الجميله والشايب

دى علبه العلاج اللى سائر رماها والنوع دى لتقوية الأعصاب ومستورد وغالى جدا ونتيجته كويسه مع كل الناس ممكن تبقا ضعيفه مع ناس تانيه حسب استجابة جسمهم بس عموما تأثيره إيجابي ودى الأقراص اللى فى العلبه بس مش هى دى اللى المفروض تبقا موجودة ده مش العلاج المظبوط بس موجود فى العلبه الصح حضرتك فهمتنى
انتى بتقولى ايه دى كارثه يعنى العلاج علشان يتعب ابنى
أرجوك اهدى
اهدى ازاى ياليل ناس بتدمر حياه ابنى وعايزينه عاجز دايما
يتبع
7
أرجوك اهدى
اهدى ازاى ياليل ناس بتدمر حياه ابنى وعايزينه عاجز دايما
احنا لازم نفهم مين بيعمل ده وايه مصلحته فى عجز سائر
اكيد كده الدكتور الصيدلى المسؤل
مش لازم ياعمى
ازاى
ممكن العلاج بيتبعت مظبوط وحد بيستلمه ويبدله قبل مايوصل لسائر
مستحيل يابنتى العيله اه طماعه بس مش لدرجة المۏت
الطمع يعمل اى حاجه ياعمى وعموما ده مجرد احتمال
طيب هنتأكد ازاى
هنروح نسأل الصيدليه اللى بتبعت العلاج
وهم هيعترفوا على نفسهم
حضرتك مركزك يخوفهم عايزاك بس بكره تاخدنى على اساس زيارة لاهلى علشان اطمن على امى ونطلع على الصيدليه
تمام يابنتى عمرى ماهنسالك اللى بتعمليه مع سائر ده
ده واجبى ياعمى المهم نعمل ده بسرعه
بكره بإذن الله ننفذ اللى قولتى عليه ده
تمام عن إذنك اشوف سائر وهحاول اخليه ماياخدش من العلاج النهارده وهو مش مركز اووى فده فى صالحنا
ماشى يابنتى ربنا معاكى
سائر هديت
لسه فاكره
انا سيبتك علشان..
اششش خلاص مابقتش فارقه
سائر خلى عندك امل
ابتسم بسخرية من غير كلام
بالله مايبقاش تفكيرك كده
لو عايزه تطلقى
ماتكملش انا اخدمك بعيونى
بصلهابحزن وسكت
ليل اقسمت من جواها إنها هتساعده وبكره هتفهم كل حاجه وهتبدأ تديله علاجه المظبوط
دخلينى اوضتى
حاضر عايزه استأذنك اروح بكره اشوف والدتى اطمن عليها همشى مع عمو سليم الصبح يوصلنى
تمام مافيش مشكلة
ليل هتوصل لحاجه وهتقدر تساعد سائر ولا حد هيمنعها
ليل اتحركت الصبح مع سليم واتجهوا للصيدليه
لو سمحت
ايوه ياافندم
العلاج ده حضرتك بتبعته لفيلا سليم بيه كل شهر
اه ياافندم فعلا مسجلينه فى السيستم عندنا
تمام ممكن علبه من نفس العلاج ده
حاضر اتفضلى
ليل فتحت العلبه وفعلا الأقراص كانت لونها مختلف سليم بصلها ولسه هيتكلم شاورتله بانه يسكت وطلعت البرشام التانى اللى كان فى العلبه عند سائر بس من غير العلبه طلعته لوحده
ممكن اعرف البرشام ده بتاع ايه بالظبط
ثوانى كده حضرتك جايباه منين
ليه مش ده علاج عادى
هو اه علاج بس مش بيطلع بسهولة بتبقا للحالات اللى مفقود فيلا الامل بتبقا تعبانه جامد فبيبقا مسكن قووى وفى نفس الوقت بيوقف حركة الأعصاب بيبقا للناس اللى خلاص بتنتهى
تمام متشكرة جدا عن إذنك واخدت سليم وخرجت بيه
ليه ياليل ماسألتيهوش على العلاج
مش هم ياعمى
عرفتى ازاى العلبه الجديدة دى حضرتك شوفت كانت مقفولة بقوة ازاى لدرجة ماكنتش عارفه افتحها لو هم يبقا هيودوا نفسهم فى داهية بسهولة وكمان فاكره العلاج اللى فات كانت علبه جديدة وسائر بيفتحها قدامى فتحها بسهولة جدا معناها انها اتفتحت قبل ماتوصله
