الليله المحرمه
الحلقة الأولى
يا حسن لا مينفعش ، عيب اخوك يشوفنا ، يا واد عيب دا انا مرات اخوك
= عيب ايه بس ، انتي مش شايفة نفسك ولا ايه ، دا أنتي طلقة ، العيب هو اني اسيبك مع واحد عبيط زي اخويا
طب مش دلوقتي ، بلاش دلوقتي عشان محدش يشوفنا ، خلينا بليل
= و هو انا هقدر استحمل ل بليل
” بس الموضوع مبدأش كدا ، الموضوع بدأ من ساعة ما اتجوزت يوسف ، اول شهر كانت الدنيا كويسة جدا والحياه وردي زي ما بيقولو وقضيت احلى شهر في حياتي بس بعد كدا حصلت المشكلة ، طبعا بيدور في دماغك سؤال دلوقتي وهو
” انتو لحقتو تتجوزو عشان يحصل مشاكل بينكو “
” بس الإجابة كانت لا ، انا مش قصدي مشاكل عادية لكن كانت مشاكل من نوع تاني ، كانت كل المشاكل تتمثل تحت كلمة واحدة بس وهي الإهمال ، الإهمال اللي يخلي اي ست مهما كانت قوية تضعف قدام كلمة حلوة من اي حد حتى لو بينها وبين نفسها ، وبالفعل انا جوزي اهملني بعد شهر من جوازنا بحجة شغله وبالمناسبة هو شغال مندوب شحن يعني كل يوم بيكون في محافظة غير التانية ، دايما بيسافر و وقته قليل جدا ، بدأت مهتمش و مركزش معاه عشان منتخانقش لان دي طبيعة شغله يعني مفيش باليد حيلة وحتى لما كنت بتخانق كان بيرد عليا ب جملة واحدة بس وهي..
اعمل ايه يعني يا اسماء ، مانا بشتغل عشان اجيب فلوس ، عشان اعرف اصرف عليكي ، عشان متبقيش محتاجة اي حاجة ، غلطت ف ايه يعني
” كان كل مرة يرد عليا نفس الرد دا لحد ما قررت اسكت واقفل الموضوع واعيش عادي زي اي اتنين ، عدا شهر و اتنين وتلاتة و اربعة لحد ما وصلنا 6 شهور على الحال دا حتى مكنش بيقربلي غير مرة أو مرتين في الشهر ، اكيد انتو حاسين بيا ، انا برضو ست وعايزة احس ب أنوثتي ، عايزة احس اني متجوزة ، حاجات كتير نفسي اعيشها بس كل دا كان بالنسبالي أحلام ، المشكلة مش هنا ، المشكلة بدأت تحديدا يوم ما كنا على الغدا ، انا و ام يوسف و اخوه ، كنت دايما متعودة ناكل سوا بدل ما اكون لوحدي لان يوسف كان ساعتها مسافر ، قعدنا ناكل و اتفاجئت ان حسن اللي هو اخو يوسف ، كان مركز معايا أوي ، مركز معايا بشكل غريب ، في الاول افتكرته مش قصده او انها صدفة مثلا لكن هي مش صدفة ، باصص عليا أو على جسمي تحديدا خصوصا اني كنت لابسة بيچامة ضيقة شوية ولكن انا مكنتش واخدة بالي ، حاولت اتجاهله و مركزش معاه ، خلصنا اكل وقومت روحت المطبخ ، شوية وحسيت بيه واقف ورايا وفجأة
هو الشاي فين يا اسماء
” لما قال الجملة دي كان لزق فيا لدرجة ان مكنش في اي مسافة بيني وبينه ، ساعتها كان جسمي سخن جدا لما قرب مني ، عنيا كانت مفتوحة على اخرها ، قلبي بيدق بسرعة جدا لحد ما خرج من المطبخ ، وهنا مكنتش قادرة امسك نفسي ، بقالي كتير محدش قرب مني بالشكل دا ، حاولت مبينش اي حاجة و خرجت من المطبخ ، قدمت الشاي وسط نظراته اللي كانت متابعاني في كل حركة ، مركزتش معاه لحد ما امه نزلت وهو كان نازل وراها بس قبل ما ينزل قالي
على فكرة الاكل كان حلو تسلم ايدك ، ومش الاكل بس اللي حلو ، انتي كمان كنتي حلوة اوي
” قال الجملة دي ونزل وسابني ، احساسي غريب جدا ، مقسوم بين اتنين ، اول احساس بيقول
• ايه اللي أنتي بتعمليه دا يا اسماء ، دا اخو جوزك مينفعش
” اما الإحساس التاني وهو اني كنت مبسوطة اوي باللي حصل لدرجة اني كنت كل شوية افتكر الموقف و كنت بدووب من جوايا ، انتهزت ان يوسف لسة مجاش و دخلت جهزت نفسي ، لبست طقم حلو ، حطيت البرفيوم اللي بيحبه و فضلت مستنياه لحد ما رجع ، كان مستغرب من اللي انا عاملاه
دا أنتي باين عليكي مزاجك رايق بقا
= جدا ، يلا ادخل الحمام عشان تاخد دش عقبال ما احضرلك هدومك
مالك يا اسماء أنتي كويسة
= حاسة اننا بقالنا كتير بعااد عن بعض ، عايزة نقرب شوية بقا
فجأه حسيتي بكدا
= طب بقولك ايه ، النهاردة مش وقت كلام ، احنا عايزين نستغل كل دقيقة النهاردة
بس انا تعبان النهاردة جدا
” حطيت ايدي على بوقه وكملت..
