جوز اختي
دارت عركة الموت جوة الصالة! صوت الشوم وهو بيخبط في بعضه وفي العضم رن في
البيت كأنه رعد. ضربت ودمي فاير، وعمامي نزلوا فيهم ضرب، وهما ردوا بغل وشومهم نازل على كل اللي يقابلهم. الكراسي اتكسرت، والنجفة اتفتت، وزجاج الشباك اترمى على الأرض.
واحد من عيلتهم خد ضربة نبيت في رأسه وقع غرقان في دمه، وعمي اضرب بشومة في كتفه اتخلع من مكانه وصرخ من الوجع. ضربت جوز أختي بونية في نفس مكان الجرح القديم خلاه يصرخ ويقع تحت الرجلين، والدم بقى مغرق السجادة والحيطان من الطرفين.
الشارع كله اتلم على الصريخ، والجيران قفلوا البيوت وصرخات الحريم جابت آخر المنطقة.
وفجأة.. صويت السرينات غطى على كل الصوت! سارينات الإسعاف مع عربيات المركز وشرطة النجدة حاصرت البيت بره. الظابط والدورية اقتحموا الشقة بالسلاح المرفوع: “اثبت منك ليه! نزل الشوم ده فوراً!”
الدم كان مغرق الصالة، وناس كتير من الناحيتين ينزفوا وميحيين على الأرض، والمركز لم الكل بالإسعاف والبوكسات على القسم!…
و هنا نهاية اللي حصل بس مش نهاية القصة .. بعد ايام الشرطة صالحتهم عشان يخرجوا بس الغل و الحقد لسه مالي القلوب بين العيلتين
تمت
حكايات
للكاتب اسلام احمد عن احداث حقيقية