يبقا كده حد من البيت
احنا مش هنظلم حد ياعمى هنكشف اللى بيعمل ده
ازاى
عادى جدا حضرتك هنروح وهتتصل بالصيدلية تبلغهم يبعتوا العلاج على الفيلا كالعاده بس واحنا على الغداء هتعرفهم ان العلاج هيوصل وحد يبقا يستلمه بمإن سائر رمى العلاج بتاعه كله على الارض واترمى فى الژبالة خلاص وهنشوف ايه اللى هيحصل اكيد حد هيغلط فى تصرفاته
حاضر يابنتى هنفذ كل اللى بتقولى عليه طيب وسائر
هديله العلاج بنفسي واقوله ان حضرتك اتعصبت عليا لما عرفت انه بياخده لوحده وحملتنى ذنب التعب اللى زاد عليه لأنه ممكن مايهتمش بعلاجه لوحده وكده انا اللى هدهوله علطول من المظبوط اللى معايا
مش عارف أشكرك ازاى يا ليل من غيرك كنت فضلت عامى عن اللى بيحصل لابنى ويفضل يتأذى
ده واجبى ياعمى مافيش داعى للشكر وبإذن الله هفضل وراه لحد مايقوم بالسلامه ويمشى على رجليه
باذن الله انا هوصلك بقا للفيلا وهطلع على الشركة اشوف الشغل
تمام
جيتى ياليل
اه ياعبير هانم
كنتى فين ياحبيبتى ماشوفتكيش من الصبح
كنت بزور امى
اه قولتيلى طيب وابتسمت
ليل حست ان فيه حاجه مش مظبوطة من ابتسامة عبير بس مافهمتش حاجه فاستأذنت تدخل تطمن على سائر
كنتى فين ياليل
ماانت عارف يا سائر
عارف ايه
كنت بزور والدتى
وكمان بتكررى كدبك وضربها بالقلم وكمل كلامه لو فاكره انى علشان عاجز تبقا تدورى براحتك وماحدش يعرفلك طريق تبقى غبية ده انا اډفنك مكانك ياليل فاهمة كان بيتكلم بعصبيه وعنيه حمرا وعروق ايده بارزة
ليل دموعها نزلت من الصدمة مش مصدقة انه بيشك فيها وهى بتعمل كل ده علشانه
انطقى كنتى فين
انت ليه مش مصدقنى
علشان والدتك جات هنا تسأل عليكى بعد ماخرجتى بساعه يعنى المفروض فى الوقت ده تكونى عندها اصلا
هى سألت عليا ليه كانت تعبانه او فيها حاجه كانت بتتكلم بلهفة وقلق على والدتها
سائر بعصبيه اكتر يعنى بتعترفى انك ماروحتيش عندها اتكلمى كنتى فين
الباب اتفتح ودخل منه سليم كانت معايا
بابا كانت معاك فين
هحكيلك كل حاجه وبدأ يحكيله اللى حصل وهو بيسمع ومصډوم مش بس من اللى حصله وان فيه حد عايزه دايما عاجز لا كمان من اللى عمله مع ليل وازاى فكر فيها بالطريقة دى وهى بتحاول بكل الطرق أنها تساعده بصلها بحزن وندم من غير كلام
سليم اتكلم تانى انا هسيبك تحل انت ومراتك مشاكلك مش هتدخل بينكم المشكلة عندى دلوقتى ان عبير قالتلى اللى حصل وان والدة ليل جات هنا وسألت عليها الحمد لله ان الصوت هنا مش بيبقا مسموع بره بس هقولها ايه
هتقولها ياعمى انى روحت قابلت واحده صاحبتى قعدت معاها فتره وطلعت على بيتنا مالقتش امى قعدت عند حد من جيرانا لحد امى ماجات تانى وقالتلى انها سألت عليا بس سائر اتعصب من اللى حصل وعرفهم بره انه فيه مشاكل كبيره بينا بسبب اللى حصل النهارده
فهمت انتى عايزه توصلى لايه يابنتى وهطلع اعمل كده
سائر جه يتكلم ليل اديته من العلاج المظبوط وخبيته قدامه فى الدولاب تحت الهدوم ورجعت نامت على الكنبه وقفلت النور
سائر فهم أنه رافضه الكلام دلوقتى وقرر يديلها فرصه تهدى واستسلم ونام هو كمان
ايه اللى هيحصل
