حب ممنوع بقلم منال عباس
_يبنتي أهدى استني ..
_بسرعه يبنتي هنتاخر على الامتحان الساعه عشره الا خمسه..
_حاضر والله انا نفسي انقطع..
_ما انتى السبب اللي مأخرانا لازم يعني تاخرينا والا متكونيش نور..
_اه يعني لو انا اللي مأخرتكيش مين هياخرك عندك حد في حياتك غيرى يا ست جميله..
_المهم يا نور انا لو شوفتك بتغششى حد ولا بتبصي جنبك حتى انتى حره ..
_حاضر والله انتى هتتحولى ولا اي
_طيب يلا قدمى..
جريوا البنتين على القاعه اللي فيها الامتحان..
$تأخير خمس دقائق يا انسه انتى وهى
جميله:ابقى اخصمهم من وقتنا معلش
$اتفضلي يلا كل واحده على مكانها..
نور قعدت وجميله كمان…
كل واحده حلت الامتحان ..
نور وهي بتحل الامتحان..
لقت حد بيخبط علي ضهرها من ورا..
بصت ..
لقته ولد ..
عرفت من نظراته أنه مش عارف يحل حاجه وبيستنجد بيها..
طبعا نور قلبها طيب😂😂
شافته عاوز اي وادته اللي عاوزه ..
وجميله طول الوقت بتبصلها بغيط..
الامتحان خلص والكل خرج من القاعه..
جميله قربت على نور بعصبيه..
_يعني انتى سيبتي الناس كلها وجايه تغششي دا
_دا اللي هوا مين
_انتى معانا في الجامعه بتعملى اي دا احمد أفندى دنجوان الجامعه اللي معلق نص البنات ..للاسف من كتر المشاغبات اللي بيعملها نقلوه هنا علشان ميعرفش يعمل حاجه لكن انتى يا
زفته بدماغك دي ممكن تودي سمعتك في داهيه..
_اي لي أنا عملت اي لكل دا
_مهوا بالنسبه ليا معملتيش لكن بالنسبه ليه انتى وقعتي في غرامه علشان كدا غششتيه وكمان انتى متعرفيش البنات كانت بتبصلك ازاي
_طيب خلاص والله انا مش هغششه تاني بس هوا صعب عليا
_ميصعبش عليكي غالي انا معرفش انتى هنا ولا داريه بنفسك ..
_يعني اعمل اي
_متعمليش يلا علشان نتزفت نروح نشوف اللي ورانا وربنا يستر وابقى اشوفك بتغششيه تاني…
نور روحت البيت وحست انها خلاص سمعتها اتدمرت..
نور من النوع اللي بيخاف من الناس وبيخاف من التعامل معاهم هبله في نفسها كدا بتخاف علي سمعتها من اقل حاجه بتخاف من النظره..حاسه انها ارتكبت ذنب كبير..
قعدت تعيط كتير ..
التليفون رن وكانت جميله
_الو..
_اها منا كنت عارفه انك هتقعدى تعيطي زي الهبله..
_احسن حاجه أن يكون عندك صاحب فاهمك كدا..
_اها يختى مانتى قدري اعمل اي
_في احلى من كدا
_المهم قومي امسحي دموعك وكلى علشان عارفه انك مكلتيش ونامي شويه ومتحطيش في دماغك ولما تصحي رني عليا علشان نشوف اللي ورانا
_حاضر..
_يلا سلام
_جوجو
_نعم
_بحبك يا اجمل صاحبه في الدنيا
_وانا يمـ,ـوت فيكي…
الايام عدت وايام الامتحانات ونور برضو كانت زي الهبله وكل مره بيصعب عليها ..
وكانت كل مره جميله تزعقلها وكانت بتقول مش هعمل كدا تاني وكانت بتعمل برضو وتغششه كانت حاسه ان في حاجه بتجذبها ليه هى مش عارفه اللي بتعمله دا صح ولا غلط اول مره في حياتها تتحط في الموقف دا كانت حاسه ناحيته بالاعجاب بس مقالتش لجميله لأنها عارفه انها هتزعق وهتوبخها…
اخر يوم امتحانات..
احمد خرج وكانت واقفه مع جميله..
_شكرا جدا انا مش عارف من غيرك كنت عملت اي بجد شكرا يا نور..
نور كانت ساكته وقلبها بيدق ..
جميله بصتله بعصبيه..
_انت اي اللي موقفك هنا ومين سمحلك اصلا انت مش خلاص خدت اللي عاوزوا منها برا القاعه مترمش ناحيتها حتى احسن والله هعملك مشاكل..
وخدت ايد نور اللي كانت واقفه مبتتكلمش ومشيت..
احمد بص في أثرهم باستغراب..
*دي مجنونه شكلها ..
واحد صاحبه جه عليه
_مبروك يا حماده عرفت انك كنت مظبط بت في اللجنه من الدحيحه وظبطتك
_عاوز اي يا وائل
_ظبطتها ازاي ها دي ملهاش كلام مع حد خالص وقعتها ازاي
_وقعت اي يبني انا صعبت عليها بس دي محترمه جدا وملهاش في الكلام دا
_امال غششتك لي
_علشان صعبت عليها وفكك منى بقى …
ومشي وسابو..
بدأت كل الجامعه تتكلم على نور وأحمد ..
اللي طلع عليهم انهم ارتبطوا..
وأنهم بيتكلموا مع بعض ..
وأنهم وأنهم كمان بيتقابلوا الكلام بقى كتير حوالين نور لدرجه ان كان في بنات بتقابلها وتسألها وقعتيه ازاي ..
وهى ما عليها غير أنها تعيط وبس وندمت انها في يوم غششت ولد لأن الناس بيطلعوا كلام ويألفوا سيناريوهات على مزاجهم ..
جميله كانت كل مره تقولها انتى السبب ..
نور اتعزلت تماما عن العالم لدرجه انها مبقتش تروح الجامعه ولا بتكلم حد بتعيط وبس حياتها وقفت في المحور دا ولا بتاكل ولا بتشرب ولا بتفتح سوشيال حتى…
جميله كانت ماشيه في الجامعه وأحمد شافها
_لو سمحتى..
_نعم عاوز اي تاني مش كفايه اللي عملته
_والله انا اسف انا مكنش نيتي حاجه من ناحيتها انا عندى استعداد اقف قدامهم كلهم واقول انى مش يكلمها ولا اي حاجه من دي
_انت عارف حالتها عامله ازاي دلوقتي انتوا عزلتوها عن العالم بكلامكوا واسلوبكوا انتوا لي مش بتسيبوا الناس في حالها دا كلو علشان غششتك وانت ولا كنت تعرفها اصلا دا كلو علشان قلبها طيب ومش بتعرف تقول لحد لا لى بتعملوا كدا…
صوتها على ومعظم اللي حواليهم اتجمعوا..
وجميله اتعصبت زياده..
_دا اللي فالحين فيه تقفوا تتفرجوا بس ولما بتصدقوا أن حد محترم اتقال عليه كلمه بجد انتو خساره ان الواحد يبررلكوا..
وسابتهم ومشيت..
واحمد جري وراها..
_طيب أهدى استني ..
_عاوز اي
_عاوزك…
_اي.
#يارا_عبد_السلام.
#البارت_ الثاني
_عاوز اي
_عاوزك…
_اي.
انت اهبل عاوزني ازاي..
_بكل بساطه يجميله انى عاوز اتجوزك علشان بحبك بس
_وانت مفكر اني هقولك خلاص ماشي تعالى اتجوزني انت بتحلم انت اخر واحد ممكن افكر فيه انت مش شايف نفسك
_وانا مالى بقى
_مالك يبني انت مش شايف اللي حواليك ولا شايف انت بتعمل اي ولا كمان عملت اي في صحبتي
_انا عندى استعداد اعملك اللي انتى عوزاه بس وافقي عليا
_قولتلك لا وشيلني من دماغك لانى مش شبهك ولا بطيقك اصلا وأبعد من وشي بقى…
جميله مشيت وأحمد فضل واقف باصص عليها بس بذهول ..
هوا فعلا بيحبها ولا عاوز يتسلى بيها..
اول بنت تقف قدامه وتصده وترفض ترتبط بيه..
لفتت نظره من اول يوم شافها فيه..
جميله راحت لنور البيت..
_ا
زيك يا حبيبتي عامله اي
نور بخنقه_الحمد لله
_مش ناويه تنزلى الجامعه بقى
_سبيني شويه يا جميله هبقى انزل ..
جميله قالت ماشي بقلة حيله نور حست انها مخبيه عنها حاجه
_مالك يا جميله
_مفيش انا هقوم اروح
_استني اتغدى معايا..
_لا مش قادره والله..
_مالك يا جميله متتكلمى هوا انا مش عارفاكى يعني..
_احمد..
نور قلبها دق اووي بمجرد مقالت اسمه..
_ماله..
جميله حكتلها اللي حصل النهارده في الجامعه واللي احمد قالهولها..
نور قلبها وجعها اوووي وحست بالخذلان اووي ..
بس حبت متبينش ليها وقررت انها متقولهاش مع انها كانت ناويه تقولها النهارده بس فات الاوان..
سألتها بترقب:طيب انتى بتحبيه
_لا طبعا مش بحبه انا احب دا لا طبعا..
_متاكده يا جميله انتى مش بتحبيه
_ها
_ها اي
_نور انا لازم امشي
_جميله استني انتى بتهربي لي
_عوزا اي يا نور..
نور وهى بتحاول تتماسك انها متعيطش..
