ارمله اخوه

#الحلقه_ال17
ساره حاولت بسرعه تخرج م ااحاله اللي هي فيها و صرخت بصوت عالي و ناس اتلمو عليها و شاورت ليهم علي عربيه عشان حد يلحقها عقبال ما امجد يجي بس كانت العربيه اتحركت
نيره نزلت من عربيه بتاعتها ….طيب طيب انا هبعت فلاشه اهو مع الامن يا دكتور و بعتذر من حضرتك مره تانيه و راحت للامن ….لو سمحت وصل الفلاشه دي لعميد الكليه و هي ماشيه شافت ساره منهاره ف راحت ليها بقلق ….في ايه مالك اي اللي حصل
واحده من اللي واقفين بيطبطبو علي ساره….ناس يا استاذه الله يسلهم خطفو اختها و جريو
امجد وصل و استغرب تجمع الناس ف راح يشوف في ايه اتفجئ ب ساره واقفه و ناس حواليها…..في ايه مالك و بص حواليه زهره مش موجوده ف سالها عليها بقلق…..في ايه زهره فين
ساره و هي بتعيط :ناس جم و اخدوها يا ابيه و واحد فيه حط.مسدس ف ضهري
امجد :اهددددي عشان افهم ناس مين دول و اخدوها فيييين
ساره :معرفش واحد فيهم قال انه تبع واحد اسمه رامي
امجد :رااااامي انت كدا جبت اخرها
نيره مكنتش مركزه معاهم كانت بترد علي موبايل ف مسمعتش اللي اتقال من ساره و اما لقتهم ماشين مشيت معاهم و ركبت العربيه جنب ساره ….اهدي يا حبيبتي هتلاقوها ان شاء الله ماتقلقش يا امجد
امجد.انتبه علي صوتها و اتفجئ انها موجوده معاهم في العربيه بس معلقش لانه كل اللي بيفكر في زهره
شاب ما اتصل بهدي ….الو يا ريسه زهره معانا نجيبها علي ملجأ
هدي : اه كانت فين مقصوفه رقبه دي اما تجيلي بس
شاب :ماشي يا ريسه انا قولت بس اطمنك انا الامانه معانا
ساره شافت العربيه ف اتكلمت بسرعه …..اببييييه العربيه دي عربيه اللي خطفو زهره
امجد ذاد من سرعته و شف زهره جوا العربيه ف وقف علي بعد و هما فرملو مره واحده
الشاب اللي سايق ….انت يا متخلف انت
و اتفجئ بامجد رايح عليهم و فتح الباب و شده من العربيه و بقي يضرب فيه و فجاءه العربيه تانيه جت اللي فيها ناس تبع رامي و امجد بقي في نص مابينهم بيحاول انهم يتفادي ضربتهم و يضربهم هو
ساره بتفتح باب العربيه عشان تنزل ف نيره مسكتها….انتي راحه فين
ساره:هطلع زهره انا عارفها هتفضل في العربيه هناك اوووعي سبيني
و نزلت و نيره وراها بتحاول تمنعها تنزل بس كان في شاب سبق و فتح باب العربيه و طلع منها زهره و حط المسدس علي دماغها….لو سنيوره دي تلزمك اعقل عشان مافجرش دماغها دلوقتي قدامك
امجد بص ليه بحذر ….سيبها احسنلك انا كدا كدا هخدها و انا ماشي سواء كنت عايش ولا ميت
الشاب ضحك:عجباني اوي ثقتك بنفسك دي و بص لزهره….شكلك مهمه عند الباشا جداااا و ضحك مش عيب تقطعو بعض علي واحده ذي دي
