سكريبت بقلم ايمان شلبي الحب الاول

اسكريبت بقلم إيمان شلبي
انا مش هقبل اتجوز واحده مشيت معاها
قصدك ايه يازين يعني انت مش عايزني!
هز أكتافه وسند ظهره علي الكرسي بكل اريحية
منكرش اني اتشديتلك وانك بنت محترمة كويسة
فيكي كل مقومات فتاه احلامي لكن….
قاطعته بشرود بعد ما شبكت صوابعي في بعض
لكن لما وافقت اكلمك ووافقت استناك بعد ما حكيتلي ظروفك ووافقت نخرج سوا من ورا اهلي خۏفت مش كدة!
اخد نفس عميق بعدها بصلي وسكتمعرفش يرد!
او بالأحري كان عنده رد مقنعمنطقيومهين لكرامتي
وقلبي ومشاعري
روان أنت بنت كويسة جدا واي شاب يتمناكي بس….
بلع ريقهبلع غصة حړقت حلقهوحاول بكل ما يملك ينتقي كلماته اللي متجرحنيش وټجرح مشاعري
نزل رأسه وكمل بلا توقف
الشاب مننا من صغره بيرتبط بمليون بنتبيعرف الحلو والۏحشمن الأخر بيسلي وقتهلحد ما يوصل لسن معين
بيتمني وقتها أنه يستقريبعد عن كل العك اللي فات ويطوي صفحه الماضييبدأ جديدة بيضايدور علي بنت مناسبةمحترمةتنفع تكون زوجة تؤتمنتؤتمن علي بيته
وعياله وسمعتهفي وجهة نظرنا كشباب البنت اللي تتساهل وتوافق تعمل الغلط من ورا اهلها متستحقش يتكتب اسمها بأسمهانا اسف يا حور لو كلامي چرحك واسف علي وقت ضيعتيه معايا واسف علي مشاعرك
وعلي عكس توقعاتهوعلي عكس ردود فعلي المتهورة قومت وقفتسحبت شنطتيتلفونيحطام كرامتي
الباقي من مشاعريومشيت
مشيت من الكافيه
ومشيت من حياته للأبد
كانت اول تجربه حب في حياتياول تجربه تنازلت فيها
عن مبادئ عكس اللي اتربيت عليهاحبارتباطخېانه ثقه اهليتلامس في السلامكلها اشياء عيب وحرام مش بس في نظر اهلي أو المجتمعفي الدين في الشريعه في وصيه النبي في أحاديثه كلها اشياء محرمةاشياء لا يجوز الانخراط جواها حفاظا علي قلوبنا ومشاعرنا لشخص يدخل البيت من بابه معلن بكل مهابه وكل ثقه وكل ثبات أنه شاري خاطرنا في الحلال!
هتروحي خطوبة خلود
رفعت عيوني من علي الرواية اللي كنت مندمجة بأحداثها وعباراتها القويه الصادقه اللي اخترقت قلبي وكأنها موجهة ليا
هروح
هتقدري
هزيت اكتافي بقلة حيله وإستسلام
معنديش حل تاني
روان أنت لسه بتحبيه
قفلت الرواية ورديت بهدوء
قلبي مش بزرار يا كنزي ادوس عليه فهينسي
ردت وهي بتقعد علي طرف السرير
انت مستوعبة أنه راح اتقدم لخلود بنت عمك وخطوبتهم بكرة
هزيت راسي بنفس الثبات والهدوء
مستعوبة
خلود احسن منك في ايه علشان يسيبك ويروحلها
اخدت نفس طويل وانا بسند راسي علي السرير
معرفش جايز هو شاف فيها حاجه مش موجوده فيا
ردت بغيظ
والله
أنت عايزة تقنعيني أن الكلمتين بتوع انا شاب وعايز واحده محترمه ممشتش معاها والكلام الفاكس اللي كله حجج واعذار فارغة ده يتصدق من الأساس!!!
حبيبتي انا وأنت عارفين خلود بنت عمك كويس اوي
خلود مش محترمة ولا بتصلي علي السجادة عشان يروح يخطبها
قصدك ايه
قصدي أني مش مرتاحة للموضوع ده وحاسه أن هي السبب في أنه يبعد عنك
وايه علاقة خلود بزين!
ابتسمت ابتسامه جانبية وهي بتجمع الخيوط ببعض وبترص كلام موزونمنطقيوصاډم في نفس اللحظه
زين متغير معاكي من شهرينكل ما تسأليه مالك يقول مشغولتعبانامي تعبانهابويا في المستشفيشغال شيفت زيادهكلها حجج فارغة للهجر!
ما علينا من ده كلهخلود بنت عمك من حوالي شهرين بس قربت مننا اوي وفجأه حبتنا وبقت طول الليل والنهار عندنا وده بسبب ايه انها شافتك مره مع زين ولما سألتك عنه أنت زي الهبلة عرفتيها انك مرتبطة بيهشافت صوره كلها وعرفت شغله وعرفت الاكونت بتاعه وفجأه زي ما قربت زي ما بعدت مش ملاحظة حاجه يا روني ياحبيبتي
سكت فجأةالهواء بقي تقيلالاوضه ضاقتقلبي اضطربت دقاتهومعدتي كالعاده بدأت تشاركني لحظات التوتر والتساوؤلات والحيرة اللي سيطرت عليا من كلام كنزي
شدت علي ايدي وهي بتكمل بسخرية مريرة
بالظبط كدة زي ما جه في بالك
خلود لفت علي زين وهو زي المغفل باعك وراحلها
ارتجفت كلياوشي احمر وجسمي سخنانا فيا عادة وحشه اوي لما بتعرض لصدمه مبعرفش أعبر إطلاقا
مبعرفش انزل دمعة
بكتم جوايا لدرجه مرهقه نفسيا وجسديا
بخزن الصدماتبخزن الۏجعوبخزن مشاعري السيئة فبتطبع علي جسمي ووشي وقولوني العصبي!
