيدك وانت اللي هتشيل عيالي على قلبك ربنا يخليك ليا يا ابوي .
ــ يا بتي اني راجل عديت ال 70 بخمس سنين وكان نفسي افرح بيكي واديكي دخلتي على ال 25 وما رضياش بولا عريس من اللي اتقدمو لك اسمعي مني وسيبيني اقول الكلمتين اللي هيريحوني يا بت قلبي .
فضل يتحدت وياها في اللي عايزه والوصايا اللي كل يوم هيوصيها لها من مختلف كل شكل ولون ابوها وخايف عليها وهيحبها اكتر ما هيحب حاله ،
فات اليوم ونزلت “جميلة” القهوة كالعادة وهي هتباشر مع الصبي اللي شغال فيها وقاعدة على مكتبها واثناء ما هي شغالة بتراجع الحاجات اللي القهوة محتاجاها سمعت صوت راجل داخل عليها هيقول:
ــ السلام عليكم ورحمه الله، شكلك “جميلة” بنت المعلم “عواد” اللي قال لي عليها .
كانت منزله وشها في الورق اللي قدامها وما كانش شايفها ورفعت وشها بالكامل واول ما شافها تنح قصادها كانه ما شافش ستات قبل اكده واصل مع انه هيروح الجامعه وهيشوف بنات على اشكال والوان لكن “جميلة” عينيها واسعه وسوده ورموشها طويله واللي يشوفها يتسحر بجمالها وهي هترد السلام عليه بابتسامه خطفت قلبه:
ــ وعليكم السلام ورحمه الله وشكلك انت الاستاذ بتاع الجامعه اللي هيشتغل وياي وهيساعدني في القهوه اللي ابوي “عواد” قال لي عليه بردك .
حرك راسه لقدام وهو هيبتسم لها ببلاهة وعينيه ما زالت متصنمه عليها وهو هيجاوبها :
ــ هو اني اللي المعلم قال لك عليه بتاع الجامعه يا ست البنات .
عجبها طريقه كلامه شاورت له ان هو يقعد وبدات تتكلم معاه وتعرف مواعيده ونظمت معاه كل حاجه ومواعيد شغل القهوه والمواعيد اللي هتستلم فيها منه واخدو على بعض في الكلام شويه لحد ما سالها :
ــ شكلك هتبصي في اوراق وهتراجعي شغل متعلمه لحد فين يا ست البنات؟
جاوبته وكانها هتفتخر بعلمها اللي وصلت له:
ــ معاي دبلوم تجاره وهراجع الحاجات اللي محتاجاها القهوه كل حاجه انت هتتعلمها وهتعرفها اني هكون وياك في القهوه في فتره وجودك لحد ما تتعلم كل حاجه وبعديها هسلمك فترتك وهستلم منيك .
وبعد ما عرفته كل حاجه سألته هي كمان بفضول:
ــ ويا ترى انت انهي جامعه وقدامك كم سنه على ما تخلص ؟
ــ اني في سنه تالته كليه هندسه وقدامي كمان سنتين على ما اخلص الجامعه يعني ما تقلقيش مش هفوتكم طوالي .
فضلوا الاتنين يتكلموا كتير عن الشغل وعن الحياه وعرفوا كل حاجه عن بعض ومرت الايام والايام والشهور والشهور لحد ما “سلام” عرف كل حاجه عن القهوه وهو و”جميلة” ، الاتنين اتعلقوا ببعض جامد وما بقوش يفارقوا بعض حتى في الوقت اللي هو موجود فيه كانت هتقعد وياه لحد ما في مره حد داخل عليها القهوه وهو هينادم عليها بصوت عالي وفزع :
ــ الحقي يا ست “جميلة” الحاج تعبان قوي وهيقول لك تعالي له دلوقتي حالا انت والمهندس “سلام” وما تتاخريش ثانيه واحده .
جميله اتفزعت واخذت سلام وطلعوا هم الاتنين جري على الحاج “عواد” واول ما طلعوا وقعدوا جارَه سألته بفزع وهي هتحسس على راسه وعلى صدره بخوف شديد:
ــ مالك يا بوي فيك ايه يا حبيبي ما تقلقنيش عليك يا ضي عيني ؟
كان بيكح بطريقه شديده لكن مسك ايديها اليمين وايد “سلام” اليمين وهو هيوصيهم بتعب شديد:
ــ شكل ربنا هياخد امانته يا بتي وهودعك وهقابل رب كريم عايز قبل ما اموت اطمَن عليكي وعلشان اكده بعت لك انتي والباشمهندس علشان اوصيكم وصيتي .
كانت بتعيط جامد من كلام ابوها ومش عارفه تقول ايه من كتر ما هي حزينه وشايفه التعب باين على وشه وجسمه الهزيل اما هو كمل كلامه وهو هيبص لـ”سلام” :
ــ يعلم ربنا اني حبيتك يا ولدي شكل ما تكون من صلبي وعلشان اكده عايز قبل ما اموت اطمن على “جميلة” ومش هلاقي غيرك ولد حلال اوصيه عليها خلي بالك منيها ولو عِملت معروف يُبقى تكتب عليها وتتجوَزها وتُبقى راجلها، وصدقني ما هتلاقيش بنتا زينه ترعاك وتاخد بالها من شرفك ومالك وحتى نجاحك زي “جميلة” بتي، اني عارفها كويس وحافظها زين بت اصول هتراعي ربنا في الراجل اللي هتتجوزه والمثل هيقول اخطب لبتك ولا تخطبش لابنك، اديني وعد شرف يا ولدي انك هتتجوزها وهتحطها في عينيك وهتنفذ وصيتي.
ــ يا ابوي هتقول ايه انت ربنا يخليك ليا ما محتاجاش راجل في الدنيا غيرك ولا عايزه حد ياخد باله مني غيرك انت، ما تسيبنيش يا ابوي ما اقدرش اعيش من غيرك، “جميلة” حياتها هتُبقى شينه ومش هيُبقى ليها نفس لاي حاجه في الدنيا طول ما انت مش جاري .
ــ يا بتي الموت علينا حق و وما حدش هيهرب من قدره ولا من لُقى رب العباد وعلشان اكده عايزك توعديني انك هتنفذي وصيتي، وانت كمان يا “سلام” توعدني علشان روحي تروح لرب كريم وهي مطمَنه.
“سلام” انصدم من طلبه لكن الراجل من يوم ما اشتغل عندهم وهو هيكرمم وهيعتبره فعلا كيف ولده لكن هو مش عايز يتجوز دلوك ولا بيفكر انه يتجوز قبل ما يخلص جامعته ويبني مستقبله حتى لو كان حاسس بمشاعر اعجاب ناحيه “جميلة” الا انه شايف ان الحب هيعطله، لكن لما شاف تعب الحاج “عواد” واصراره ما حدش يزعله وطمن :
ــ اطمن يا حاج “جميلة” في عينيا وعمري ما هفوتها مهما مر الوقت ولا الزمن واللي انت عايزَه هيحصل بس ما تتكلمش كَتير عقبال ما اروح اجيب لك الدَكتور يكشف عليك وان شاء الله هتُبقى زين وانت اللي هتجوَز “جميلة” وهتشيل عيالها كماني .
كان لسه هيمشي مسك في يده ويد “جميلة” وحطهم الاتنين في بعض وهو هيقول كلمته الأخيرة قبل ما يودع رب كريم :
ــ خلاص يا ولدي فات الاوان لا تروح ولا تاجي واخر حاجه اني حطيت يدك في يدها خلي بالك منها يا ولدي خلي بالك من الامانه يا “سلام” .
واول ما اخلص كلامه روحه فاضت لرب كريم ومات الحاج “عواد” الراجل الطيب، وانهارت “جميلة” بته عليه وبقى”سلام” يهديها وهو اللي راح جاب الكفن وكل حاجه تخص دفنه الحاج “عواد” هو اللي قام بيها كانه ولده،
مر سنه بحالها على موت الحاج “عواد” “جميلة” واقفه في القهوه كيف الراجل واكتر و”سلام” في السنه الاخيره من كليه الهندسه وهو في جامعته دلوك قاعد مع زميلته كانت هتقول له :
ــ ما قلتليش يا “سلام” هتيجي تخطبني من بوي ميتة بقى لي سنتين مستنياك وانت هتقول لي لما نوصل للسنه الاخيره وخلاص ما بقاش عنديك حجه نعطل الخطوبه عليها.
اتلجلج “سلام” وهو مش عارف يجاوبها بايه :
ــ بصراحة اكده انا عايز مجيش اخطبك الا واني راسي على ارض صلبه ما ينفعش اكون طالب وانتي عارفه ظروفي على كد حالها، واجي اطلب يدك وابوك يسالني حداك ايه اقول له ولا اي شيء، اصبري يا “سمر” لحد ما اخلص السنه الاخيره واشتغل في مكتب محترم اقدر اجيب لك شبكه حتى واقدم على شقه تعجبك اصبري فات الكتير ما بقى الا القليل .
ــ يوه لسه هصبر كمان سنين تانيه اني زهقت يا “سلام” وما بقاش حداي طاقه اني أتحمَل اكتر من اكده واصل، شبعت وعود واحلام وكلام كَتير واني حاسه اني مش راسيه على بر وياك وكمان اني ما عارفاش حاجه عن شغلك اللي هتشتغله من بقالك سنه وازيد وما راضيش تجيب لي سيره عنيه .
ــ واه يا “سمر” هو انتِ عايزه تزعلي نفسك وتشغلي بالك على الفاضي ماني قلت لك اني شغال مع واحد صاحبي عنده مكتبه كبيره وهقف وياه في الساعات اللي هيرتاح فيها وهو بيديني مرتب بصرف بيه على الجامعه وحالتي اتحسَنت شوي، وحتى مظهر ولبسي اتحسَنوا كَتير عن الاول، وانتِ شفتي بنفسك معايزكيش تقلقي حطي في بطنك بطيخه صيفي سلام لسمر وسمر لسلام .
ــ هو انت تقدر تكون لغير سمر يا سلام انت عارف اني كل يوم والتاني هتحجج لابوي وامي بالعرسان اللي هتتقدم لي انهم مش مناسبين وانت عارف بوي مركزه كَبير في الصعيد كد ايه عضو مجلس الشعب والدايره بتاعته هتحبه وكلهم رايدين يناسبوه في بته الوحيده لكن اني راهنة قلبي ومستقبلي كله وياك وعارفه انك ما هتخذلنيش يا حبيبي .
#################
ــ في حاجه عايزه اكلمك فيها يا سلام يا ولدي ومتردد لكن آن الاوان اني افتحها وياك ما ينفعش نستحمل ونصبر اكتر من كده.
ــ اتكلم يا عم الحاج مالك هتقول مقدمه طويله عريضه ملهاش لازمه عاد ايه الحاجه المهمه اللي ما ينفعش نستحمل ولا نصبر عليها لحد دلوك ؟
ــ جوازك من جميله بنت الحاج عواد يا ولدي الراجل موصيك وصيه قبل ما تموت انك تخلي بالك من بنته وتتجوزها وانت وفقت وهي هترفض كل العرسان اللي هتتقدم لها علشان عايزه اتنفذ وصيه ابوها وانت مش في دماغك، وكمان هتقعدو ويا بعضه كَتير بحكم الشغل في القهوه والناس يا ولدي ما هتسيبش حد في حاله وهيتكلموا عنيها في الرايحه والجايه ودي بنت يتيمه واني ما رضلهاش كده .