تستمر القصة أدناه
امجد ابتسم ليه و بص جنبه شاف شومه كبيره جنبه ف حركها براحه و بحركه سريعه كان خبطها في وشه و شد زهره منه و خلاها وراه و كان بيمنع ان اي يوصلها و راح للشاب اللي مسكها و خنقه بايده ….روح وقول للي بعتك امجد الديب بيقولك لو قربت من زهره تاني و غلاوته عندي لهدفنه مكان مهو واقف و قوله انه مالوش ديه عندي و جيه شاب من ورا امجد و ضربه باداه حاده ف كتفه ف امجد اتالم و بعد عنه و هو شد صاحبه و ركبو العربيه و جريو كلهم علي امجد
نيره بخوف :ااامجد امجد رد عليا انت كويس وريني جرحك
امجد بعد عنها ….انا كويس و شد زهره عليه و مسح علي شعرها بلطف ….انتي كويس حد عملك حاجه
زهره :اااه انت كويس
امجد.:اه
ساره:ابيه الجرح بينزف جامد تعالي نروح علي مستشفي
امجد: لا انا كويس
زهره :لا مش كويس جرحك شكله عميق و احنا مش عارفين الاداه دي ملوسه ولا فيها اي ارجوك تعالي معانا
ساره جت تسنده ف راح هو لافف ايده حوالين كتف زهره ….خليكي انتي يا ساره زهره معايا اهي
نيره بصت ليهم باستغراب و زهره مشيت بيه و امجد عمل نفسه هيقع
زهره : حاسب
امجد :يعني انا مصاب و شكلي اعتمدت على حيطه مايله
زهره :لا والله ابدا انا بس مش عارفه اعمل ايه
امجد :مش عارفه ايه الموضع مش محتاج تعرفي سانده واحد لفي ايدك حوالين وسطه عشان تكوني متحكمه في
زهره بصت ليه بصدمه ….اااايه
امجد. :اي انتي انجزي يالا
زهره لفت ايديها حواليه بتوتر و وصلته للعربيه و نيره هي اللي ساقت و ساره قعدت جنبها و امجد و زهره ورا
الشباب اللي كان رامي باعتها اتصلت برامي و رد عليهم بسرعه….ايه وصلتو لايه
شاب بتعب :كل حاجه كانت ماشيه تمام لحد ما جيه واحد كدا ذي الحيطه و ضربنا و اخدها و بيقولك امجد الديب بيقولك لو قربت منها تاني هيدفنك مكانك
رامي قفل المكالمه و كان باين عليه الارتباك ف قام و نزل و راح ركب عربيته عشان يتحرك علي ملجئ
نيره وقفت عند المستشفى اللي هي شغاله فيها و امجد نزل و دخل علي طوارئ
نيره :انا هروح اجيب الحاجه اللي هطهر ليه بيها الجرح واجي
امجد : ساره روحي شوفي لي اي دكتور بسرعه
ساره خرجت و رجعت معاها الدكتور و طهر الجرح لامجد و حط ليه لزقه و جت نيره و معاها علبه الاسعافات بس كان
دكتور خلص
+
الدكتور :الجرح مش سطحي اوي و محتاج متابعه مستمره و تهتم بمعاد الادويه و ياريت تيجي كمان يومين عشان تغير علي جرح و نتابع الجرح معاك
تستمر القصة أدناه
امجد : لا ماتقلقش انا مراتي دكتوره و هي هتابع معايا و بص لزهره بتعرفي تغيري علي جروح ولا هتفضحينا
زهره ابتسمت بارتباك من اللي حصل :ماتقلقش