روان انا لو منك منزلش دمعة واحده علي بني ادم زي ده
زين شخص نرجسي بيحكم بالدين وعامل نفسه قاضي لكن في الحقيقه هو المتهم الأساسي
عايز يبان مثالي قصاد عيونك ويطلع العيوب اللي جواه فيكي انتخلاكي تشوفي نفسك مش محترمه وپتخوني ثقه اهلك و…….
بس انا فعلا غلطت وخونت ثقه ماما وبابا انا معترفه اني كنت غلط
اخدت نفس عميق وهي بتحاوط وشي
انت بني ادمة وغلطتي ومش عيب انك تغلطي محدش معصوم من الخطأ لكن العيب انك متتعلميش من الخطأ ده!
شديت علي الروايه اللي كانت علي رجلي وانا بهمس بنبرة موجوعة
هي خلود فيها ايه احسن مني عشان يكسرني بالشكل ده طيب
هزت أكتافها وقالت
الطيبون للطيبات والخبيثون للخبيثات
انتهي الحوار بدون حرف يزود الۏجعاخدتني في حضنها
بدأت تطبطب علي راسي وتقرألي قرآن لحد ما نمت
تاني يوم صحيت من النوم متأخر بسبب سهري طول الليل بفكراصل انا في الحقيقه مكنتش نمت بالفعل!
انا عملت نفسي نايمه هروبا من اي كلام واي نظرات واي عتاب محتمل انا مش قده
طول الليل
عقلي بيسألني مليون سؤال ملهمش اجابة
بجمع خيوط ببعض
براجع شات قديم ما بينا
جواه
كلام رقيق
قلوب ووعود
مشاركة كل لحظه حتي لو بسيطة
اهتمام
كلام معسول
خجل
حب
امان
ارتياح
كلها اشياء موجوده جوا الشات
كلها اشياء من البدايه كانت مزيفة
كل ما اقلب كل ما الكلام يقل
الاهتمام يقل
التفاصيل تقل
والمشاعر تقل
لحد ما وصلت للآخر
انسحاب تكتيكي
انعدام مشاعر
في النهايه حظر سوشيال
وحظر من حياتي للأبد!
قومت اتوضيت وصليت بعدها فطرت ودخلت اجهز للخطوبة وانا من جوايا مقرره ميشوفش زين ضعفي ولا انكسار روحي ولا حتي نظره عتاب وكأنه شيئا لم يكن في حياتي
كنت عارفه أن خسارتي هي اكبر خساره
يمكن مش مدرك دلوقتي مدي حجم خسارته ليا
لكن بعدين هيدرك وهيرجع ندمان
لكن هيهات الصدمه علي قد ما بتوجع
علي قد ما بتقوينا وتجمد قلوبنا ومشاعرنا
بتعلمنا نقول لا
استوب
ونعمل حدود ما بينا وبين الأشخاص السامة
صباح الفل
ابتسمت ورديت بهدوء
صباح النور يا كنزي
اتفضلي ياستي
ايه ده
سألتها وانا بقلب الاكياس ما بين ايديا بأستغراب
اتنهدت بتعب وهي بتمسح حبات العرق اللي فوق جبينها وقعدت علي طرف السرير
الفستان اللي هتلبسيه النهارده
ايه ده أنت اللي جبتيه
من الصبح عماله الف والله يارب يعجبك
ابتسمت بحب وانا بحط الاكياس علي السرير وبرد بنبرة كلها دموع وتأثر
انا بحبك اوي
وانا بحبك اوي ومش عايزة اشوف دموعك دي تاني دموعك غاليه ياروني واللهيالا يالا مفيش وقت خلينا نجهز ونروح الفرح راسنا مرفوعة
قامت وقفت وقربت مني وهي بتبص جوا عيوني بتحدي
لا عاش ولا كان اللي يكسرك أنت فاهمه!
مسحت دموعي وهزيت راسي
فاهمة
وصلنا باب القاعةكانوا العرسان وصلوا!
اخدت نفس طويلحاولت ابان هاديةجامدةوثابته
رفعت طرف الفستان واتجهت ناحيتهم
كانوا قاعدين علي الكوشه
أيديهم في أيد بعض ومبسوطين
مبروك ياعروسة
ابتسمت ابتسامه خبيثه وهي بتمسك في كتفه بتملك
الله يبارك فيكي ياروني عقبالك ياحبيبتي
بصتله وقولتله وانا بضغط علي حروفي
مبروك يا ياعريس
بلع ريقه بأرتباك وبص يمين وشمال
ا الله يبارك فيكي عقبالك
ابتسمت ابتسامه جانبية
لو مع واحد زيك مش عايزة
كنزي وهي بتوزع نظراتها ما بينهم بخبث
مالك ياعريس وشك اصفر ليه متقلقش مش هنقول انك كنت مرتبط بأختي وبنت عمي في نفس الوقت وان قلبك قلب رمانة
يالا ياكنزي خلينا نمشي
في نفس اللحظة كان في شاب طالع ناحية الكوشة فخبطت فيه من غير قصد
رفعت عيوني اللي بتلمع بالدموع
انا اسفه
ولا يهمك حصل خير
ارتجفتالدنيا لفت بياورجلي

اتيبست في مكانها اول ما دققت في ملامحه!
نفس الملامحنفس العيون اللي رسمتلي الوهم
ابتسامتهلحيتهرموشه الطويلهجسمه الرياضي
وريحة البرفيوم اللي كل ما اشمها في الجو تعملي فلاش باك لوقت كنت فيه متطمنهمرتاحةالفراشات بتطير من حواليا بكل سعاده
يا انسه بقولك عديني!
فوقت من شروديحاولت الم شتات نفسي ووسعتله الطريق بعدها نزلت روحت ناحيه الترابيزة اللي قاعدين عليها اهلي
ده اكيد اخوه التوأم اللي كان بيحكيلي عنه
اتشنج وش كنزي بأمتعاض
اكيد زيه في كل حاجة حقېر!
