اتجوزت مرات اخويا

بيته احسن
نصار انت قصدك ايه عايز تقول انه يموت على فرشته انت انتو ما بتعرفوش حاجه انتم مش دكاتره اصلا انا هسفر اخويا اخر الدنيا وهعالجه وهيبقى زي الفل
الدكتور اهدى يا دكتور انت دكتور وعارف كويس قوي ان حاله اخوك ملهاش علاج ادنالكم تقرير بحالته ربنا معاكم
امه.. يعني ايه يعني هنفضل قاعدين كده مستنيينو يموت طب اعملوا اي حاجه
نصار ان شاء الله هيعدي الاسبوع وهيبقى كويس لو عدى الاسبوع يبقى الخطر راح ان شاء الله ان شاء الله هيعديه وهيبقى كويس انا متاكد محمود اخويا مش هيسيبنا
ورجعو البيت ونوموه على السرير وكانوا قاعدين جنبه داليا قالت
انا هروح اعملكم حاجه تشربوها بدل ما احنا قاعدين كده
وراحت المطبخ بس امها راحت وراها وقالت.
يا بنت يا بنت الله يخرب بيتك حاجه ايه اللي جايه تعمليها في المطبخ جوزك بيموت فوق يا حزينه هيموت ويسيبك شابه صغيرة وعيلك على باطك
داليا برواق ما يموت يعني اعز من اللي راح
امها بغضب مين اللي راح مين ده جوزك يا موكوسه جوزك وابو ابنك يعني ما فيش حد اغلى منه
داليا.. بقولك ايه ياما ده لو مات هيبقى عمل فيا جميله ادعيلي يموت دا لو مات مش هقعدلهم في البيت دقيقه واحده ارملة
امها اه هترجعي تاني وكانك ما اتجوزتيش وابنك هيتيتم وهيعيش من غير اب
داليا لا مش ده اللي هيحصل هقولك انا السيناريو بتاعي هتجوز نصار
امها.. يا فضحيتي انتى بتفكري تتجوزي وانتى على ذمه راجل لا وكمان عايزه تتجوزي اخوه يا جبروتك يا عينك يا جبايرك
داليا بقولك ايه ياما انا

هتجوزه عشان يربى ابن اخوه وما يترباش مع حد غريب انتى بس ادعى معايا يا رب حبيبك النبي بجاه النبي محمود يموت ده انا لولا الحرام كنت حطيتله السم بيدى
امها.. انتى اتجننتي والله العظيم انتى مش طبيعيه
داليا راحت عند محمود اللى قال.. من ساعه الحادثه وانتى حتى ما جيتيش تقعدي جنبي
داليا.. هقعد جنبك اعمل ايه
محمود.. خايف اموت خايف ابني يتربى من غير اب امانه عليكم لو مت خلي بالك عليه
داليا.. لا ما تقلقش هخلي بالي عليه انت موت مرتاح قصدي يعني بعيد الشر عليك
ناصر.. اى ده ان شاء الله هتقوم منها وهتبقى كويس ايه اللي انت بتقوله ده احنا كلنا جنبك مش هنسيبك ولا انت ولا ابنك وابنك في عنينا لحد ما تخف وبعدين ان شاء الله انت هتبقى كويس وهتقوم وابنك ما حدش هيربيه غيرك جرى ايه هي حادثه بسيطه تخليك تسيبنا يعني ولا ايه
محمود.. انا مش حاسس اني هقوم انا بس عايز اوصيك على ابني عايزكم تخلوا بالكم عليه
بس سكت فجأه نصار بقى يقول بخوف..
