الفهد
فهد ضحك وقال..حلوه حكاية العلبه دي ياريت اقدر اعملها..وبعدين فيه واحده تزعل ان حبيبها بيغير عليها
كنوز قالت بغضب..اولا انت مش حبيبي تمام…ثانيا دي مش غيره ده مرض مرض..انا حتى صحابي البنات بطلو يكلموني بيقولو قريبها بيعمل مشاكل..ومن يومين بتاع الفول قلي مفيش ومرضيش يبعلي مع ان عندو وبتاع المكتبه الي انت ضـ,ـربت ابنو مرضيش يديني الاقلام الي محتجاها والناس اول ما بتسوفني بتخاف ايه الا,رهاب ده..هو فيه غيره بالشكل ده
ابتسم وشدها لحضنو بدراع واحد وهو سايق وقال..اه فيه…الي بيحب زيي ..انتي بنت قلبي انا ربيتك..وكبر حبك معايا..بعشقك يا كنوز..ومش قادر اتحمل ان عيونك الحلوين دول يشوفو غيري
حست بقلبها بيدق جامد من كلامو وبقت تبصلو اوي وفهد كان بيبصلها بحب شديد..بس فاقت لنفسها وبعدت عنو بسرعه وحمحمت بكسوف
فهد ابتسم وكملو طريقهم للبيت
اول ما وصلو ودخلو شقتهم استقبلتو امه بقلق وقالت….فهد يا ابني تعالى معايا نتكلم جوه و
بس قاطعها صوت طلبه والد نبيل بيقول..اهيه العروسه وصلت وحضرة الظابط كمان
فهد بص للصاله وكان طلبه ومعاه ابنو وجايبين جاتوه وبيشربو العصير
فهد الغضب ملا عيونه لما فهم هما جايين ليه…امه قالت بخوف…فهد يا ابني اهدى وانبي …واستهدى بالله و
بس قطعت كلامها لما دخل زي المدفع عندهم
لما دخل كنوز بصت لخالتها بخوف وقالت..يا لهوي يا خالتي يا لهوي اطلبي البوليس
ام فهد قالت بخوف..ولا حتى النيابه هتنفع انا شايفه نكلم الحانوتي ونكسب وقت
في الصاله فهد قعد قصادهم وهو هينفجر وكان باياكل من الجاتوه الي جايبينو وهو بيبصلهم بغضب رهيب خصوصا لنبيل وقال..اهلا نورتو
طلبه قال بطيبه…ده نورك يا ابني احنا جينا علشان …علشان نطلب ايد الانسه كنوز ل
بس قاطعو فهد وقال بسرعه..ايد مين….الانسه…مين الانسه دي احنا معندناس انسات في البيت هنا
طلبه بصلو بزهول وفهد قال…انت راجل كبير وفاهم
يعني معقوله تكون موجوده مع شاب زي في بيت واحد مع ست كبيره بتنام من المغرب وتفضل انسه…ده كلام برضو …دي مسقطه مرتين
كنوز شهقنت بزهول لما سمعتو من بره وقالت لخالتها …عاجبك كده يا خالتي بيشوه سمعتي سامعه بيقول ايه
قالت خالتها..معاكي حق يا بنتي والله ده كلام ميتقالش ابدا