سندت ايدي فوق خدي وعيوني بتبص ناحيته ڠصب عني
اكيد
انتهي الفرح وانتهي معاه ثباتي الزائفمكانش سهل عليا
احضر فرح بنت عمي علي اكتر شخص حبيته
خلعت الهيلزالطرحةالفستانالعدسات
مسحت الميك اب
لبست بجامه بكم ودخلت تحت البطانيه
وقتها حسيت اني في مكاني الهادي المريح
Mycomfort zone
روان اخو زين متقدملك!!
قالتها كنزي وهي بټقتحم الأوضة فرفعت الغطا پصدمة وانا پصرخ
لااااا مستحيل
اعمل ايه ياكنزي اتصرف ازاي انا مش عارفه افكر انا…..
اهدي خلينا نعرف نفكر لو سمحت
قاطعتني وهي بتشدني من دراعي وبتقعدني بعد ما كنت رايحه جايه في الأوضة
حاولت اهديحاولت افكر بعقلحاولت امنع نفسي من الاڼهيار لكن مقدرتش!
اسمعيني كويس اوي احنا لازم نعمل خطة
لفتلها بأنتباه
خطه ايه
لازم نكلمه
نكلم مين
خبطتني فوق جبيني بخفة
العريس ركزي معايا
عريس مين اللي هنكلمه ايه الجنان ده و…..
ده مش جنان ده عين العقلبكل بساطه هنبعتله ماسدج علي الاكونت بتاعه
ماسدج ايه
ماسدج نعرفه فيها كل حاجة
وبعدين!
وبعدين هو لما يعرف الحقيقه استحاله يفكر في الموضوع تاني
ابتسمت ابتسامه واسعة
صح صح انا ازاي مجاش في بالي الفكرة دي
فتحنا الفون وعملنا سيرش علي الاكونت بتاعه وقتها عرفنا نوصله بكل سهوله وده طبعا لانه كان عند خلود
ابتسمت بسخرية وانا بهمس
اخو خطيبها بقي
دخلت علي المراسلةاخدت نفس عميق وبدأت اكتبله ماسدج طويلهشرحتله فيها كل الحكايه من بدايه تعارفنا لحد النهايه المؤسفةالمؤذية والقاسېة!…
شافها ياكنزي شاف الماسدج
قولتها وانا بقوم من مكاني سابقاني دقات قلبي السريعة
فات ثانيهاتنينتلاتةفات دقائقفات اكتر من ساعة بالتقريب وانا في انتظار رده
تفتكري مردش ليه
كنزي وهي بتبص للسقف بشرود
مش عارفة اكيد راح يسأل زين عن الحقيقة
مطيت شفايفي بحيرة
طب تفتكري زين هيعترف بالحقيقة
لا
رديت بضيق
بتقفليها في وشي كده ليه ياستار!
كانت لسه هترد بس سمعت صوت ماسدج فنطت من مكانها وفتحت الفون وقتها اټصدمت
عارف كل حاجة يا آنسة روان
كنزي بأستغراب وقلق
في ايه مالك
رمشت بعيوني اكتر من مرة بذهول وبلاهة فشدت الفون من ايدي وقرأتها وقتها اټصدمت زي تماما ويمكن اكتر
بعد فتره بصتلي وسألت بهدوء
هتعملي ايه
بصيت قدامي بشرود وانا بهز راسي بحيرة وصراع بين قلبي وعقلي
مش عارفه ولما هو عارف كل حاجة متقدملي ليه مش فاهمه شفقة مثلا!!!
طب مستنيه ايه ما تسأليه
مسكت الفون وبعتله ماسدج بأيد بترتعش
ولما حضرتك عارف كل حاجة ليه جاي تتقدملي!
هتعرفي كل حاجة في وقتها
كنت لسة هرد لكن فجأة الصورة اختفت وقتها أدركت أنه عملي حظر وقرر ينهي النقاش!!!
ياماما انا مش عايزة ارتبط دلوقتي لو سمحت كفاية بقي
قولتها لماما بعصبيه عكس طبيعتي فضمت حواجبها في بعض وسألتني بشك
انت بتحبي حد تاني يا روان
ارتبكتبصيت لكنزي پخوف فسكتت هي كمان ومعرفناش ننطق
روان ردي عليا أنت بتحبي حد تاني!
هزيت راسي وهمست بخفوت
لا ياماما
ربعت ايديها وبصتلي بحزم
ممكن افهم سبب الرفض
مش مستعده دلوقتي
ردت بضيق
ليه أن شاء الله وراكي ايه
دراسه وخلصتيها شغل واهو اديكي شغاله شغل بتحبيه وناجحة فيهاظن كفايه اوي دلع لحد كدة
اللي في سنك متجوزين وعندهم عيلين تلاته وأنت رافضه حتي تجربي كل ده ليه!
علشان ا احم علشان…..
ابتسمت ابتسامه كلها سخريه
مش لاقيه اسباب!
طالما مفيش سبب يبقي تقابلي العريس
ومحدش قالك أننا هنجبرك توافقي
قابليه واتكلمي معاه ارتاحتي كان بها
مرتحتيش محدش هيغصبك
كنت لسه هرد لكن شاورتلي بأيديها وهي بتقوم من مكانها
العريس هيجي يقعد معاكي يوم الخميس لوحده ولو في ارتياح هيجيب أهله ويجي يتقدم رسمي
قد يبدو لك أن القدر تعامل معك بقسۏة وأن الحياة ليست عادلة ولذا حاول ألا تصاب بالذعر في منتصف الطريق لمجرد أنك لا تملك أية فكرة عن التطور الذي سيطرأ على القصة
هتفضلي باصة في الارض كدة كتيرللدرجادي السجادة لونها حلو!