نيره بصت ليه بصدمه و من صدمتها علبه الاسعافات وقعت من ايديها علي ارض
ساره بصت ليها و بصت بعد كدا لامجد
الدكتور خلص شغله و مشي و نيره راحت وقفت قصاد امجد و سالته بحذر…..ااااانت اتجوزت يا امجد بجد
امجد قام وقف و مسك ايد زهره ….اه ساره يالا عشان نروح الحسابات
ساره :لا خليك انت مرتاح هنا و انا هروح اشوفها و سابته و خرجت و نيره خرجت وراها بسرعه ….. ساااااره
ساره وقفت و نيره راحت ليها….هو بجد امجد اتجوز زهره
ساره :اه اتجوزها من كام يوم
نيره بصت ليها بتوهان و ساره بصت ليها باستغراب….هو انتي زعلتي انه اتجوز هو طبيعي يكمل حياته هو كمان و حضرتك كمان اتجوزتي و كملتي حياتك يبقي الاحسن كل واحد فيكم يخليه في طريق اللي هو اختاره عن اذنك
نيره تلقائي دموعها نزلت بس مسحتها بسرعه
رامي وصل الدار و هدي اما شافته اتوترت و مش عارفه تقوله ايه ولا عارفه مين اللي اخد زهره ف اتكلمت بتوتر….بص يا رامي واضح كدا أن البت في واحد لافف عليها و واكل بعقلها حلاوه و اخدها عنده
و ضرب الولاد اللي راحو يجبوها
رامي :و هو دا اللي انا جايلك عشانه
هدي بعدم فهم:مش فاهمه
رامي :البيه اللي واخدها دا انا عارفه هبعتلك عنوانه تبلغي البوليس و تقولي ليهم ان امجد سالم خاطف بنت من هنا تحت سن الرشد و مقعدها عنده غصب و تكوني انتي معاه و اكيد زهره بتفهمك من نظره عنيكي ولا عيشتها معاكي كل سنين دي جايه علي فاضي
هدي :لا اطمن
رامي :وانا هوديكي لواحد بيعز امجد اوووي ف تروحي ليه و دمعتين منك تحسسيه انك مكسوره و ان راجل دا خطفها و هو هيقوم بالواجب
هدي. :تمام
امجد وصل البيت و كان معاه زهره و ساره
فريال اما شافتهم داخلين بصت بضيق ليهم
سالم :مالك يا امجد انت كويس
امجد : اه و طلع اوضته و زهره طلعت معاه
فريال تابعته و حست ان امجد في حاجه ف سالت ساره ….هو امجد في ايه
ساره : ابيه حد ضربه بالسكيه في كتفه و احنا لسا جاين من المستشفى
فريال بخوف :سكينه حد عملك حاجه اي اللي حصل ماتنطقي اخوكي اي اللي حصله
ساره : كان في ناس عايزه تخطف زهره و هو كان بيدافع عنها
تستمر القصة أدناه
فريال بغضب : اهي مجايبه الزباله اخرتها جاب لينا واحده مش عارفين اصلها من فصلها
ساره :يا مامي دا صدفه و اي حد مكانها كان ممكن يحصله. كدا
زهره سندت امجد يقعد و قعدت قصاده و بصت ليه باحراج ….انا مش عارفه اقولك ايه بجد و انا متاسفه ليك جدا علي اللي حصلك دا انا والله
امجد قاطعها : انتي مكبره الموضوع كدا ليه دا جرح بسيط
زهره باحراج :مش موضوع جرحك دا وبس بص سيبني و انا هرجع الدار و انا
امجد : انا مش عايز اسمع كلمه دي منك تاااااني فاهمه.