_جميله جاوبيني انتى بتحبيه
جميله بصتلها وعنيها دمعت
_من زمان يا نور من اول يوم شوفته فيه دا اللي خلاني مركزه معاه طول الوقت مكنتش عارفه اقولك ازاي كنت حاسه دائما بالخذلان انى بحب واحد بتاع بنات
_ومقولتليش ليه يا جميله لي
_مجتش فرصه والله اسفه انا عارفه انك هتزعلى لكن انا والله اسفه..
متزعليش ..
_طيب لي قولتيله لا
_علشان انا عارفه انو عاوز يلعب بيا وانتى عارفه انا على اي كويس ..
_طيب هتعملى اي
_هصلحه
_هتصلحيه!
_اه هصلحه علشان يليق بيا ومخافش وانا معاه وكمان مش توافق عليه الا لما احس فعلا انو اتغير وبقي يليق فعلا انو يكون زوج صالح ليا…
_ربنا معاكى يا حبيبتي وان شاء الله هتبقى معاه..
_يارب يا حبيبتي ويرزقك بالشخص اللي يسعدك
_ان شاء الله…
_يلا انا همشي بقى..
جميله مشيت ونور بدأت في البكا معقول تكون اعجبت بواحد صاحبتها بتحبه!
يعني اول شعور ليها واول اعجاب في حياتها تبقى صاحبتها بتحبه!
عيطت اووي وفضلت انها تدعى ربنا يشيله من قلبها وفضلت تستغفر ربنا كتير وقررت انها تنزل الجامعه ومش هتنتبه تاني لكلام اي حد وهتلتفت لدراستها وتبقى معيده زي ما ابوها كان عاوز وفضلت انها تترحم عليه وفتكرت امها اللي سابتها وراحت اتجوزت ومبتسألش عنها إلا كل شهر مره ودا إذا افتكرتها حتى أهلها مش بيسألوا عليها …
افتكرت لما كانت عايشه في بيت جدها مع باباها ومامتها واعمامها وولادهم وكانت بنحبهم جدا علشان هى وحيده بس بسبب مشاكل كتير حصلت ابوها خدهم وسافروا على هنا في القاهره ..
من كتر التفكير تعبت ونامت..
صحيت الصبح ولبست ونزلت الكليه بعد مكلمت جميله انها هتروح الكليه وجميله فرحت جدا..
كانت ماشيه كالعاده دماغها في الأرض مش بتبص لاي حد ..
لحد مخبطت في واحد…
بصتله..
نور من النوع اللي لما بتتحط في اي موقف فاجأه مبتعرفش تتكلم وبتفضل ساكته ياما تعيط..
لما بصتله اتفاجأت بيه ..
وقالت اسمه..
_فارس…
يصلها باستغراب انها عارفاه .
و….
#يارا_عبد_السلام
#البارت_الثالث
#..
لما بصتله اتفاجأت بيه ..
وقالت اسمه..
_فارس…
يصلها باستغراب انها عارفاه .
_انتى عارفاني..
_ايوا انا نور بنت عمك مش فاكرني..
نور كأنها لقت طوق النجاة من العالم دا..
بس اتفاجأت برده
_يعني عوزا اي يعني..
_عوزا اي!؟
هوا مش انت فارس ابن عمى محمد
فارس كان بيكلمها بكل برود
_ايوا نعم يعني
_لا مفيش حاجه..
نور حست أن قلبها اتكسر حتى أهلها مش متقبلنا ابن عمها كلمها بكل برود كأنها بتشحت منه..
مشيت وهى للمرة المليون تحس فيها من الخذلان من العالم دا …
قابلت جميله
_عامله اي يا نور
_الحمد لله..
_مالك
_مفيش علينا محاضرات اي النهارده
_علينا محاضره بعد نص ساعه بس بيقولو انو دكتور جديد ربنا يستر
_يارب..
قعدوا استنوا واتكلموا شويه ..
وكل اللي رايح واللى جاي يبص لنور ..
لحد ما نور زهقت وقالت لجميله..يدخلوا المدرج يستنوا الدكتور احسن ..
جميله حست انها زهقانه ولاحظت نظرات الناس ليها..
خدتها ودخلوا المدرج..
وقعدوا استنوا..
نور نامت على البنج علشان متشوفش نظراتهم ليها..
لدرجه انها سرحت في النوم ومحستش باللي حواليها الا والدكتور بيزعق..
قامت وانتفضت من مكانها واتفاجئت لما شافت فارس واقف وهوا الدكتور ..
_انتى لسه اول محاضره وجايه تنامى هنا نامي في بيتكم احسن..
_حاضر..
فارس اتفاجأ من ردها معقول هى دي نور اللي كانت بترد على اي حد يضايقها!حب انو يضايقها اكتر..
_اتفضلي يا انسه اخرجي برا روحي نامي في بيتكوا..
نور خدت حاجتها وبكل هدوء خرجت برا ..وقعدت على السلم ..
وحطت راسها على رجلها..وعيطت شويه..
ومرت ساعه وهي قاعده كدا والمحاضره خلصت والكل بدأ يخرج وجميله قربت عليها..
_هوا عمل معاكى كدا لي اشمعنا انتى دا في ناس دخلت بعديه معملش كدا.
_عادى بقى يا جميله ..انا هروح علشان تعبانه شويه
_ماشي يحبيبتي وابقى طمنيني
_حاضر..
نور خرجت من الجامعه..
وواحد اعترض طريقها..
بصتله..
_على فكره انا احسن منه
_نعم!
_ممكن تسيبك منو خالص وتبقى معايا أنا مش هفضحك زي ماهوا عامل كدا
وهوب نور ضربته على وشه بالقلم..
وهوا اتعصب..
_بقى انتى تضربيني يا**”
لقي اللي بيضربه بالبوكس في وشه ووقعه على الأرض .
نور بصت لقته فارس..
نور عيطت من اللي بيحصل يا تري الناس هتقول عليها اي تاني..
فارس جالها..خدها من ايديها..
_تعالى..
وخدها ناحية العربيه ونور مش عوزا تروح معاه ..
_عاوز مني اي انت كمان..
_فين بيتك
_مش هقولك
_نور انا عفاريت الدنيا بتتنطط في وشى اخلصي اركبي.
_لا مش هركب انت مين انت ..
_انا ابن عمك
_والله امال مين اللي أنكر الصبح..
_نور!..
قالها بعصبيه .اركبي يلا
نور اتخضت من عصبيته وركبت وهوا ركب..
ومشي..
_فين بيتك
_وانت مالك
_طيب..
فضل ماشي بالعربيه في شوارع عشوائيه..
نور حست انو هيتوهها..
اتنهدت بتعب ..
_خلاص هقولك
_تمام..
وقالتله ووصلها.البيت ..
نور نزلت من العربيه وطلعت البيت وهوا وقف يبص عليها بحزن مش عارف هى وراها اي ولى بيحصل كل دا والولد دا كان عاوز منها اي ومين اللي هوا احسن منه!!
*ياتري وراكى اي يا نور…
جميله كانت ماشيه وسمعت البنات وهم بيتكلموا ويضحكوا
_شوفتي حتى الدكتور معتقتهوش ووقعته..
_ههههههههه شوفتي اتخانق عليها ازاي ويعيني ضرب عمروا اووي
_بس سيبك انتى الواد مزززز انا مش عارفه بيحبوها ولا بتوقعهم ازاي دي
_دي طلعت سهنه ميه من تحت تبن وكانت عامله فيها محترمه قال هتلاقيها كانت بتطلع من الاوائل يتظبط الدكاتره ولا حاجه
_ههههههه عندك حق..
جميله عرفت انهم بيتكلموا على نور
قربت منهم
_انتو مش هتبطلوا اللي بتعملوه دا
_بنعمل اي صحبتك اللي مدوراها انتي شكلك غلبانه متعرفيش حاجه
_اعرف اي..
وحكولها اللي حصل
_انتو كدابين
_روحى. اسالي اي حد في الجامعه والبت بكل بجاحه ركبت معاه العربيه عادى
جميله سابتهم ومشيت..
احمد وقف قدامها
_عاوز اي
_انتى لي بتعملى معايا كدا
_لو سمحت امشي من قدامى مش كفايه اللي عملته في صاحبتي خليت اللي يسوا واللي ميسواش يتكلم عليها انت مفكر كل البنات لعبه في ايديك
_بس انا بحبك يا جميله
_وانا بكرهك
وجايه تسيبه وتمشي..
مسك أيدها يوقفها..
وهوب لقى القلم على وشه..
و…..
#يارا_عبد_السلام
#البارت_الرابع
#ما_في_قلبي
وجايه تسيبه وتمشي..
مسك أيدها يوقفها..
وهوب لقى القلم على وشه..
جميله وهى متعصبه:علشان تبقى تمسك ايدي كويس انا مش من اللمامه اللي تعرفهم..اعرف حدودك معايا كويس..
وسابته ومشيت وهى قلبها بيدق مش متخيله انها ممكن تضربه أو تقف قدامه كدا كان كل طموحها انها تحبه من بعيد بس ميحصلش اللي بيحصل دا…
_تاكس..
ركبت وراحت بيت نور..
طلعت خبطت..
كانت نور قاعده زعلانه على حالها ..
فتحت الباب ولقت جميله..
_اي اللي حصل قدام الجامعه يا نور وانتى فعلا تعرفي الدكتور فارس وركبتي معاه العربيه
_جميله في اي أهدى
جميله وهي بتحاول تتماسك:انا هاديه اهو قوليلي بقى تعرفيه ازاي
نور وهي الدموع في عينيها:للاسف فارس يبقى ابن عمى
جميله بتفاجئ:ازاي
_اه ابن عمى
وحكتلها كل اللي حصل..