كان باين علي ملامحي الضيقوالكرهالنفور
مكنتش قادره اشوفه شخص تاني
عيونيوقلبيشايفينه زين
اكتر شخص حبيته
واكتر شخص آذاني!
اللي انت في يوم قدرته وحبيته هو اللي آذاك
روان لو سمحت بصيلي
رفعت عيوني في عيونه ورديت پحده بسيطة
افندم اتفضل
اخد نفس طويلفتح زرار البليزر بتاعه ورد بهدوء
انا عارف انك كارهة وجودي بسبب اللي عمله زين بس صدقيني انا مش زيه انا وزين اخوات اه وشبه بعض في الشكل أه بس طول عمرنا مش شبه بعض في الطباع
مختلفين في كل حاجة تقريبا ا…..
قاطعته بعصبيه مكتومة
انا مليش دعوة بكل ده انا مش متقبلة وجودك
انت فرضت نفسك عليا واهلي فرضوك عليا
وانا مش عايزاك ولا طايقة اشوف وشك لانه بيفكرني بأخوك
اخدت نفس طويلظبطت طرحتيوحاولت اتكلم بهدوء
لو انت فعلا شخص محترم وعندك كرامه تمشي دلوقتي
وانا هقول مرتحتش وانت متكلمش بابا ولا تقوله حاجه وقتها هيفهم ان انت كمان مرتحتش
قام وقفرفع رأسه بشموخ وكبرياءقفل ازرار البليزر وخرج من غير نقاشسلم علي بابا ودقائق وخرج من البيت
بصيت لآثره واتنفست براحة وقتها دخلت ماما ووراها كنزي يسألوني بفضول عن رأي
وقتها اترسم الإحباط فوق وش ماما اول ما بلغتهم بالرفضوطبعا كأي ام مصريه اصيله سمعت وصله من التأنيب والتهزيق والتهديدات!
بعد مرور شهر
روان ازيك انا عارف انك مش طايقاني وحقك بصراحة بس انا محتاجك اوي انا تعبان ومقهور حاسس اني لوحدي روان انا فركشت الخطوبة مع خلود اكتشفت انها متستحقنيش ولا تستحق حبي ولا تستحق اني اضحي بيكي علشانهاانا ندمت واكتشفت أن محدش هيستحملني قدك ولا حد هيتقبلني بكل عيوبي زيكانا اسف ممكن نتقابل ونتكلم ووعد مني هعوض قلبك عن كل لحظه حزن كانت بسببي
كلامهم عندي مش فارق ومش هفقد امل ف رجوع مفيش مواضيع اقولهالك غير انك وحدك الموضوع وان حياتي نقصاكي وقلبي سابني ومعاكي وان عنيا شيفاكي ف اول كرسي ف يميني بتدي ضحكه للدرويش عشان يلقي وحشتيني ف لو كل اللي عارفينك قالولك اني منفعكيش ولو كل اللي عارفني قالولي بكره تنسيني وحشتيني
قرأت الرسالة مرة ورا التانية ورا التالتة
قرأتها كتير جدا
بحاول استوعبهابحاول اصدقهاوبحاول منهارش
كنت بدأت اتخطي واتأقلم
كنت بدأت اعيش حياتي بدون اوهام
بدون كڈب وبدون خداع
بدأت افوق واعرف قيمه نفسي
كنت فاكره أني لما اشوفه مش هتأثر
لكن اتضح عكس ده تماما
مجرد بس رساله منه رجعتني لنقطة الصفر
كان في اعتقادي اني كرهته
بس مش هي دي الحقيقة
اكتشفت اني كذابة
بكذب علي نفسي
وعلي قلبي
ممكن نتقابل في كلام كتير عايز اقوله
بعتلي ماسدج تانيه وبدون تفكير
بدون تردد
وافقت
وافقت ارجع نتكلم
نتقابل
ونكمل كڈبة حب
محرمتش
متعظتش
وعقلي منضجش كفاية
حقيقي الحب ده لعڼة
لعڼة وقت ما تطول قلوبنا
مبتخرجش
ولو خرجت بتسيب آثر يدوم طول العمر
مالك يا روان بتلفي حوالين نفسك ليه!
سألني بأستغراب فبصيت يمين وشمال وانا بفرك صوابعي في بعض وقولت
مفيش قلقانة بس حد يشوفني
مټخافيش ياحبيبتي ماحنا جينا هنا كتير!
سكتت لحظة وانا ببصلهلكنها كانت نظره مختلفه تماما عن زماننظرة استحقارعتابندمعدم ارتياح!
مالك ياروني
ليه يازين
ضم حواجبه في بعض
ليه ايه!
فركشت انت وخلود ليه
ملامحه كشرت وهو بيولع سېجارة
بلاش السيرة ديه الله يخليكي
بس انا مش حقي اعرف يا زين
فركشت مع خلود

ليه
وليه لحد دلوقتي الريليشن موجودة علي الفيس
ورجعت تكلمني ليه
هز أكتافه بنفس البرود واللامبالاة
مرتحناشدماغنا مش زي بعض
هبقي اشيل الريليشن نسيت اشيلها
اصل انا مبقتش افتح الفيس كتير
رديت بسخرية
ليه انت مش كنتوا تعرفوا بعض قبل الخطوبة فجأه مبقتش مرتاح!