زهره :وانت ذنبك ايه تدافع عني
امجد :انتي مراتي يا زهره
زهره : لا انت عملت كدا عشان تساعدني
امجد :مش مهم سبب المهم نتيجه و كفايه رغي بقي عشان انا تعبان ممكن بس تسعديني
زهره :عايز ايه
امجد :عايز اقلع القميص دا
زهره :ماتقلعه هو انا ماسكه ايدك
امجد ضحك:لا مش ماسكه ايدي بس الجرح ف كتفي مخليني مش عارف اتحكم فيها
زهره :اه طيب
زهره قامت وقفت قصاده و فكت ليه القميص و وطت راسها بخجل و هي بتبعده عنه
ماجد رجع البيت وكانت ساره و فريال بيتكلمو علي اللي حصل مع امجد ف انتبه للكلام …. هو امجد حصله حاجه
فريال بضيق :طبعا حصله طول مهو موقع نفسه في جوازه المهببه دي
ماجد بقلق و نفاذ صبر:في ايه يا طنط امجد حصله ايه
فريال:طلع عليه بلطجيه ضربوه بالسكينه بسبب انهم كانو عايزين يخطفو السنيوره
ماجد قلق من كلامها و طلع يجري علي امجد و فتح الباب عليه كانت زهره بتقلعه القميص
ماجد للحظات فضل واقف مكانه
امجد بضيق :ههو مش في باب تخبط عليه يا اخره صبري
ماجد بعدم استيعاب للموقف :لا مهو هو في ايه انا مش فاهم حاجه هو اي اللي بيحصل بالظبط
زهره :اجبلك تيشرت تلبسه
امجد : لا انا مرتاح كدا
زهره عدلت المخده اللي وراه ….عدلت ليك المخده اهو ذي ما كنت حابب اسعدك تنام
ماجد بصدمه :اقسم بالله
امجد :لا
زهره :طب انا هنزل اخلي حد يعملك اكلك و اجبلك عصير و نزلت و ماجد قعد قصاده و بصله …..هو في ايه
امجد :ايه
ماجد :ايه انت هو اللي انا شفته دا بجد هي بتقلعك القميص
امجد قام وقف و مشي كام خطوه و راح اخد علبه سجاير و طلع منها واحده و قعد يشربها من غير ما يرد
+
ماجد ضحك:ماترد يابني و شاف البلستر اللي علي كتفه و كان واضح انها اصابه صغيره و بعدين انا شايف ان في خربوش في ضهرك و ان الموضوع مش مستاهل
امجد. : انت عايز ايه
ماجد : عايز افهم
امجد : تفهم ايه
ماجد: اللي بيحصل يا بن خالتي
امجد :عايز ادلع شويه من حقي يعني اي مشكلتك انت يا حشري
ماجد ضحك:تدلع ااااه قولتلي بس ماقولتليش وقعت علي عصفوره دي فين
امجد بص ليه وماردش
ماجد. :والله يا ميجو انا شامم ريحه كدا مش عجباني و حاسس كدا ان في حاجه مش فاهمها
امجد :لا موضوع غير مانت فاهم خالص
ماجد :طب فهمني
امجد : و اللي هقوله دا لو طلع هقطع رقبتك
ماجد بقلق: في ايه ياعم قلبك ابيض من أمتي وانا بطلع كلام يخصك يعني
امجد : هي كانت في دار ايتام و اللي ماسكه دار ست شمال بتبيع البنات لرجال الاعمال ف هي كانت هيحصل معاها كدا
ماجد : طب واي علاقه دا بجوازك منها باردو
امجد :مين راجل الاعمال اللي هي هتروح له
ماجد:مين
امجد :رامي
ماجد:اه بترد ليه اللي عمله معاك في نيره يعني
امجد: بالظبط
ماجد بص ليه و راح ضاحك
امجد:انت بتضحك علي ايه
ماجد:عشان دا اللي انت بتقنع نفسك بيه امجد البت دي عجبتك و انت استسهلت انا مش هقول حبتها عشان هكون ببالغ بس دا مايمنعش ان في بذره اتزرعت جواك
امجد.ضحك :لا بذره و لا شجره الحوار كله ذي ما قولتلك مش اكتر ف مادخلش نفسك في اوهام و ليله تانيه