_ازاي يعاملك كدا دانتى بنت عمه ليكي حق عليه
_مهو بسبب المشاكل اللي حصلت زمان جينا هنا انا وبابا وماما وانتى عارفه أن ماما اتجوزت بعد مـ,ـوت بابا وسابتني هنا لوحدى..
نور بدأت تعيط..
_وكمان انتى عارفه أن مليش غيرك فبلاش تسمعى كلام الناس وتقفى جنبي انا مليش حد غيرك لولا أنك معايا مكنتش هلاقي حد يسال عليا ولا يجيلي ولا ياخد باله منى ولا كنت هفرق مع حد اصلا ..
ابن عمى النهارده أنكر وجودي بس يشكر والله على حركة الجدعنه اللي عملها معايا دي..
جميله قربت منها وخدتها في حضنها وعيطوا سوا جميله كمان كانت مخنوقه ..
_انا اسفه يا نور
_متتأسفيش انا عارفه أن مش قصدك
_نور كفايه عياط بقى انا كدا هنهار
_طيب متيجي ننهار سوا ونطلب ماك
جميله بصتلها باستغراب
_بت انتى مش كنتي بتعيطي
_يعني امـ,ـوت يعني ماكلش هوا العياط هيمنعني اكل ناكل وتبقي نعيط علشان يبقى عندنا طاقه
_عندك حق
_يلا نطلب
_يلا…
“الصاحب اللي خرجك من كأبتك وحزنك رزق✨والصاحب الجدع رزق✨والصاحب اللي معاك عالحلوة والمره رزق✨واللي يصدقك مهما كذبوك الناس ✨هوا دا الصاحب الحقيقي ❤️”
فارس روح البيت وكان مخنوق ومش طايق نفسه حس أن اللي عمله غلط وانو كان لازم يكلمها أو عالاقل يحسسها انو موجود وان ليها ضهر وسند …
*انا طول عمري غبي غبي دائما بضيعها من ايدي كدا..
_هي مين دي..
كان صوت اخوه من وراه
_انت اي جابك بدري كدا
_احم قولت اجى اتغدا معاك هوا انت مش اخويا برضو
_اخوك طيب غور يا احمد من قدامى..
_حاضر..
_استنى عندك
_اي
_هي صوابع مين اللي معلمه على وشك دي
احمد اتوتر:اا دا انا اتخبطت
_اتخبطت ولا عاكست واحده وروقتك..انا مش فاهم اي اللي خلاني اسمع كلامك واجى هنا..
_متروق كدا وتعالى احكيلي عملت اي مع نور
_نور دي عامله زيك بالظبط حماره وغبيه وبتوقع نفسها في مشاكل ..
_وانا اعمل اي انا اتفاجئت والله انها بنت عمى وكمان مكنش في نيتي حاجه ناحيتها دا كلو علشان غششتني
_مش بقولك حماره وغبيه..
_بس عسل
فارس بعصبيه:احمد!
_خلاص والله اسف..
ماهوا انت عصبيتك دي اللي هتطير منك البت
فارس:ملكش دعوة وروح شوف مين اللي عملت فيك كدا انا مش عارف انت طالع لمين كدا
احمد وهوا بيحسس مكان القلم اللي خده من جميله:شكلى هقع في البت دي يا ابو الفوارس والله بت شرسه..
_ابو الفوارس وشرسه دانت اخلاقك صفر والله انا بحييها البت دي جدعه..
_مهى دي صاحبة نور ..
_نعم!
احمد ببلاهه:اي يعني انت عاوز انت لوحدك وانا لا عالاقل ناخدهم الاتنين أصحاب احسن ميبقوا سلايف ويقلبوا سلاحف .
_ولا انا زهقت منك غور من وشي احسن والله اتصل بابوك اقولوا عاللي بتعمله هنا..
_خلاص والله حاضر انا هدخل انام
_غور..
فارس دخل الأوضه بتاعته.افتكر كل حاجه حصلت والمشاكل اللي كانت السبب في بعد نور عنه طول عمره كان بيحبها وكان مستني الوقت المناسب لما تخلص ثانوى ويخطبها بس اللي حصل كان خارج كل التوقعات..
*بااااااااااااااااااك…
كان فارس قاعد مع جده ولقى مرات عمه جايه جري وبتترعش وهدومها مقطعه كأن حد ضاربها عمه
جده قام اتفزع ..
_في اي يا لبنه
_الحقني يا حج محمد ابنك اخو جوزي اتهجم عليا في شقتي وانا لوحدي واقولو اخوك مش هنا يقوم زاققنى وداخل ويبهدلني ويحاول….
رد عليها جده بعدم تصديق_انتى اتخبلتى ولا اي ابني محمد ميعملش كدا خالص انتى مجنونه وعوزا العباسيه محمد دا سيدك وتاج راسك انت مفكره انك لما توقعيه انى هطرده من هنا لا دا بعينك
في الوقت دا جه محمد
الجد :انت عملت كدا يا محمد..
_انا…
_انطق..
لبنه لمحت عبدالله جاي من بعيد وبدأت في اسطوانة عياط بتمثيل..
_انا هستنى جوزي يجيبلي حقى انا عوزا امشي من هنا ابنك اتهجم عليا وانت مش مصدقني ..
عبد الله جه وشافها بالمنظر دا ..
كل دا تحت نظرات فارس ليها وقد اي هوا مستحقرها
عبد الله بخضه:مين اللي عمل فيكي كدا يا لبنه
لبنه بعياط:اخوك يا خويا تتهجم عليا ضرب وابوك مش مصدقني
عبد الله اتعصب وكان قائم يضرب محمد
جده وقف قدامه
_عبد الله انت قدامك خيارين يا اما تطلق الست دي يا اما تاخدها ومشوفش وشك هنا تاني..
_يا با
_مفيش زفت اختار ..
_حاضر يا با..
عبد الله قوم لبنه وخدها وطلعوا ونور جت من المدرسه..
فارس قلبه وجعه لما شافها كان عارف أن عمه هيسمع كلام مراته ويمشي ويحرمه منها..
وفعلا مشيوا ومن وقتها فارس مشافهاش
___________
فارس رجع بالذاكرة..
*انا عارف أن الدنيا كلها هتبقى ضدنا وضدي واولهم ابويا .
بس انا متاكد ان نور مش لبنه نور مختلفه انا عارف ..
نور دخلت الجامعه والكل عينه عليها بقت حاسه نفسها متراقبه من كل الناس..
راحت ناحية مكتب العميد..
_عوزا ادخل للعميد لو سمحت
_طيب ثواني
اذنلها بالدخول..
_صباح الخير
_صباح الخير
_لو سمحت انا كنت عوزا انقل ورقي في جامعه تانيه..
#يارا_عبد_السلام
#البارت_الخامس
_صباح الخير
_صباح الخير
_لو سمحت انا كنت عوزا انقل ورقي في جامعه تانيه..
المعيد باستفهام:انتي اسمك اي
_اسمي نور عبد الله المغربي
_اه التانيه عالدفعه كل سنه لي يبنتي تنقلي وتضيعي مجهودك انتى ناقصلك ترم وتخلصي الكليه خالص وتتخرجي وممكن تبقى دكتور هنا
_لا لو سمحت انا عوزا انقل مش عوزا اكمل في الجامعه دي
فارس جه من وراها:وانتى مش هتسيبي الجامعه يا نور
نور بعصبيه:وانت مالك انت
العميد:نور دا يبقى الدكتور بتاعك واكيد ليه وجهة نظر حرام تضيعي مستقبلك كدا انتى من الناس المتفوقه
نور بدموع:قصدك كنت وكنت فحالى بس الناس مبتسبش حد في حاله الا لما تفضل تأذي فيه ..
فارس:عن اذن حضرتك ممكن أخدها بس اتكلم معاها شويه
_ماشي اتمني يا بنتي متضيعيش مستقبلك علشان حد ..مفيش اي حد في الدنيا يستاهل انك تهربي علشانوا ولا تسيبي المكان اللي هوا مستقبلك علشان ترضيه اي حد بيتكلم عليكي أو بيكرهك دا علشان هوا عارف انك احسن منو ..
نور بصتله وهى عارفه ومتاكده أن كلامه كلو صح خرجت من المكتب وفارس وراها..
_انتى لي عوزا تهربي لى عوزا تبعدي..
نور مردتش عليه ومشيت..
مشي وراها
فارس وهوا بيوقفها:استني انا بكلمك
نور بصوت عالي ونرفزه:ارجوك متتكلمش معايا انا مخصكش علشان تخاف عليا ولا انت بالنسبه ليا حاجه علشان اسمع كلامك انت بالنسبه ليا ولا حاجه انت كنت مجرد ابن عمى وانت نفسك أنكرت دا فأرجوك ابعد عنى مش عوزا اشوفك كفايه كفايه كدا..
فارس بصلها بكسره وهوا حاسس بكل كلمه بتقولها وكل كلمه بتقولها بتعمل شرخ في قلبه اكبر هوا بيعترف انو غلط بس هوا بيحبها مكنش يتخيل في يوم انو يشوفها ويسمع منها الكلام دا بس عندها حق لانه سبقها وعمل كدا..
تقريبا نص الجامعه اتجمعت حواليهم..
والبنات بدأوا في التنمر عليها وبدأوا يتوقعوا اللي حصل..
احمد جه..