ششش ، يوسف انت بقالك كتير بعيد عني ، ايه موحشتكش؟
” قربت منه لدرجة اني كنت داخلة في حضنه
مش حاسس بيا ولا ايه؟
= لا يا حبيبتي حاسس طبعا
يبقا ادخل الحمام وتاخد دش وتخرج بسرعة متتأخرش
” دخل الحمام وانا حضرتله هدومه ، وتقريبا بعد ربع ساعة خرج ولبس هدومه و جه يقعد قدامي على السفرة
لا بس باين عليكي مبسوطة اوي النهاردة
= طول ما انا معاك لازم اكون مبسوطة
” كان نفسي اقول انه بيبادلني نفس الكلام او حتى النظرات بس هو كان مركز في الاكل ، كان بياكل وكأني مش قاعدة معاه اساسا ، وأنا معلقتش على تصرفاته عشان اليوم يكمل كويس لحد ما هو خلص اكل
الواحد كان جعان أوي والله ، يدوبك ادخل انام عشان عندي بكرا سفر بدري
” بس هنا مكنش ينفع اسكت
نعم!! ، تدخل تنام يعني ايه
= تعبان والله يا اسماء ، خلينا يوم تاني معلش
يوم تاني ايه يا يوسف ، بقولك انا عايزاك النهاردة ، محتاجاك يا يوسف ، في ايه مالك
= مفيش حاجة بقولك تعبان ، مش هيحصل حاجة يعني لو اتأجلت ل يوم تاني اكون فايق فيه
وهو انت بتفوق امتا أصلا ، انت طول الوقت في شغلك ، هتبقا معايا امتا انت
= تاني هنتكلم في الموضوع دا ، انتي ايه مبتزهقيش
يوسف انت بقالك قد ايه ملمستنيش
= مش فاكر واكيد انا مش هركز في حاجة زي دي
ليه متركزش ، هو انا مش مراتك وليا عليك حقوق ، حقوقك بتاخديها على اكمل وجه ، اما الموضوع اللي في دماغك دا ممكن يستنا شوية
= اهو الموضوع اللي في دماغي دا مينفعش يستنا ، خصوصا لما أكون متجوزة والمفروض اني متجوزة راجل بحبه
اه و بعدين عايزة ايه يعني يا اسماء
= عايزة احس اني متجوزة يا يوسف
وانتي مش هتحسي انك متجوزة غير لما نعمل كدا
= امال هو الجواز ايه بالنسبالك
الجواز مش مجرد سرير بس يا أسماء ، في حاجات تانية غير الموضوع دا
= والحاجات التانية موجودة ، الموضوع دا بس هو اللي ناقصني
يبقا تستحملي شوية ، معنديش حل غير دا
= طب على فكرة بقا أستاذ فريد اللي في الدور الخامس كان بيحاول يعاكسني
عمل ايه يعني
= بيعاكسني يا يوسف ، بقول بيعاكسني
أستاذ فريد متجوز على فكرة
= وهما المتجوزين مش بيعاكسو يعني
وهو أنتي عندك ايه زيادة عن اللي عند مراته ، انتو الاتنين ستات زي بعض واللي موجود هنا زي اللي موجود هنا يبقا مفيش اي سبب انه يعاكسك
= يعني انت مش غيران
اغير لما يكون الموضوع بجد مش قصة لسة مألفاها دلوقتي ، انا داخل انام ، تصبحي على خير
” وفعلا دخل نام ، على فكرة استاذ فريد مكنش بيعاكسني و دي فعلا قصة انا اخترعتها بس عشان كان نفسي احس انه غيران عليا ، نفسي اشوفها في عينه ، روحت بصيت على نفسي في االمراية ، بصيت على جسمي ، ناقصني ايه انا عشان يبقا مرغوب فيا ، متجوزة مش مقدر الست اللي معاه ، اتنهدت بحزن وروحت نمت جنبه وأنا لسة بنفس اللبس اللي كنت لبساه عشانه ، صحيت تاني يوم ملقتوش جنبي ، لقيت ورقة مكتوب فيها انه مسافر 3 ايام اسكندرية عشان عنده شغل وجنبها 5 الاف جنيه ، قومت عشان افطر لكن حتى مكنش ليا نفس ، لقيت امه بتتصل بيا وبتقولي انها عارفة ان يوسف سافر النهاردة وأنها هتطلع تتغدا معايا عشان مبقاش لوحدي ، بس برضو انا مليش نفس لأي حاجة ولكن وافقت عشان مقعدش لوحدي حتى لو مش هاكل ، جهزت الغدا وهي كانت موجودة ومعاها حسن اخوه ، خلصنا اكل و دخلت المطبخ اجهز الشاي لقيته جاي ورايا وبيقولي
انا سمعتكو امبارح كنتي بتتخانقي مع يوسف ليه
= مشاكل عادي
عشان بيسافر صح
= وانت عرفت منين
عشان دا السبب اللي اي ست تتخانق عشانه لو جوزها مسافر وسايبها ، كمان انتي مش اي ست دا انتي ست الستات
” ابتسمت
هو اللي خسران والله ، هو في حد عاقل يسيب الجمال دا كله ويمشي
= روح قول ل اخوك بقا
دا عيل حمار مش مقدر النعمة اللي هو فيها ، عليا النعمة انتي لو مراتي ما هتحرك من البيت ، لا بيت ايه عليا النعمة ما هتحرك من السرير
= ما تبطل قلة ادب يا واد انت
مراتي وانا حر فيها بقا
= ياريت يوسف كان كدا
وهو انا ويوسف ايه ، احنا واحد
= بس يا واد عيب كدا ، يلا امشي برا عشان امك متاخدش بالها
” كلامه كان بيخليني بمـ,ـوت من جوايا ، رجع تاني يصحيني بعد الليلة الغم اللي قضيتها امبارح ، خرجت برا قدمت الشاي ، قعدت قدامه وهو حرفيا كان بياكلني ب عنيه ، باصص على كل حتة فيا لحد ما امه قامت و نزلت وهو قرب من ودني وقالي..
هرجعلك تاني
” قلبي دق بسرعة جدا جدا ، دخلت بسرعة لبست قميص النوم اللي كنت لبسته امبارح ، ولبست عليه روب قصير شوية ، وبعد ساعتين بالظبط الباب خبط ، فتحتله ووقفت قدامه ، اما هو كان متفاجئ باللي انا لبساه ، مش مصدق نفسه من المنظر اللي قدامه ، قولتله ب دلع
عايز ايه يا واد انت
= عايز انول الرضا يا ست الستات
طب مش تدخل الاول بدل ما حد يشوفك كدا وانت بتنول الرضا
” مجرد ما قفلت باب الشقة ، قرب عليا لدرجة اني كنت ملزوقة في الحيطة ، با*سني من رقبتي
ريحتك تجنن
” كان بيكمل وانا تايهة في عالم تاني
” مشي بيا لحد ما وصلنا للكنبة ، نمنا عليها ولسة هيكمل و هيق.. سمعت صوت الباب بيخبط ، اتنفضت بسرعة من مكاني ، وجريت على الباب بصيت من العين السحرية
افتحي يا اسماء انا يوسف!!!
يتبع..
الحلقة الثانية
افتحي يا اسماء انا يوسف
= استنا يا يوسف عشان انا قالعة
وطي صوتك بدل ما الناس تسمعك و بعدين يلا بسرعة عشان مستعجل
= ما قولتلك استنا شوية ، هلبس اهو
” كنت خليت حسن يدخل أوضة الضيوف وانا جريت بسرعة جبت من أوضة النوم روب طويل شوية عشان اغطي نفسي بيه ، و روحت فتحتله
ايه كل دا بتلبسي وياريتك في الاخر لبستي اصلا
= لو مش هقعد في البيت براحتي هقعد فين يعني
مش وقتك خالص على فكرة
” دخل على أوضة النوم