محمود محمود انت ما بتردش عليا ليه محمود انت يالا رد عليا
بس كان توفاه الله وبعد اربع شهور وعشر ايام بالساعه حصل المشهد الاولانى بين امو وداليا نرجع للحكايه اما داليا راحت اوضتها ناصر رجع من بره وهو شايل ابن اخوه وقال
شفتى بقى اديني فسحته بره وجبتله كل اللعب اللي اختارها عشان بعد كده بقى ما يقولش عمي حارمني من حاجه.. اى مالك يا امي في ايه
امو.. اطلع يا حسن اوضتك العب يا حبيبي وانت تعال ورايا عايزاك
ودخل وقفل الباب وقال في ايه
امو.. مرات اخوك كانت بتلم شنطتها وماشيه
نصار.. ليه هو حد ضايقها
امو.. ما حدش ضايقها بس ما ينفعش تفضل في البيت وفي راجل وجوزها مات
نصار انا ممكن اخد بيت تاني واخد مراتي ونروح نقعد فيه وتفضل هي معاكي هى وابنها وانا هبقى قريب منكم لو احتجتوا اي حاجه ومش هسيب الولد وهصرف عليه كل اللي يحتاجه
امو.. بس هي قالتها كده في وشي قالت انها صغيره وحلوه من حقها تعيش
نصار.. اى الكلام ده بس جوزها ما كملش خمس شهور ميت
امو.. قالت كده بقى هنعملها ايه يعني
نصار هي عايزه ايه دلوقتي يعنى
امو.. عايزه تتجوز عايزه تتجوز وتعيش هى صغيره ومن حقها تعيش هتاخد ابنها معاها وما تقلقوش هبقى اخليه يكلمكم في التليفون هي قالتلي كده دلوقتي بس في حل عشان ما تمشيش وهي برده اللي اقترحته
نصار ما تقول هي عايزه ايه من الاخر بدل اللف والدوران ده لو هي مش زعلانه علي محمود احنا مقهورين ما تقول عايزه ايه وكفايه تقطيع في قلوبنا اكثر ما هي متنيله
امو.. عيزاك انت يا نصار
نصار.. ايه انا ازاي يعني ايه
امو.. تتجوزها وتربي ابن اخوك
نصار يعنى كلام نهى عنها طلع صح.. بس يا امى هي مرات اخويا اتجوزها ازاي بس
امو.. لا عيب ولا حرام اخوك مات خلاص اتجوزها يا ابنى عشان الولد
نصار.. مقدرش دى مرات محمود خليها تتجوز وتسبلى الولد
انا اربيه
امو.. مرضياش هي قالتلي كده في وشي قالت يا بيتجوزوني نصار ياخد ابني وامشي مفيش حل حتى لو بالقانون الولد في حضانتها لانه لسه صغير
نصار ما هو انا ما اقدرش اتجوزها يا ماما ما اقدرش
امو عشان خاطري يا ابني مجبورين مجبورين عشان تفضل هنا وما تمشيش لازم تفضل هنا عشان الولد رجع مراتك بيتكم واتجوزها هنا وما تقولش لمراتك عشان مراتك ما تزعلش مراتك مش هتعرف
نصار انا مش قادر دا اخويا
امو.. هو مات بس ابنو عايش بكرة هتمشى او متجوزتهاش
نصار.. حاضر يا اما هودي نهى بيتنا واجى اتجوزها الليلة
واخد مراتو وراح بيت بعيد من بيت امو شويه بس فى نفس البلد نهى قالت
احنا جينا ليه ليه مفضلناش مع حماتى بس
نصار.. مش هينفع اقعد هناك اكتر مرات اخويا مينفعش تفضل معايا فى بيت واحد امى قالت كدا وانا مش هاجى هنا واسيبك هناك يعنى
نهى.. لا لا طبعا احسن كدا احسن للكل
ماشى انا هتاخر بره الليلة معايا شغلة كدا انتى متستنينيش نامى
نهى.. وانا امتى بنام واسيبك بره
نصار.. ما بقولك هتاخر انا معلش نامى انتى وانا معايا نسخه من المفتاح اما ارجع هصحيكى
نهى.. ماشى اللى يريحك
نصار سابها ورجع البيت عند امو وبالليل كان الماذون قاعد وتم كتب الكتاب فعلا وداليا كانت طايره من الفرحه انها خلاص وصلت لحلمها الماذون مشي ونصار طلع الاوضه عند داليا لقاها قاعده على السرير وقفت بسرعه اول ما دخل واتقدمت على الدولاب خدت هدوم ودخلت الحمام غيرت وطلعت وكانت لابسه روب ستان وفاردة شعرها وحاطه ميكاب تقيل نصار بصلها شويه بضيق بس قرب منها وكانت الدموع في عيونه هي كمان قربت منه اكتر وحطت اديها على رقبته بدلال بس وقفت متجمده مكانها بصدمه كبيره لما لقيت نصار مبرق بشده وهو باصص وراها ودموعه بتنزل وقال بصوت متقطع من الصدمه
محمود.
اول ما نادا باسم محمود داليا التفتت لورا بخوف وبصت بس ما لقيتش حد واقف وراها بصيتله لقيت الدموع نازله من عينيه