وقرب من فارس
احمد باستفهام:في اي يا فارس..
نور باستهزاء:اقولك انا يا استاذ احمد اللي انت السبب في كل اللي بيحصلي دا انا عملت اي فيك علشان تعمل فيا كدا انا عملت اي علشان اشوف النظرات دي في عيون الناس دي الناس اللي بتأذي من غير متعرف الحقيقه…
احمد وهوا بيحاول يسيطر على كم الغضب اللي هى فيه:طيب ممكن تهدى انا عاوز اقولك واقولهم كلهم انى اخو فارس وفارس وانا نبقى ولاد عمك وانا والله مكنش في اي حاجه في نيتي تجاهك وربنا اللي يعلم..
كلهم اتفاجئوا بالكلام اللي احمد قالوا وأحمد على صوتوا اكتر
..في الوقت دا جميله جت واتفاجئت بالكلام واللي احمد بيقولوا واللي بيحصل وجريت على نور وقفت جنبها وبتحاول تهديها وخدتها في حضنها…
احمد بص لجميله وحب أنه يأكد كلامه تاني..
_ايوا انا ابقى ابن عم نور وعاوز اقولكوا حاجه كمان انا ابقى اخوها في الرضاعه
جميله اتفاجئت وكمان نور اللي عمرها متعرف حاجه زي دي ..
دلوقتى اتأكدت المشاعر اللي كانت من ناحيتها لاحمد كانت اي كانت مشاعر اخوه حب إخوى فعلا ودلوقتي برضو عرفت هي استسلمت لى لما جميله قالتلها أنها بتحب احمد…
فاقت من سراحانها علي صوت احمد وهوا بيكمل.
شوفتوا بقى نظراتكوا اتغيرت ازاي شوفتوا دلوقتي بقى تقدروا تروحوا تكملوا تنمر في حته تانيه وكمان انا ممكن اجيبلكوا شهادات ميلادنا واعلقها في الجامعه كلها علشان تتأكدوا..
فارس خد نور من ايديها وهى على زهولها..
*معقول انا كنت هحب اخويا..
دا الكلام اللي قالته نور في بالها وفاقت على ذهولها..
على صوت فارس
فارس بعصبيه:عاجبك اللي عملتيه دا
نور بتحدي:وانت مالك انت هوا انا اخصك وبعدين انا واقفه معاك لي وبصت لجميله
_يلا يا جميله..
جميله بصت لاحمد وهوا يصلها وابتسم
بصتله هى بقرف ومشيت..
احمد لفارس:الحمد لله انا وانت محدش طايقنا اخوات بصحيح..
فارس بصله بعصبيه
_خلاص انا اسف والله مش قصدي بس احنا شكلنا وحش اووي انت شوفت جميله بصتلي ازاي
_ونور مش طايقاني
_طيب انا عارف جميله مش طايقاني لي إنما انت بقى نور مش طايقاك لي
فارس بصله ..
_اه عرفت علشان انت دبش ومبتعرفش تتعامل طالما انت مش قد الحب بتحب لي ..
_احمد !غور من وشي
_طيب سؤال بس
_اي
_هتكلمه امتى..
_خلاص جه الوقت ..
نور بعد العشا صلت وقعدت تقرا قران شويه لقت الباب بيخبط..
اتفزعت ..
انها لوحدها في الشقه ومفيش حد بيجيلها في الوقت دا..
قامت وقفت ورا الباب..
_مين ..
_انا جدك يا نور..
_اي…!
#يارا_عبد_السلام
#البارت_السادس
#ط
_افتحى يا نور انا جدك
نور اتصدمت جدها ازاي وعرف مكانها منين ولسه جاي يفتكرها..
نور فتحت الباب بترقب ..
عرفت انو جدها فعلا لسه زي ما هوا الهيبه ملياه رغم كبر سنه ..
نور دمعت واترمت في حضنه من غير متحس عيطت..
جدها نسخه تانيه من باباها..
_وحشتني اووي يا جدى
_وانتى كمان يا قلب جدك انا اسف انى سبتك السنين دي كلها بس كنت بدور عليكي يا عيوني
نور وهي بتتشحتف:انا كنت لوحدي يا جدو بقالي سنتين من مـ,ـوت بابا وانا لوحدي وامى سابتني واتجوزت..
الجد بغضب:امك طول عمرها شايفه نفسها وياما نصحت ابوكي ميتجوزهاش وهوا اللي صمم لحد ما رمتك انتى وشافت نفسها بعد مـ,ـوته .
نور وهي بتعيط اكتر:انا طول عمري كنت حاسه انها مش امى اكيد مفيش ام هتعمل مع بنتها كدا وهتسيبها..انا بقالي اكتر من سنتين عايشه لوحدي ومليش حد والدنيا عماله تيجي عليا والناس مش سايباني في حالى انا لولا أن الجيران عارفني وانا متربيه معاهم مكنتش زمانى عايشه هنا ..
الجد بحنان زائد:أهدى يا عيوني انا اسف انا زمان اللي سمحت لابوكي ياخدك معاه هوا وامك بعد اللي حصل انا مكنتش عاوز كدا كنت عاوزوا يطلقها..
نور باستفهام :اي اللي حصل..
الجد :مفيش يا بنتي كانت مشاكل في الورث
_زي ما بابا قالي..
_ايوا يا حبيبتي..
الجد:يلا تعالى معايا
_على فين
_هاخدك معايا تعيشي معانا..
_وكليتي وحياتى اللي هنا
_ولاد عمك معاكى..
نور بنفور:لا انا مش همشي مع العيال دي في حته..
فارس وهوا واقف عالباب:لي يختي مالهم العيال دي ..
نور بغل:انت بالذات تخرص خالص انا بكرهك
احمد وهوا بيبربش عينيه برومانسية:طيب وانا يا نور بتحبيني صح..
_انت اللي غافرلك انك اخويا بس .
الجد باستفهام:اخو مين
نور باستغراب:اخو احمد في الرضاعه هوا اللي قالي كدا النهارده..
الجد وهوا بيبص لاحمد :ودا حصل امتى يا احمد بالاسلكي ولا اي..
احمد:امال كنت اطلعك من اللي كنتي فيه ازاي ما لازم عالاقل اطلع اخوكي..
نور بغل وغيظ:انا بكرهكوا انتو اللي اتنين يعني رخمين وكدابين..
فارس قرب منها :على فكره يا نور انتى اتعديتي حدودك
نور:براحتى.
فارس:لا مش براحتك انا لصبري حدود انا جاى هنا علشان جدي مش علشان جمال عيونك ..
نور:على اساس انك فتان وانا واقعه في دباديبك
فارس بثقه:ومتقعيش لي
_اصلي مش ببص لحاجه كلو باصص فيها ..
_عرفتي بقى انى جذاب ولا اقاوم
نور بعصبيه:جدو مشيهم من هنا مش طايقاهم
الجد:نور عيب دول ولاد عمك مهما حصل
_حصرتك متعرفش عملوا فيا اي
_عارف كل حاجه بس انتى اللي غلطانه..
_انا اللي غلطانه لي
الجد قرب من احمد ومسكوا من ودانوا
_حد قالك تغششي واحد فاشل زي دا شغلته البنات كنتي سيبيه يسقط
_المشكله انو صعب عليا وانا قلبي طيب
احمد:ومتنكريش انى حليوة برضو ودا سبب انك تغشيشيني..
فارس بص لاحمد بصه خلته يسكت نهائي..
وتتراجع
_احم انا بجد اسف يا نور انتى عارفه انى مليش ذنب انتى الوحيده اللي في الجامعه اللي يحترمها انتى وجميله البت القمر صحبتك دي اللي انتى المفروض بقيتي بنت عمى تظبتيني معاها
_علشان تلعب بيها زي مبتلعب بمشاعر البنات التانيه..
فارس شاف ف عينيها حزن حس انها كانت هتحب احمد ..
قلبه وجعه واتنهد..
*انتى اكيد ملكي انا يا نور..
قالها في سره وهوا بيبص عليها…
الجد:يلا بقى يا نور البسي وتعالي معايا دا عمك ومرات عمك لما يشوفوكى هيفرحوا اووي واسراء بنت عمك مستنياكى..
_حاضر يا جدو علشان خاطرك بس..
وبصت لفارس بغيظ ودخلت..
وجهزت حاجتها وجابت صور باباها وكل حاجه متعلقه بيه وبيها نور كانت متعلقه بباباها اوووي لدرجه انها احتفظت بكل حاجه ليه…
خرجت وهى زعلانه
الجد:زعلانه لي
_علشان هسيب البيت اللي بابا مات فيه هيوحشني اوووي
_يستي كل شهر كدا ابقى اجى معاكي نقعد مع بعض سوا ابوكي واحشني اووي يا نور
_انت كمان كنت بتوحشه كان دائما بيحكيلي عنك وبيوريني صوركوا كان زعلان اووي أننا سيبنا البيت مش عارفه اي كان السبب ..
انا كنت بحبكوا اووي..
فارس اتأثر وحس انها هتعيط تاني فحب ينكشها علشان متعيطش لانه مش بيستحمل يشوف دموعها..
_علي فكره احنا واقفين مش مضايفانا ولا قولتيلي يا ابن عمى اعملك قهوة ولا حاجه
نور:طفحتها يا بعيد
فارس:شكرا يا ستى خليكي طولى في لسانك لحد مقطعهولك
_براحتى
_انا محترم جدى بس
_طيب وريني نفسك
الجد بعصبيه:بسسس كفايه انتو مبتزهقوش انتو الاتنين اتفضل يا فارس انت واحمد خدو منها الشنط وحطوها في العربيه ..