سلام بقى في موقف لا يحسد عليه لو فكر ان هو يسيبها وما يتجوزهاش مش هيشتغل معاها في القهوه ومش هيعرف يكمل كليته ولا المصاريف اللي لازمه مشروع التخرج واللي هي كتير قوي وما حدش هيقدر على المصاريف دي غير جميله وانها تديها له وما ينفعش ان هو يماطل اكتر من اكده وبقى واقف محتار معارفش يرد يقول ايه لحد ما اتكلم الحاج مره تانيه وهو هيحط قدام الامر الواقع:
ــ خلاص يا ولدي فات وقت التفكير اعمل حسابك جوازك منيها الخميس الجاي البيت جاهز والعفش جاهز وحتى هي كمان كانت هتجهز نفسها، ابوها جايب لها الخير كلاته تاجي وياي دلوك وتطلبها مني قدامها عشان نرفع من معنوياتها ومعايزش اوصيك عليها تحطها في عينك، وزي ما ابوها قال لك قبل ما يموت ما هتلاقيش ست زيها تقف جارك وتكبرك وتخليك احسن واحد في الدنيا وعلشان اكده اوعى تغدر في يوم من الايام يا ولدي وتكبر وتتعالي عليها لما تبقى بشمهندس كد الدنيا .
اتنفس “سلام” بصوت عالي وخلاص لا مفر من الجواز من جميله ووافق على كلام الراجل اللي بسببه في النعمه دي وهو اللي مشغل اصلا عند الحاج “عواد” وراح معاه واول ما وصلوا واتكلموا شويه طلب سلام ايد جميله وهي بقت قاعده قلبها هيدق والفرحه مش سيعاها كانت مستنيه اللحظه دي هي هتعشقه اكتر من روحها واكتر من اي حد في الدنيا واول راجل يدخل قلبها وعلشان اكده هتحبه كيف عينيها :
ــ اني رايد اطلب يد جميله منك يا عم الحاج انا كنت معطل الطلب ده لحد ما يفوت سنه على موت الحاج عواد الف رحمه ونور عليه وخير البر عاجله نكتب الاسبوع الجاي .
جميله وطت راسها في الارض بكسوف وافقت على الجواز من سلام زينه شباب الصعيد وهيبقى باشمهندس مد الدنيا وتمت كل حاجة بسرعة اتجوزوا الاتنين ،
واتعمل لهم فرح صغير بناء على طلب جميله واول ما دخله سلام كان حاسس ان في حاجه كبيره طبقه على نفسه ومش قادر يتقبل الجوازه دي هو شايف نفسه يستاهل سمر باشمهندسه زيه ،
لكن قرر انه ينسى كل حاجه ويبدا يتعامل مع جميله ويتاقلم مع الامر الواقع وانها بقيت مرته،
مرت الايام وجميله هتتعامل وياه بكل حب جوزها وراجلها اللي ما لهاش غيره،
دخلت عليه الاوضه وفي يدها صينيه عليها اكل اشكال والوان وهتقول له:
ــ سيب الكتاب اللي في يدك بقى يا سلام بقى لك يومين مطبق وما هتنامش واصل قوم كلك لقمه تصلب طولك بيها ونام لك كمان كم ساعه عشان تقدر تكمل الايام الجايه النوم والاكل مهم .
ما كانش بيبص لها وهي بتتكلم وعينه في الكتاب ومركز فيه جامد وهو هيرد عليها:
ــ ما ينفعش يا جميله خلاص الامتحانات على الابواب ولازم اذاكر واجتهد دي اخر سنه علشان لو ما جبتش التقدير اللي هجيبه كل سنه مش هتعين معيد في الجامعه .
ــ طب قوم كلك لقمه واقعد معاي شوي على الاقل تغير من روتين المذاكره دي ونفسك تتفتح ولو نص ساعه بس .
ــ معلش يا حبيبتي اني عارف اني مقصر معاكي بس ادي الله وادي حكمته لازمن اخلص المنهج كلاته مره واتنين وتلاته .
ابتسمت له وهي هتطبطب على ضهره بحنان وفضلت قاعده جاره زي كل يوم لحد ما نامت على نفسها وهي لما نامت واتاكد انها نامت سحب تليفونه وخرج على بره بعيد عنها خالص وجايب رقم سمر واول ما ردت عليه:
ــ وحشتيني وحشتيني يا حبيبتي، عامله ايه معلش ما اعرفش اكلمك طول النهار انت عارفه المذاكره والشغل طمنيني عنك المذاكره اخبارها ايه ؟
ــ يا يا سلام وانت كمان وحشتني قوي كل يوم هتتكلم وياي الساعتين بتوع بالليل دول هيهونوا عليا تعب المذاكره وهيخلوني اتشجع واذاكر علشان اغلبك واجيب تقدير اعلى منك .
ــ يا بكاشه هم ساعتين اتنين دي اني هتحدد وياكِ طول الليل لحد ما الفجر هياذن واحنا هنتكلم ويا بعض، خلي بالك من نفسك ومن مذاكرتك علشان نستعد لمشروع التخرج.
ــ قل لي يا سلام هتجيب فلوس مشروع التخرج منين دي هيعدي ال 100 الف جنيه طمني عليك ؟
اتحمم سلام وهو هيفتكر جميله وهيفكر كيف هياخد منها المبلغ ده وطبعا سمر ما تعرفش ان هو اتجوز وما جابلهاش سيره لكن قال لها وهو هيطمنها:
ــ ما تقلقيش يا سمر ما تقلقيش يا حبيبتي اني كنت عامل جمعيه من بقالي سنتين موفر حقها من راتب كل شهر وخلاص هقبضها الشهر الجاي وهعمل بيها مشروع التخرج ما تقلقيش حبيبك باشمهندس ودماغه توزن بلد وهيفكر في مستقبله ومشروع التخرج دي كنت هفكر فيه من بقالي كَتير .
وفضلوا يتكلموا مع بعض وهي تسمعه وهو يسمعها وجميله نايمه كالعاده كل يوم على نفسها لما تطمن ان هو بيذاكر ،
#######$$$
ــ مين كدك يا جميله متجوزه باشمهندس كد الدنيا وهتلاقيه مغرقك في العسل ومشبعك حب وحنان لما هتقولي يا بس، بايضه لك في القفص يا بت ابوكي .
اتنهدت جميله بحزن وهي هتحكي لصاحبتها اللي حاسه بيه:
ــ كان الناس ملهاش الا الظاهر يا صاحبتي انتي اول واحده هقول لها الكلام دي انا حاسه اني سلام مغصوب على جوازته مني من بقى لنا شهور كتيره متجوزين وهو مقربليش زي راجل ومرته غير مرتين تلاته ودايما بحس ان هو هيتهرب مني وما هيجيبش عينه في عيني واصل ومش عارفه اعمل ايه علشان ياخد باله من وجودي في حياته؟
ــ وه يا حزينه كيف الكلام دي عاد وازاي صبرتي دي كلاته وهو ما هيديكيش حقك زيك زي اي ست؟! وبعدين انتي مش اي ست دي انت أجمل بنات قبلي والصعيد بحاله، هو كان يحلم يتجوزك واذا كان هو باشمهندس كد الدنيا فانتي جميله بنت المعلم عواد حلم نص رجاله الكفر من جمالك وادبك ومالك وحلاكي ؟
ــ ما عارفاش اعمل ايه ولا اتصرف ازاي؟ بس نَفسي عزيزه عليا اني اتكلم وياه في حاجه زي دي وخصوصي انه هيذاكر وهيمسك الكتاب بيده وسنانه وما هيفوتهوش واصل علشان دي السنه الاخيره ليه لما يخلص يحل على الحلال واشوف هعمل وياه ايه .
ــ والله يا صاحبتي اللي يشوفك يقول من بره هالله هالله ومن جوه يعلم الله وانك دايبه في العسل وانت حالك يصعب على الكافر معلش يا حبيبتي .
###############
بيقرب منها برغبه وهو هيقول لها ويسمعها كلام اول مره تسمعه منيه :
ــ وحشتيني وحشتيني يا جميله .
استغربت جميله وهي هتسمع منه الكلمه اللي اول مره تسمعها وتجاوبت معاه :
ــ وانت دايما واحشني يا سلام اخيرا خلصت الامتحانات علشان اكده هسمع الكلام الحلو دي منيك .
ــ بعد اكده هقول لك احلى كلام وهعيشك في الحب ليالي وايام، وحشتيني معلش كنت مهمل وياكي عشان الامتحانات وخلاص خلصتها .
وفضل يقول لها كلامه الجميل ويسحبها العالم هي هتحبه معاه وكانت هتتمناه ومش طايلاه وفضل يتعامل معاها المعامله الكويسه دي لمده اسبوع بحاله لدرجه انها ما بقتش مصدقه نفسها لكن في يوم دخلت لقيته زعلان وحزين فسالته وجاوبها بحزن :
ــ تعبي اللي تعبتوا السنين اللي فاتت في الجامعه هيروح هدر وكانك يا ابو زيد ما غزيت .
ضر,بت على صدرها وهي هتسأله بقلق:
ــ ليه اكده يا باشمهندس انت كنت هتذاكر بيدك وسنانك ؟
فضل يماطل فيها يمين وشمال لحد ما حكى لها :
ــ مشروع التخرج اللي الجامعه قررتوا عليا ب 100 الف جنيه واني مملكش المبلغ دي واصل ومن غيره ولا هينفع اتعين باشمهندس ولا معيد في الجامعه بتقديري ولا هاخد شهادتي من اساس لازم انفذ مشروع التخرج .
ــ طب وهي دي المشكله برده الفلوس موجوده والخير كتير والحمد لله بكره الصبح نروح البنك انا وانت ونجيب الفلوس وتنفذ مشروعك ما فيش حاجه هتعطل بعون الله اني رايداك احسن راجل في الدنيا وتنجح لحد ما تشبع نجاح .
ــ لا يا جميله ما هخدش من فلوسك حاجه واصل واني مش هعرف اردهم كيف ولا ميته ؟
ــ عيب الكلام اللي هتقوله ده يا سلام انت جوزي وكل ما املك تحت يدك هو انا ليا غيرك في الدنيا ربنا يخليك ليا وبكره الصبح هنجيب الفلوس ومش عايزه ولا رد ولا يحزنون ما تبقاش حنبلي اكده احنا واحد .
ونفذت جميله وعدها وجابت له الفلوس اللي هيعمل بيها مشروع التخرج وبدا فعلا يشتغل عليه وتمر الايام يوم ورا يوم وهو بينجح اكتر من اليوم اللي قبله بفضل وقوف جميله جنبه وبعد مكان قرب منها علشان يوصل للي هو عايزه وبعد ما اخذ منها الفلوس وعمل المشروع ونجح فيه بامتياز وتعين معيد الجامعه كمان بطل يقف معاها في القهوه وبطل يساعدها في اي حاجه وهي بقت لوحدها وحتى هو ما بيطلبش منها تقفل القهوه بعد ما تعين وبقى هيقبض مرتب كويس لحد في يوم من الايام ما سمعته وهو بيتكلم في التليفون باللي صدمها:
ــ يعني عايزاني يا سمر اطلقها بعد كل اللي عملته معاي دي غلطتي اني حكيت لك على جوازي منيها، اعقلي يا سمر انت اللي في قلبي وانت الوحيده اللي هعتبرها مراتي اما هي هتبقى على الهامش طلعيها من دماغك.
كانت واقفه بتسمع الكلام بصدمه ومش مصدقه نفسها ان سلام هيقول الكلام ده لحد ما سمعته ثاني وهو بيقول الكلام اللي دبحها اكثر من اللي سمعته :
ــ انتي عارفه زين انها ساعدتني كَتير وهي السبب في نجاحي ما اقدرش ان انا ادوس عليها وابوها موصيني عليها ولو وصيه ابوها انا ما كنتش اتجوزتها من الاساس لا هي من مستوايا التعليمي ولا هي تنفع لي وتليق بيا كبشمهندس، وانتي عارفه اني هحبك انت وهعشقك من زمان لكن هي خيرها عليا كتير واني مش ناكر للجميل .