هو انت ايه اللي جابك بدري
= نسيت حاجة مهمة
ومش هتقعد شوية
= لا انا يدوبك امشي دلوقتي عشان الحق اسافر في النهار
” قربت عليه
ومينفعش السفر دا يتأجل ل بكرا وتخليك معايا النهاردة بس
= مينفعش يا اسماء ، خليها بعدين
” بعد ما جهز كل حاجة ، لقيته دخل الحمام و دي كانت فرصة كويسة جدا عشان حسن يخرج ، شاورتله بسرعة وفعلا خرج وجري على باب الشقة ، بس في اللحظة دي كنت سمعت باب الحمام بيتقفل ، دا معناه أن يوسف خرج ، حسن جري بسرعة على السلم وانا قفلت الباب بهدوء ، لقيته جاي ووقف قدامي
برضو هتسافر
= معلش يا اسماء بس دي ظروف شغلي لكن أوعدك يا حبيبتي هاخد اجازة و اعوضك عن كل دا
” مشي وسابني زي كل مرة لوحدي ، ممكن الوم نفسي على اللي انا عملته بس انا نفسي اعرف انا متجوزة ليه ، متجوزة بس عشان يصرف عليا ، خلاص كدا مليش حقوق تانية ، ومش شرط يكون حقي الشرعي بس ولكن فكرة اني لوحدي دي مين يقبل بيها ، انا اتجوزت عشان يبقا قاعد معايا ، نخرج سوا ، ناكل سوا ، نتكلم ، نضحك ، نهزر ، نشارك ذكرياتنا زمان ، حاجات كتير أوي كان نفسي اعملها معاه بس فايدتها ايه بقا وهو مش معايا ، قعدت على الكنبة وسندت ضهري عليها ، بعد شوية تليفوني رن ، كان حسن بس مردتش عليه ونمت ، لما صحيت لقيت حاجة غريبة جدا ، حسن اتصل بيا 20 مرة ، 20 مرة حرفيا مش مبالغة ، اما يوسف متصلش بيا اساسا ، مسكت التليفون وبفكر اتصل بيه ولا لا لكن هو كان سابقني واتصل هو ، رديت
أنتي كويسة
= اه كويسة ، في ايه
مفيش بس كنت قلقان عليكي جدا لما مردتيش
= تقلق عليا ليه يعني
اكيد مش عشان أنتي مرات اخويا
= بس انا مرات اخوك فعلا يا حسن
لكن انا مش معتبرك كدا ، أنتي اهم من كدا بكتير عندي
= مش حقيقي
لا حقيقي وجدا كمان
= مش حقيقي يا حسن
انا عيني عليكي من زمان يا اسماء ، من اول ما شوفتك مع يوسف اول مرة ، من ساعتها وانا مش قادر اطلعك من دماغي
= و قدرت تسكت كل دا
مكنتش اقدر اتكلم ولا ابينلك حاجة من اللي جوايا
= طب و اخرتها ايه
انتي مرتاحة مع يوسف
= بحاول
بتحاولي ايه يا اسماء ، أنتي مش عارفة تعيشي اساسا ، متوهميش نفسك
= معنديش حل تاني
لا عندك
= ايه هو
تطلقي منه
= وهو دا عادي كدا
مش عادي ليه
= هعمل ايه بعدها ، هبقا مطلقة وانا معداش على جوازي سنة حتى ، تفتكر الناس هتقول ايه
طز في الناس يا اسماء ، اطلبي منه الطلاق ونتجوز بعدها
= دا مستحيل يحصل ، مين هيسيبنا نعمل كدا اصلا
دا اللي هيحصل يا أسماء ، انا مش هسيبك تبقي بعيدة عني كتير كدا
= طيب انا هقفل دلوقتي عشان محتاجة انام
طب بقولك ايه ، انا امي نامت ، ايه رأيك لو اطلعلك ونقعد شوية مع بعض
= لا يا حسن انا تعبانة وعايزة انام
#بقلم : #عمرو راشد
” قفلت معاه وانا جوايا حيرة كبيرة ، مش عارفة اعمل ايه ، اسيب نفسي ولا اسكت و احافظ على بيتي ، معداش 5 دقايق بالظبط ولقيت الباب بيخبط ، روحت فتحت
انا قولتلك هنام يا حسن
= انتي فاكراني زي يوسف ولا ايه ، لما تقوليلي هنام هسكت واسيبك
و عايز ايه دلوقتي
= مش عايز غيرك أنتي
” دخل من باب الشقة وقفل وراه ، قرب مني وبدأ يبو*سني
• حسن مينفعش كدا
• يا حسن لا
” بس هو مكنش مركز معايا تماما ، فضل مكمل وانا كنت خلاص سلمت نفسي ، مكنتش قادرة اقاوم اكتر من كدا ، دخلنا الأوضة وحصل اللي حصل ، تاني يوم صحيت لقيت نفسي في حضنه
حسن ، يا حسن قوم
= ايه يا قلبي ، صباح الخير
صباح النور يا حبيبي ، تحب احضرلك فطار
= مش عايز فطار ، خليكي في حضني شوية
يا واد هقوم احضرلك اكل ، انت بذلت مجهود كبير
” قولتها وضحكت ب كسوف ، ساعتها كان بيضمني أكتر ل حضنه وبا*سني
خليكي معايا بس وانا مش عايز حاجة من الدنيا تاني يا سمسم
= سمسم ، تعرف ان يوسف عمره ما دلعني حتى لما كان بيكون فاضي وقاعد معايا قبل ما يبقا في الشغل طول الوقت بالمنظر دا
طب ينفع بقا نسيبنا من يوسف دلوقتي خالص
= ازاي يعني يا حسن ، ماهو جوزي
هو ميستاهلش تكوني معاه ، أنتي تستاهلي واحد يبقا مقدر الجمال والنعمة اللي في ايده
= بس يوسف جوزي وانا بحبه ، مش معنى اننا عملنا كدا مع بعض اني مش بحبه ، لا انا بحبه بس هو غبي مبيعرفش يشوف اهتماماتي
يعني انا مليش لازمة كدا ، طيب تمام انا هقوم امشي و انسي كل اللي حصل دا
” مسكت فيه
لا طبعا ، انت حبيبي ، انا مقدرش استغنا عنك ، انت الوحيد اللي فاهمني يا واد
= انتي مبتحبنيش يا اسماء
يا واد خلاص بقا بلاش تبقا قافش كدا ، و بعدين مانا معاك اهو
= يعني أنتي لو اتطلقتي من يوسف وانا عرضت عليكي الجواز هتوافقي؟
هوافق يا حبيبي ، لكن طول ما انا متجوزة يبقا انا بحب جوزي
= طب وانا
بقولك ايه ، انا هقوم احضرلك فطار تكون انت خدت دش عشان نفطر سوا
= دش ايه ، انا من رأيي انك تخليكي هنا
” شد البطانية علينا ، واستمر الحال على كدا ك ، لمدة يومين ، كان حسن يستنا لحد ما امه تنام ويطلع عندي ونقضي الليلة كلها مع بعض لحد ما كنا بنتغدا مع بعض في مرة كالعادة انا و امه و حسن ، وبعد ما خلصنا اكل دخلت المطبخ وهو دخل ورايا
اسماء أنتي متعرفيش السكر فين
= ماهو قدامك اهو
لا قصدي السكر التاني اللي تاعبني دا
= يا واد بطل قلة ادب
” قرب مني أكتر ، كان حاضني وانا واقفة
يا حسن بس بقا ، يا واد اسكت عشان محدش يشوفنا ، طب استنا ل بليل تكون امك نامت
= مش مستحمل يا أسماء
يا واد عيب بقا
= العيب اني اسيبك ، العيب انك تبقي مع واحد عبيط زي اخويا وميعرفش قيمتك
يا حسن اسكت انا مش مستحملة ، ابعد شوية
= مش قادر
طب استنا ل بليل طيب
” سمعت صوت خطوات جاية من برا ، بعدت عنه بسرعة ، شوفت يوسف وهو داخل علينا مصدوم
انتو بتعملو ايه يا ولاد الو***
يتبع..