_حاضر..
نزلوا ونور نزلت مع جدها ..
عدى حوالى ساعتين في الطريق ونور طول الطريق باصه لفارس من المرايه بغل وهوا بيضحك على طفولتها دي ..
وصلو البيت كانت الساعه بليل حوالى ١١..
_ادخلى يا نور .نورتي بيتك يا حبيبة جدو
_بنورك يا جدو..
دخلو وكان في راجل وست وبنوته قاعدين مستنينها..
_نور بنت اخوك يا محمد
محمد قام وقرب منها ..
وخدها في حضنه
_ازيك يا بنتي عامله اي..
_الله يسلمك يا عمى وحشتني ووحشني حضنك ولعبك معايا..
_انتى اكتر يا روحي..
والست اللي كانت قاعده ..
قامت وخدتها فى حضنها
_طول عمرك قمر يا نور ربنا يحفظك يا بنتي ..
_ربنا يخليكي يا طنط انا فاكره لما كنتى بتاخديني عندك وتفضلي تأكليني وتقوليلي كلى انتى هفتانه وماما كانت بتضربني لما تشوفني عندك ومع ذالك كنت بحبك..
_يا روحي وانا كمان بحبك..
اسراء بلطافهه:انا اسراء في تانيه ثانوى فاشله على الله..
نور:هههههههه اكيد طالعه لاخوكي احمد
اسراء:عرفتي منين
احمد وهوا بيلطف الجو:اصلي بغش منها في الامتحانات يا اسراء مش لازم تستفسري احنا لما صدقنا هتنسى..
نور :ومين قالك اني هنسى يا فاشل انت .
فارس:شكلك هتحصليه لما تروحي بكرا الجامعه متأخر وانا عليكي اول محاضره..
نور بصتله:ومين قالك انى هحضرلك اصلا انا بكرا إجازة
_طيب اي رايك بقى أن بكرا هحط درجات اعمال السنه وهتبقى عالغياب وشوفي بقى اي هيحصل..
وسابها وطلع…
احمد طلع جري :انا هنام علشان الحق محاضرة دراكولا دا..
نور :فين الاوضه اللي هنام فيها
_خديها يا اسراء..
طلعت اسراء وريتها الاوضه ونزلت ونور دخلت وحطت شنطها ونامت على السرير ..
بعد ساعتين
سمعت صوت تخبيط في الاوضه اللي جنبها خافت..
قامت وخرجت من الأوضه..
وقفت قدام الاوضه اللي جنبها…
فتحتها وبصت منها بهدوء..
وفجأة لقت اللي بيسحبها لجوا..
و….
#يارا_عبد_السلام
#البارت_السابع
سمعت صوت تخبيط في الاوضه اللي جنبها خافت..
قامت وخرجت من الأوضه..
وقفت قدام الاوضه اللي جنبها…
فتحتها وبصت منها بهدوء..
وفجأة لقت اللي بيسحبها لجوا..
لسه هتصوت لقت اللي بيحط أيده على بقها..
بصتله بعصبيه وهى عوزاه يبعد عنها بس مش عارفه تتكلم من أيده دي…
فارس :هشيل ايدي بس متصوتيش
هزت راسها بماشي..
شال أيده بهدوء وهوا باصص في عينيها وسرحان فيهم قامت نور عضته من أيده..
_اااه انتى مجنونه..
_اي اللي انت عملته دا
_وانتى اي اللي جابك هنا ومين سمحلك تفتحى الباب اصلا
نور بارتباك.:انا انا سمعت صوت تخبيط افتكرت في حاجه ولا خطر انا متعوده على كدا وكمان نومي خفيف..
فارس عرف انها بسبب أنها عاشت لوحدها بقت تخلي بالها وبتنام نوم خفيف …
_طيب..اتفضلي اخرجي
_حاضر..
نور كانت حاسه ان قلبها هيقف بسبب قربه منها اول مره تحس الاحساس دا واول مره تتحط في الموقف دا..
_هتفضلي متنحه كتير عارف انى حلو بلبس البيت والبرموده
نور بصتله بغيظ وجايه تخرج…
بصت ناحية المرايه كان في صور عليها معظمها متغطي بالصور..
_هوا في حد بيحط الصور كدا
_وانتى مالك هى كانت اوضتك..
نور باستفهام :طيب هى صور مين دي يا جن احسن انزل افضحك في البيت كله واقول انك بتجيب ستات هنا..
_ستات اي دي
_اللي في الصور..استنى هروح أشوفها..
لسه جايه تقرب علشان تشوف ملامح اللي في الصور
فارس شدها ناحيته..
_تعالى هنا رايحه فين..
نور بارتباك:من فضلك ابعد
_طيب اي رايك انا ممكن اصحيهم كلهم دلوقتي واقولهم انك دخلتى الأوضه بتاعتي يا تري منظرك هيبقى عامل ازاي ..
_ااااااا انت قليل الادب..
_اي قليل اي
نور خلاص كانت هتعيط:انا انا اسفه ممكن تسيبني عوزا اخرج..
فارس قلبه وجعه لما شاف الدموع في عينيها..
وقال
_انا اسف ..
نور بصتله بتفاجئ مكنتش تتوقع أن واحد زي فارس ممكن يعتذر
_ها
فارس بعد عنها فاجأه.
_ممكن تخرجي بقى..
نور بصت في الأرض وخرجت وهى محروجه من اللي عملته وندمت انها خرجت من أوضتها
دخلت اوضتها وحاولت تنام تاني بس مش عارفه تسيطر على كمية المشاعر اللي حست بيها تجاهه ..
*انا مش عارفه اي حصلي لما كلمته انا حاسه بحاجه غريبه اول مره تحصلي انا بقول اني كنت معجبه باحمد بس انا محستش الاحساس دا تجاهه..
حسست على المكان اللي فيه قلبها..
*يا تري اي هيحصلك انت كمان مش كفايه انا متدمره ارجوك حافظ على نفسك ومتحبش حد ممكن ميكنش ليك ..
اختار الشخص الصح…
وراحت في النوم وصحيت على صوت اسراء وهي بتخبط على بابها علشان تصحيها..
_نور نور
نور صحيت بارهاق
_نعم
_اصحي يلا عشان أبيه فارس وأحمد مستنينك تحت علشان الكليه ..
نور اتخضت وقامت مفزوعه
_الكليه حاضر..
قامت جري ودخلت الحمام واتوضت وصلت ولبست ونزلت..
نور وهي يتحضن جدها:صباح الخير يا اجمل جدو في الدنيا
_صباح الفل على عيونك يا روح قلب جدو..
فارس بغيره :مش يلا بقى علشان نمشي على فكره المحاضره الساعه ٩
نور وهى بتبصله بابتسامه صفرا:حاضر ..
_عاوز حاجه يا جدو
_سلامتك يا قلب جدو
ووجه كلامه لاحمد وفارس
خلو بالكو منها..
احمد:متقلقش عليها يا جدو في عنينا..
فارس قرب منو وهمسله:طيب لم عينيك علشان مصفيهاش..
احمد بخوف:في عين فارس بس ..
الجد ضحك لانه عارف أن فارس بيحب نور لأن اسراره كلها معاه من صغره ..
_طيب روحي يا نور استنيهم في العربيه وخدي الفطار معاكي كليه في الطريق
_لا يا جدو مش باكل دلوقتي
_نور..
_حاضر يا جدو..
نور خرجت وركبت العربيه استنى..
الجد:ناوي تعترف امتى يا فارس
فارس باستفهام:اعترف على اي
_انت هنستعبط يلا
احمد بمرح:جدك قصده ناوي تكتب الكتاب وتعلى الجواب امتى يا برنس..
فارس بلامبالاه:مش دلوقتي لسه ملقتش البنت المناسبه
الجد:اممممم ماشي يا فارس ..
يلا امشو…
فارس استغرب من رد فعل جده ..
بس تمام ومشي ..
ركبوا العربيه وطول الطريق هوا ونور ناقر ونقير ومش طايقين بعض..
وصلوا الجامعه والكل مستغربش لما شافها جايه معاهم اللي هوا عادي بنت عمهم
ومكنش عادي لما اتكلمتوا عليها!!!!
نور قابلت جميله ودخلوا المحاضره بتاعت فارس
واحمد طول المحاضره عينه منزلتش من على جميله ممكن كان في الاول عاوز يلعب بيها بس دلوقتي حاسس انو بيحبها بجد وهى طول المحاضره بتبصله بلا مبالاة .
المحاضره خلصت ..
_جميله عاوز اتكلم معاكى..
نور كانت واقفه
_طيب امشي انا
احمد:لا استني يا نور
_جميله انا بحبك انا مش خايف وانا بقولهالك
_وانا مش هوافق عليك طول مانت كدا يا احمد عن اذنك
يلا يا جميله..
احمد وقفها
_طيب بتحبيني طيب انا عندى استعداد اعملك اللي انتى عوزاه
جميله بصت لنور ونور هزت راسها بأه..
جميله ابتسمت وخدت نور ومشيت
_وانا كمان بحبك والله ومن النهارده هتشوفي واحد تاني..
نور نزلت واستنت احمد وفارس علشان تمشي معاهم..
وجهم ومشيوا وطول الطريق نور وأحمد بيتكلموا ويضحكوا على سبيل أن علاقتهم وتحسنت وخلاص جميله بقت تحبه وهوا هيغير..
وفارس هيفرقع من الغيظ ..
وصلو البيت ودخلوا وكان الجد قاعد مستنيهم..