بين سائر وليل
ليل هتعرف تثبت حاجه فى علاج سائر ولالا
عدى يومين وليل كلامها مع سائر بحدود واجلوا الخطة يومين كده علشان ماحدش يشك فيهم من البيت عبير كانت مبسوطة اووى باللى بيحصل وخلت غادة ترمى نفسها على سائر اكتر من الأول استغلال للخلاف اللى مع ليل وليل شايفه كل حاجه وساكته بتفكر نفسها دايما إنها فى مهمه معينه وهى أنها تحافظ على صحة سائر بس ماتنفعش تكون مراته
سائر
ياااااه ياليل اخيرا لسانك صالح اسمى
عايزه اطلب منك حاجه
انتى تؤمرى بس تصالحينى
لا
خلاص ماتطلبيش
يوووه بقا حاجه مهمه
تصالحينى الأول
برضو لا
طيب يارب اموت لو ماصلحتنيش
ليل حطت ايدها تمنعه من الكلام وكملت بعد الشړ عليك
باس ايدها
سحبت ايدها بسرعه بعد اللى عمله وبصت للارض بكسوف
يتبع
الثامنة
هااا هتصالحينى
ماشى علشان اللى عايزاه منك بس
مصلحة يعنى مش مهم المهم انك سامحتينى
عمى شكله مضغوط اووى من الشغل يا سائر
هو بابا تعبان ياليل
لالا ماتقلقش مش تعبان بالمعنى ده بس الشغل كتير عليه وهو لوحده وبرضو كبر فى السن
اتكلم سائر بأسي اعمل ايه ياليل مش بايدى انا كنت شايل الشغل كله ومريح بابا قبل الحاډثه لكن بعد اللى حصل ده مابقاش ليا لازمة
مين قال كده تقدر تشتغل من البيت تراجع الصفقات تعمل المشروعات تبقا مسؤل عن التخطيط حتى الورق تمضيه هنا حد من الشركة يجيبهولك وانا هقعد معاك واحاول اساعدك
بص لليل بكل حب ازاى قادرة تكون بالجمال ده طيبه وحنينه وبتعمل بدون ماتطلب مقابل وواقفه جنبى وبتشجعنى دايما
ساااااائر
ايه يابنتى خرمتى ودنى
الله ماانت اللى سرحت منى
لا معاكى اهو
طيب ايه رأيك فى اللى قولته
اللى هو ايه
نعععععم
خلاص بهزر موافق ياقمر
بجد طيب روح قول لعمو سليم
طيب ودينى يلا
حاضر
تعالوا ياولاد
بابا انا هساعدك فى الشغل من البيت انت تعبت اووى
بجد يا سائر
اه يابابا اريحك شوية ياحبيبى
كده تبقوا اتصالحتوا
وعرفت ازاى يابابا
اصل ياحبيبى المساعده القمر دى اكيد بدايتها من ليل
لا والله انا الۏحش اللى موجود يعنى
ليل وسليم ضحوا وسائر كان متغاظ منهم
طيب مش مساعد بقا هااا
لا ياحبيبى انت الخير والبركة خلونا فى المهم بقا هننفذ امتى ياليل
كده كملنا 3أيام فى العلاج الجديد ان شاء الله بعد أسبوع نقدر نرجع للدكتور كاعادة كشف ممكن ننفذ النهارده ياعمى علشان نخلص من اللى بيأذى سائر قبل مانسافر للعمليه
عندك حق يابنتى انا كمان عايز أنجز فى الموضوع ده
تمام النهارده بإذن الله نكشف الموضوع ده
على خير نتقابل على الغداء
وقت الغداااااااء
انا خارج رايح الشركه العلاج بتاع سائر لما ييجى حد يستلمه
بس العلاج بييجى على آخر الشهر يا سليم بيه
عارف ياعبير سائر اتعصب ورماه كله على الارض مافضلش غير برشامتين اخدهم وخلاص واحنا عايزين نركز على العلاج ده لان الدكتور بيقول حالة سائر بتتأخر تقريبا مش منتظم على العلاج فلازم نهتم بيه
عبير ابتسمت بانتصار عندك حق وانتى ياليل مش تاخدى بالك من جوزك
هو اللى كان بياخد العلاج بنفسه بيقول متعود على كده
برضو ياحبيبتى ده جوزك
حاضر هتابعه بإذن الله
