المجذوب

. وعشان أكشف الخونة اللي سرقوني، وكمان لأن كنت شايف العذاب اللي البنت دي عايشة فيه مع الكائن ده! وشاور على حمدي باحتقار شديد. حمدي وأمه وأخته أتقهروا في مكانهم، وشوشهم بقت صفرا زي الورق. أمه حاولت تتكلم وتهوش انتوا بتمثلوا مسرحية ولا إيه؟

مجنون إيه ودكتور إيه؟ ده شحات! انت يا جدع انت عايز تضحك علينا؟ هادي بيه، الراجل الكبير، طلع ملفات من الشنطة ورماها على ترابيزة الكوشة قدام كل أهل المنطقة وقال بصوت جهوري الأستاذ المحترم اللي واقف ده، الدكتور صلاح، مش بس دكتور..

ده يملك واحدة من أكبر سلسلة مستشفيات خاصة في القاهرة، وأسهمه في البورصة بملايين. وهو تعافى تماماً بقاله فترة وكان محتاج بس ينهي القضية ضد قرايبه الخونة، واليوم النيابة أفرجت عن كل ممتلكاته ورجعتله كاملة. وبعدين بص لحمدي وقاله وأحب أبلغك يا استاذ حمدي..

إن الشركة اللي انت شغال فيها محاسب صغير، الدكتور صلاح هو الشريك الأكبر فيها ومن بكرة الصبح، الملف بتاعك واختلاساتك الصغيرة اللي كنت فاكر محدش شايفها، قدام النيابة العامة! حمدي وشه اتخطف، ور رجليه مكنتش شايلاه، وقع على الأرض من الصدمة.

اختلاس إيه؟! ابني مظلوم يا بيه! يا دكتور صلاح أبوس إيدك سامحه! صلاح بص لهم بنظرة ثلجية، مش متأثر بكل دموعهم المزيفة، وقال المظلوم بجد هي نوال.. اللي انتوا استقويتوا عليها لأن أهلها ناس طيبين وغالابة.

انت فاكر إنك لما تطلقها وتكسرها قدام الشارع كله وتتريق على حلفان أبوها، ربنا هيسيبك؟ أبوها حلف يدفــ,,ـــــنها مع أول واحد يطلبها حتى لو كان كلب.. وربنا سخرني أنا عشان أكون الحماية والستر ليها، وأرد اعتبارها واعتبار أبوها الشريف قدام كل المنطقة.

أبويا بص لصلاح ودموعه نزلت على خدوده، مش مصدق إن اليمين اللي حلفه بعصبية وقهره، ربنا جزاه عنه بالفرج العظيم ده. أبويا قرب من صلاح وحــ,,ـــــضنه بقوة، وصلاح حــ,,ـــــضنه زي أبوه بالضبط وقال له ارفع راسك فوق يا عمي..

بنتك في رقبتي، وعهد الله لأخليها أميرة، وما يمسها سوء طول ما أنا حي. المنطقة كلها انفجرت بالزغاريد والطبول! الشارع اللي كان من دقائق بيمــ,,ـــــوت من الضحك والتريقة، بقى بيهتف باسم الدكتور صلاح وأبويا. الشباب بتوع الحارة جابوا صلاح على الكتاف، وأمه وأخته وطليقي جروا زي الكلاب من الفرح، مش قادرين يرفعوا عينهم في حد من الخزي والعار اللي لبسوه.