الجد :كويس انكوا جيتوا..
_فى حاجه يا جدي.
_اها اصل انا في حاجه كدا كنت بتكلم مع ابوكوا فيها وهوا وافق وعاوز اخد رايكوا..
نور كانت جايه تطلع..
الجد :استني يا نور انتى مش غريبه وكمان الموضوع يخصك
فارس:يخصها ازاي
الجد بتحدي لفارس:انا قررت انى اجوز نور لاحمد…
فارس وأحمد ونور في صوت واحد:اي!!
ويتبع…
#يارا_عبد_السلام
#البارت_الثامن
_انا قررت انى اجوز نور لاحمد
_فارس ونور وأحمد بصدمه:اي..
نور :لا يجدو مينفعش انا وأحمد اخوات مش اكتر..
احمد بتأكيد:ايوا يا جدو انا مبحبهاش
فارس لسه على صدمته وباصص لجده بس اللي هوا عارف انو بيعمل كدا علشان يخليه يخرج عن شعوره ويعترف ..
الجد بحزم:انا قولت اللي عندي والخطوبه بتاعتكوا الخميس اللي جاى ..
نور:بس يا جدي..انا..
الجد:خلاص يا نور انا قولت اللي عندى..
احمد :طيب خد رأينا مش كدا
الجد:احمد انا قولت اللي عندى ومتخلنيش اقلب عالوش التاني علشان انا عارف انو مش هيعجبك لو انت اعترضت تاني هتقعد من الكليه خالص وهقعدك هنا تشتغل في الأرض..
احمد بص لفارس بعصبيه ولوم وطلع لانه متأكد أن جده بيعمل كدا علشان اخوه يتجوز نور…
احمد*طيب انا اقول اي لجميله انا لما صدقت قلبها حن عليا منك لله يا فارس..
فارس دخل عليه
فارس:طيب انا مالى مش جدك اللى عاوز كدا
احمد بعصبيه:انت اي معندكش دم انت دا كلو ومستنى اي انى اتجوزها..
فارس ببرود:طيب وفيها اي مش انت اخويا
احمد :تصدق بالله انت متستاهلش واحده زي نور انت مفيش عندك اي دم وتصدق كمان انا هسمع كلام جدي عالاقل مش هخليها تكون عايشه مع واحد بارد زيك ..
فارس اتعصب جامد وقرب من احمد وضربه..
_انت اتعديت حدودك الظاهر انى مربتكش ولا علمتك تكلمنى ازاي واخدتك عليا بزياده…
وكمان انت عارف واكتر واحد عارف انى مش هخلى نور تضيع من ايدي انا بس مستني الوقت المناسب
احمد:طيب مستني اي لما جدك يجوزنا..انت عارف أن جميله كدا هتضيع منى يا فارس اعمل حاجه ارجوك..
فارس خرج من الأوضه بعصبيه ونزل عند جده..
_جدي عاوزك
الجد بهدوء:تعالى مفيش حد غريب دا ابوك وامك
_يا جدي عاوزك لوحدنا
محمد بهدوء:تعالى يا مديحه عاوزك
محمد خد مديحه وطلع..
فارس بعصبيه:انت لى بتعمل كدا
الجد:عملت اي مش انا سألتك الصبح وانت قولت لا فخلاص بقى انا اختارتلها الشخص المناسب
_واحمد هوا المناسب صح
الجد:ملكش فيه..
_لا ليا فيه انت اكتر واحد عارف انى كنت مستنيها من زمان وانى بحبها من زمان انت ازاي جالك قلب تعمل فيا كدا
الجد بهدوء تام:انت اللي عملت في نفسك كدا لو كنت اعترفتلها امبارح لما كانت في الأوضه بتاعتك كان ممكن تكون الظروف احسن من كدا..
فارس بصله بصدمه ..
الجد بضحك:على اساس انى نايم على ودانى ولا اي يا سي فارس انت مش عارف أن جدك بيلقطها وهى طائره ولا اي دانت اكتر واحد عارفني
_المصيبه انى اكتر واحد عارفك علشان كدا عارف انت قولت كدا لي وانا بقى هوريك انا هعمل اي..
الجد:وريني…
فارس مشي بعصبيه وطلع فوق وبدأ يكسر في كل حاجه حواليه واحمد جري عليه…
احمد:يا فارس أهدى مالك كدا
:يا احمد امشي من قدامى انا مش طايق نفسي ..
متخلنيش اتعصب عليك ..
نور خرجت من اوضتها بعد ما مسحت دموعها..
وقفت بعيد بتبص على فارس وهوا متعصب اول مره تشوف حد كدا واول مره تشوفوا بيتكلم كدا ..
احمد قرب عليها:انتى مش موافقه يا نور صح..
_ايوا اوافق ازاي وجميله ممكن تعمل اي
_اوعي تكونى قولتيلها
_لا مقولتلهاش انا خايفه من رد فعلها اصلا انت مش عارف جميله لما تكون بتحب حد بتبقى ازاي..
_دا الكلام اللي عاوز أوصله لجدي..
فجاه لقو حاجه بتقع عالارض..
نور اتخضت لما لقت التسريحه كلها عالارض والمرايا متكسره ميت حته والصور اللي شافتها امبارح متبعتره..
نور اتعصبت ودخلتله احمد حاول يوقفها بس هى سابته ودخلت..
نور وقفت قدام فارس وبصتله بكل هدوء..
وبصت علي الاوضه اللي اتقلبت رأسا على عقب..
_انت لى متعصب كدا انا اه مليش الحق انى اتكلم معاك ولا اسالك بس لي بتطلع عصبيتك في الحاجه اللي حواليك واي عصبك اصلا…
نور لفت نظرها الصور اللي متبعتره على الأرض..
نور:امممم تكونش البنت اللي بتحبها سابتك…
نزلت وقربت من الصور وخدت واحده..
ولسه هتضحك باستهزاء..
اتفاجات لما لقت نفسها هى اللي في الصورة ..
بصتله وهى محتارة وباستغراب وهوا يصلها بكل هدوء يعني المفروض انك عرفتي…
لمت كل الصور ولقت صور لنفسها بعشوائيه..
_انت لي حاطط صوري عندك..
_علشان بحبك يا نور…
#يارا_عبد_السلام
#البارت_التاسع
#د
_علشان بحبك يا نور..
نور بصدمه:اي بتحبني ازاي..
فارس:هوا اي اللي ازاي هوا في حد بيسأل حد بيحبه ازاي بكل بساطه من زمان يا نور وانتى كنتي بتكبري قدام عيني اليوم اللي مشيتي فيه حسيت أن روحي بتتسحب منى وقلبي راح معاكي انا كنت بمـ,ـوت حرفيا ورافض اي حاجه وشغفى راح كنت بطلع كل همى في المذاكره مكنتش بنام لحد ما في يوم وصلنا خبر وفاة عمى وجدي كان خايف عليكي وانا كنت خايف عليكي اكتر فضلت ادور عليكي في كل حته مكنتش لاقيكي لحد ما عرفت انك بتدرسي في الكليه اللي احمد بيدرس فيها لما جه وقالي انو في بنت ساعدته في الامتحان والا كان هيضيع وقال إن اسمك زي اسمه مع اختلاف اسم الاب ..
وقتها شكيت انو انتى وفعلا روحت وشوفتك قلبي كان طاير من الفرحه كنت باخدلك صور عشوائيه زي مانتى شايفه مكنتش متخيل في يوم انك تقفى قدامى كدا واقولك كل اللي في قلبي..
نور قلبها كان بيدق مع كل كلمه بيقولها معقول يكون فارس بيحبها الحب دا كلو وكان مخبي..وحتى محاولش انو يبينلها ولا يكلمها..
فارس وهوا عارف هى بتفكر فى اي
_انا مكلمتكيش علشان كنت عارف كل اللي بتمري بيه
_فعلا ولما أنكرت انك ابن عمي كنت خايف على مشاعري فعلا وكان باين الحب في عنيك وانت بتسيبني وتمشي وانت مخلى الكل يتكلم عليا ومنطقتش وأحمد اللي قالهم انك ابن عمى بجد الحب كان ظاهر في عنيك …
فارس :نور انتى متعرفيش حاجه..
_فعلا انا معرفش حاجه طيب عرفني انت لى كنت بتعمل معايا كدا
_مينفعش اقولك حاجه دلوقتي
_طيب يا فارس …
وخرجت وسابته وأحمد كان واقف برا ودخله
_انت لي مقولتلهاش الحقيقه
_اقولها اي يا احمد اكرهها في امها اقولها انى كنت شاكك انها تبقى زيها..
_فارس انت لسه شاكك انها زيها..
فارس سكت ومتكلمش..
احمد بعصبيه:تصدق بالله فعلا نور خساره فيك وتستاهل واحد احسن منك يا فارس عن اذنك..
احمد خرج ..
وفارس قعد مكانه وحط رأسه بين أيديه وهوا حاسس بصداع جامد في دماغه وحاسس أن الدنيا بتلف بيه ..
وفجاه قام وخرج من الأوضه..
خبط على اوضه نور..
نور خرجت وكان على وجهها عبارات صغيره..
_نور انتى لي بتعملى كدا..
_لو سمحت انا مش عوزا اتكلم معاك سيبني ..
_مش هسيبك يا نور انتى بتاعتي انا بحبك افهمي بقى
_لا مش هفهم حاجه..
وعن اذنك اتفضل من هنا مش عوزا اتكلم معاك..