كل ما تسمع اكتر كل اما قلبها يوجعها اكتر وهتكتم شهاقتها وهي هتحط يدها على بقها وعينيها مبرقين من الصدمه واللي هتسمعه وهيقولوا ومش مصدقه نفسها لحد ما قال الكلام اللي خلاها وقعت من طولها بعد ما سمعته :
ــ يا ستي حمل ايه حمل ونيله ايه معقوله اني هخلف من دي برده؟!
عايزاني اجيب منها عيال امهم تبقى معاها دبلوم ومعلمه في قهوه والناس هتناديها المعلمه راحت المعلمه جت، أني عامل حسابي وكنت هديها حبوب منع الحمل والموضوع دي من ساعه ما اتجوزتها، واصلا اني وهي ما فيش بينا علاقه مستمره ويعلم ربنا ان عمري ما خنتك واني هحبك وباقي على عهدك، اني حكيت لك على كل حاجه علشان انت حب العمر يا سمر وحكيت لك اني اتجوزتها بسبب الظروف الصعبه اللي هعيشها وهي اللي كانَت هتساعدني مش معقول بعد دي كلاته أطلقها وأرميها.
اول ما سمعته بيقول الكلام دي لسانها ردد قبل ما يغمى عليها وتقع من طولها لدرجه انه سمعها وهي هتدب في الارض :
ــ ياه يا سلام دي كلاته كره ليا وهتديني كمان حبوب منع الحمل وما عايزنيش اخلف منك! ياه على قساوة القلوب، اه يا ربي ما قادراش الدنيا هتلف بيا، وداني ممصدقاش اللي سمعته وحاسه ان خلاص هموت .
ما اتحملتش جميله اللي سمعته وقعت طبت من طولها وهو سمع دبتها وجري عليها والموقف بقى صعب
ونكمل الحلقه الجاية
الجزء الثاني
اسكريبت جميلة بنت المعلم
بقلمي فاطيما يوسف
ــ ياه يا سلام دي كلاته كره ليا وهتديني كمان حبوب منع الحمل وما عايزنيش اخلف منك ياه على قساوة القلوب اه يا ربي ما قادراش الدنيا هتلف بيا وداني ممصدقاش اللي سمعته وحاسه ان خلاص هموت .
ما اتحملتش جميله اللي سمعته وقعت طبت من طولها وهو سمع دبتها وجري عليها والموقف بقى صعب :
ــ جميله مالك فوق يا جميله فوقي .
فضل وراها لحد ما فاقت واول ما فتحت عيونها لقيته ساندها تحت دراعه وعينيهم اتقابلت مع بعض وهي هتبص له باستغراب وهو طبعا فهم انها سمعت فسالها بلقلقة :
ــ مممالك يا جميله جرييي لك ايييييه ؟
كانت بتبص له وهي ساكته وقلبها بيوجعها مش مصدقه نفسها اللي وهبت نفسها وجمالها ومالها وكل ما تملك تحت رجليه بعد ما كان ما يسواش حاجه بقى كل حاجه بفضل ربنا وفضلها وفضل ابوها الله يرحمها فسالته بوجع كبير :
ــ ليه يا سلام عميلت فيك ايه لجل ما تدبحني وتكسر قلبي وتخليني اتمنى الموت ليه يا سلام قول لي ليه ؟
سلام بلع ريقه بصعوبه ما بقاش عارف يقول لها ايه وحاول يتوه او يصدق نفسه انها ما سمعتهوش:
ــ كلام ايه ده اللي هتقوليه يا جميله مالك هتخترفي عاد ؟
ابتسمت بسخريه وهي بتحاول تسند نفسها وتبعد يده عنيها:
ــ هخترف كيف يعني ! اني سمعتك بوداني وما فيش داعي انك تلف وتدور ليه اتجوَزتني وانت ما رايدنيش؟ ليه خليتني اتعلق بيك وانت هتستعر مني وتستقل بيا؟ ليه تعمل فيا اكده تعيشني وياك بالحب والح,ضن هتمن عليا بالبسمه، وتمن علي بالكلمه الطيبه ليه يا سلام! عميلت فيك ايه علشان يوبقى دي جزاتي ؟
ما قدرش ان هو ينكر ولا يتوهها لان بكلامها اللي هتقوله له سمعت كل حاجه فسندها على الكرسي واداها ضهره وهو هيخرج اللي في قلبه واللي حصل حصل :
ــ خلاص يا جميله كل شيء انكشف وبان مش بارادتي يا بنت الحاج عواد اني كنت جاي اشتغل حدا ابوكي وكنت هحب زميلتي في الجامعه لقيته رابط شغلي وياه بيكي وان ما كنتش اخد بالي منك وارعاكي يوبقى مليش شغل، وفي الاخر وصاني اني اتجوزك ما كنتش اعرف اكمل علامي ولا هعرف ابقى المهندس سلام ولو ما كنتش كملت جوازي منيكي ما كنتش هعرف اعمل مشروع التخرج اللي اديتيني فلوسه، ويعلم ربنا ان كيف كنت هنكوي واني هتعامل و كاني هحبك من ورا قلبي، اني ما شايفكيش غير ماضي صعب اليم هيفكرني بضعفي وقله حيلتي، ما شايفكيش غير ايام مره والباشمهندس سلام هيشتغل صبي قهوه حداكي .
كانت كل كلمه هيقولها اتقطع في قلبها كيف السكاكين مش مصدقه حالها انها هتسمع الكلام دي منيه هيقولوا بقسوة تنفطر لها القلوب :
ــ يا ابوي عليك يا سلام وقدرت تقولي الكلام دي كلاته جبت القساوه دي كلاتها منين؟ عملت فيك ايه لاجل ما تشوفني ماضي اليم! لاجل ما تشوفني ما هنفعكش واني هخليك ناقص مش هعرف اكملك! دي انت لو كنت طلبت عيوني كنت هديها لك ما كنتش هستخسرها فيك، لو كنت اتمنيت اي حاجه في الدنيا كنت هعملها لك عشان قلبي اللي خاني حبك.
وعلشان جميله عمرها ما كانت ضعيفه ودايما ابوها كان هيوصيها على نفسها قامت وكل قوه من على الارض ومسحت دموعها بحده وهي هتهدده وهتدعي عليه في نفس الوقت :
ــ بوي قال لي كلمه زمان واني طفله صغيره وفضل يرددها في وداني ويسمعها لي ويحفظها لي طول ماني عايشه لحد ما كبرت وبقيت قدامك كيف ما انت شايفني، قال لي اوعاكي يا بتي تذلي نفسك لراجل انت تستاهلي احسن واحد في الدنيا، تستاهلي راجل يصونك ويحطك في عينيه ويخليكي ست الستات، واني هحفظ عهد ووصية ابوي ليا، بقول لك من دلوك مع السلامه للي عايز يمشي، وعمرك ما هتعرف تلاقي زي تاني، وعمري ما هرجع لك ولا هسامحك لو جيت اتحايلت عليا طلقني ورجع لي كل مليم صرفته عليك يا ندل .
سايب كل الكلام اللي قالته ومسك في اخر كلمتين :
ــ فلوس ايه اللي انا هرجعها لك يا ام فلوس انا فتحت مكتب اني وخطيبتي اللي هتبقى مراتي كمان شهرين واول عمليه هرجع لك ال 100 الف جنيه على الجزمه القديمه، كان عندي حق اني ما اكملش مع واحده زيك ما تعرفش حاجه عن الاصول واصل وهتعاير راجلها بمساعدتها ليه .
ــ اه يا جبان صحيح تق,تل القت,يل وتمشي في جنازته بقى انت عايزني اتعامل وياك بالاصول وانت ما تعرفش حاجه عنيها؟!
ولحد دلوك اني هتعامل وياك باصلي تبعت لي ورقه طلاقي ومعيزاش اشوف وشك تاني .
وحاجه اخيره قبل ما تمشي حسبي الله ونعم الوكيل فيك الهي ما تتهنى بنجاحك ولا تتهنى بشهادتك ولا تتهنى بمراتك، الهي اطلع لك كابوس في حياتك صبح وليل زي ما انت ما قلبت حياتك كابوس وربنا المنتقم الجبار، ما تفكرنيش هتذلل لك وهبوس رجلك وهقول لك ما تسيبنيش يا سي سلام ما هقدرش اعيش من غيرك له اني استاهل ارجل منك 100 مره .
عند الكلمه دي ما قدرش يتحمل منها اي كلام تاني وجعته جدا و رفع يده ولسه هينزل على وشها بالقلم بكل قوه رفعت يده وهي هتزعق فيه :
ــ يدك النجسه دي ما تمدهاش علي وتقول دي يتيمه وما لهاش ولا اخ ولا اب ولا راجل فهعرف استقوى عليها لا اني اه ست وحيده بس ب 100 راجل وطول عمري هشتغل في وسط الرجاله وهعرف ادافع عن حالي زين، هتديني الالم هرده لك 10 ويلا اطلع بره بيتي روح لعشه الفراخ اللي كنت هتعيش فيها انت الحاجة امك لحد ما تتجوز الجديده وتاخدك تعيش هناك وياها حكم انت متعود تعيش على قفا النسوان .
جز على اسنانه بغضب وهو واقف قدامها كيف الفار المبلول ما هيعرفش يرد عن حاله وهي هتهزق فيه واخر كلمه قالها:
ــ همشي بس انتي اللي هتندمي على كل كلمه قلتها لي، اني كنت باقي عليكي علشان وصيه ابوكي الله يرحمه لكن انتي اللي افتريتي وانتي اللي عايزه تطلقي وانت اللي بعتي اللي عملته عشانك كفايه اني اديتك اسمي وبقيتي مرات المهندس سلام .
خلص كلام وسابها ومشي وهي كورت نفسها على حالها وهتعيط بدل الدموع دم،
###############
ــ حمد لله على السلامه يا سلام يا ولدي عاش من شافك اخيرا افتكرت اني ليك ام وجيت تسلم عليها صار لي 10 شهور ما شفتكش فيهم وكل اما احاول اكلمك وابعت لك ما تردش علي .
سلام بتأفف وهو بيبص بقرف على المكان اللي هيبات فيه كل يوم والتاني لحد ما يتجوز من سمر وهينفض بدلته اللي اتوسخت من الكرسي اللي كان هيقعد عليه :
ــ ما انا كنت هبعت لك مصاريفك اللي كنت هتحتاجيها يا اماي كاني عايش وياك انت عارفه من ساعه ما اتجوزت والجامعه ومشروع التخرج ويني ما كنتش فاضي ابص ورايا حتى معلش .
ــ هتنفض في ايه يا ولدي هي الكنبايه دي اللي انت اتربيت عليها من وانت صغير وفضلت نايم عمرك كله فوقيها وعمرها ما اشتكت وشالتك وربتك لحد ما خليتك راجل اسم الله عليك طول بعرض دلوقت مش عاجباك وهتبص لها بقرف .
ــ يوه يا اماي بدلتي جديده وهتتوسخ وانت عارفه الباشمهندس لازم يفضل شكله حلو وهدومه ما تتبهدلش عاد ، طمنيني عنك وعن صحتك .
ــ مش بالالقاب يا ولدي هيبقوا عربجيه وسواقين توك توك بس هيحترموا وهيراعوا اللي حواليهم ما ليكش صالح بصحتي ربنا يخلي لي جيراني واهل حتتي كانوا هيراعوني كاني مليش واد ما بيخلاش من عند الله ناس طيبين مش ناس زرعتهم خبيثه هيبصوا فوق وكل اللي همهم المناصب والفلوس و الالقاب.
