ايد بنتي اتملت ببقع حمراء غريبه و مفاجأه عملنالها كل التحاليل والازم بس ولا دكتور قدر يحدد ايه المرض ده وايه سببه، لحد ما صورت ايدها لابوها اللي مسافر بره وقتها سالني قوام هيه البنت بتاكل قطعة الشوكلاته اللي ببعتها علشانك ، رديت بايوه وملحقتش ابرر لقيته اغمى عليه فورا!!!! من يوم ما اتجوزت ايهاب جوزي وانا عايشة حياة زي الفل، بيحبني ومغرقني بحبه واهتمامه أنا وبنتنا الوحيدة جنى اللي عندها 15 سنة ايهاب مسافر بره مصر شغال ومستقر هناك، بس كان معوضنا عن غيابه بحنيته واهتمامه وكل أول شهر، لازم كرتونة كبيرة توصل البيت، فيها كل ما لذ وطاب، هدايا ولعب وميك أب وكل حاجة تخطر على البال. لحد ما في يوم، كلمني إيهاب فيديو، ووشه كان جاد أوي بس مليان حب. قال لي بصي يا سمر، أنا باعتلك المرة دي مع الحاجات علبة صغيرة فيها قطعة شوكولاتة واحدة بس.. دي شوكولاتة مركزة جداً وتعتبر علاج زي دوا شديد لأنيميا الحديد اللي عندك. الشوكولاتة دي علشانك، وممنوع نهائي، وتحت أي ظرف، جنى تلمسها دي غاليه جدا وانا جايبه تعالجك فشيليها بعيد عنها. أنا قلبي دق من الفرحة، من تهتمامه بصحتي وانه لسه فاكر اني اما كشفت اخر مره كان فيه نسبة انيميا…ابتسمت وقولتله تمام يا حبيبي محدش هيلمسها غيري. وصلت الكرتونة بعد كام يوم، وجنى بنتي كعادتها طارت عليها تفتح وتفتش زي الأطفال. فجأة لقيتها ماسكة العلبة الصغنونة دي وجاية تجري بضحكة شقاوة إيه دي يا ماما؟ شوكولاتة شكلها غريب أوي! أنا جريت عليها شوية وعايزة أخدها منها وقلت لها بسرعة هاتي يا جنى هنا! دي عشاني يا حبيبتي، بابا باعتها دوا للانيميا بتاعتي وممنوع تاكلي منها. جنى ضحكت بصوت عالي وقعدت تجري في الشقة وهي بتقول والله أبداً! هو إنتي بس اللي عندك أنيميا؟ ما أنا كمان عندي ضعف عام وعظمي بيوجعني، هدية مقبولة يا سيدي، من النهاردة الشوكولاتة دي بتاعتي أنا!.. ودخلت أوضتها وقَفَلت على نفسها وأكلتها في ثواني. أنا وقفت في الصالة وقلت لنفسي البنت فعلاً ضعيفة ومابتاكلش، وهي أولى مني، وبعدين أنا أصلاً ماليش في الشوكولاتة أوي.. يلا، أهو طعمها عجبها وخلصتني منها. ومرت الأيام، وبقت كل ما تيجي كرتونة أول الشهر، جنى تجري تاخد قطعة الشوكولاتة العجيبة دي وتاكلها وهي طايرة من الفرحة. وكل ما إيهاب يكلمني فيديو يسألني بلهفة ها يا سمر؟ إيه أخبار الشوكولاتة؟ حاسة إن الأنيميا اتظبطت وصحتك اتحسنت؟.. أتحرج أقوله إني مادوقتهاش اصلاً وإني بديها لبنته، وأقول في بالي ده جايبها ومكلف نفسه عشان خاطري أنا، فكنت أرد عليه بابتسامة متوترة آه يا حبيبي، تسلملي يا رب، ممتازة ومأثرة معايا جداً. بس الهنا ده ما كملش.. بعد شهرين تقريباً، بدأت الحكاية المرعبة. جنى صباعين في إيدها ظهر عليهم حبوب حمرا صغيرة، في الأول قلت عادي، حب شباب ولا قرصة ناموسة. بس مع الوقت، الحبوب دي بدأت تتجمع وتوسع.. تحولت لبقع حمرا غريبة ومخيفة، طالعة فوق الجلد وكأنها بقع دم متجمعة. الموضوع ما وقفش عند الشكل، البقع بدأت تاكلها بشكل مش طبيعي. البنت بقت تقعد تصرخ وتعيط في وسط الليل، تقول لي يا ماما الحقيني! فيه نــ,,ـــــار تحت جلدي! حاسة إن إيدي بتتحــ,,ـــــرق من جوه! قلبي كان بيتقطع عليها، أطراف صوابعها بقت تورم، والبقع الحمرا دي بقت تنتشر وتزيد. أخدتها وجريت على الدكاترة.. لفيت بيها على أكبر دكاترة جلدية وباطنة في مصر. عملنا كل التحاليل ؛ تحليل صور دم، وظائف كبد وكلى، مناعة، كل حاجة. دكتور يقولي دي صدفية نادرة، ودكتور تاني يقول طفح جلدي حاد، ودكتور ثالث يكتبلي مرهم للحساسية ويقولي الموضوع بسيط.. ندهن المرهم من هنا، والإيد تولع أكتر من هنا! مفيش أي علاج بيجيب نتيجة، ولا أي تحليل قادر يحدد المرض ده إيه ولا سببه إيه. جنى حالتها النفسية اتدمرت، بطلت تروح المدرسة من كثر ما أصحابها بيقعدوا يبصوا على إيدها ويسألوها أسئلة تجرحها. بقت تقفل على نفسها الأوضة وتصحى في نص الليل تصرخ وتعيط من الوجع. والأسوأ من كل ده، إني بدأت ألاحظ نفس البقع الحمرا دي بدأت تظهر في رقبتها وعلى ضهرها! أنا خلاص، اليأس أكل قلبي، وبقيت مش عارفة أعمل إيه. فكرت مع نفسي.. طب ما أقول لإيهاب؟ هو مسافر بره في دولة تقدمها الطبي عالي، يمكن يصور إيدها لدكتور هناك، أو يلاقي علاج للمصيبة اللي إحنا فيها دي. مسكت التليفون وإيدي بترتعش، وكلمته فيديو. أول ما فتح قبل ما يسلم حتى، صوّرت له إيد جنى بالكاميرا وقربت أوي عشان يشوف شكل البقع والمرار اللي إحنا فيه. صوته طلع مرعوب إيه ده يا سمر؟! إيه اللي في إيد البنت ده؟! قلت له وأنا بعيط مش عارفة يا إيهاب.. بقالنا شهرين في العذاب ده، ما خليتش دكتور ولا تحليل إلا وعملته وما حدش عارف ده إيه ولا سببه إيه.. البنت بتضيع مني وبتقول فيه نــ,,ـــــار تحت جلدها! سكت لحظة.. وفجأة وشه اتغير تماماً، وسألني بصوت طالع بالعافية سمر.. هي جنى.. هي جنى أكلت من الشوكولاتة اللي كنت ببعتها عشانك؟! أنا اتوترت وقلت أقوله الصراحة وخلاص، فرديت بتلعثم بصراحة.. اه.. أنا مادوقتهاش خالص يا إيهاب، جنى قالتلي إنها بتحب طعمها، وأنا قلت هي أولى مني هي كمان ضعيفة وتعبانة.. بس يا حبيبي ده دخله إيه باللي بقولهولك؟ إحنا بنحكي في مرض بنتك! ما لحقتش أكمل جملتي، ولا لحقت أبرر له أنا ليه عملت كده.. لقيت عينيه برقت بطريقة مرعبة، وفجأة، الشاشة اتهزت، وسمعت صوت خبطة جامدة على الأرض.. إيهاب أغمى عليه في ساعتها والخط قطع!!!!!! أنا وقفت أطالع الشاشة الفاضية وإيدي بترتعش، الصوت اللي سمعته قبل ما الخط يقطع كان زلزل كياني. صوت وقعته على الأرض، صرخة مكتومة منه، وتليفونه اللي طار واختفت صورته. الشقة بقت هادية زي المقابــ,,ـــــبر، ومفيش غير صوت أنفاس جنى اللي بتعيط في الأوضة التانية من الوجع. قلبي كان بيدهس في صدـ,,ـــري دهس. ألف سؤال وسؤال بيصرخوا في دماغي بنفس الوقت هو ليه اغمى عليه كده؟ الشوكولاتة؟ معقول الشوكولاتة هي السبب؟ طب إزاي دوا للأنيميا يعمل كده في بنته؟ ولا هو كان عارف؟ مسكت التليفون وضــ,,ـــــربت رقمه مية مرة، الخط يرن ومحدش بيرد.. المرار كله اتجمع في حلقي. جالي ذهول وشلل في التفكير. طلعت أجري على أوضة جنى، لقيتها قاعدة على السر,,ـــــير حاضنة إيدها وشكلها يقطع القلب، البقع الحمرا بقت أغمق وكأن تحت الجلد فيه دم مجلط ومغلي. قربت منها وأنا ببلع ريقي بصعوبة، وسألتها بصوت مرعوب ومخنوق جنى.. الشوكولاتة اللي كنتي بتاكليها.. بقيتها فين؟ فيه منها أي حتة فاضلة؟ أي غلاف؟ أي زبالة في سلة الأوضة؟ جنى بصتلي بعيون دموعها نازلة مغرقة وشها وقالت بصوت مجهد فيه.. فيه ورقة في درج المكتب، كان فاضل فيها حتة صغننة أوي مبقية منها من المرة اللي فاتت وكنت عيناها أتسلى عليها.. هو فيه إيه يا ماما؟ بابا ماله؟ ما رديتش عليها، طرت على المكتب، فتحت الدرج وطلعت الورقة. كانت شوكولاتة غامقة جداً، ريحتها فيها حاجة نفاذة ومش طبيعية.. ريحة مش زي الشوكولاتة العادية، فيها حاجة شبه ريحة الصدأ أو الأعشاب المريرة المتخمرة. أخدت الورقة وحطيتها في كيس بلاستيك وقفلته بإحكام. إيدي كانت بترتعش لدرجة إني مش عارفة أمسك الكيس. في اللحظة دي، تليفوني رن! كان رقم غريب من البلد اللي فيها إيهاب.. فتحت بسرعة وصوت صراخي سبق كلامي إيهاب؟! أنت كويس؟! جالي صوت واحد تاني، بيتكلم بلغة عربية مكسرة بس يفهم، قال لي أنا صاحب إيهاب في السكن والمطعم اللي شغال فيه.. إيهاب أغمى عليه ونقلناه المستشفى، الدكتور بيقول جاتله صدمة عصيبة حادة وضغطه نزل للصفر، بس هو فاق شوية وبيصرخ باسمك وباسم بنتكم ومسترخي مش قادر يقف على رجله.. خديه كلميه بسرعة. سمعت صوت إيهاب في التليفون، صوت طالع من بئر عميق، شهقات وعياط هيستيري.. صوت عمري ما سمعته منه طول 16 سنة جواز! سمر… الحقيني يا سمر… أنا .ت بنتي! أنا .ت جنى ب إيدي