فارس ببرود:طيب بصي بقى انتى لو موافقتيش عليا هخلى جدي يكمل جوازك انتى وأحمد وابقى شوفي هتمنعيه ازاي واه صحيح هتقولى اي لصحبتك يا عيني..
نور بدموع:انت لى بتعمل كدا
_دا اللي عندى…
نور اتعصبت وقفلت الباب في وشه…
وقعدت تعيط خايفه من رد فعل جميله وخايفه على مشاعرها هى وأحمد بيحبوا بعض مستحيل تفرقهم عن بعض ..
قررت انها مش هتستسلم ولازم تربي فارس…
قامت مسحت دموعها ووقفت بتحدي ..
_طيب يا فارس..
خرجت من الأوضه بتاعتها..
كان احمد واقف
_نور
_نعم..
احمد بترجي:ارجوكي يا نور توافقي على جوازك من فارس والله فارس بيحبك بس هوا حمار ومعندوش دم ومبيعرفش يعبر عن مشاعره انا عارف وواثق انك لو قربتي منه هتحبيه..
نور بهدوء:متقلقش يا احمد انا مش هسمح أن خطوبتي منك تتم حتى لو هتجوز فارس..
_لا مش قصدي كدا قصدي أن حرام يكون فارس بيحبك وانتى متديلوش فرصه حتى يعبرلك عن مشاعره حاولى تدى نفسك فرصه وانا متاكد انك هتحبيه.
نور بابتسامه:حاضر يا احمد هحاول..
نزلت تحت وكان الكل متجمعين …
نور قربت من فارس ..
_ممكن تقوم معايا..
فارس يصلها باستغراب:في اي..
_معلش ممكن تقوم معايا..
فارس قام معاها ..
وهى خدته من أيده وراحت ناحية جدها اللي حاسس ان في حاجه..
نور:جدو أنا وفارس بنحب بعض وهنتجوز…
الكل:اي!!
#يارا_عبد_السلام
#البارت_العاشر
نور:جدو أنا وفارس بنحب بعض وهنتجوز…
الكل:اي!!
نور:ايوا يا جدو انا مش بحب احمد انا بحب فارس وهوا كمان بيحبني..
بصت لفارس:صح يا فارس..
فارس فاق من شروده وقال:اه ..
الجد:طيب انا كدا هكسر بقلب احمد يا حرام
فارس:ميتكسر ولا يولع بجاز مهى قالتلك انها بتحبني اهى
الجد:منا مش مصدق
فارس:واي يثبتلك
الجد:أن يوم الخميس بدل ما هى خطوبه تبقى جواز..
نور :لا لا انا انا مش جاهزه لجواز دلوقتي
الجد:واي مش مخليكي جاهزة في يومين كل حاجه هتكون جاهزة متقلقيش وبعدين انتى مش مبسوطه انك هتكونى مع حبيبك
نور بقلة حيله على اللي عملته في نفسها:اه مبسوطه عن اذنكو..
نور طلعت وهى حاسه انها عوزا تنهار عوزا حد ياخدها في حضنه محتاجه جميله اوووي …
احمد:انتى لي عملتي كدا
_علشان جميله وبعدين هى مـ,ـوته ولا اكتر عادى انا كدا كدا مت من وقت ما بابا مات ولو قولت لا كنت انا وأنت هتجبر على حاجه مش عاوزنها وهنكسر قلب جميله فاحسن حاجه اللي انا عملته دا وبعدين يا سيدي انا هدى نفسي فرصه يمكن احب اخوك مش هوا قال انو بيحبني
احمد:انتى جميله اووي يا نور وخسارة فيكي كل اللي بيحصل دا بس انا حاسس انك انتى وفارس هتتفقوا قريب وهتبقوا اسعد اتنين
نور بابتسامه:أن شاء الله..
عن اذنك..
دخلت الأوضه بتاعتها وقعدت على السرير وعيطت
*انا مش عارفه انا لي عملت كدا انا كنت نازله اهزقه قدامهم ونازله اقول لجدي على اللي قالهولى وأنه بيحبني وعاوزني اتجوزه غصب عني مش عارفه لي قولت اني بحبه وأننا هنتجوز …
قامت من مكانها اتوضت وقعدت على سجادة الصلاة وفضلت تدعى ربنا وتعيط ربنا هوا ملجأنا الوحيد في اي ظروف واي وقت..
لحد محست بتعب ونامت مكانها…
…..
فارس كان في الاوضه بتاعته..
مستغرب كل حاجه بتحصل حواليه
*هوا انا لي وحش كدا انا بايدي أحببها فيا انا بايدي اخليها تعشقني لكن انا لى دائما بدبش معاها وبنكر وجودها انا محتاج اكلمها وتخليها تطمنلي عن كدا هي اكيد ملهاش علاقه بأمها ولا ليها ذنب في كل اللي حصل ولا كل اللي شوفته …
Flash.back..
فارس كان في الكليه وكان قاعد في الجنينه بيذاكر وقاعد مندمج في المذاكره وكانت الساعه ١٢بليل ..
في اليوم دا كان عمه عبدالله مسافر في شغل ..
شاف (لبنى)جايه مع واحد في عربيه من حظه أنه كان قاعد في الجنينه من ورا وشافها وهي بتسلم عليه وبتبوسه..
المشكله ان الكل كان نايم في الوقت دا وفارس اكتفى بالصمت ومتكلمش ومقالش لحد ..
حس نفسه وقتها انو ضعيف اووي انو يقف قدامها بس خاف ليحصل مشاكل بين أبوه وعمه ويطلع هوا الغلطان في الاخر ساب الموضوع أن ربنا يكشفه مع الوقت…
End…
*هى اكيد نور مش وحشه انا واثق في كدا بس انا خايف لامها تظهر في حياتنا وتخريبها زي مخربت بيتنا زمان وخدت عمى من هنا ومعاها نور واتخلت عنها…
في صباح يوم جديد ..
البيت كله بدأ في تحضيرات الفرح اللي هيحصل فجاه دا وجدهم بدأ يعزم أعيان البلد وكل الناس اللي يعرفهم اللي هم تقريبا البلد كلها اللي هم استغربوا الموضوع…
نور صحيت من النوم ..
لقت نفسها مكانها قامت دخلت الحمام واتوضت وصلت وخرجت من الاوضه بتاعتها..
شافت التحضيرات
*انتو لو بتحضروا لجنازتى مش هتبقوا بالحماس دا..
تليفونها رن..
كانت جميله
جميله بمرح:الندله اللي نسيتني هوا الجو حلو عندك ولا اي انا عارفه أن فارس قمر بس مش لدرجه تنسي صحبتك
نور:يشيخه اتنيلي فارس اي ونيلة اي دانا في مصيبه
جميله:اي في اي
_اصل فرحي يوم الخميس
جميله: لولولوولولوي اخيرا هفرح بيكي امال يبت تعالى هنا ازاي متقوليليش
نور:خلصتي الهليله مش لما تعرفي مين الاول
جميله:اه صحيح مين اللي أمه داعيه عليه
نور:فارس
جميله:فارس مين
نور:فارس يما
جميله:الدكتور ابو عضلات المز القمر دا
نور:اي يما انتى في سويقه اي اللي مو وقمر قال
_اي دا انتى بتغيري من دلوقتي
_انا اغير تعالى خديه
_لا يختي انا بحب احمد
_ماشي يختى اعملى حسابك هتيجي تقضى اليوم معايا هنا
_ماشي يا زمكس سلام بقى يا عروسه
_برضو هتقوليلي عروسه
_امال اقول اي
_مش عارفه يلا سلام…
_صباح الخير يا عروسه..
نور بصت لمصدر الصوت لقته فارس واقف بنفس ثقة النفس وبنفس البرود ..
_صباح الزفت على دماغك..
_نور متغلطيش
_هوا انت لسه شوفت غلط انت معندكش دم اعملك اي
_متعمليش أنا اللي هعمل
وغمزلها…
قرب من ودنها
_على فكره انا بحبك اكتر لما تكونى متعصبه بيبقى شكلك جميل..
نور بارتباك:ها ..
وزقته من قدامها..
وبصتله:انت قليل الادب ..
ونزلت تحت ..
مديحه مرات عمها:صباح الخير يا مرات ابني دائما كان قلبي حاسس انك انتى وفارس هتتجوزوا
نور باستغراب:لي يعني
_اصلكوا يا بنتى طول عمركوا كنتوا ناقر ونقير بس انتى اول ما اتولدتي فارس كان بيحبك اووى ومكنش بيرضى حد يجي ناحيتك مع أن اخوه برضو كان مولود بس كان بيحب يلعب معاكى انتي..
بس لبنى امك للاسف كانت بتبعدكوا عن بعض فضلت تعمل جفى بينكوا وتبعدكوا ويشاء السميع العليم انكوا برضو ترجعوا وتبقوا من نصيب بعض اقدار والله..
_فعلا يا طنط
_طنط اي بقى قوليلي يا ماما
_حاضر يا ماما..
_عسل يا مرات ابني ..انا هروح بقى للبنات في المطبخ وجهزي نفسك علشان بكرا الحنه ..
_جنه!؟
_ايوا يبنتي انتى لازم يتعملك كل حاجه امال اي انتى مش اقل من بنت العمده..
نور خرجت برا في الجنينه اللي كانت بتتزين بالورد وكمان الورد اللي هي بتحبه والألوان اللي بتحبها كانت مبسوطه اوووي وهى شايفه الحاجات دي وحاسه بفرحه غير مبرره..
لقت اسراء قاعده بتقرا كتاب..