ــ مالك يا مايا مش قابله لي كلمه عاد ومكشره في وشي من ساعه ما جيت وهتقولي لي كلام يسم البدن انا ولدك الوحيد بردك.
ــ جيت ليه يا سلام وسبت دارك مع مرتك الشرحه البرحه ورجعت تاني لعشه الفراخ اللي كنت هتسميها دايما؟
ــ انا طلقت جميله وخلاص انا وهي ما نرجعش لبعض تاني كل واحد راح لحاله ما بقتش مناسباني ولا بقيت تنفعني.
ــ هيييي يا ولدي يا مبدل حال ومغير حال خسرت بنت الاصول المحترمه اللي كانت هترعى امك وكل يوم والتاني كانت تاجي حداي هنا تشوف طلباتي وتديني علاجي وتحميني وتراعيني وياما اتحايلت علي اروح اعيش وياكم وانا ما كنتش ارضي واقول لها ان عشت الفراخ دي بالنسبه لي قصر بس ملكي وهعيش فيها على كيفي ربنا يخليك يا بتي، دلوك شفتها مش هتناسبك ربنا يعينك على حالك يا ولدي ربنا يعينك على اللي جاي ويقويك على اللي هتشوفه في دنيتك والسواد اللي هتجنيه من ورا قلبتك السوداء على عباده .
ــ يوه يعني انت كمان يا اماي هتقتتيني وتبكيتيني زيها غلطت في ايه اني عاد عشان رايد لنفسي مستوى احسن وشايف نفسي ما استاهلش العيشه دي وهم يومين هقعدهم وياكي لحد ما اتجوز من صاحبتي في الجامعه اللي كنت احكي لك عنها على طول وما هتشوفيش وشي تاني .
ــ مع السلامه يا ولدي الله خد الله جاب الله عليه العوض الحسنه الوحيده اللي هتحرم منيها بسببك ان جميله ما هشوفهاش تاني ربنا يسامحك يا ولدي .
##################
بعد مرور سنة كاملة
سلام :
ــ كيف يا سمر هتاخدي حبوب منع الحمل انا عايز عيال من صلبي وما عايزش اكون وحيد زي ما كنت ما ليش اخوات وعايز عيال كتير كيف تحرميني منيه الموضوع دي؟!
لازمن تبطل الحبوب احنا الحمد لله في السنه دي مكتبنا سمع والناس بقت هتجيلنا من كل مكان بسبب ان شغلنا ممتاز وطالما ضمنا الشغل يُبقى خلاص تشوفي بقى مستقبلنا وتجيبي لنا قطاقيط صغننين اكده عايز عزوه وونس .
سمر برفض قاطع وهي ماسكه المبرد هتلمع في ضوافرها:
ــ دي ما كانش اتفاقنا يا سلام احنا متفقين من الاول بعد خمس سنين جواز هنفكر فيه موضوع الخلف دي اني مش مستعد امشي بطني مترين قدام، وأبوظ جسمي واني لسه صغيره وما استمتعتش بشبابي، اعمل حسابك الكلام ده مستحيل يحصل وقت ما احس اني عايزه ابقى ام واني هقدر على المسؤوليه دي هعملها .
كانوا قاعدين في المكتب اللي في شقتهم وبعد ما سمع كلامها غضب وزهق وقعد يخبط على المكتب بعصبيه جامده وهو مش عاجبه كلامها :
ــ سنه كامله واني عايش وياكم في البيت دي كانك إنتي الراجل هتحكم وتتحكمي وتتشرطي وتقولي اعمل ايه وما اعملش ايه، حاسس اني ما ليش لازمه ولا لي شوره ولا قولة وياكي، بس في الموضوع دي بالذات يا سمر لازم كلامي هو اللي يمشي والحبوب لازم تبطليها .
ــ مش بمزاجك يا سلام واعمل حسابك اني شريكتك في كل حاجه وبنسبه اكبر من نسبتك المال مالي والمكان مكاني يا دوب انت شريك بالمجهود وبس فلو غدرت او عِملت فيا زي ما عِملت في جميله انت الخسران، ومش هتجبرني على حاجه ما عايزاش وقت ما مزاجي يشاورني اني اخلف هخلف حتى لو ما عايزاش خالص ما لكش حق تغصبني .
سلام بنفس العصبيه وعروق رقبته برزت من كلامها:
ــ خلاص يبقى ارجع لجميله وهي اما تصدق اخلف منها وهي تتبقى ام العيال وخليك انت في جمالك انا عايز ابقى اب .
ـــ هههههههه جميله مين دي اللي هترجع لها وتخلف منيها دي هيوبقى اخر يوم بيني وبينك يوم ما تفكر تتجوز علي تحمد ربنا ان انا رضيت اتجوزك وانت كنت متجوز قبل اكده واعمل حسابك لو فكرت تغدر يا سلام مش هتشوف مني وش عدل اني مش زي جميله هحسبن عليك وهدعي وهيبقى دي اخري لَهْ اني اخري ما لهوش اخر هيقصفك وهينسفك .
################
ـــ يا جميلة ما تزهقيش منيه الكتاب دي كل ما اجي لك عشان اقعد وياك هبابه الاقيكي ماسكه الكتاب وما هتهمليهوش من يدك واصل انت توحشتيني يا صاحبتي سيبي بقى المخروب اللي في يدك ده عايزه اتكلم معاكي شويه .
جميله:
ــ عايزه ايه يا رغايه انتي انت كده هتعطليني وانا ورايا امتحانات كمان يومين ومعيزاش انقص فيها انجزي وقولي الكلمتين اللي هتقوليهم وهمليني وروحي على القهوه اللي امنتك عليها وانت جايه تقري وتلتي وتعجني اهنه .
ــ واه من ميته هتكرشيني ما تحبيش قعدتي بقى الكتاب اللي في يدك ده هتحبيه اكتر مني حرام عليكي ما كانتش عشره سنين دي .
ــ خلاص يا بت الناس عايزه ايه ما فاضياش ورايا امتحانات كمان يومين والماده داي صعبه ومحتاجه تركيز .
ــ ماشي يا ستي الدكتوره لما نشوف هناخد مني ايه العلام اللي انت طلعت لنا فيه دي مره واحدة! هتعملي ايه في ابن العمده اللي متقدم لك ورايدك للجواز وطلبك بدل المره اتنين وتلاته من بوي .
ــ اني ما هفكرش في الموضوع دي خالص دلوك، اني كرهت الرجاله وصنف الرجاله وما عايزاش اركز غير في مستقبلي والقهوه اللي ابوي سابها لي معايزاش حاجه تاني بعدي عني وما تتكلميش فيه الموضوع دي تاني واصل .
ــ وه يا جميله يعني هترهني حالك اكده على زفت الطين سلام وهو متجوز ومتهني وانت هتنكوي بنا,ر عشقه لحد دلوك يا بت الناس؟!
شوفي حالك وضل راجل ولا ضل حيطه وما تستقويش بجمالك جمال البنتة هيزول كل ما تكبر زهوتها هتروح وانت دلوك في عز زهوتك اني صاحبتك ورايده لك الخير.
ــ ضل راجل ! والله ضل الحيطه احسن من ضلهم ماني قبل سابق كنت مع راجل وكنت هقول عليه ضل وعزوه وحمايه هتحامى بيهم من غدر الزمن واول ما داس عليا بجزمه قديمه كان هو، واول من رماني كان هو، وما حمانيش غير ضل الحيطه اللي هتتريقي عليه، روحي يا صاحبتي على القهوه خليني اذاكر وانجح وادخل الجامعه ويبقى معاي شهاده علشان لما يرجع لي مذلول بعد اكده ابقى احط شهادتي واخزقها في عينيه واعرفه ان العلام سهل وان النجاح سهل وان كل حاجه سهله الا ان الانسان يلاقي حد وفي اصيل يقف جاره ويحب زي ما كنت هعمل وياه .
ــ كانك مفكره عيب انه هيرجع لك تاني ولا هيفتكرك من الاساس! دي أني سمعت انه بقى عنده مكتب كبير وشركه ومرته بنت ناس اكابر وهم متجوزين بقى لهم تلت سنين وداخلين على الاربعه كمان ويقول لك هيترشح في مجلس الشعب حماه هيقف جاره وهتقولي هيرجع لك وهيتذلل لك كمان فوقي من الوهم اللي انت عايشه فيه .
جميله حسيت بوجع في قلبها من كلام صاحبتها للاسف هي مش قادره تنساه ولا قادره تنسى الوجع الكبير اللي سببه لها لكن اتماسكت على حالها وهي هترد عليها بقوه:
ــ ربنا يمهل ولا يهمل فرعون لما تجبر وتكبر وقاعد يجمع في اموال الدنيا ويعصي ربنا وما يعترفش ان هو غلطان وكان معاه خزاين ما لهاش اول من اخر لكن ما قدرش يتفرعن على ربنا وجزاته واخرته كانت الغرق، وأني اتظلمت منيه مش بس اكده انكويت كمان بنا,ر لهيبها هيعلم في قلبي لحد ما اموت وما عارفاش اتعافى منيها، كيف عايزاني اربط نفسي براجل ربنا هيحاسبني واني متجوزه وعلى ذمته وهفكر في انتقامي من راجل تاني؟
كيف احبه وهعاشره واني شلت قلبي من بين ضلوعي ورميته في بحر ما لوش قرار اكده هظلمه واني مجربه الظلم وعمري ما اظلم غيري ابدا عشان طعم الظلم مرير .
###############
ــ مبروك نجاحك يا سلام يا ولدي وبقيت اصغر عضو مجلس الشعب في الدايره عن الصعيد وبالتحديد مركز قنا عايزك ترفع راسي وسط المجلس انت خلاص خدت مكان حماك .
ابتسم سلام بنرجسية :
ــ معلوم يا سعات الباشا ما تقلقش اشرفك وهرفع راسك انت عارف اني طول عمري ناجح وهحب النجاح وعمري ما هدخل معركه في الشغل ولا في اي حاجه تخصني الا وهنجح فيها عنيد اني .
ــ هو لولا انك ناجح وهشوف الطموح في عينيك ملهوش اخر كنت جوزتك بنتي ودخلتك عضويه مجلس الشعب واعتبرتك ولدي اللي من صلبي اللي ما خلفتهوش ؟
قرر سلام يفاتحه في للموضوع اللي شاغل باله ومخليه مش حاسس بطعم النجاح مهما وصل :
ــ في حاجه عايز اطلبها من معاليك يا باشا وانا فاض بيا الكيل فيها وما عرفش اعمل ايه وما قداميش حل غيرك انت عشان ابقى رديت عليك مره واتنين وتلاته وعشره وما حدش يلومني على اللي هعمله بعد اكده .
حماه بشك :
ــ موضوع ايه يا سلام انطق على طول قلقتني عاد ؟
اتحمحم سلام :
ــ شوف يا باشا رغم النجاح اللي حضرتك هتتكلم عني الا اني حاسس انه ما لهوش لازمه ما لوش طعم من غير عزوه ولا سند اني عشت طول عمري وحيد من غير اخوات يتيم، بوي مات واني صغير واني عايز عيال يكونوا من صلبي ويبقوا حوالي يرعوني لما اكبر يطلعوا في بقهم معلقه دهب واعيشهم الهنا اللي ما عشتهوش واني طفل صغير بسبب الحوجه وبسبب اني ما كنتش لاقي، لكن بتك منعاني ومنع حالها من اننا يكون حدانا عيال واني خلاص بقى لي خمس سنين متجوزها وتعبت من كتر ما هتكلم وياها في الموضوع دي وهي مش في دماغها وهتعند وياي، وغير كل دي سهرها عمال على بطال وكاننا عايشين في البندر ولا في امريكا وكل انسان وله طاقه وتحمل وكل اما اجي اكلمها تقول لي ما لكش صالح عاد اني متجلعة ومتربيه على العز والخروج والدلع وانت ما لكش حكم عليا، كلمت الست والدتها كتير وهي تقول لي مرتك وصغيره وبتدلع عليك وتحمل واني خلاص ما بقتش قادر اتحمل .