الحلقة الثالثة
انتو بتعملو ايه يا ولاد الو*** انتو ، بتعمل ايه مع مرات اخوك يا حق*ير يا ابن الك*لب
= انت اتجننت يا يوسف ولا ايه ، ما احنا كويسين اهو هو كان حصل ايه يعني
انتي تخرسي خالص يا واطية ، لسة حسابك معايا بعدين
” عنيه كانت كلها غضب ، مسك حسن من التيشرت بتاعه
وصلت بيك البجاحة انك تعمل كدا مع مرات اخوك ، نسوان الدنيا كلها خلصت ومش فاضل غير مراتي انا ، ازاي جالك قلب يااخي ، دا انا بسيبها هنا واسافر عشان مطمن انك موجود ولو حصل حاجة هتبقا انت اللي واقف معاها وبتحميها ، بتعمل معايا انا كدا ، ليه يا حسن
= اوعا ايدك ياعم يوسف ، انت شكلك اتهبلت ، هو انت كنت دخلت علينا لقيتنا قالعين ولا ايه ، طب بتشك فيا انا وماشي هعديهالك عشان انت اخويا الكبير إنما بتشك في مراتك ، طب اتجوزتها ليه لما انت بتشك فيها
” حسن بص ليا وهو بيضحك بسخرية
مش قولتلك هو ميستاهلش انك تبقي
” بعد الجملة دي كان يوسف بدأ يسحبه على الصالة
تعالي يا ست الكل اتفرجي على ابنك ، اتفرجي على تربيتك الو*** ، ابنك بيحب مراتي ، ابنك بيلمس جسم مراتي ، ساب النسوان اللي في العالم كله وملقاش غير مرات اخوه يعمل معاها كدا
= انت بتقول ايه يا يوسف ، حسن لا يمكن يعمل كدا
” امه قربت من حسن
صحيح الكلام اللي اخوك بيقوله دا
” حسن كان ساكت و باصص في الارض
رد عليا يا حسن ، اللي اخوك بيقوله دا حصل ولا لا؟
= انتو كلكو على حسن ولا ايه ، بقولك ايه يا حجة الكلام اللي ابنك بيقوله دا محصلش ، واهي مراته قدامك روحي اسأليها
” امه بدأت تبصلي ، كنت لسة هتكلم اقول…
بصراحة اللي بيقوله…
= انتي تخرسي خالص مسمعش حسك لحد ما ييجي دورك
” بس يوسف قاطعني وكمل هو
ايوا يا حسن ، انت كنت بتقول اني ظالمك والكلام دا محصلش بس انا سمعتك يا حسن ، سمعتك وانت بتقولها مش قادر استنا ل بليل ، سمعتك وانت بتقول عليا اني عبيط عشان مش مقدر النعمة اللي معايا اللي هي مراتي يعني ، انا بس عايز اعرف ليه يا حسن ، عملتلك انا ايه ، هو انا كنت أاذيتك قبل كدا عشان تردهالي دلوقتي ، انا مبعملش معاك غير كل خير ، حسن انت دلوقتي عندك 26 سنة ، عارف يعني ايه 26 سنة ، يعني اللي قدك دلوقتي متجوز و فاتح بيت وبيصرف على مراته ، لكن انت عندك 26 سنة وأنا لسة بصرف عليك لحد دلوقتي وعمري ما اتكلمت معاك في اي حاجة ، وبعد دا كله بتعمل معايا كدا
= طب ما السبب واضح اهو قدامك يا يوسف ، امال انت مستغرب ليه بقا ، السبب انك واخد كل حاجة ، مسبتليش اي حاجة ، متعلم ومتجوز ، لا وكمان متجوز واحدة بتحبها ، معاك فلوس ، يعني تقريبا مش ناقصك حاجة ، لكن انا ناقصني
” يوسف كان فقد اعصابه وصوته كان عالي جدا
وانا مالي ، انا مالي بكل دا ، انت اللي مكنتش بتحب تروح الجامعة وعشان كدا اتفصلت منها ، انت اللي مقضيها كل يوم مع واحدة ، هو انت عمرك جيت قولتلي انا بحب واحدة و عايز اتجوزها ، رد عليا ، انت اللي فاشل يا حسن وجاي تعلق فشلك عليا انا بس ماشي انا بقا هكمل على اللي انت فيه ، اعتبر انك من النهاردة ملكش اخ ، من دلوقتي انا مليش اخوات ، اخويا حسن م/ات ، اطلع برا ياالاا
” امه كانت بتعيط ومنهارة ، كانت بتترجاه ولكن هو مكنش سامع اي حد ، حسن مشي من البيت و امه نزلت وراه تلحقه ، باب الشقة اتقفل
يوسف عشان خاطري اسمعني ، انت فاهم الموضوع غلط ، هو اللي كان بيحاول معايا ، انا كنت بمنعه وحتى مكنتش عايزة اقولك عشان متخسرش اخوك ، صدقني يا يوسف انا معملتش حاجة ، حسن هو السبب
” ضحك ب استهزاء
امممم الحرامية برضو بتعمل كدا لما حد بيقفشهم ، كل واحد فيهم بيبيع التاني في ثانية ، بس انتي طلعتي واطية أوي يا اسماء ، بتبيعي حسن لكن هو مباعش ، هو مقالش عليكي كلمة واحدة ، أنتي بالذات عندي ليكي سؤال واحد و عايز رد عليه ، انا قصرت معاكي ف ايه؟
= يا يوسف والله صدقني انا مليش ذنب ، انا…
” وكأنه اتحول وبقا شخص تاني ، زعق فيا
ردي عليااا ، انا عملت معاكي ايه وحش يخليكي تعملي فيا كدا
” قرب مني وفي لحظة كان القلم نازل على وشي
ردي يا اسماء ، انا عملتلك ايه وحش؟
” كنت ساكتة مش عارفة اتكلم ولكن هو مسكتش وبعد ثواني كان ضار*بني القلم التاني
هفضل اضر*ب فيكي لحد ما تنطقي ف انتي تردي احسنلك يا اسماء
= عايز تعرف قصرت ف ايه ، قصرت فيا انا يا يوسف ، انت مكنتش موجود معايا اصلا ، أنا مكنتش بحس اني متجوزة ، متجوزة اسم بس لكن من غير إثبات ، تقدر تقولي انت بتكون فين في يومي ، انت عملتلي ايه يخليني احس اني متجوزة اساسا ، انت قصرت كتير أوي يا يوسف وانت مش حاسس
هو تقصيري دا حصل بسبب ايه ، مش بسبب الشغل ، بشتغل عشان اصرف عليكي ، عشان متبقيش محتاجة حاجة ، لو واحدة غيرك كان باست ايديها وش وضهر و رضيت باللي هي فيه لكن انتي متعمليش كدا ، اصل اللي هتعمل كدا هتكون واحدة بنت ناس وبتفهم في الاصول انما انتي….
= أنا ايه يا يوسف ، انت ناسي انك فضلت تلف ورايا عشان ابصلك أصلا ، نسيت لما كنت هتطير من الفرحة عشان انا وافقت بيك ، انت اللي مكنتش تحلم تتجوزني يا يوسف
ليه يا حبيبتي ، أنتي فاكرة نفسك مين يابت ، دا أنتي واحدة رخيصة و ارخص من الرخص كمان ، اياكي تكوني مصدقة نفسك ، أنتي اللي مكنتيش تحلمي ان حد يتجوزك اصلا ، كل الناس كانت شيفاكي بنت حرام ولا نسيتي ، نسيتي انك جاية من علاقة حرام و ابوكي هرب و ساب امك بعد ما بقت حامل فيكي ، أنتي ناسية اصلك يا اسماء ، ناسية اني لميتك من الشارع
” دموعي خانتني ونزلت
#بقلم : #عمرو راشد
انت بتعايرني يا يوسف
= دا اللي أنتي تستاهليه يا اسماء وخلاص انا مبقتش عايزك ، روحي للي يستاهلك ، أنتي و حسن لايقين على بعض أكتر ، أنتي طالق ، انا نازل دلوقتي ، لما ارجع مش عايز المح وشك في البيت ، لو رجعت ولقيتك هقت*لك يا اسماء
” نزلت وانا مش طايق نفسي ، الغضب اللي جوايا مخليني مش شايف ولا عارف اتحكم في نفسي ، كان لازم امشي من المكان دا قبل ما اعمل جريمة ، وبالفعل مشيت وبعدت ، مشيت حتى من المحافظة نفسها ، روحت اسكندرية ، كنت سايق بسرعة كبيرة جدا كأني بطلع غضبي في السواقة لحد ما وصلت ، قعدت قدام البحر بفتكر كل اللي حصل ، ازاي خدعوني بالشكل دا ، ازاي كنت عايش وسطهم وانا مش داري ب حاجة ، يا ترى نامت معاه كام مرة ، لمسها كام مرة ، طب كانت بتقول ل حسن نفس الكلام اللي كانت بتقوله ليا ولا لا ، حاجات كتير توجع كانت بتيجي ف بالي ، حاجات كانت بتمو*تني بالبطئ ، حقيقي انا مش قادر اصدق….