جرس الباب الشغاله فتحت واخدت العلاج ودخلت المطبخ كل ده وليل بتتابع من بعيد من غير ماتأخد بالها لاحظت أن الشغاله مادتش العلاج لحد دخلت بيه المطبخ يعنى هى اللى بتعمل ده بعد وقت قليل جدا خرجت ودخلت العلاج فى أوضة سائر ليل مش فاهمة ايه مصلحة الشغاله إنها تعمل كده ليل لسه هتمشى شافت عبير خارجه من المطبخ بتبص حواليها مالقتش حد فخرجت من الفيلا
وبعدين ياليل
ده ياعمى اللى حصل بالظبط
وعبير مصلحتها ايه فى كل ده
انا مش عارفه يمكن الشغاله بتعمل ده من نفسها
ماكنتش عبير خرجت بعدها ياليل
اللى مش فاهمه طنط عبير عايزه تأذينى ليه ولصالح مين
احنا فعلا محتاجين نعرف ده
وهنعرف ده ازاى ياليل
نراقبها ياعمى مافيش حل تانى هى اكيد هتقع ونشوف تصرفاتها فى البيت يمكن تعمل حاجه ملفته
طيب دى هتبقا مهمتك يابنتى لانك قاعده فى البيت ده الطبيعى
تمام ياعمى بإذن الله هكشفها هو العلاج الجديد يا سائر عامل ايه
نفس الأقراص القديمة اللى كنت باخدها
كده لازم نركز كويس اووى
ربنا معاك يابنتى
عدى يومين من غير اى جديد فيهم غير سائر اللى بدأ فعلا يشتغل من البيت وليل بتساعده وعبير ھتموت من الغيظ من علاقتهم القريبة من بعض لحد مافكرت انها لازم تستغل قربهم من
بعض وتاخد ليل فى صفها
ليل
ايوه ياعبير هانم
عايزاكى ممكن تطلعى معايا اوضتى
حاضر حالا
اتفضلى
خير ياهانم
انتى دلوقتى بتساعدى سائر فى شغله كله صح كده
اه بس مش كله ممكن ارتبله الورق بس
حلو اووى وده اللى انا عايزاه
مش فاهمه
بصى ياحلوة فيه ورق خاص بمناقصه..
اه سمعت سائر بيقول دى مناقصه مهمه جدا ولو الشركة اخدتها هتنقلها نقلة تانية فى السوق
كويس انك عارفاها انا بقا عايزه اعرف السعر اللى سائر هيقدمه للمناقصه دى
ليه
عبير مسكتها من شعرها من فوق الحجاب واتكلمت بقولك ايه اللى أقوله يتنفذ وبس من غير ليه سامعه بدل ماوجعك على امك
ح حاضر اللى انتى عايزاه هعمله امى لا
يلا غورى الورق ده يكون عندى النهارده
حاضر وطلعت ليل جرى من أوضة عبير
عبير اتكلمت بعد خروج ليل فى التليفون
كله تمام
اه ماتقلقش هى هتعمل اللى احنا عايزينه علشان امها
لا ماتقدرش تلعب بيا كنت دفنتها زى اللى قبلها
.
حاضر عنيا عليها والله بس ماتنساش فلوسي
لا ده مبلغ قليل اووى على اللى بعمله
.
اه كده حلو اووى سلام ياباشا وابتسمت بشړ بعد أن انهت المكالمة
ليل هتتصرف ازاى
عبير بتتفق مع مين على سائر ومين الچثة الأولى اللى دفنتها
ليل خرجت من عند عبير وهى مش عارفه تعمل ايه تقول لسليم ولو قالتله ممكن وهو بيتصرف يكونوا اذوها فعلا وممكن يخلصوا على والدتها وهى ماعندهاش غيرها حسمت أمرها واخدت القرار مع نفسها
مالك ياليل
مافيش يا سائر
لافيه قولى
تعبانه شوية
ايه اطلبلك الدكتور
لا صداع بسيط
طيب ارتاحى
تعالى نشتغل شويه
نشتغل وانتى تعبانه
انا لما اشتغل هنسي التعب ياسيدى
متاكده
اه يلا
ماشى بقولك ايه هاتيلى الورق اللى فى الشنطة عندك وده الرقم السرى
ليه شايل ورق فى الشنطه دى
ده ورق مناقصه مش فكراها
لييل
ايه
انتى مش معايا خالص
لا معاك
طيب هاتيلى ورق المناقصه دى
حاضر اتفضل
شوفى السعر ده