حماه رد عليه بعنطزه :
ــ وماله يا سلام لما بنتي تدلع وتخرج وتعيش حياتها كيف ما كانت عايشه في بيت ابوها؟!
ولا هي علشان اتجوزت هتحرمها من انها تعيش سنها وشبابها الصغير ووقت ما تخلف تخلف اني وامها خلفناها على كبر لما حسينا ان احنا عايزين عيال الدنيا اتغيرت وتقدمت يا سلام وما بقاش حد يفكر في موال العزوه والخلف الكتير طالما الفلوس والعز والجاه والسلطه موجودين .
هنا سلام خد الصفعه اللي ما كانش متخيلها كان مفكر رد غيرك ده خالص لكن رد على حماه:
ــ استنى كيف اكتر من اكده اني فاضل لي خمس ست سنين واخش على الاربعين؟ اني عايز ولادي ياجو الدنيا يلاقوا ابوهم فيه صحه لتربيتهم ما يلاقونيش راجل ما قدرش اخدم حالي حتى .
حماه بتصميم :
وأني ما هجبرش بتي على حاجه ما عايزاهاش الكلام دي كان زمان، البت دلوك بقت وزيره وسفيره ومستشاره واني بتي مهندسه وناجحه وعقلها يوزن بلد وانت عارف اكده ولولا عقلها وخبرتها ونجاحها ما كنتش انت وصلت للي وصلت له ده لاجل الورد ينسقي العليق يا سلام وما تبقاش طماع .
مهما يحاول يجيبه ويمين او شمال اللي في دماغه في دماغه وقام ومشي وسابهم والايام بتمر وراء الايام وحال سلام زي ما هو الحال ينجح في شغله وفي السلطه ومش عارف ينجح في علاقته بمراته لحد ما السنين بتمر وعمره بيمر وحالته زي ما هي لا هو هيعرف يطلقها ويعيش من غيرها بسبب اللي الملتزمات اللي حطته فيها ولا هو هيعرف يتجوز عليها وبقى عامل زي اللي راسه على السلالم ،
#############
ماسكه شهادة الماجستير والدكتوراه في حض,نها وهي هتلف بيها يمين وشمال في كل مكان وهتقول لصاحبتها:
ــ اخيرا بقي معايا شهاده السياسه والعلوم الاقتصاديه خدتها بعد معاناه شايفه يا بت المذاكره اللي كنت هتقولي لي بطليها هتتعبي طلعت تعب طعمه جميل وهيجيب حاجات حلوه وراه دلوقتي اني بقيت جميله عواد اللي هتتعين معيده في الجامعه وخصوصي ان قصتي نالت اعجاب الدكاتره وكانوا هيقفوا جاري واني هدرس ويساعدوني عشان قصه كفاح ومتنبئين لي اني اتعين في البيئه وظيفه ما كنتش احلم بيها لان تقديري امتياز على طول الاربع سنين .
حض,نتها صاحبتها وهي هتبو,سها وتبارك لها:
ــ مبروك يا حبيبتي ولدك هيفتخر بيكي وهيقول امي الدكتوره راحت امي الدكتوره جات وان الاوان بقى تشوفي راجل يتجوزك ويحافظ عليك انتِ وولدك اللي ابوه ما هيسالش فيه واصل ولا يعرف انك خلفتي من الاساس .
ــ ولدي مش محتاج راجل يا عويله انت ولدي هيطلع كيف امه صلب يتحمل واني ما عايزاش راجل يتحكم فيا اني وهو واذا كان على ابوه انا نسيته من زمان وما عايزاش افتكر سيرته واصل واحسن انه ما يعرفش ان عنده ولد علشان ما يفكرش ياخده مني عشان وقتها مش هيبقى بينا غير الدم .
نصحتها صاحبتها وهي هتبص لقدام:
ــ ابنك دلوقتي بقى حداه 10 سنين وكل شويه والتانيه هيسالك فين بوي وكل مره هتتهربي مني بس هو طفل صغير ومسيره هيكبر ومسيره مش هيبطل سؤال عن ابوه ولما يكبر مش هتعرفي تضحكي على عقله بكلمتين لما تتجوزي وهو صغير راجل ابن حلال يحميكي انت وهو هينسى كلمه فين بوي لكن انت دلوك ما بتفكريش صوح مش هتعرفي تردي عليه وممكن كمان يكرهك لما يحس انك حرمتيه من ابوه وانت اللي منعتيه عنه وما عرفتهوش ان له ابن .
جميله بطنها وجعتها من كلام صاحبتها عمرها ما فكرت في الكلام دي لكن نفسيتها العزيزه رافضه انها تروح له برجليها بعد السنين دي كلاتها وخصوصا انه ما سالش عنيها:
ــ وه يا حزينه هتكركبي لي معدتي ليه يعني اعمل ايه عايزاني اروح لسلام بنفسي واقول له تعالى شوف ولدك واسال عنيه انت ليك واد مني ما هيصدقنيش، اني عارفاه جبروت وهيقول لي انا كنت هديكي حبوب منع الحمل شوفي الواد ده ابن مين اني سايبه حالي على ربنا يعمل فيا وياي كيف ما يريد هو عرف ان انا اتظلمت وهو رب قلوب.
################
قاعد قدام شاشه التلفزيون بيكلم نفسه :
ـوبعدين يا سلام العمر بيجري بيك في سراب السلطه والفلوس اللي مش ليهم عازه وسنة بتمر ورا سنة وانت هتفضل وحيد ما لكش عيل يسندك لما تكبر ومرتك وعيلتها ما هينصفوش حوجتك واصل .
وفاجاه وهو قاعد بيتكلم مع حاله شاف على شاشه التلفزيون اخر حاجه كان متوقع انه يشوفها جميله وهي لابسه لبس كانها وزيره ولا سفيره والمذيعه هتسالها بانبهار :
ــ ازاي دكتوره قدرتي تحصلي على شهاده الثانويه والجامعه والماجستير والدكتوراه في السنين القليله دي اظن 12 سنه ما يكفوش انك توصلي للنجاح العظيم ده وتبقي مديره مكتب وزير البيئه وكمان عرفنا ان كان عندك طفل لما قدمت في الثانويه العامه كان عنده سنه لسه يعني كنت بطولك ما شاء الله وقدرتي تنجحي وتعافري .
ردت جميله وهي هتبتسم ببشاشه:
ــ له وزودي عليهم كمان شغل القهوه بتاعه بوي اللي سابها لي الله يرحمه كنت هديرها وهي شغلي، حكم القهوه دي هي وش السعد عليا وهي اللي صرفت على علامي وعلى ولدي وهي اللي كبرتني وخلتني مدير مكتب وزير البيئه بعد فضل ربنا سبحانه وتعالى .
المذيعه انبهرت من كلامها وهي هتسالها:
ــ لا ما تقوليش يعني يا دكتوره انت كان عندك قهوه وكنتي شغاله فيها كمان بنفسك ؟
ردت عليها جميله بكل اعتزاز:
ــ طبعا ازاي الانسان ينكر اصلا ولحد دلوك هروح اهو وهبشرها بنفسي مهما كانت مشغولياتي روحي فيها، المكان دي اتربيت فيه من واني طفلة صغيره وابويا موصيني عليه قبل ما يموت واني هحن لاصلي وعمري ما اخجل ولا اتكسف من اني اقوله والكلام ده حبيت اقوله على الشاشه علشان يكون عبره لكل البنات والستات الناجحين واقول لهم مش شرط يكون النجاح مرتبط بمال او جاه او منظره كذابه في ستات ناجحه كتيره في بيوتها حتى لو مش متعلمه ولا خدت الدكتوراه ورغم دي كله الا اني هحن لاني اكون ست بيت زيي زي اي ست بيت اصيله وشايفه انهم ناجحين اكتر مني بكتير رغم المكان اللي اني وصلت لها في السن الصغير دي .
هنا انصدم سلام من اللي هيسمعه ابنها كيف وهي ما اتجوزتش كيف ما هتقول وهو هيردد على لسانه صدمه:
ــ معقوله يكون ده ولدك يا سلام وتكون جميله داريته عنك السنين دي كلاتها؟! بس كيف واني كنت هديها حبوب منع الحمل كيف ده حوصل ؟
لازم اتوكد ويا ويلك يا سواد ليلك يا جميله لو طلع ولدي وانت داريتيه عني السنين داي كلاتها .
ما بقاش وراه شغله غير انه يفحص في الاوراق علشان يشوف اذا كان له ولد ولا لا وفعلا اكتشف ان في عيل مكتوب باسمه مالك سلام الناجي وبنفس رقم بطاقته وبشهاده جوازه هو وجميله وعرف كل حاجه وبرده سال نفسه السؤال اللي مخليه لسه هيشك في ان الواد واده :
ــ طب كيف الواد يوبقى ولدي واني كنت هديها حبوب منع الحمل بيدي وعمري ما نسيت ولا مره طب اتوكد كيف انه ولدي ؟
فضلت دماغه تجيبه يمين وشمال لحد ما قرر يعمل له DNA وفعلا قدر ان هو يوصل له بعت اتنين من رجالته فضلوا مراقبين الولد لحد ما قدروا يحصلوا على التيشرت بتاعه اللي كان بيلعب بيه كوره في التمرين وكان في اثر من شعره على التيشرت وعمل التحليل وقاعد مستني النتيجه على نا,ر ،
بعد شويه خرجت الممرضه وهي بتدي له التقرير وهتقول له النتيجه:
ــ نتيجه التحاليل يا فندم بتقول ان العينتين متطابقين مع بعض والابن يبقى ابن الاب الموجود في العينه .