” يوسف مشي ، مبقتش عارفة اعمل ايه ، اروح فين طيب ، مليش حد اروح عنده ، مكنش في غيره هو ، اتصلت بيه
انت فين
= انا واقف جنب البيت ، في حاجة ولا ايه
اخوك طلقني يا حسن
= يا الف نهار ابيض ، دا ايه الأخبار الحلوة دي
انت فرحان انك خربت بيتي ، انت السبب في كل دا اساسا
= هو كدا كدا كان مخروب ، هو أنتي كنتي عايشة اساسا يا اسماء ، دا كان بيسيبك بالأسبوع ويسافر وتفضلي انتي قاعدة بين اربع حيطان ، زعلانة من ايه بقا ، انا اللي انقذتك منه يعني المفروض اقل حاجة تشكريني
اشكرك على ايه ، على اني مش لاقية مكان ابات فيه النهاردة ولا اني مش هعرف اصرف على نفسي و هشحت في الشوارع
= وهو انا هسيبك ولا ايه ، أنتي خلاص بقيتي بتاعتي ، أنتي من دلوقتي مسؤولة مني واي حاجة تحتاجيها اطلبيها مني انا ومتقلقيش عندي ليكي مكان تباتي فيه
= دا فين دا
شقة كنت مأجرها ، بروحها لما أكون عايز اروق دماغي ، هسبقك انا على هناك وهبعتلك العنوان في رسالة ، متتأخريش عشان النهاردة هتبقا ليلة محصلتش زيها قبل كدا
= يا واد هو دا وقته
دا احلى وقت ، يلا بس تعالي بسرعة ومتتأخريش ، مستنيكي يا قلبي
” مشيت من قدام البحر ، كنت زهقت خلاص ، روحت على اكتر مكان برتاح فيه ، طلعت السلم وفتحت الباب ، دخلت الشقة
يوسف ، انت ايه اللي جابك ، حصل حاجة ولا ايه
” قعدت على الكرسي باخد نفسي
ايه اللي حصل يا حبيبي ، دا انت لسة ماشي من عندي من كام ساعة
” قربت عليا وهي بتغمزلي
ايه لحقت اوحشك
= انا طلقت اسماء
ومالك زعلان كدا ليه ، يلا خليها تغور في داهية ، المهم انك دلوقتي بتاعي انا لوحدي
= مش وقته يا ريهام
هي عملت ايه عشان تطلقها البت دي
= كانت بتخوني مع حسن اخويا
نهار ابوها اسود ، مع اخوك ، دي معندهاش دم ، خلي بالك انا كنت بحذرك منها وقولتلك مينفعش تسيبها كتير كدا وتسافر
= و هو انا كنت بسيبها و اسافر ليه ، ماهو عشانك أنتي
يا حبيبي مانا قولتلك تاخدلي شقة في القاهرة بدل ما كل شوية تسافر وترجع تاني
= و افرضي حد شافني معاكي يا ريهام ، ايه اللي هيحصل ساعتها ، وانا قايلك من الاول مش عايز حد يعرف اي حاجة عن جوازتنا
طب خلاص يا حبيبي اهدى ، وقولي انت عملت معاهم ايه
= المشكلة اني معملتش ، مقدرتش اعملهم حاجة و دا اللي هيمو*تني
طب اهدا ، وليك عليا انا اللي هاخدلك حقك ، و حياتك عندي ل هعرفهم هما الاتنين مقامهم كويس
= هتعملي ايه يعني
انت دلوقتي طلقتها كلام بس ، يعني مكنش في مأذون صح كدا
= صح و بعدين بقا
هي ملهاش حد تروحله غير اخوك ، لان زي ما انت قولتلي هي ملهاش اهل ، يعني اول واحد هتفكر فيه هو اخوك
= و افرضي دا صح ، هنعمل ايه بقا
لا هنعمل كتير ، من الاخر كدا يا يوسف احنا هنلبسها قض/ية زنا..
الحلقة الرابعة
من الاخر كدا يا يوسف احنا هنلبسها قض/ية زنا
= لا طبعا انا مقدرش اعمل كدا ، أنتي اتجننتي يا ريهام ولا ايه
دا انا هبقا مجنونة فعلا لو سيبتك من غير ما تاخد حقك من البت دي
= بس اخويا كدا هيتحبس معاها
مالك خايف عليه كدا ليه ، ما ترميهم هما الاتنين في الز*بالة ، هو دا أصلا يتقال عليه اخ
= مهما عمل يا ريهام فهو في الاخر اخويا ، ممكن ازعل منه ، ممكن مكلموش طول العمر لكن أاذيه لا
بس انت كدا مش هتأ*ذيه ، انت كدا هتربيه من اول وجديد ، اسمع كلامي يا يوسف
= وحتى لو سمعت كلامك انا برضو مش مستفاد حاجة ، اخويا ومراتي في السجن
بس متقولش مراتك بس
= اللي كانت مراتي ، و اخويا في السجن ، انا امي ممكن تروح فيها لو دا حصل ، امي روحها في حسن
والله غريبة فعلا ومع ذلك حسن بيغير منك
= انا مبقتش عارف اعمل ايه
تسمع كلامي يا يوسف عشان هو دا الصح ، لان انت لو معملتش كدا اكيد هما هيدورو على اي مصيبة عشان تلبسها انت
= لا لا ، لا يمكن يعملو كدا ، زمانهم خايفين اصلا من اللي ممكن اعمله فيهم..
” ولعت سيجارة وقعدت افكر في اللي جاي لقيتها اتعدلت و حضنتني
بتفكر في ايه يا حسن
= في يوسف ، يوسف مش هيسكت يا اسماء ، انا عارفه كويس
طب ما تفتكرلنا حاجة عدلة احسن
= لازم نبقا عاملين حسابنا على اي حاجة ، منضمنش هو ممكن يعمل ايه
مش هيعمل حاجة ، هو طلقني خلاص يعني دي النهاية
= نهاية ايه يا عبيطة ، دي البداية ، يوسف مش سهل ، رغم طيبته دي بس هو مش سهل
وتفتكر هو ممكن يعمل ايه
= مش عارف ، بس كل اللي أنا اعرفه اننا مينفعش ننام كدا واحنا مطمنين ، اكيد هتحصل حاجة
عندك حل
= انتي معاكي فلوس؟
ايوا معايا
= كام مثلا
حوالي 10 الاف جنيه دا غير الدهب
= حلو أوي دا
ناوي تعمل بيهم ايه
= هنأمن نفسنا
ازاي
= يعني قبل ما يتغدا بينا ، هنتعشا احنا بيه
” ضحكت على كلامه
انت قديم اوي يا حسن
= صدقيني والله لو احنا معملناش كدا مش هنخلص منه
مفتكرش ان يوسف يقدر يعمل حاجة ، لو كان عايز يعمل حاجة كان عملها
= دي مش طريقة يوسف ، زمانه دلوقتي قاعد بيفكر هيعمل فينا ايه
لا لا مفتكرش
هاااا انت سرحت في ايه
= معاكي يا ريهام ، كنتي بتقولي ايه
انت مش مركز معايا خالص يا يوسف ، اوعا تكون لسة بتفكر فيها
= لا طبعا افكر فيها ازاي يعني
المهم قبل اي حاجة ، انا لازم ارجع القاهرة
= تاني يا ريهام ، تاني الموضوع دا
افهم بس ، انا لازم اكون جنبك ، مينفعش ابقا انا قاعدة هنا ومش عارفة ايه اللي بيحصل عندك
= اللي هنعمله دا خطر اوي يا ريهام ، انا مش عايز اعمل دا ، مش عايز اخسر اخويا
انت ليه سلبي بالطريقة دي ، يا يوسف هو اللي خانك ، هو اللي المفروض يقول الجملة دي ، انت واعي بتقول ايه ، انت مش عايز تخسر اخوك اللي هو خانك مع مراتك ، لو واحد تاني غيرك كان زمانه قت*له
= بس انا مش كدا ، انا مش بفكر بالطريقة دي
امال بتفكر ازاي بقا حضرتك ، قولي وجهة نظرك العبقرية دي يمكن اقتنع بيها
= من رأيي ان كل واحد يفضل في حاله احسن وخلاص نكتفي باللي حصل لحد هنا
لو احنا سكتنا يا يوسف هما مش هيسكتو لان زي ما انت قولت اخوك مبيشتغلش ومراتك كذلك برضو واكيد هيبقو عايزين فلوس ، ف معندهمش اي حلول غيرك ، خليك معايا وانت هتبقا الكسبان في الاخر ، بص بقا ، اول خطوة الاول احنا هننزل القاهرة الصبح ، هتكلم امك بحجة انك عايز تقعد مع حسن ، عايز تتكلم معاه لان برضو مهما كان انت اخوه الكبير ووسط ما انت بتتكلم معاه هتقوله انك عايز تقابله بكرا بحجة انك عايزه في شغل ، تاني خطوة بقا هتكون انك هتراقبه لحد ما تشوف