اتوتر ووشه بدأ يحمر وهو بيبص حواليه
الجو كتم فجأه مش عارف ليه
تيجي نتمشي شوية
سندت ظهري علي الكرسي وربعت ايدي وانا بعيد سؤالي بملامح جامده وثابته
كلمتني تاني ليه يازين
علشان بحبك
وبعدين
عايزك
وبعدين
استنيني شهر ولا اتنين اظبط اموري وهاجي اتقدملك بأذن الله
ضحكت ضحكه سخيفة فسألني بأستغراب
بتضحكي ليه
ولا حاجة
ا أحم ط طب انا كنت جايبلك هديه بسيطة كده يارب تعجبك
طلع علبه صغيره من جيب الجاكيت بتاعه وفتحها
كان جواها خاتم pandora بفص ازرق
يجنن
مدلي أيده فبلعت ريقي وهزيت راسي بنفي
لا انا هلبسه
اخدت منه العلبه وطلعت الخاتم ولبسته بعدها رفعت عيوني وقولت فجأة
زين انا مش هقابلك تاني ولا هنتكلم
عايزني فعلا وبتحبني تعالي اتقدملي
انا مش هكرر نفس الغلطه مرتين
مش هخون ثقه اهلي
ولا هضيع مشاعري علي علاقه مش مضمونة
عن اذنك مضطرة امشي دلوقتي
طب استني هوصلك و….
لا مش هينفع
طب خلي بالك من نفسك لما توصلي طمنيني
مكنتش قادرة افهم انا بعمل كده ليه في نفسي!
فجأه نسيت اللي حصل
نسيت ۏجعي وخذلان روحي
نسيت دموعي بالأيام
نسيت بهتان عيوني
وكأني كنت مغيبه
بلا كرامه
قلبي بيجري وراه
بيسامحه
وبيبرررله الغلط
في النهايه خسړت روحي
خسړت قلبي
وكرامتي
ومشاعري
للمرة التانيه اتخلي عني زين
للمرة التانيه
ساب آثر سيئ في حياتي
ساب خيبه امل مبتتنسيش
زين مكانش مجرد شخص دخل حياتي
زين كان مرض
اكتر شخص مؤذينرجسياناني
قرأت عن النرجسي في كتاب احببت وغدا وده كان اكتر وصف يشبه زين
النرجسي تمر حياته بالسلاسة ذاتها لا شيء ينقصها مواصلا أداءه اليومي الاستعراضي المعتاد أما الفتاة التي فقدت صوتها وشخصها ونكهتها وملامح روحها فحياتها تبدو كأنها تيبست في وضع الانتظار وكأن الزمن لا يود أن يمنحها نسيانا رحيما!
تحبي تبدأي ياروان!
قلبي اتنفضبدأت اتوتر من الجو العام!
مكنتش متخيله نفسي هوصل للحظة ديه
لحظة وجودي وسط ما يسمي في مجتمعنا مرضي نفسيين
مكان مكون من عشر أشخاص
اوضه واسعه
ضلمة
صوت انفاس بتخرج ببطئ
ودكتور بيسمع المتداري جوا قلوبنا
غمضت عيونياخدت نفس عميقوبدأت اتكلم
بدأت الحكايه من اولهاخرجت كل مشاعري السيئه
كل شعور حسيت بيه من بدايه القصه للنهايه
اتعريت من مشاعري تماما
لعل البوح يريحني
بعد ما خلصت بدأ شخص تاني يتكلمولأن الاوضه كانت ضلمه مقدرتش اشوف ملامحه لكن قدرت اعرفه من أول لحظة من نبرة صوته
اسمي مالكعندي سنةليا اخ توأم
سكت لحظة بعدها ابتسم بسخرية
العاده أن التوأم قريبين جدا لبعض وبيحبوا بعض
لكن أنا وهو عكس الناس!
عمركم شوفتوا اخ بيكره اخوه لدرجة مؤذيه
اخ من صغره انانيبيرمي اللي في أيده ويبص لكل شيئ معاياكبرنا وكبر جوانا فجوةزاد الكرهزادت الانانيهوزادت الآذيه
سكت شويه بعدها اتنهد وقال
الشغل اللي لاقيت نفسي فيه فجأه اتطردت منه
اصحابي بعدوا عنياهلي كرهونيبقيت وحيد ومنبوذ
دائما بيوصلهم فكره ان انا اللي مؤذي
انا اللي بكرهه وببص للي في أيده
ده حتي البنت الوحيدة اللي حبيتها وكنت ناوي اتقدملها وكلمت بابا عنها فجأه بقت معاه هو!
صوته اتخنق بالدموع وسكت لكن صوت مشاعره المكتومة مسكتتشصوت قلبه الموجوع وصليوصوت نفسه العالي طغي علي صوت الصمت اللي مالي الجو
ياريته حافظ علي قلبهابعد ما كانت وردة مفتحه دبلت
بسببهمكتفاش انه يكسرها مرهكسرها مرتين وهي زي ال…..
قطع جملته الاخيره و ضغط علي أسنانه لكن أنا كملت مكانه
وهي زي الغبيه صدقتهصدقت أنه ندمانوصدقت أنه هيرجع يصلح اللي اتكسر
فجأه اتفتح النوربصيت حواليا بخضهمكانش موجود حد غيري انا ومالك والدكتور
ابتسم وقام وقف وهو بيبوزع نظراته ما بينا وقال بهزار
وزعت كل اللي كان موجوداسمعموا بعض
جايز ربنا جمعكم هنا لحكمة
وجودكم هنا في نفس المكان ونفس اللحظه مش صدفه
ده قدر
بصلي وقال بهدوء
مش كل الناس زي بعض حتي لو اخوات
سيدنا يوسف كان طيب وبيحب أخواته وهما كانوا بيغيروا منه وضيعوه كل ده بس علشان يلفتوا انتباه سيدنا يعقوب ليهم
بعدها خرج وبقيت انا وهو لوحدنا
رفعت عيوني ابصله كان شكله مختلف
وشه بهتانجسمه خاسس النص
لحيته طويلهوشعره خصلات منه خارجه من الكابيشو اللي فوق رأسه
بتحبني من قبل زين
ايوه
طب طب أمتي وازاي
شوفتني فين اصلا
انا كنت في نفس الكليه بتاعتك بس قسم تاني
شوفتك كتيراعجبت بيكي وبأخلاقك
كنت لسه عيل صغير
معنديش شقه ولا بشتغل
ولا حيلتي اي حاجة
خۏفت اكلمك
مش عشان معنديش حاجه اتقدملك بيها
خۏفت من ربنا
ودعيت لو كنت خير ليا وانا خير ليكي
ربنا يجمعنا علي خير
اتخرجت واشتغلت وجبت الشقه واول ما جبتها وفاتحت بابا في الموضوع عرف زين
ضحك بسخريه
قرر يخربلي حياتي كالعاده واهو نجح وبجدارة ربنا يباركله
ومع كل حقيقة بتتنطق كنت بحس بصعقه كهربائيه تكاد تؤدي بحياتي للهلاك!