الصدمه نزلت على راس سلام وهو مش مصدق نفسه ان مالك يبقى ابنه، عاش سنين يتمنى طفل من سمر وهي ممانعه وفي الاخر اللي سابها ورماها طلع مخلف منها طلع عنده ولد من صلبه منيها ،
ما بقاش عارف يروح يواجهها ولا يعمل ايه ولا يخطف الولد وياخده يربيه ويبقى سنده كل دي اسئله مرت على دماغه وما بقاش عارف يتصرف في المشكله اللي هو فيها لحد ما قرر بعد السنين دي كلها يروح لجميله لحد بيتها ويواجهها ويشوفها دارت ابنه عنه ليه ،
مش عارف ليه قلبه كان هيدق وهو كان قرب يوصل لجميله وللمكان اللي جمعهم سوا مع بعض وبعد ما سال عنها عرف انها قاعده في القهوه حس بالاشمئزاز من تفكيرها بعد النجاح اللي وصلت له لسه هتقعد في القهوه واخيرا وصل سلام لجميله واول ما وصل كان بيبص لها من تحت نظارته نظرات غريبه اول كلمه قالها وهي ماسكه الورق بتراجع:
ــ كان الزمان بيعيد نفسه يا جميله اول ما شفتك اول مره كنت هتقعدي نفس القعده وماسكه نفس الاوراق في نفس المكان اللي مر عليه سنين وهو لسه زي ما هو ؟
الصوت مش غريب على جميله لكن الشكل غريب بقى لها كتير ما شافتهوش لكن اول ما سمعت صوته عرفته ورفعت راسها بكبرياء ورجعت بالكرسي لورا وهي هتحط رجل على رجل وهترد عليه:
ــ ياه يا ولا! وايه اللي جابك للمكان اللي كنت هتشمئز منيه تاني وايه اللي جابك عند جميله يا سلام؟
سلام بإعجاب:
ــ قصدك الدكتوره جميله معالي مدير مكتب وزير البيئه، بس مستغرب شويه بعد المنصب والتعليم والنجاح اللي انت وصلتي له لسه هتقعدي في القهوه وهتشتغلي فيها بنفسك وهتراجعي حساباتها بيدك يا جميله ؟
ردت عليه بنفس الكبرياء:
ــ يا ريت تحفظ الالقاب يا سياده النائب اسمي الدكتوره جميله عواد واذا كان على القهوه فهي دي احب الاماكن لقلبي والناس اللي فيها حبايبي واني بنت اصل ما انساش اصلي واصل مهما عليت ومهما كبرت هفضل جميله بنت المعلم عواد ؟
سألها السؤال اللي صدمها :
ــ فين مالك ولدي يا جميله ؟
ونكمل الحلقه الجايه
سكربت بنت المعلم
بقلمي فاطيما يوسف
بسم الله الرحمن الرحيم
الجزء الثالث والأخير
سكريبت جميلة بنت المعلم
بقلمي فاطيما يوسف
ــ يا ريت تحفظ الالقاب يا سياده النائب اسمي الدكتوره جميله عواد واذا كان على القهوه فهي دي احب الاماكن لقلبي والناس اللي فيها حبايبي واني بنت اصل ما انساش اصلي واصل مهما عليت ومهما كبرت هفضل جميله بنت المعلم عواد ؟
سألها السؤال اللي صدمها :
ــ فين مالك ولدي يا جميله ؟
وشها بهت وجاب الوان من سؤاله ما كانتش متوقعه ان هو يعرف وازاي هو عرف فاتكلمك بلجلجه :
ــ مالك ولدك مين هتخترف عاد! ولا جاي حداي فاكرني جميله العيله الصغيره الجاهله اللي هتضحك عليها وتخوفها منك وانك سياده النائب والحوارات دي فوق لنفسك يا سلام اذا كنت انت نائب فانا مدير مكتب وزير بعد عني روح لمرتك بنت الاكابر الباشمهندسة اللي شبهك مليكش صالح بيا ولا بولدي .
ولا كانه سامع ولا شايف اي كلمه من اللي هي بتقولها كل اللي في دماغه وبيجري في عروقه غضب في انها خبت عنه انه له ولد فضر,ب على المكتب اللي قدامها قبضت ايده وهو هيزعق لها بعيون محمرين:
ــ فين مالك ابني يا جميله وليه ما عرفتنيش ان ليا واد منك انت مفكره الموضوع دي هيفضل متخبي السنين داي كلاتها من غير ما اعرف! اني عملت تحليل وراثه وعرفت ان الواد يُبقى ولدي فما تحاوليش تلفي وتدوري علشان توريني نفسك انك بقيتي جامده موت وما حدش قدك ولا زيك كل دي على عيني وعلى راسي بس الا ولدي يا جميله يكون عايش على وش الدنيا واني ما اعرفش حاجه عنيه .
هي كمان لحد ابنها ومستعده تاكل اللي قدامها وتبلعه وبنفس طريقه غضبه ردت عليه وهي هتضر,ب على المكتب بغضب شديد وحده:
ــ وه يا جدع انت هو خدوهم بالصوت قبل ما يغلبوكم ولا ايه عاد ؟
دي ولدي اني اللي تعبت عليه واني اللي ربيته بعد انت ما رميتني وطلعت على قفاي واستغليت مالي وطيبتي واستغليت كل حاجه حلوه فيا علشان تبقى سياده النائب يعني لولاي بعد ربنا كنت هتفضل صبي قهوه عند المعلم عواد بوي ومن بعديه اني، واعمل حسابك ان ظهرت للولد ولا ان جيت ناحيته الله الوكيل لأسفلت وشك بالدم، بعد عن طريقي انا وولدي وارجع زي ما كنت كانك ما عرفتش حاجه يا سلام، اني من ساعه ما طلقتني واني ما اتعرضتلكش باي اذى وجرب اكده تقرب واني هطلع اعمل حوار تلفزيوني بقصتي كلها واخليك عبره لمن لا يعتبر واظن انك دلوك هتخاف على نفسك من الفضيحه .
اتنفس بغضب شديد بسبب طريقتها ما كانش متوقع تغيرها وشخصيتها القويه دي وسالها بهدوء لانه لو اتعامل معاها بعصبيه وصوت عالي مش هياخد معاها حق ولا باطل :
ــ من ميتة بقيتي اكده يا جميله كنت طيبه وما هتاذيش حد ولا تحبي الفضايح وقلبك ابيض؟
من ميته جميله بقت تستقوي على خلق الله ومش اي حد دي اني ابو ولدك اللي اكيد محتاج اب يرعاه ويسنده ويخلي باله منيه واكيد برده هيسالك فين بوي ؟
بلعت ريقها بقلق وخصوصا كلمته الاخيره ومحاولته معاها انه ياثر عليها لكن ردت عليه:
ــ ولدي هيطلع قوي زي امه ولما يكبر شويه هعرفه ان ابوه سافر من زمان بعد ما طلقني وما اعرفلهوش طريق وهعرفه كمان ان هو اللي استغنى عنيه وما كانش عايزه، اي نعم هيتعب وهيتأثر بس اني وياه وعمري ما ابعد عنيه وهكون له الدوا اللي هيطيب جرح احتياجه لاب ما كانش عايزه ياجي الدنيا من الاساس، صوح ولا مش صوح يا سياده النائب؟ مش انت برده كنت هتديني حبوب منع الحمل علشان ما خلفش دلوك جاي تطلب ولدك ؟
ـــ يا جميله ما تقلبيش في الماضي واللي حصل حصل احنا دلوقتي في امر واقع ان ليا واد منك ولازم يعرف ابوه، وقولي له اني رجعت من السفر وعايز اشوفه، ما ينفعش الولد ما يعرفش ابوه وخصوصا لما يكون عايش على وش الدنيا، وكمان شخصيه معروفه وناجحه.
ردت عليه التحدي وهي هتناظره بنفس القوه:
ــ ولدي برده له ام ناجحه جدا وبقت شخصيه معروفه يعني مش هيحتاج لك وزي ما عاش السنين اللي فاتت داي كلاتها من غير اب هيعيش السنين الجايه ومش هسمح لك تقرب منينا يا اما انت عارف ايه اللي هيوحصل وعند ولدي وستوب يا سلام .
ــ بس أني رايد اشوف ولدي ويعرف ان له اب وما يرضيش ربنا انك تمنعي اب عن ابنه او ابنه عن ابوه، اعقلي يا جميله وما تخليش غضبك وانتقامك مني يطلع على الواد، هو محتاجني زيك ويمكن اكتر كمان ولو هتحبيه كيف ما هتقولي يبقى من مصلحته انه يعرف ان له اب .
اتنهدت بوجع وسالته السؤال اللي خلاه واقف زي الاخرس وهي هتربع يدها على صدرها ورمت الكوره في ملعبه :
ــ فرضا اني رحت اتسرعت وقلت لولدك ان ابوه عايش هتعمل ايه وانت متجوز في مكان وبلد بعيد عنينا وانا يستحيل اسيب بلدي ولا قهوه ابوي وانت عارف اكده واصل، عايزني ابلغه ظهورك في حياته بناء على ايه! على ساعه هتشوفوا فيها كل شهرين مره، ما عنديش استعداد ابني لولدي احلام وتطلع اوهام وادخلك في حياته وانت مش هتبقى موجود فيها من الاساس غير صوره وبس هيفضل ماسكها ويحفظ ملامحها ويتحسر على بعدك عنيه وصوح لو انت اللي هتحب ولدك تبعد عنيه .
اتنهد هو كمان بوجع هو ما فكرش اصلا هيعمل ايه اول ما عرف ان له واد جالها على طول من غير ما يكون مرتب اموره ومش عارف يرد عليها بايه ولقي لسانه هيقول لها:
ــ نرجع لبعض يا جميله واكده الجماعه في مصر ما هيعرفوش بموضوع رجوعنا لبعض علشان خاطر ولدنا هو دي الحل السليم لحل الموضوع ؟
ـــ هههههههههه يا حلاوه يا ولاد بقى انت بعد السنين دي كلاتها، بعد ما قلت لي ان تاريخ اسود في حياتك هيفكرك بماضيك الهباب والفقر عايز ترجع لي تاني وهتستغل نقطه ولدي انك تاثر علي ؟
وكملت استنكارها عليه بتحدي وهي هتبص لعينيه بقوه وهي هتنعته باسم ابنه علشان تحسره:
ــ ما كانش ينعز يا ابو مالك اللي سابنا وقت حوجتنا وضعفنا وجهلنا ما هيلاقيناش وقت قوتنا وعلامنا واسمنا، اللي بقى في السما بفضل ربنا سبحانه وتعالى، وما تفكرش انني العيله بنت ال 25 اللي اديتك قلبها زمان وسلمته لك بطيبه، لاه يا سلام اني بقيت حد غير اللي انت تعرفها خالص، ومش اني اللي تتجوز في السر ولا ترضى تعيش وياك وما حدش يعرف ولا ارضى ارجع لك اصلا ولا انت بقيت من مقامي ولا تليق ليا .
كانت بتتكلم بكل كبرياء وهي رافعه راسها للسما وكانها بتنتقم لنفسها من امرّ ذكرى ما بينهم من سنين كانت واقفه قدامه مذلوله وضعيفه وهو هيرفصها برجليه كيف الكلبه الجربانة واول ما اخلص كلامها بص لها بنفس التحدي :
ــ مقام مين يا جميله! فوقي انتي ما تعرفيش اني وصلت لايه اني اكبر مهندس مقاولات في مصر دلوك وعضو مجلس شعب واسمي واستثماراتي ماليه البلد كلياتها فتاجي وتقولي اني مش من مقامك شكلك ما تعرفيش اني مين ؟
بصيت له من فوق لتحت وردت عليه بكبرياء وسخريه خلته استشاط من الغضب:
ــ والله عيني مش شايفاك غير سلام صبي قهوه المعلم عواد مهما فات الزمن ودار ومهما عليت ونجحت مش شايفاك غير صبي المعلم عواد، ودلوك اني مش فاضيه لك حداي مقابله في مكتب الوزير لامر مهم، دير وشك وما عايزاش اطلع لطلتك البهيه دي مره تانيه يا صبي المعلم عواد .
اتعصب من كلامها جامد وجز على اسنانه:
ــ اني همشي يا جميله بس هرجع لك تاني واعملي حسابك مش اني اللي اتنازل عن ولدي بالسهوله اللي إنتي فاكراها داي وابني هيعرف انه له اب يعني هيعرف شئتي ام ابيتي ؟
خلصت مقابلتهم لما اديته ظهرها وما ردتش عليه وهو مشي طول الطريق هيفكر هيعمل ايه كان جاي وكله امل انه يحض,ن ابنه وياخده وياه وما كانش يعرف ان جميله الطيبه الهبله زي زمان اتغيرت وبقت بالشكل ده ومعركته وياها شكلها هتبقى صعبه ،
روح على بيته لكن قبل ما يدخل سمع مراته وامها وهم هيتكلموا بصوت عالي واللي لفت انتباهه كلامهم :
ــ يا ماما يعني عايزاني اعمل ايه كل شويه يقول لي اني عايز اخلف عايز عيل، اني صابر بقى لي كَتير وكل دي واني عماله اتوهه وخلاص ما بقتش مستحمله ومش عارفه اعمل ايه ؟
ردت امها وهي هتطبطب على ظهرها:
ــ قولي له الحقيقه واخلصي منه الموال اللي عايشه فيه بقالك كَتير دي، وتعب الاعصاب وتعبتينا معاكي اني وباباكي خلاص ما بقتش مستحمله ضغطك في الموضوع دي كل شوي .