هو هيروح فين ، اكيد هيروح على المكان اللي قاعد فيه مع البت دي اصله اكيد يعني هما الاتنين مش هيقعدو عند امك ، بعد ما تعرف المكان اللي هي قاعدة فيه هتتقابل انت وهو تاني يوم وتحاول تشغله بأي طريقة وسيب الباقي عليا
” وفعلا سمعت كلامها ، نزلنا القاهرة تاني يوم ، كان عندي شقة فاضية محدش يعرف عنها حاجة ، روحنا قعدنا فيها انا و ريهام ، بعدها اتصلت ب امي و قولتلها اني عايز اقعد مع حسن وانها تقنعه انه ييجي وفعلا حصل و بعد 3 ساعات بالظبط روحت عند امي وقابلته ، مقابلة كان فيها شئ من الحذر
طبعا انت مستغرب انا عايز اقابلك ليه
= لا وانا هستغرب ليه ، اخويا و عايز يتكلم معايا عادي فيها ايه يعني
لا فيها طبعا ، بعد اللي حصل منك يا حسن لازم تكون غريبة اني اطلب اقابلك
= طب ايه ، ما تنجز وتقول الكلمتين اللي عندك
هي اسماء فين
= معرفش ، بتسألني انا ليه يعني
عشان مفيش حد غيرك تروحله يا حسن
= لا ماهو انا مش ملجأ للمطلقات يا چو
يا رااجل ، عايز تقولي يعني انها كانت نزوة عابرة في حياتك
= برضو مش عايز تخلص وتقول عايزني ف ايه
ماهو دا اللي انا عايزك فيه
= انت جايبني عشان تسألني على اسماء بس ، طيب يا سيدي وأنا معرفش مكانها ، خلاص كدا اقدر امشي بقا
استنا بس مالك مستعجل ليه
= يوسف انا مش فاضي ، أنجز وشوف عايز تقول ايه
انت بتصرف منين حاليا
= ليه
يعني لو بتصرف وعايش حياتك خلاص تمام واشوف حد غيرك يكون محتاج
= في مصلحة ولا ايه
تقريبا كدا ، الراجل اللي انا شغال معاه كان شافك قبل كدا معايا وهو عايز حد يكون زيي ، يعني عايز واحد امين و مؤدب ، عنده أخلاق من الاخر يشتغل فرد امن
= بقا انا هشتغل فرد امن
بس متستهونش بيها ، دا هيديك مرتب 7000 جنيه ، دا غير المكافآت والحوافز
= انت بتتكلم بجد ، 7000 جنيه كاملين
امال ناقصين يعني
= طب هبدأ امتا الشغل دا
من بكرا لو تحب
= خلاص ماشي بكرا ، بس اوعا تطلع اشتغالة عشان متزعلش مني
متقلقش ، هتشوف بنفسك
#بقلم : #عمرو راشد
” كنت عارف انه اول ما هيسمع المرتب هينبهر بيه ، طول عمره جعان وعايز القرش بأي طريقة بس ومالو ، بالطريقة دي هو كتب نهايته ، بعد ما مشيت من عند امي كنت مأجر واحد يمشي وراه لحد ما يعرف طريقه ، اكيد لو كنت انا اللي مشيت وراه كان هياخد باله ، وبالفعل عرفت هو قاعد فين واكيد هي هتكون معاه ، رجعت البيت نمت من كتر التعب ، صحيت تاني يوم وانا مجهز ومخطط هعمل ايه بالظبط
يوسف متنساش اوعا تخليه يرجع البيت
= حاضر بس قوليلي أنتي هتعملي ايه
مانا فهمتك قبل كدا ، هنلبسها ق/ضية محترمة تليق بيها ، ومن غير ما اخوك يدخل في الصورة ، خليه برا عشان نعرف نخططله بمزاج
= وهتعمليها ازاي دي
الرجالة مفيش اكتر منها يا حبيبي ، عندي منهم كتير
= طب وبعدين برضو
هيروحو على بيت الست هانم عشان يقضو ليلة حمرا
= متأكدة من اللي أنتي هتعمليه دا
ركز انت بس في اللي قولتلك عليه
” نزلت من البيت ، كلمت حسن واتفقت على المكان اللي هنتقابل فيه وفعلا اتقابلنا
هو فين ياعم الشغل دا
= الراجل كلمني وقالي انه عايزك تروحله بنفسك عشان يعرفك على طبيعة الشغل
طب وانت
= انا مالي بقا ، روح استلم شغلك
انت مالك ازاي ، يعني انا اروح اقوله اي
= انت هتقوله اسمك بس و اول ما يعرف انك اخويا هيسلمك الشغل
بس كدا
= على فكرة هو مستنيك ، يلا قوم روحله
طب والعنوان
= هتلاقيني باعتهولك في ررسالة
” أول ما مشي ، رجعت بسرعة على البيت عشان اعرف ايه لللي حصل بس اول ما وصلت لقيت الباب مفتوح ، دخلت بحذر لقيت ريهام واقفة و… ، واحد واقف وراها ومكتفها و التاني رافع الس*لاح في وشي ، هما الاتنين كانو ملثمين
انتو مين وعايزين ايه
= بهدوء كدا قولي مكان الفلوس فين عشان محدش فيكو يزعل
مفيش فلوس هنا
= كدا انت هتزعلني يا استاذ يوسف
انت تعرفني؟
= طبعا اعرفك ، هو انا هسرق حد من غير ما اعرفه ، طب ازاي
انا قولتلك مفيش فلوس هنا
= طب انا مش هرد عليك ، هخليه هو يرد عليك احسن
” طلع تليفونه و اتصل ب حد وقاله
أستاذ يوسف بيعاند ومش عايز يدينا الفلوس ، رغم اننا ممكن نخلص على مراته عادي
” ثواني عدت وتليفوني رن ، كان حسن ، في اللحظة دي واحد من الملثمين قالي
رد عليه ، هو عايزك يكلمك
” كنت مصدوم من اللي بيحصل ، خدت نفس عميق و رديت
معقول يا چو تطلع متجوز اتنين ، انا قولت انت مش سهل برضو بس براحتك دي حاجة تخصك لكن قولي انت مش عايز تديهم الفلوس ليه ، كدا تزعل الناس يعني
= هو انت اللي…
ايوا يا حبيبي ، انا اللي باعتهم ايوا ، معلش بقا يا حبيبي انا محتاج فلوس والشغلانة بتاعتك دي مرتبها مش عاجبني ومش هيكفي ، حقك عليا بقا يا حبيبي مفيش بينا زعل صح
= لا طبعا مش هزعل لأنك لسة متعرفش المفاجأه اللي انا مجهزها ليك اول ما تروح البيت
مفاجأه ايه يا حبيبي ، ناوي تحتفل بيا ولا ايه
= طبعا هحتفل بيك انت و اسماء
اسماء!! ، ومال اسماء بالموضوع دا
= هو انا مقولتلكش ، مانا بعت رجالة للبيت عندك عشان يصورو معاها فيلم ثقافي وتبقا تروح تزورها بقا في السجن ، اصلي انا لسة مطلقتهاش يا ابو علي وبكدا هي بتز*ني ولا انت ايه رأيك
سيب اسماء يا يوسف ، ملكش دعوة بيها ، انا بحذرك ، اسماء تبقا برا الموضوع دا
= كان نفسي اخاف منك بس مش هعرف معلش وبالنسبة للي انت باعتهم دول انا هعرف اتصرف معاهم
” قفلت التليفون و رميته
هتدينا الفلوس ولا تحب نخلص عليها
” بصيت على ريهام اللي كانت بتستنجد بيا وبتشاور ب دماغها اني أوافق اديهم الفلوس ، وفي لحظة هجم*ت على اللي ماسك السلاح ضر*بته ب رجلي ، الس*لاح وقع منه ، فضلت مكمل ضر*ب فيه ، بعدها قومت بسرعة وخدت السلا*ح من على الأرض و وقفت قدامه ولسة… ، هجم عليا الشخص التاني عشان يحاول ياخده مني ، عمال يشد فيه وانا بحاول بكل قوتي اني امنعه لحد ما طلقة خرجت بالغلط وكسرت الازاز ، بعدها ب ثواني الطلقة التانية خرجت ومع خروجها ريهام وقعت على الأرض لان الطلقة كانت استقرت في قلبها!!