خبطه ورا التانيه كانوا كتير
مكانش بيسمحلي حتي اتنفس أو انطق
قال كل حاجه مره واحده
لدرجه تاهت أفكاري
مليون سؤال جه في بالي لكن عجز لساني عن النطق بيهم
الحقيقه الوحيده اللي ادركتها اني كنت كوبري
كوبري بيعوض بيه زين النقص اللي اتزرع جواه من اقرب شخص ليه
تحقيق انتصار جديد
واضافه بنت جديده جوا قائمته
غمضت عيونيحسيت الدنيا بتلف بيامقدرتش استحمل الفكره اطلاقا
فكره اني متحبتش ذره
فكره اني ضيعت وقت مش كفايه من عمري مع شخص كل غرضه ينتصر علي اخوه ومش مهم قلبي اللي خدعه
حمد لله علي سلامتك
بصيت حوليا بوهن وتعب لاقيتني فوق سريري وحوليا عيلتي موجود وسطهم مالك
مين اللي جابني هنا
ردت ماما وهي بتبصله بأمتنان
استاذ مالك قال إنه شافك صدفه ماشيه في الشارع تعبانه وفقدتي وعيكطلع بيكي علي المستشفي وكلم ابوكي
بصلي وقال بجمود
حمد لله علي سلامتك يا انسه روانعن اذنكم هستأذن انا
ماما بأصرار
والله ابدا ميصحش انت هتتعشي معانا
لا والله مش هقدر ياست الكل حقك عليا عندي مشوار ضروري والله
حط ايده فوق صدره بأمتنان
تسلميلي والف حمد لله علي سلامتها ربنا يحفظها
بعد ما خرج بصيت لآثره بشرود وانا من جوايا بسأل ياتري ليه ممكن شخص يأذي اقرب الناس ليه بالشكل ده
واتمني لو كنت قابلته هو
حبيته هو
مكانش كل ده حصل
اعتقد كان هيحافظ عليا وعلي قلبي
في أشخاص كتير كويسه
أشخاص مخلصه وبتتقي ربنا في اللي معاهم
لكن للاسف ظهورهم بيجي متأخر
بيجي بعد ما تتحول قلوبنا لحجر
بعد ما نفقد الثقه في كل اللي حوالينا
نشوف أفعالهم وكلامهم رغم صدقها مزيفه
كان نفسي ادي لقلبي فرصه يحبك يا مالك
كان نفسي اعوضك وتعوضني
لكن صعب
صدقني صعب
الشبه اللي بينك وبينه هيفكرني بكل لحظة عيشتيها
اااااااه الحقوني مش قادرة
كنت بتوجع بشكل مش طبيعيبقالي كذا يوم بيجيلي ۏجع في ظهري من ورا لكن مهتمتشكنت فاكره ۏجع عادي وهيعدي لكن الۏجع النهارده مكانش عادي إطلاقا
كان ۏجع ممېت بشكل مش طبيعي
صړخت صرخه علي أثرها صحي البيت كلهنزلوني علي المستشفي وهنا اكتشفنا الكارثه!
الكلي عندي متدمرة
لازم زرع كلي فورا
بدأت الإجراءات بالبحث عن متبرع
ولأن الحال مكانش ميسور
مقدرش بابا يغطي كل تكاليف المستشفى ولا قدر يدفع للمتبرعين المتقدمين واللي طالبين فلوس كتير جدا
لاقيت متبرع
قالها بابا بفرحه وهو بيدخل الاوضه فرفعت عيوني البهتانه وانا بسأله بوهن
طلب كام
ابتسم وقرب مني وهو بيحاوط وشي بحنان
مطلبش كتير متشغليش بالك ادعي بس تحاليله تكون متطابقه معاكي
سندت راسي فوق صدره وغمضت عيوني وانا بهمس برجاء وتوسل
يارب
لحسن حظي التحاليل بتاعتي تطابقت مع بتاعته
واتحددت العملية في اسرع وقت
يوم العمليه حضرت نفسي ودخلت اوضه العمليات مكانش لسه وصل
خۏفت يخلف

بوعدهخۏفت يكون نصاب وميجيش
كنت قاعده علي السرير علي اعصابي في انتظار وصوله
جت الممرضة نيمتني علي السرير وبدأت تحضرني العمليه وقتها سألتها بقلق
هو فين المتبرع
غرزت الحقنه في دراعي وردت بأبتسامه طمنتني
متقلقيش هو برا بيحضر نفسه
هزيت راسي وبدأت دماغي تتقلحاولت افتح عيوني علي قدر الإمكانكان عندي فضول اعرف مين المتبرع
ومع اخر لحظه صمود ليا دخل وياريته ما دخل!
البنج مسابليش فرصه أتصدم أو انطق أو حتي اعترض
غمضت عيوني بأستسلام تام واخر حاجه سمعتها قبل ما اغيب تماما عن الوعي
هتقومي بالسلامه إن شاء الله بحبك

عملت العمليه ونجحت الحمد للهبعد ما فوقت لاقيت عيلتي كلها حواليا ولما سألتهم عن اللي شوفته أنكروا
قالولي أن المتبرع شخص تاني جايز من البنج شوفته مالك!