نور قربت منها:اي دا انتى بتحبي الكتب
_اه جداا انا باخد من مكتبة فارس بالعافيه كل اسبوع كتاب
_اي دا هوا فارس عنده مكتبه
_اها دي اوضه لوحدها ومحدش بيتجرأ يدخلها
_للدرجادي اصلو حريص عليهم اووي وكان ناوي يعمل مكتبه أن الناس تقرا فيها ويبقى فيها استعارات وكدا بس حصلت ظروف منعته..
_ظروف اي..
_انه يدور عليكي فارس انا اول مره اشوفه بيناقر حد كدا او ممكن يكون بيتكلم مع حد زيك كدا ..
يعني من زمان وهوا كان مكتفي بالدراسه بس مبيخرجش ومبيكلمش حد حتى معندهوش صحاب..
_يااه للدرجادي
_اها..
نور في بالها:الله الواد طلع بيحبني بجد وانا مش عارفه شكل هواه هيغيرني وبنار حبه هيوقعني ولا اي…
*لا نور اجمدي كدا مش فارس اللي يوقعك..
عدى اليوم دون إحداث تذكر..
تانى يوم كان الكل بيجهز للحنه ونور خلت جميله تيجي تقضي معاها اليوم نور كانت خايفه ومتوتره وحاسه أن اليوم مش هيعدي على خير..
جه وقت الحنه والبيت كان مليان ناس ومعازيم وبنات ..
ونور كانت متألقه بالفستان الزهري اللي لبسته وجميله كانت جنبها طول الوقت..
واحمد كان مبسوط جدا أن جميله كانت موجوده والاتنين كانوا معظم الوقت باصين لبعض وبس وجميله كانت فرحانه..
فارس كان من جواه مبسوط وسرح في جمال نور ورقتها..
نور كانت واقفه مع جميله..
سمعت صوت من وراها..
_بتتجوزى من غير ما تعزمي امك يا نور
نور بصدمه:ماما!!
#يارا_عبد_السلام
#البارت_الحادي_عشر
#
_بتتجوزي من غير متقولى لامك يا نور
نور:ماما..انتى جيتى هنا ازاي وعرفتي منين انى هنا
فارس شافهم وجه..
لبنى:مفكره انى مش هعرف أن جدك عاوز يجبرك عالجواز من ابن محمد علشان ينتقم منى فيكي من اللي عملته زمان
نور شافت فارس قربت منه ومسكت ايديه..
فارس اتفاجأ من رد فعلها بس فرح انها عملت كدا حتى لو كذب..انا
نور:انا جدو مأجبرنيش على حاجه أنا وفارس بنحب بعض وبعدين انتى عملتى اي زمان ..
لبنى:عرف يضحك عليكي ابن مديحه..عملت اي عملت انى خدت ابوكي ومشينا من هنا بعد اللي عمك عملوا فيا و..
الجد جه بعصبيه ومعاه.محمد وأحمد وجميله واقفه مش فاهمه اي حاجه..
الجد:انتى اي جابك هنا يا لبنى جايه تخربي على بنتك..
لبنى:اهلا بالراجل الكبير زعيم العصابه اللي عاوز يعصي بنتي عليا ويجوزها من ورا ضهرى لابن ابنه علشان يستولو على حقها في الميراث..
الجد:انتى بتخرفي تقولى اي مفيش الكلام دا انتي طول عمرك هتفضلي تفكري في مصلحتك بس والقرف اللي بتعمله
لبنى:انت عاوز تجوز بنتى غصب عنها وتقولى قرف دا القرف اللي انت بتعمله انت والعصابه اللي معاك عاوزين تاخدوا بنتى منى وكمان مقسينها عليا..وبصت لنور…
تعالى معايا يا حبيبتي وانا هبلغ عنهم واوديهم في داهيه..
ولسه جايه تمسك ايديها..
نور شدت أيدها منها بقوه..
لبنى انصدمت..
نور:انا مش هاجى معاكى في حته انا النهارده الحنه بتاعتى على ابن عمى لو عوزا تحضري زيك زي اي حد معزوم اهلا وسهلا بس لو جايه تعملى مشاكل اتفضلي من هنا …
_انتى بتطرديني يا نور
نور:ههههه مانتى طردانى من حياتك من زمان فاكره ولا افكرك انتى لي مش عوزا تشوفيني مرتاحه ومبسوطه لي دائما بتيجي عليا لي مش بتحبي الا نفسك ومصلحتك لي ها ..لى عوزا تاخديني من وسط الناس اللي بتحبني عوزاني ارجع اعيش لوحدي تاني عوزاني احلم بكوابيس تاني وانا عايشه لوحدي عوزانى انام مفتحه عين ومغمضه عين تاني ..
انا اول مره احس بالامان وانام وانا قلبي مرتاح مش قلقانه ولا خايفه من العالم اللي برا بعد لما لقيت الامان والحنيه عوزاني اروح معاكى وتسبيني تاني لا يا ماما لا يا مدام لبنى ياللي بعد اسبوعين بالظبط من مـ,ـوت بابا روحتي اتجوزتي ولا كأن في كلبه اسمها بنتك خالص تسالي عنها …
انا مكنتش اتخيل في يوم انى اقف قدامك كدا اعاتبك على اللي بتعمليه انا كنت بكتفى بالصمت والعياط وانا لوحدي بليل..
جايه دلوقتي تقوليلي انا امك وعوزاني اسيب عيلتي اللي كانو بيدوروا عليا علشان يحتووني مش يسيبونى لوحدي ..
للاسف مش انتى الام اللي اتمنتها ولا الام اللي يشرفني انها تبقى امي..
عن اذنك..
نور دخلت ومديحه خدتها في حضنها وجميله وقفت جنبها تطبطب عليها
الجد بص. للبنى:عوزا تسمعى اي اكتر من كدا اتفضلي يلا من غير مطرود..
لبنى:انا مش هسيبكوا وبصت لفارس لعبتها صح يا ابن محمد انا بقى هوريك هعمل فيك اي..
فارس بكل غل:اللي عندك اعمليه انا منتظر من واحده زيك كتير اووي وقرب من ودنها
_بس اعملى حسابك انا عندي ليكي صور دلوقتى وقبل كدا فل اووي عليكي هتخليني افتح في حاجات مش عاوز اعملها لكن شكلك انتى اللي هتخربي على نفسك ووحشك البرش ولا اي..
لبنى بصدمه وارتباك :برش اي
الجد:هوا انتى مفكره أن احنا مش عارفين انك كنتي مسجونه في قضيه دعارة قبل كدا ولفيتي على عبد الله ابني الغلبان وورطيه معاكى انو يتجوزك..
فمن غير كلام كتير اتفضلي من هنا انتى غير مرغوب فيكي .
لبنى مشيت..
الكل دخل ..
الجد:نور تعالى..
نور راحت ناحيته والجد خدها في حضنه..
فارس قرب من ودنه..
فارس:انا محترمك بس علشان انت جدي بس متسوقش فيها .
الجد بصله بتسليه..
الجد:تعالى يا نور عاوزك في حاجه جوا ..
خدها فارس لسه هيتحرك من مكانه..
_الجد:قولت نور بس …
الجد خدها جوا في المكتب..
_تعالى اقعدى يا نور..
_في اي يا جدو..
_الجد ادالها ورقه
_اي دي
_دي حقك في الميراث أنا عمرى ما هاكل حقك يا بنتى والورقه دي فيها تنازل منى عن حقك اعملى بيها اللي انتى عوزاه..
_بس انا مش عوزا حاجه يا جدو كفايه انى معاكوا وفي وسطكوا كفايه احساسي بالأمان
_معلش يا بنتى محدش عارف بكرا في اي دي برضو علشان تحفظى حقوقك علشان لما امـ,ـوت اكون مرتاح
_متقولش كدا يا جدو بعد الشر عنك..
الجد:على فكره الواد فارس بيحبك واويي كمان وبيغير عليكي منى انا عارف انك لسه محبتيهوش وحاسس انو عملك حاجه خلاكي توافقي على الجواز بس انا عارف ومتأكد انك هتحبيه انا لو كنت شايف انو مش بيحبك مكنتش جوزتكوا لبعض..
ومكنتش هجوزك لاحمد لانى عارف انو بيحب جميله صحبتك اللي معاكى برا انا خلاص كدا اتطمنت على احفادي ..
نور:يعنى يا جدو انت عارف كل دا وساكت طيب قدر انا محبتهوش
_لكن انا متاكد ان حبه ليكي هيحببك فيه والا مكنتيش وقفتى جنبه قدام امك النهارده
دا دليل أن في شعور من ناحيتك تجاهه وهيظهر مع الوقت ..
نور لكسوف:هوا من ناحية في شعور فهوا فيه..
_ايوا مش انا قولتلك وبعدين فارس دا مش اي حد كفايه انى جده
_شكلك كنت مدوخ تيته
_لا يختى هي اللي كانت مدوخانى بس تعرفي وحشتني اووي عاوز اروحلها بقى كفايه كدا..
_عاوز تسيبني يا جدو
_يستى بعد متتجوزي مش هيبقى في حياتك حد غير فارس متقلقيش..
يلا قومي الكلام خدنا روحي شوفي حنتك واقعدى وسط البنات..
_طيب خلي معاك الورقه دي ولما يجي وقتها ومتقلقش انا واثقه فيكوا كلكوا..
_ماشي يا حبيبتي..
نور خرجت من الأوضه..
ومشيت في الطرقه وفجاه لقت اللي بيسحبها في اوضه …
و…..
#يارا_عبد_السلام
