بوزك
……
مرت الايام وأحمد جالي وطلب أننا نروح للدكتور عشان جوازنا مر عليه ست شهور من غير حمل ..وانا وافقت عشان ده كان اتفاقي مع وسام …
روحنا لدكتور صاحبه وعملنا كل التحاليل والاشاعات ….واستنينا النتيجة بفارغ الصبر …
….
كنا قاعدين في عيادة الدكتور وهو بيبص لنتايج وبيقول بعملية :
-احمد انت سليم…بس للأسف مراتك مستحيل تخلف…..مراتك عقيمة!!
وشي شحب وانا ببص للدكتور…بلعت ريقي وقولت :
-انت…انت بتقول ايه …ازاي أنا مبخلفش …
-اهدي بس يا مدام….هو للأسف مستحيل تخلفي ….مش أنا اللي بقول كده التحاليل والاشاعات هي اللي بتقول!!!
…….
كنت في عربية احمد وانا دموعي بتنزل من غير ما اقدر اوقفها…أنا مش هخلف..معقولة ….حسيت وكأن حد مسك السكــ,,ـــــينة وضر.بها في قلبي ….صوتي على وانا بعيط …كنت بعيط جامد ….
مد احمد منديل ليا وقال ؛
-ده نصيب متعيطيش ….ربك مش رايد الحمدلله على كل حال….
عيطت اكتر كنت مر.عوبة انه يسيبني …بصتله وانا بمسح دموعي بتوتر وقولت بصوت بيترعش: :
-انت….انت هتسيبني يا احمد …هتسيبني صح ….
مردش عليا وفضل سايق وانا كملت عياطي…..
…..
وصلني البيت قعد على السرير وانا بعيط …احمد وقف وهو بيبصلي بشفقة وقال؛
-هروح اجبلك اكل وكفاية عياط ….
بصتله وانا عينيا حمرا وقولت :
-ممكن متقولش لوسام يا احمد …عشان خاطري متقولهاش كده…مش عايزاها تعرف اني مبخلفش…
-ليه عشان متشمتش فيكي زي ما انتي شمتي فيها ….متقلقيش من الناحية دي مراتي ارقى بكتير من كده …عرفتي ليه هي الكل في الكل عندي لأنك مهما حاولتي تبيني أنك احسن منها وانها ناقصة بتطلع برضه احسن منك سبحان الله ….
بصتله وانا بعيط بقـ.هر …وهو مهتمش …خرج عشان يجيب الاكل…
……
بعد شوية جه وهو معاه الاكل …
بدا يحط الاكل على السفرة بهدوء وبعدين مسكني وقعدني وهو بيقولي :
-يالا كلي …
بصتله بأمل وقولت :
-انت مش هتطلقني صح….صح يا احمد مش هتطلقني…صدقني همو.ت لو عملتها…أنا بحبك لدرجة انت متتخيلهاش …….أنا مقدرش اعيش من غيرك …أنا حتى بحبك اكتر ما وسام بتحبك …..أنا …أنا …
-ممكن تهدي وتاكلي…كلي يالا من غير كلام …
ابتسمت ليه وانا حاسة اني طايرة من السعادة
..هو بيحبني ….خايف عليا ….يمكن مش عايز يبين حبه ليا بس أنا مش هستسلم …أنا كان عندي حق احبه …صحيح هو جر.حني كتير لدرجة اني اتمنيت اني متجوزهوش ….بس هو بيحبني …والدليل خوفه عليا !!!
…..