لكن أنا مصدقتشانا عندي يقين تام أن اللي شوفته حقيقي
مالك كان موجودقرب منيشميت ريحه البرفيوم بتاعتهسمعت نبرته الدافيه وهو بيطمني وبيعترف للمره الاولى بمشاعره
كنزي ارجوك قوليلي الحقيقه المتبرع كان مالك
ارتبكت وفركت ايديها في بعض وهي بتبص في كل مكان الا عيوني
ي ياحبيبتي لا ت تلاقيها بس تهيؤات أو…..
كنزي…
اتنهدت وهي بتبصلي بأستسلام
ايوه يا روان المتبرع كان مالك
بلعت ريقي بقلق
ه هو كويس!
كويس متقلقيش بابا مش سايبه
وفين أهله
هزت أكتافها
سابهم وعايش لوحده
رديت بذهول
عايش لوحده وهو تعبان
ابتسمت وهي بتحط خصله من شعري ورا ودني
متقلقيش بابا عنده علي طول وبعدين هو قريب من هنا مش بعيد
قريب!
بابا جابه في شقه عمتو اللي في وشنا بما انها مسافره يعني من فتره ومقفوله
هو ليه عمل كده وليه محدش قالي أن هو اللي اتبرع!
كانت رغبته
ليه
مطت شفايفها بحيرة
معرفش السؤال ده هتعرفي إجابته من مالك نفسه
شيلت الغطا من عليا وانا بقول بلهفة
طب انا عايزه اروحله
تروحي فين انت لسه تعبانه خليكي مكانك
علشان خاطري خليني اروحله يا كنزي
ليه عايزه تروحي
عايزة اتكلم معاه
اتنهدت بقله حيلة
حاضر هبلغ بابا واخليه يوديكي عنده
دخلت الأوضة ورا باباكان ساند رأسه علي السريراستقبلني بأبتسامه بشوشه وبدوري بادلته ابتسامته
عامل ايه دلوقتي ياحبيبي
الحمد لله ياعمي انا بخير
بصلي وقال بهدوء
حمد لله علي سلامتك يا روان
بلعت ريقي ورديت بخفوت
الله يسلمك
ا احم روان كانت عايزه تشكرك علي اللي عملته وكانت عايزه تتكلم معاك شويهانا قاعد برا قريب منكم
خرج بابا بعد ما سابلي مساحه اتكلم معاهقعدت علي طرف السرير وبصتله وسكت شويه!
مكنتش عارفه ابدأ منين أو اقول ايه أو حتي….
طبعا بتسألي نفسك انا ليه عملت كده
قطع حبل افكاري صوته فهزيت راسي ب اه أجابة علي سؤاله
عملت كده عشان بحبكورفضت انك تعرفي أن انا المتبرع قبل العمليه عشان ميجيش في بالك اني بعمل كده علشان تحني عليا أو تبادليني شعوري نحيتككان كل همي انك تكوني بخير وبسانا عملت ده علشان بحبك مش علشان اشوف في عيونك نظره شفقهحتي لو محبتنيش يكفي انك كويسة و……
ابتسمت بأمتنان وعيوني بتلمع بالدموع
شكرا
اخد نفس طويل وابتسم ابتسامه برزت غمازاته
حمد لله علي سلامتك
الله يسلمك وحمد لله علي سلامتك انت كمان
إن الحياة ليست مثالية. وإنما هي جميلة ومعقدة مرهقة وفوضوية. وأنت جزء منها جزء ينضج ويتغير ويضحك ويحب وينكسر ويتجمع مجددا. ولن يمر عليك وقت إلا ويمكنك فيه أن تتراجع أو أن تبدأ من جديد.
عبارة قرأتها في كتاب فن التعافي لكنها لمست قلبي
لخصت معني الحياه في كام كلمهالحياه مش مثاليه تماماوالبني آدم جزء منهاجزء متغير مع مرور الوقت ومع مرور الأشخاص في حياتهالاشخاص اللي بيعلموه دروس يمكن قاسيه لكنها مفيده!
بعض العلاقات لم تكن خسارةبل كانت درسا مكثفا في الحب والوعي والحدود
اخدت نفس عميق وبدأت اكملالكتاب كان بمثابه علاج نفسي بالمجان
روان مالك هيمشي خلاص
قالتها كنزي فجأه فرفعت عيوني من فوق الكتاب بخضة
هيمشي وهو تعبان
قال أنه بقي كويس وآن الاوان يمشي وجوده هنا ملهوش اي داعي
هيروح فين مش بتقولي مقاطع اهله
مش عارفه بس هو مصمم يمشي
سكت شويه بتفكير وحيره وتوهان
قربت مني كنزي وهي بتسألني
هتسيبيه يمشي
اومال اعمل ايه
معقوله لحد دلوقتي مش حاسه بيه يا روان
مالك بيحبك لا مش بيحبك ده بيعشقك
اللي يضحي بنفسه عشان شخص بدون اي مقابل يبقي بيحبه بصدقمن خلال وجود مالك هنا الكام يوم دول قدرت اعرف انه يختلف تماما عن زينحتي شكله مختلف
زين كانت عيونه كلها خبث وغل وحقدلكن مالك لا
مالك بيبصلك بعيون كلها حب ولهفه وتمني
متضيعهوش المره دي كمان
اديله فرصه
بس انا خاېفة
الفرصة المره دي هتكون بعلم بابا وماما مش في السر زي زينواعتقد أنه هيعمل كل اللي يقدر عليه علشان يخليكي تثقي فيه وتنسي زين واللي عمله فيكي
اخدت نفس عميق ومسحت دمعه نزلت من عيوني وقومت طلعت علي برا
رايحه فين يا روان
مردتش علي ماما وطلعت علي برا كان خلاص بيقفل باب الشقه وبابا نازل علي السلم شايل الشنطه بتاعته
هتمشي!
سألته وانا بتنفس بسرعه
ضم حواجبه بأستغراب
مالك ياروان
اتعصبت وسألته بزعيق
رد عليا هتمشي
ايوه همشي ايه المشكله
انك لسه تعبان
انا بقيت احسن
هتروح فين
هز أكتافه بحيره
احتمال اقعد عند واحد صاحبي كام يوم لحد ما ادبر اموري
طب طب ما تخليك هنا وسطنا ل لحد ما تدبر امورك!