شهقت بخضه وهي هتضرب بايديها على صدرها:
ــ يا نهار ابيض يا ماما انت عايزاني اروح اقول له اني عقيمه وما بخلفش؟! وان طول السنين اللي فاتت داي كلاتها بخدعه ومش عايزاه يروح يتجوز علي ولا يطلب بحقه في الخلفه واني مش عايزه اخلف دلوقتي بعد ما صبر عليا دي كلاته! دي دماغه لسه صعيدي وممكن يموتني فيها ؟
لحد الكلمتين دول وهو واقف هادي واول ما اسمعهم عفاريت الدنيا نطت في وشه ودخل عليهم زي الاعصار وهو هيقرب منها وماسكها من دراعها يهزها بعنف :
ــ طبيعي ان عرق الصعايده لسه هيجري في دمي اما انتِ نسيتي انك ست صعيديه إنت كمان وشكل عيشتك في مصر نستك لهجتك ونستك كمان ان المره الحره ما تداريش على جوزها انها ما هتخلفش وهتواجه الموقف بكل شجاعه، ويشوفوا حل مع بعضهم، ما تخدعهوش السنين اللي فاتت دي كلاتها وهو نفسه هتموت على حته عيل يشيل اسمه وفي الاخر طلعت عقيمة ولولا اني جيت بالصدفه دلوك ما كنتش عرفت، ليه خبيتي عني السنين دي كلاتها يا سمر وانتي عارفه كيف اني مستني اليوم اللي هتقولي لي فيه اني سبت الوسيله وحامل؟
والدتها وقفت ما بينهم هم الاتنين وسمر شدت دراعها بقوه من بين ايديه وهي هتشخط فيه بعد ما قال كلمه عقيم :
ــ ابعد يدك دي عني انت عارف من زمان ان انا ما بحبش اللهجه الصعيدي وان انا اصلي مصريه وبابا راح عايش في الصعيد بحكم شغلنا فما تدخلش الامور في بعضها وانا يا سيدي حره في موضوع الخلفه وحره اقول لك ان مش بخلف او لا دي حاجه شخصيه ما لكش دعوه بيها ولا ليك علاقه بيها .
ــ هتقولي ايه انت عاد؟! كيف ما ليش علاقه بيها واني هتنشق على حته عيل وانتي عارفه اكده واصل، الموضوع دي ما فيهوش حريه شخصيه والكلمتين اللي انتي حفظتيهم دول وعقلك وزك تقوليهم لي لما اعرف بحجه ان دي عادات مصر .
ــ اديك عرفت ياسي سلام هتعمل ايه يعني طلاق مش هينفع احنا بينا مصالح وشغل مرتبط بوجودنا مع بعض وانت عارف كده كويس قوي وان انت تتجوز عليا علشان تخلف ويبقى لك عيل ده من المستحيل ابقى زوجه تانيه او تجيب لي دره نصيبك وقدرك كده لازم تتحمل.
ــ ده ايه القوه والجبروت اللي انت بتتكلمي بيهم دول يا بني ادمه يا مستفزه إنتي !
كيف يعني ان دي قدري ونصيبي كيف ما ليش الحق اني اتجوز علشان اجيب عيل علشان اني دنيتك هعمل بيها ايه الاملاك والعقارات والاسم والنجاح من غير عيل من صلبي يطلع يورثهم !
ما تحطيش العقده في المنشار يا سمر ولازم نشوف حل للموضوع ولا ايه يا حماتي اني ليه حق وصاحب الحق عينه قويه وهو هيطلبه ؟
ردد حماته بنفس طريقه بنتها:
ــ بنتي عندها حق في كل كلمه قالتها يا سلام هي عمرها ما تقبل معاك تعيش وانت متجوز عليها وما تنساش ان اسهمها في الشركات والمكاتب بنسبه 80% يعني اكبر من نسبتك وما تنساش برده ان كل حاجه بينكم شرك حتى الفيلا اللي انتم عايشين فيها دي وهي برده ليها فيها نسبه اكتر منك، فكر يا سلام لو انت طلقت بنتي هتخسر ولو اتجوزت عليها هتخسر فارضي بنصيبك علشان ما تخسرش كل حاجه غصب عنك .
لحد هنا وغضب الدنيا كله اتجمع قدام عيني وما بقاش عارف يرد على الاتنين دول ازاي وهو هيزق الكنبه برجليه وكل حاجه قدامه بقى هيكسر فيها وهم واقفين ماسكين في بعض مرعوبين من منظره وهو هيزعق فيهم :
ــ انتوا ازاي بني ادمين له انتم مش بني ادمين انتم شياطين متحركين ازاي تحكموا عليا ما يكونش ليا عيل من صلبي علشان بنتك مريضه وما بتخلفش؟! مجانين انتم عاد علشان تجبروني اعيش وياها او ما اتجوزش وخلف مين هيقول الكلام دي او في شرع مين ؟
هنا نطقت سمر بغل:
ــ انت ايه يا اخي جبروت عايز تاخد كل حاجه في الدنيا مال وست حلوه وشهره ومنصب وفلل وعمارات ومستوى من غير ما ينقصك اي حاجه، عمرك ما هترضى ابدا باي حاجه يا سلام علشان انت بطبعك طماع وعمرك ما بترضى باللي ربنا بيقسمه لك وطول عمرك بتبص على اللي في ايد غيرك وعلى مستواه وعلى شكله وعمرك ما هتعيش مرتاح البال ابدا انا اكتر واحده عارفاك وحفظاك في الدنيا .
ــ هتقولي الكلام ده كلاته علشان عايز عيل عايز ولد من صلبي يكون ابني ده ايه علاقته بالطمع يا ست هانم؟!
ولا انت هتداري على مرضك وتطلعي غلك عليا علشان تثبت لحالك انك صح انا مش هعيش تحت رحمتك يا سمر ويغور كل حاجه مقابل اني يكون ليا ولد ومهما تعملي وتحاولي تكتفيني اني ما اخدش حق من الدنيا اللي ربنا اداه لي مش هيحصل مش هخسر لوحدي يا سمر .
ــ اعلى ما في خيلك اركبه يا سلام ويوم ما تفكر تغدر بيا ما تفتكرنيش زي جميله زمان رحت لها طالب وشغلتك صبي عندها في القهوه واتجوزتها واخدت فلوسها واتعلمت واتخرجت بيها وكنت هتخدعها وعلشان هي كانت مغلوبه على امرها ست غلبانه يا عيني ما لهاش اب ولا ليها مال ولا جاه زياده تقف بيهم قدامك وما كانتش تملك غير انها تدعي عليك اما انا غير ، ياسلام انا غير
هرجعك شحات زي ما كنت واقل من الشحات كمان فبلاش تزود في العناد وفي الكلام الكبير الغليظ اللي هتقوله لي وتجرحني بيه علشان انا كمان عندي كتير قوي زي ما انت ما عندك انا قدرك الاسود اللي مش هتعرف تفلت منه مهما عملت .
الدنيا اسودت في وش سلام ما بقاش عارف يروح فين ولا يجي منين ولا يفكر ازاي جميله سدتها في وشه ومراته طلعت ما بتخلفش بعد ما كان سايق طول الطريق وهو حاطط امل انه يحطها قدام الامر الواقع علشان تخلف والاتنين دلوقتي كل واحده فيهم دماغها انشف من التانيه وبقى عايز الارض تنشق وتبلعه ولانه يقف في الموقف المتكتف ده ،
#############$$#
ـــ اعمل ايه يا صاحبتي دليني انت ما شفتيش كان هيتكلم ازاي وهو هيموت على ولده وما عارفاش اصلا اكتشف ان ليه ولد ازاي انا لا يمكن اجازف بابني واخليه يعرف ان ده ابوه وخصوصا ان مراته واهلها ناس شرانيين قوي دول خلوه طلقني زمان ورماني علشان يتجوزها خلوه يدوني حبوب منع الحمل وما يخلونيش اعيش ولا اتنفس هيعملوا فيا ايه و في ولدي .
ــ اظن اني حذرتك من هبابه ايام وانتِ ما سمعتيش كلامي لحد ما جالك الطوفان تحت رجلك واني ما عارفاش انصحك بايه ؟
ــ اني عمري ما ارجع له في السر ولا حتى في العلن وعمري ما ادي له ولدي اللي تعبت وشقيت عشانه ما قداميش غير حل واحد بس اني لو قرب مني افضحه واخليه عبره لمن لا يعتبر واني هددته باكده .
حذرتها صاحبتها انها تعمل كده:
ــ هتعملي في ابو ولدك اكده يا جميله وتفضحيه انت بالحركه اللي انت هتعمليها داي هتوبقي بتفضحي ولدك مش ابوه شيلي الحل دي من دماغك خالص .
ردد جميله بحيره:
ــ يا ربي طب اعمل ايه عاد شكله مصمم على الواد واني مش هديه له ولا هنوله له ده ولدي واني اللي تعبت عليه .
طبطبت صاحبتها على ظهرها وهي بتهديها :
ــ سيبي امرك لربك وهو مش هيعرف ياخذ منك ولدك غصب عنك خليكي بعيد عنه وخلاص وما تفكريش ولو رجع تاني اتفقي معاه انك هتقولي لولدك ويبقى ياجي يزوره وخلاص وانت اتكلمي مع ولدك في الموضوع ده هو ما بقاش صغير خلاص وهيفهم .
ــ وه عاد يا مخبولة انتِ عايزاني اقول لولدي اني طلع لك اب مره واحده اكده طب كيف عاد ، وكمان ولدي من نوع اللي هيتعلق بيه وهيحب يشوفه طوالي واني عارفه سلام هيخذله وهيطنشه وبعد ما هيعلقوا بيه هيفارق وهيسيبه هو بس الجلاله واخداه ان ازاي يكون له ولد وهو ما يعرفش واكيد حداه عيال من مرته التانيه هيملوا عليه حياته ومش بعيد ما يرجعش تاني من الاساس ويا رب ما يرجع .
################
ــ يعني ايه توبقى المحامي بتاعي وما تعرفش تشوف لي ثغره أفلت من شراكه مرتي او حتى اطلع بمكاسب ولو 50% حتى لو هعمل شركات جديده واسيب لهم القديمه بس اخذ حقي اللي يعيشني كويس ويخليني اعرف استثمر من جديد .
رد المحامي بقله حيله:
ــ ما فيش اي ثغره تخليك تطلع غير ب 10% بس لان كل العقود اللي انت مضيت عليها والتوكيلات اللي انت عاملها لها بتقول كده واظن انا حذرتك بدل المره 1000 يا سلام باشا انك تحفظ لنفسك نسب احسن من دي بكتير وانت تقول دي مراتي وانا وهي واحد دلوقتي اعمل ايه واروح واجي منين ولو رحت لاي محامي غيري هيقول لك نفس الكلام .
سلام بحسره لما سمع كلام المحامي:
ــ يعني في الاخر لو سبتها ثروتي من المكاتب والعمارات والعقارات كلها مش هتحصل مليون جنيه ايه اللي انا عملته في نفسي ده؟
ساله المحامي:
ــ طب وليه تنفصل عنها يا باشا وعن استثمارك معاها ما تعزل ما بين طلاقك منها وما بين الاستثمار معاها ايه اللي هيخليك تخلط ما بينهم هم الاثنين ؟
جاوبه سلام بضيق:
ــ سؤالك لسه انت مجاوب عليه من شويه علشان هي اللي تملك كل حاجه اكتر مني وممكن لو حصل الطلاق زي ما انت ما بتقول هتطيرني من كل حته وما قداميش حل غير اني اسكت واستسلم وما اعرفش اخرج منيها ولا براها وبعد التعب والجري ده كلاته السنين اللي فاتت وياها هي قاعده في البيت وبتخرج وتسهر وتسافر وانا اللي اتعب وفي الاخر نسبتها اكتر من نسبتي وكل حاجه هتضيع مني .