يتبع..
الحلقة الخامسة
و اسماء مالها ومال الموضوع دا
= هو انا مقولتلكش ولا ايه ، مانا بعت رجالة للبيت عندك عشان يصورو معاها فيلم ثقافي وتبقا تروح بقا تزورها في السجن ، اصلي انا لسة مطلقتهاش يا ابو علي وبكدا هي بتز*ني ولا انت ايه رأيك
سيب اسماء يا يوسف ، ملكش دعوة بيها ، انا بحذرك ، اسماء تبقا برا الموضوع دا
= كان نفسي اخاف منك بس مش هعرف معلش وبالنسبة للي انت باعتهم دول انا هعرف اتصرف معاهم
” قفلت التليفون و رميته
هتدينا الفلوس ولا تحب نخلص عليها
” بصيت على ريهام اللي كانت بتستنجد بيا وبتشاور ب دماغها اني أوافق اديهم الفلوس ، وفي لحظة هجم*ت على اللي ماسك السلاح ضر*بته ب رجلي ، الس*لاح وقع منه ، فضلت مكمل ضر*ب فيه ، بعدها قومت بسرعة وخدت السلا*ح من على الأرض و وقفت قدامه ولسة… ، هجم عليا الشخص التاني عشان يحاول ياخده مني ، عمال يشد فيه وانا بحاول بكل قوتي اني امنعه لحد ما طلقة خرجت بالغلط وكسرت الازاز ، بعدها ب ثواني الطلقة التانية خرجت ومع خروجها ريهام وقعت على الأرض لان الطلقة كانت استقرت في قلبها!! ، جريت عليها بسرعة
ريهام ، ردي عليا يا ريهام ، ريهام فوقي ردي عليا
” ولكن بدون فايدة ، كانت خلاص فارقت الحياه ، بصيت على الشقة لقيتها فاضية وواضح انهم هربو بسرعة ، جبت التليفون و اتصلت بيه
ايه يا حبيبي لسة مش عايز تديهم الفلوس برضو
= اللي حصل دا مش هيعدي على خير يا حسن ، انا هدفنك صاحي ، هخليك تتمنى المـ,ـوت ومش هتطوله ، دم مراتي مش هيروح والكلام مش ليك لوحدك ، لا دا انت و الوا*طية التانية
” قفلت التليفون من كتر الخوف ، انا مكنتش عامل حسابي ان حد يمـ,ـوت ، انا كنت عايز مبلغ بس وبعدين معرفش انه هيكون متجوز ، ينهار اسود ، جريت بسرعة على البيت لقيت باب الشقة مفتوح ، دخلت بسرعة لقيت اسماء قاعدة على السرير ومنهارة وبتقول ان في ناس
اكيد يوسف هو اللي بعتهم ، صح يا حسن
= انتي لسة هترغي ، قومي بسرعة لمي كل حاجتك ، احنا هنمشي من هنا حالا
ليه هو حصل ايه
= مفيش وقت قومي بقولك
يا حسن انت مش مستوعب انا بقول ايه ، بقولك في اتنين يا حسن ، انت ازاي كدا ، انت حتى مش مهتم باللي بقوله
= عشان انا عارف اللي حصل ، مش مستنيكي تقولي ، ايوا يوسف هو اللي بعتهم
يوسف!! ، ينهاره اسود ، انا كنت حاسة والله ، طب بقولك ايه يا حسن انت لازم تروح تاخدلي حقي ، لازم تربيه يا حسن
= انتي غبية مبتفهميش ، احنا لو قعدنا هنا اكتر من كدا مش هيطلع علينا نهار
مالك يا حسن ، هو حصل ايه بالظبط
= الناس اللي انا بعتهم عشان يسر*قو يوسف
مالهم
= قت*لو مراته بالغلط
يا مصيبتي ، هو يوسف متجوز؟
= هي دي المصيبة بالنسبالك ، بقولك قت*لوها
كان متجوزها امتا دي ، ولا دا حصل ازاي انا مش فاهمة حاجة
= انتي لسة هترغي ، يلا معندناش وقت ، لمي كل حاجتنا عشان نمشي من هنا
#بقلم : #عمرو راشد
” طبعا كنت بلغت البوليس ان في ناس اتهج*مت علينا وسرقو حاجات من البيت عندي و مراتي م/اتت ، طبعا البوليس جه وبعد معاينات وتحقيقات كتير أوي ، لسة هيدورو على اللي عملوها بس انا عارفهم ومش هسيبهم حتى لو فيها مو*تي ، بعد ما خلصت كنت تعبان جدا مش قادر اقف حتى ، مكنس قدامي غير مكان واحد بس اروحه ، تقريبا انا ليا شقة في إسماعيلية ، المهم يكون مكان محدش يعرفني فيه ، روحت بالفعل هناك ووصلت الشقة ، دخلت وقفلت الباب ورايا
يا الف نهار ابيض ، حمدالله على سلامتك يا توتي
” اول ما شوفتها اترميت في حضنها
مالك يا توتي ، ايه اللي حصلك يا حبيبي
= ريهام م/اتت يا هند ، م/اتت وسابتني
لا حول ولا قوة الا بالله ، والله زعلتني ، م/اتت ازاي يا حبيبي
= ناس ولاد كل* هج*مو علينا ، وأنا بتخانق معاهم جت طلقة فيها بالغلط والله بالغلط مكنتش اقصد
طب هدي نفسك يا توتي ، اهدا يا حبيبي عشان ميحصلكش حاجة ، ربنا يرحمها
= ريهام دي حب حياتي ، أكتر واحدة حبيتها في الدنيا دي ، كانت حنينة عليا ، حتى قبل ما تمـ,ـوت كانت برضو واقفة جنبي و بتاخدلي حقي من بنت الكل* اللي اسمها اسماء
يالهوي ، مالها اسماء هي كمان ، اوعا تقول ما*تت
= لا لسة بس قريب
و دي عملتلك ايه
= كانت بتخوني مع اخويا
شوف البت ، اهه يا بنت الفاج*رة
= بس والله ما هسيبها
كلهم خانوك الا انا يا توتي ، كلام بلاط مشقق الا سيراميك ملمع
= هند عشان خاطري انا مش ناقص رغي النسوان دا ، روحي شوفي بتعملي ايه
هعمل ايه! ، بقا دي كلمة تقولهالي برضو يا توتي ، هو انا عندي اهم منك
= طب معلش سبيني لوحدي دلوقتي
بقولك ايه طيب موحشكش كوباية الشاي بالنعناع من ايد هند حبييتك
= لا مليش نفس
” ب غمزة ” طب تحب ارقصلك
= هند انا مش ناقص ، انا فيا اللي مكفيني
طب ما تسيبلي وانا هخليك تقضي ليلة مش هتعرف تنساها طول حياتك ، انت واحشني اوي على فكرة ، اديني 5 دقايق بس وهخرج اخليك تنسا الدنيا باللي فيها
” دخلت اوضتها وعدا ربع ساعة بالظبط وخرجت ، كانت لابسة قميص قصير جدا لونه اسود ، حاطة ميكب ، لما قربت مني وشميت ريحتها انا كنت تايه في عالم تاني ، بعدها شغلت المزيكا وبدأت ترقص ، شكل الشيطان هيكون تالتنا ولا ايه ، قربت مني وهي بترقص ولمست شفايفي ب شفايفها و سرحت معاها في جمالها ، بعدت عنها وبدأت اقل*ع هدومي
اسبقيني على الأوضة
” دخلت وراها الأوضة وقفلت الباب….
