الفهد
فهد بص لنبيل وقال بغضب..منور يا بلبل..ان شاء الله تكون ادفيت كويس فوق السطح
نبيل كان بيبصلو بخوف وابوه قال..يا ابني احنا من ساعة ما قعدنا وانت بتهزر و
بس قاطعو فهد لما قال..انا مبهزرش…كنوز مش هتتجوز غيري …والمقابله انتهت..
طلبه قال بغضب..قوم يا ابني يلا بينا
بس دخلت كنوز وقالت بغضب…بس انى مبحبكش وعيزاه هو وانا موافقه يا عم طلبه
بصلها بغضب رهيب وكلمتها ضرـ,ـبتو في قلبو وحس بنار جواه وقال..ادخلي اوضتك
قالت بغضب اكبر… لا مش داخله انا بحبو هو وهتجوزو هو
حاول يسيطر على اعصابو بالعافيه وبص لنبيل وقال..بس هو مش عايزك..صرف نظر…وبصلو بصه تخوف وقال..مش كده ولا ايه
نبيل قال بخوف..كده كده يلا يا بابا انا قولتلك منجيش اصلا
كنوز بقت تبصلو وهو بيمشي بزهول وفهد قال بسخريه..مع السلامه يا بلبل كان نفسي اديكم الجاتوه االي جبتوه…بس هحلي بالباقي منو بعد ما اتغدى
اول ما اتاكد انهم مشية بصلها بغضب وقرب عليها بطريقه مخيفه وقال…بقى عيزاه هو…
كنوز فضلت باصه قدامها ومبرقه بخوف وكأنو مش بيكلمها
فهد قال بغضب..كنوز بكلمك
كنوز قالت بارتباك..ها..انت..انت بتكلمني انا يا ابن خالتي
فهد قال بغضب شديد..لا بكلم امي
كنوز قالت بضحك وخوف..اه..طيب ردي عليه بقى يا خالتي سامو عليكو ولسه هتمشي مسكها من طرحتها وقال بغضب..متختبريش صبري ياكنوز
كنوز بلعت ريقها بخوف وقالت بصوت عالي .. .ايوه..ايوه قولت بقى.. كل نفس زائقة المو*ت ..هعمل ايه يعني
بس فهد بقى يبصلها بنظرات تخوف وهيه خلاص هتبكي من خوفها منو وزقتو وجريت على اوضتها عايزه تستخبى بس جري وراها ودفع الباب قبل ماتقفلو ودخل وقفلو
كنوز بقت تقول بخوف وصوت عالي…خالتي الحقيني يا خالتي
ام فهد بقت تخبط على الباب وتقول..فهد يا ابني افتح يا حبيبي مش كده
فهد قال بغضب..ماما..روحي اوضتك
ام فهد قالت بقلق..انت هتعمل ايه يا مجنون افتح
بس قال بغضب..يا ماما اخر مره روحي اوضتككككك
والدتو بعدت عن الباب بخوف وقعدت تقول… استر يا رب يارب استر
فهد بقى يتقدم عليها لحد ما لزقت في طاوله كانت في الاوضه وقال..قولتي ايه بره
كنوز بقت تترعش من الخوف وقالت بدموع..وانبي يا فهد حرام عليك سبني في حالي…سبني اتجوز زي البنات انا مش عايزه اعنس
