كانت بنت زاي القمر

وفارس كان كل يوم يثبت لها انه اختيارها الصح، يصحى قبلها يصلي الفجر ويدعيلها، يجيب لها الشاي لحد السرير ويقولها صباح الخير يا عروسة، ياخدها معاه الأرض يوريها الزرع ويقولها ده كله باسمك، دينا كانت بتحس انها ملكة متوجة، عرفت ان الأمان أهم من الكلام المعسول، وان ابن عمها الصعيدي اللي كانت فاكراه قاسي طلع أحن خلق الله، وكل ليلة قبل ما تنام كانت تحمد ربنا انه رجعها لحضنه قبل ما تضيع للأبد، وكانت تقول لسندس انا كنت فاكرة الحرية مع فادي، بس الحرية الحقيقية لقيتها مع فارس، مع راجل يحبني ويحترمني ويخليني أطير من غير ما أخاف أقع.

وكانت دينا كل ما تشوف فارس داخل عليها بالليل وشايل في ايده كيس فاكهة أو وردة صغيرة، تضحك من قلبها وتقول في سرها أخيرا فهمت، الحب مش هروب ولا مغامرة، الحب سترة وأمان وراجل يفضل جنبك مهما غلطتي، ويشيلك فوق راسه قدام الناس كلها، وده اللي لقيته مع فارس ابن عمي وسندي وحبيبي للأبد بكل حب واخلاص.