خيانه في المطار
جريت بأقصى سرعة وسط الممرات الضيقة لحد ما وصلت لباب جانبي مكسور
خرجت منه وجريت ناحية عربيتي
لكن قبل ما أوصلها
سمعت صوت عربية شرطة داخلة من بوابة المصنع
الرجالة اتفرقوا في لحظة وهربوا
وقفت وأنا مش فاهمة مين بلغ الشرطة
بعد دقائق نزل ظابط وسألني
حضرتك مدام نادية
هزيت راسي
قال
فيه بلاغ مجهول وصل لينا من خمس دقايق إن فيه چري.مة ق.تل هتحصل هنا
بصيت حواليّ
واضح إن حد كان بيراقب اللي بيحصل وأنقذني في آخر لحظة
رجعت البيت وأنا دماغي مشغولة بكلمة واحدة
الخزنة
في الفجر صحيت قبل الكل ونزلت ناحية المسجد القديم اللي كان جنب أول مصنع بناه أبويا
المكان كان هادي جدًا
لفيت ورا المسجد لحد ما لقيت بلاطة مختلفة عن باقي الأرض
افتكرت كلام الراجل العجوز
جبت عامل كان بيشتغل في المكان وساعدني نرفعها
تحتها كان فيه صندوق حديد صغير عليه صدأ
طلعته بصعوبة
ولما فتحته
لقيت ملفات قديمة وفلاشات ومفكرة جلد سوداء
فتحت أول صفحة في المفكرة
وكان مكتوب بخط إيد أبويا
لو وصلتي للمفكرة دي يا نادية يبقى عرفتي إن مۏتي ماكانش قضاء وقدر.
لكن قبل ما تتهمي أي حد لازم تعرفي الحقيقة كاملة.
قلبت الصفحة بسرعة
فاتجمدت مكاني
كان فيه تحليل DNA وتقرير معاه
وفي آخر التقرير جملة واحدة مكتوبة بالقلم الأحمر
كريم ليس والد يوسف الحقيقي.
حسيت إن كل اللي كنت فاكراه انهار في ثانية
إذا كان كريم مش أبو يوسف
يبقى مين هو الأب الحقيقي؟
وليه كريم كان مستعد يضحي بكل حاجة ويحارب علشان طفل مش ابنه؟فضلت ماسكة التقرير وأنا مش قادرة أصدق اللي بقرأه.
كل الخيوط كانت متشابكة، لكن أول ما فتحت باقي أوراق المفكرة بدأت الصورة تكتمل.
أبويا كان كاتب كل حاجة بالتفصيل.
من سنين اكتشف شبكة كبيرة بتستغل اسم الشركة في غسل الأموال وسړقة ملايين الجنيهات. الشخص اللي كان بيدير الشبكة هو عم حسام، أما كريم فكان مجرد شاب طماع استغلوه ووعدوه بالفلوس والمناصب لو اتجوزني وسيطر على الشركة.
أما يوسف، فكان ابن سارة من زواجها الأول. كريم وافق يربيه ويعتبره ابنه عشان يحافظ على علاقته بسارة، وده كان السر اللي مخبيه عن الكل.
عرفت كمان إن أبويا جمع الأدلة كلها، لكنه قبل ما يقدمها للنيابة بأيام اتعرض للق.تل، والچر.يمة اتسجلت وقتها على إنها أزمة قلبية بعد التلاعب في التقارير.