################
قاعد سلام مع حماه وحكي له كل حاجه:
ــ وبعد ده كلاته الواد يطلع ولدي وعملت تحليل الوراثه في كذا معمل وكلهم اكدوا نفس النتيجه ان الولد يوبقى ابني وبنتك رافضه ان انا ارجع جميله هي وابني لعصمتي وهي تبقى في مكان واني وهي في مكان بعيد عن بعض واقدر اخلف تاني واعيش مع ولدي ولا راضيه ترحم ولا راضيه تسيب رحمه ربنا تنزل .
هنا سمر سمعته وهو بيتكلم مع ابوها وعرفت كل حاجه ونزلت وقفت قدامه وبنفس التحدي قالت له:
ــ اعمل نفسك ولا كانك عرفت حاجه ولا كان الواد ابنك ولا كانك رحت لجميله من ورايا وانت هترتاح يا سلام ؟
ــ ازاي عايزاني اعرف ان ليا ولد وانتي مستحيل تخلفي واسيبه واتخلى عنه بطلي انانيه بقى يا سمر وكفايه لحد اكده ؟
ــ الاناني هو انت يا سلام عايز تاخدني لحم وترميني عضم! انا اللي عملتك وانا اللي بنيتك وانا اللي خليت ليك اسم مش بعد ده كله تروح ترجع لجميله، قول بقى ان انت حنيت وان انت دم الخيانه بيجري في عروقك وعايز ترجع لمراتك حب حياتك الاول .
ــ ما تهلفطيش بالكلام يا سمر انا هنتها وجرحتها ودست عليها باوسخ جزمه زمان ودمرتها بعد ما ساعدتني ووقفت جنبي وعملت معايا كل حاجه حلوه في الدنيا ومع امي كمان علشان خاطرك وعشان خاطر حبك وانت عارفه اني ما حبيتش غيرك فبلاش تستخدمي النقطه دي بالذات علشان تحللي لنفسك انانيتك .
ــ وانا يستحيل اوافق ان انت ترجع لها الا بقى استغنيت عن كل حاجه العز والمال والسلطه وكل حاجه ملكتها لك هتسيبها وحبه الفلوس اللي هيطلعوا لك من 10% هتدفعهم مؤخري اللي انت دفعته 2 مليون جنيه والنفقه والمؤخر والذي منه وارجع لمراتك وابنك وارجع اشتغل صبي قهوه تاني وهرجعك بنفس البدله اللي انت كنت جاي بيها يا سلام لسه عيناها ما رميتهاش .
ــ هو انت ازاي طلعتي شيطان رجيم قوي كده وانا ما كنتش واخد بالي؟!
ازاي قدرتي تسحبيني السنين اللي فاتت داي كلاتها وتستنفذي شبابي وعقلي وانتي عارفه ان الفلوس اللي انتب بتتكلمي عنها دي كلها بتعبي وشقايا ودماغي؟ وانتي ما كنتيش بتيجي اصلا، يعني إن جيتي للحق اني اللي عملتك واني اللي اديتك النسب دي كلها هترضيها على نفسك بلاش يا سمر ندخل مع بعض في السكه دي خلينا بالمعروف احسن .
ـــ ههه هرضها على نفسي طبعا هرضاها عادي جدا انت اللي علمتني على فكره انت الاستاذ وانا التلميذه ما انت زمان رضيت على نفسك تستغل عيله يتيمه ابوها امنك عليها ووصاك تتجوزها ما تجرحهاش وتقف جنبها وانت رضيت انك تاخد شقاها وعرقها وتعبها معاك ولا لقيت منك كلمه حلوه ولا نظره حنينه ولا كلمه تطيب خاطرها ورضيت على نفسك تاخد فلوس مشروع تخرجك منها وفي الاخر زقيتها باوسخ جزمه وجيت تحت رجلي، دلوقتي عايز ترجع لها وترميني انا باوسخ جزمه لا يا سلام مش هيحصل انت خلاص بقيت ملك لسمر حتى لو الحب اللي بينا ضاع انا اتعودت على وجودك في حياتي .
كل البيبان اتقفلت في وشه سلام خايف يسيب كل حاجه لسمر ويستغنى عن المال والسلطه والعز وكل حاجه بناها وتعب فيها علشان يرجع لجميله وابنه وفي الاخر برده جميله ما ترضاش ترجع له ولا هو بقى عنده طاقه ولا مجهود ولا افكار انه يبني نفسه من جديد ولا بقى عنده امل ان ممكن جميله ترجع له هو دلوقتي حاسس انه مخنوق ومش عارف يفكر ازاي وعمل زي اللي رقصو على السلالم ،
وراح وجه وشه لابوها اخر امل ليه وهو بيساله :
ــ رايك ايه في اللي انت سمعته يا عمي هتخذلني زي كل مره ولا هتديني حقي وتنصفني على بنتك وقوتها وجبروتها معايا اللي ما يرضيش ربنا ؟
رد عليه حماه :
— ما اقدرش اجي على بنتي علشان خاطرك يا سلام وما اقدرش اجرحها ولا ازعلها كفايه زعلها على نفسها بسبب انها مش هتبقى ام والمفروض انك تحتويها وتخلي بالك منها وتحتوي وجعها في الحته دي مش تقول لها هتجوز عليك او ترجع لطليقتك مش كل حاجه الانسان لازم ياخدها من الدنيا لازم يكون عنده قناعه الرضا باللي ربنا قسمه له .
عرف ان هو مش هيعرف ياخد معاهم ولا حق ولا باطل وما بقاش قدامه غير فرصه واحده بس انه يقدر ياثر على جميله انها ترجع له وساعتها هيبقى عنده استعداد انه يبدا من جديد بعيد عن سمر وفلوسها لان جميله ما بقتش زي زمان وقرر ان هو يروح يقابلها ويتفاهم معاها ،
كانت قاعده قدام بحيره وقدامها صوره بترسمها اصل جميله بتحب الرسم وهو هويتها المفضله سال على مكانها لحد ما عرفوا واول ما وصل وقف وراها وهو مربع ايده على صدره وهيقول لها :
ــ لساكي هتحبي الرسم يا جميله ولسه يدك هتنقشه ببراعه واللوحه كانها بتحوي معاني كتيره اللي يشوفها يفهمها طوالي .
عرفته من صوته وملتفتلهوش ولا اتحركت من مكانها وايديها لسه بتتحرك بريشه الرسم وهي هترد عليه :
ــ الحمد لله ان اني زي ما اني ما غيرتنيش الفلوس ولا ضعفتني النفوس ولا ذلتني التيوس اني للساي جميله بنت المعلم عواد صاحب القهوه اللي سابها لبنته علشان تديرها ولساي هديرها زي ماني مهما وصلت اصلي اني هحب اصلي قووووي وما هتبراش منيه واصل، جاي ليه يا سلام تاني واذا كان على الموضوع اللي في دماغك اللي يخص ولدك انساه ومهما عيملت مش هيوحصل .
ــ طب بصي لي يا جميله عشان اعرف اتكلم وياكي اني عارف انك هتحبيني وانك ما نسيتنيش، اني شفتني في عينيك لما جيت لك المره اللي فاتت وعرفت انني لسه معلم جوه قلبك بدليل انك ما اتجوزتيش بعدي لحد دلوك ؟
سابت الريشه من ايديها وقامت وقفت قدامه وقالت له بتحدي وهي هتسخر من كلامه:
ــ مجنون انت عاد يا سلام علشان تفتكر اني جميله لساتها هتفكر فيك وهتوهم نفسك ان انت شفتها في عيني ولو فكرت كويس هتلاقي نفسك شفت في عيني استحقار ليك مش اكتر من اكده واصل.
اعترف لها سلام باستسلام لان ما فيش حل قدام غير كده علشان يقصر الطرق:
ــ طب يا جميله انا جاي اقول لك ان انا مستعد ابيع الدنيا كلاتها المال والعز والسلطه وحتي لقب الهندسه في مقابل انك ترجعي لي انت وولدي واعيش وياكم وكمان ارجع صبي قهوه زي ما هتقولي بس خذوني تحت ضلكم يا جميله ؟
جميله بقوة :
ــ اه ماني سالت وعرفت انك ما خلفتش وطالما ما خلفتش السنين دي كلاتها يوبقى مرتك ما لهاش في الخلف وانت زهدت النجاح والفلوس والشهره والسلطه وجاي عايز المال والبنون زينه الحياه الدنيا اللي لسه زي ما هما مع جميله صوح يا سلام ؟
ــ صوح يابت أبوكي بس اني مش عايز مال اني عايز اعيش وياك انت وولدي ؟
ــ ما انا اترجيتك زمان يا سلام ما تسيبنيش ما تعملش فيا اكده كسرتني ودبحتني ورميتني وخلتني اعيش عمري اللي فات اجري ورا سراب النجاح علشان اهزمك ودي الحسنه الوحيده اللي عميلتها وياي، بس أني ما بحبش يكون عليا ديون لحد كنت هسدها لك صله رحمه في امك الغلبانه اللي انت رميتها وجريت وما سالتش عنيها ولا حتى حضرت دفنتها لما ماتت وكنت هراعيها واخد بالي منيها .
ــ يا جميله اني وقت موت امي كنت مسافر سنه في بلاد بره ولما رجعت عرفت انها ماتت .
ــ بس يا سلام ما تقولش اي كلام وخلاص انت من ساعه ما طلقتني ورميتني اني وامك وانت رحت وما رجعتش كنت بتهرب وتفر من اصلك ودلوك عايز ترجع له وعايزنا نفتح لك دراعاتنا بالاحضان كماني ما عادش ينفع ارجع للي انت اخترته وعيش وانت ساكت لان اي محاوله منك وياي ملهاش عازة.
ــ طب ولدي من حقه يعرف إن له أب ؟
ـ هيفيد بأيه يعرف بأبوتك وهي ملهاش لازمة في حياته وهتوجعه وبصراحة هخاف عليه من مرتك وأهلها لو عرفته وقصدت اوصل الود بيناتكم ولدك هيضيع من بطشهم .
ــ بس انتي دلوقتي بقيتي مساعد وزير يعني سلطتك اكبر من سلطتهم وهتقدري تواجهيهم وتخوفيهم يبعدو عنك إنتي وابننا .
ــ يا سبحان الله على طبعك العفش يا سلام على راي المثل يموت الزمار وصباعه بيلعب ، لساك هتعتمد على غيرك في امان نفسك وعيشتك وراحه بالك لساك هتستسهل كل حاجه ،
وهي رصاصه الغدر تعرف وزير ولا غفير؟! واني مش مستعده ادخل ولدي في الصراعات دي وارجع زي ما كنت ما لكش مكان في حياتنا .
وقفلت جميله قدامه كل الطرق في انه يرجع لها او انه يشوف ابنه او يحض,نه حتى بكل بساطه وسياسه قدرت تسيطر على تفكيره ولعبت على اوتار الخوف على ابنه وهو سحب نفسه ورجع لسمر تاني بقلب ميت فاقد الشغف للحياه وكل يوم يتمنى انه يرجع صبي قهوه تاني ويعيش مع جميله ولانه يبقى نائب في مجلس الشعب ويعيش العيشه دي سبحان الله ربنا بيدي الانسان الجزاء من جنس العمل .
انتهى الاسكريبت
جميلة بنت المعلم
بقلمي فاطيما يوسف