انت مطمن بقا للمكان دا
= اهو اي حاجة نستخبا فيها ونبقا بعيد عن عين يوسف
وانت تفتكر انه هيسيبنا
= خافي على نفسك أنتي ، دا معاه فيديو ليكي وأنتي…
وانا ايه يا حسن
= وانتي مع العيال اللي اتهج*مو عليكي
اكيد الفيديو كان باين فيه انه مش بإرادتي واني مغصوبة على اللي حصل دا
= مش يمكن انتي بتحبي العن*ف
حسن انت بتقول
= انا بتوقع يعني كل الاحتمالات
طب تقدر تقولي احنا هنعمل ايه دلوقتي
= مش عارف والفلوس اللي معانا قربت تخلص
هننزل نشتغل يعني
= نشتغل ايه يا هبلة انتي ، هو حد فينا كان اشتغل قبل كدا
امال هنعمل ايه يعني ، اكيد مش هنشحت
” قعدت افكر كتير ، كتير أوي ومش لاقي حل بس المشكلة اني كنت بفكر في الموضوع من ناحيتي انا بس لكن مفكرتش من ناحية اسماء لكن لما فكرت من ناحيتها لقيت مليون طريقة تجيبلنا فلوس وجاتلي الفكرة بالفعل
بت يا اسماء ، عندك قمصان نوم؟
= نعم!! ، هو دا وقته يا حسن
ردي بس ، عندك ولا لا
= اكيد عندي
لا ماهو أنتي تفهمي ، انا عايز حاجات حلوة كدا ، حاجات مبتسترش
= اشمعنا
عشان نجهز للشغل الجديد
= وهو ايه الشغل اللي بيحتاج قمصان نوم دا
بصي بقا و ركزي معايا ، أنتي هتلبسي طقم شيك ويكون ضيق ، انا عايز كل تفصيلة في جسمك تبان ، متقلقيش احنا كل دا بنستدرج الزبون ، وطبعا مع شوية مكياچ هتبقي بطل الأبطال ، هتقفي في الشارع بكل احترامك والراجل هيجيلك لحد عندك ، هيعاكسك في الأول بس انتي ترفضي ، خليكي تقيلة لكن هو مش هيعرف يقاوم الحلاوة دي كلها ، هيحاول يجر معاكي كلام لحد ما تديله ريق حلو وتمشي معاه على البيت
= نهارك اسود يا حسن ، عايز تبيعني للرجالة
متبقيش حمارة بقا ، هكون انا وراكو ومراقبك لحد ما تطلعي معاه بيته ، تدخلي تغيري هدومك وتلبسي حاجة حلوة كدا وقبل ما يلمس أي حتة منك ، تكوني انتي حطيتي المنوم في اي حاجة هتشربوها ، وبعد ما ينام هتكلميني اطلع و نسرق الشقة ونجري سوا ، ايه رأيك
= بس انا خايفة يا حسن ، خايفة ملحقش احط المنوم ويحصل حاجة
أنتي وشطارتك بقا
” اتعدلت وقومت من على السرير
مالك ، هو انا مش عجباك ولا ايه
= دا أنتي قمر يا بت ، انا بس هدخل اشم شوية هوا
يا توتي خلاص بقا ، كل دا يعني عشان ريهام
= صعبانة عليا من اللي حصل فيها ، نفسي اجيب العيال دي من تحت الأرض
طب واللي يجيبهم ليك
= اعمله كل اللي هو عايزه
خلاص سيب الموضوع دا عليا
= هتعملي ايه طيب
يا توتي هو انا قليلة ولا ايه ، دا انا كنت رقاصة مجاش زيها بس نقول ايه بقا ، اصل انا احب الاستقرار هيهيهيهيهيي
” بعد مرور 5 أشهر
توتي يا توتي ، يا قلب هند من جوا
= في ايه
جيبتلك اللي انت عايزه يا قلب هند
= لقتيهم؟
ايوا يا قلبي لقيتهم
= فين
لقيتهم عند واحدة صاحبتي في الهرم ، اصل صاحبتي دي عندها كباريه ، لما وصتها تدورلي عليهم قالتلي على اتنين عندها بنفس المواصفات ، اسماء اللي أنت بتدور عليها دي غيرت اسمها وبقا اسمها سوسو و وبقت رقاصة مهمة أوي ، طوابير بتقف عليها ، يعني مبقتش زي الاول
= طب وحسن
مدير أعمالها واللي ماسك شغلها كله ، وعرفت كمان منها انها بتروح تقضي ليالي مع الزباين
= حلو أوي كدا ، سبيني بقا وانا هتعامل معاهم
لا يا توتي لازم نهدا شوية ، مينفعش تبقا عصبي كدا ، أولا العيال دي مبقتش سهلة خالص ، لازم تهدا شوية
= يعني عايزاني اشوفهم قدامي واقعد ساكت
لا طبعا متسكتش بس بالعقل
= يعني ايه
البت دي هتقضي ليلة معاك و اول ما تبقا في ايدك ، اعمل فيها اللي انت عايزه
” وفعلا هند كلمت صاحبتها واتفقت معاها انها تبعت اسماء على شقتي ، ماهو انا نزلت القاهرة تاني و أاجرت شقة مفروش عشان أقضي فيها الليلة دي ، وبالفعل دخلت الأوضة استناها وسيبتلها باب الشقة مفتوح ، بعد ساعة تحديدا ، سمعت صوتها من برا
يا استاذ ، ياللي هنا ، هو مفيش حد هنا ولا ايه
= افتحي باب الأوضة و ادخلي
دا انت نوع غريب اوي ، شكلك هتتعبني من اولها
” باب الأوضة اتفتح
بقولك ايه انا باخد فلوسي مقدم قبل اي حاجة
= هتاخديها يا اسماء متقلقيش
” كنت واقف قدام الشباك وباصص على الشارع ، لفيت وشي ليها
ازيك يا سمسم ، بقالنا كتير متقابلناش
= يوسف!!
يتبع..