زهره نزلت مكنش في حد قاعد خالص ف اتلفتت حواليها تشوف اي حد تساله كانت ميرنا نازله علي سلم و تلقائيا ميرنا شافتها اضيقت
زهره ابتسمت : مساء الخير هو فين الناس اللي هنا كنت عايزه حد يعملي حاجه
ميرنا بانفعال:ماتدخلي انتي تعملي لنفسك هو انتي صغيره ولا فاكره ان جوازك من امجد هينسيكي اصلك انتي مش ذينا ولا مننا
زهره اتفجئت بهجومها عليها و كلامها اللي جرحها….. انا مقولتش كدا انا بس عايزه حد يعمل عصير واكل و انا معرفش فين مكان المطبخ
ميرنا :عايزه تعرفي مكان المطبخ و ندهت بصوت عالي نسبيا …..ام سعددددد
خرجت بخطوات سريعه …ننننعم يا هانم
ميرنا :خوديها المطبخو خليها تشوف هي عايزه تعمل ايه و اي حاجه تعوزها تعملها لنفسها محدش يعملها حااااجه مفهوم
ام سعد بارتباك :بس يا ميرنا هانم دي تبقي مرات امجد بيه وانا
ميرنا بغضب و انفعال : اخررررسي خالص مش عايزه اسمع منك ولا كلمه اللي اقوله يتنفذ و بسسسسسس
زهره :عادي مفيش مشكله انا مش عندي ناس بتساعدني و طول عمري بعمل حاجاتي بايديا قوليلي بس المطبخ فين
ام سعد بصت ليها بحذر و شاورت ليها علي مكان.و دخلت زهره حضرتك الاكل
ام سعد جت تمشي ميرنا مسكت من ايديها….استني هنا اللي قولته يتنفذ بالحرف الواحد و تشغليها تحت ايدك ذيها ذي غيرها و حرف يطلع منك هوريكي اللي عمرك ماشوفتيه
ام سعد هزت راسها بحذر و دخلت المطبخ كانت زهره بتطلع الحاجه من تلاجه و ابتدت تعمل شوربه خضار
واحده:هو انتي مين يا عسوله جيتي تشتغلي معانا
زهره ابتسمت و ماردتش عليها و كملت الاكل اللي بتعمله و بعد وقت خلصت و عملت عصير و حطته في الصنيه
هدي وقفت قصاد القسم اللي رامي قلها عليه و دخلت وكانت بتدور علي اي حد يساعدها و لقت امين ماشي ف وقفته ……بقولك ايه يا أمين رافت بيه رئيس المباحث اللي هنا القيه فين
الامين: مكتبه اللي هناك دا
هدي :شكرا
و مشيت و خبطت علي باب و دخلت المكتب كان رافت قاعد و بص ليها
هدي : ممممساء الخير يا باشا
رافت :اهلا خير
هدي :ااانا جايه واقعه في عرضك و اتمني انك تقف جنبي
رافت :ادخلي في الموضوع علي طول يا حاجه انا مش فاضي
هدي :انا هدي مديره دار ايتام و دي البطاقه بتاعتي و رافت اخدها منها و كملت كلامها في واحد لف علي واحده من بنات الدار و ضحك عليها و خطفها و قعدها في البيت عنده و اما روحت اكلمت معاه هددني بسلطته عشان هو ظابط و رتبه كبيره
رافت بحذر :اسمه ايه دا
هدي. : المقدم امجد الديب
رافت ملامحه اتبدلت …. متأكدة
هدي :اكيد يا باشا انا عايزه بنتي دي عيله صغيره لاراحت ولا جت دا انا مربيها و هي حته لحمه حمرا انا عشمانه فيك يا بيه تجبلي حقي منه ولا اكمن البت ملهاش حد تتاكل يعني
رافت :دا انا اقلع البدله دي لو مجبتش ليكي حقه القانون بيطبق علي كل حتي لو كان واحد من داخليه تعالي معايا يا استاذه و هنرجع و معانا البنت و حقها هيرجع اطمني
اتاكد انك عامل متابعة ليا عشان تشوف باقي الرواية 👈 ابو رحيم
اي رايكم في البارت 🙄 🔥 💥
و تفتكرو اي اللي هيحصل ف اللي جاي