هز رأسه برفض
لا كفايه بقي كدة يالا عن اذنك
قرب مني خطوتين ووقف قدامي وهو بيبص جوا عيوني
خلي بالك من نفسك اشوف وشك علي خير
ايه ده انت ايه اللي جابك هنا يازين!
بصينا احنا الاتنين لمصدر الصوتكانت خلود نازله علي السلم فنفخت بضيق وانا ببصلها بقرف
لا ده مش زين
بصتلنا بأبتسامة خبيثة
يبقي مالك
خير يا انسه خلود بتضحكي علي ايه
نزلت خطوه وقربت مننا وغمزت بعيونها
نقول مبروك
سألتها بارتباك
مبروك علي ايه
الخطوبة ياقلبي
اممممم بصراحه يامالك يا زين ما اختارت
قربت مني وحضنتني بكل قوتها بغل
مبرووووك ايه رايك نعمل فرحنا في يوم واحد
فرحنا!
ردت بذهول
ايه ده أنت معرفتيش أن انا وزين رجعنا لبعض
بعدتها عني بقرف
لا معرفتش الف مبروك ياحبيبي الطيور علي أشكالها تقع
ايه ياعم مالك مش هتقولي مبروك
بصلها مالك بضيق وقال بقرف
مبروك
مش ناوي ترجع بيتك بقي ده اخوك زين زعلان اوي انك مشيت و….
قاطعتها بعصبيه
متتدخليش ياخلود دي مشاكل عائليه مش من حقك تتدخلي فيها علي فكره
عوجت شفايفها وبصتلي بأحتقار بعدها نزلت علي تحت اما عني بصتله لاقيته بيجز فوق أسنانه پعنف وبيضغط فوق أيده لدرجه ابيضت مفاصله
مالك
مفيش عن اذنك هنزل باباكي مستنيني بالشنط تحت
اتحرك خطوه ونزل درجتين وانا واقفه في مكاني
مستنيه ايه نادي عليه وقوليله متمشيش
قالتها كنزي من ورايا فلفيت بخضه فزقتني وهي بتقولي
انت لسه هتتخضي يالا قبل ما يمشي
مالك متمشيش
قولتها وانا بسند علي الدرابزيون من فوق بصوت عالي ولهفه وخوف
لف رأسه بأستغراب ظهر علي ملامحه
قولتي ايه
نزلت اربع درجات لحد ما وصلت قبل الدرجه اللي واقف فوقيها وكررت كلامي
متمشيش
ليه
مش عايزاك تمشي
ايوه برضو ليه
فركت صوابعي في بعض
علشان ع علشان
شفقه مش كده
سألني بأبتسامه باهته فهزيت رأسي بنفي
لا عشان ابقي غبيه لو ضيعتك من إيدي المرة دي كمان
انت الوحيد اللي حبتني بجد من غير اي مجهود مني
اتقبلتني بكل العك اللي جوايا وضحيت بجزء منك علشاني كنت مستعد تعوضني لما جيت اتقدمت اول مره بس انا بكل غباء رفضتك ورجعت لزينانا اسفه أني كنت أنانية وقلبي معميلما كنزي قالتلي انك هتمشي حسيت قلبي بيتنفض من الخۏف
انا مش عايزاك تمشي
يا مالك ع ايزاك موجود كليا في حياتي مش جزء منك بس جوايا
ابتسم بذهولعيونه لمعت بالدموع وهو بيسألني بأرتباك
ا أنت متأكده من مشاعرك
متأكده
روان انا قلبي مش حمل خبطات انا مستكفي صدقيني
وانا هعوض قلبك
روان انا بحبك
وانا شكلي هحبك
ياختي بلي ريق الراجل وقوليله بحبك ده ايه الحزن دييييه
قالتها كنزي من ورايا فضحك وانا كمان ضحكت وقتها دخل سمعنا صوت بابا طالع فكنت هطلع اجري بس هو قالي استني
ايه يامالك يابني كل ده بتعمل ايه و….
قطع جملته لما شافني واقفه وملامحه اتغيرت فبلعت ريقي پخوف اما عنه لف لبابا وقال بجدية
عمي انا بحب روان وعايز اتجوزها
وقتها جاله الرد علي صوت زرغوطة ماما فضحك بابا وقاله وهو بيطبطب علي كتفه
مش هلاقي احسن منك لبنتي الف مبروك
بعد مرور سنة
بارك الله لكما وبارك عليكما وجمع بينكما في خير وعلي خير
حضنتني كنزي بفرحة
مبرررروك
رديت بهمس
الله يبارك فيكي يا اختي وسندي ورفيقه الايام الصعبه
قرب مننا وهمس بغيره
الحضن ده المفروض ليا
ابتسمت وقربت منه وحاوطت رقبته وانا بهمس في ودنه
بحبك
حاوط وسطي وسند رأسه علي كتفي
وانا كمان بحبك اوي
حين تخرج من علاقه مکسورةلا تبحث أولا عن شخص يحبكابحث عمن يعيدك الي نفسك
يا متربيه عفه وذوق
تبصي لفوق وايه يعني
ما حقك تبقى باصه لفوق
مادمتي معاكي خدي راحتك
وطيري واجري ف مساحتك
فصوص الماس تراب تحتك
وقلب الناس رصيد مسروق
مابعد سنين من التوهة
ومن قلة أمل خدني
يشاء ربك يعوضني
وتيجي حياتي تمليها امل وحنان
ياأجمل خطوة بابدأها
ياقصة مش مصدقها لحد الآن
بقى انتي يانجمة يا نقيه
يا عاليه ياصعبه ياعصية
بقا انتي تفكري فيا
تمت
توأم_غير_متطابق
إيمان_شلبي