شاهنده
شاهنده اتصدمت وفضلت ساكتة دقيقة، وبعدين عيطت جامد وقالتله انت بتهزر يا مستر ايمن، انت مدير وغني وانا سكرتيرة ساكنة في اوضة فوق السطوح وبغسل مواعين، قالها الفلوس مش بتعمل بني ادم يا شاهنده، انتي اللي علمتيني يعني ايه مسؤولية وحب وعيلة، انا عاوز افتحلك مشروع القهوة اللي بتحلمي بيه، ونسميه القهوة بدون سكر، عشان تفكرينا دايما باول مرة اتقابلنا واول قهوة ادلقت على بدلتي الغالية.
شاهنده وافقت وهي بتعيط من الفرحة، وبعد شهر اتجوزوا، عملوا فرح بسيط وجميل في جنينة الفيلا حضره احمد ونورين وشادي ابن البواب وماجد اللي رجع مخصوص من دبي وحنين اللي كانت لابسة فستان ابيض زي الملاك وبتزغرط لاختها وبتقول اختي عروسة، وفتحولها فعلا كافيه صغير شيك في وسط البلد، بقت شاهنده تعمل القهوة بنفسها بايدها، وايمن بقى اول زبون كل يوم الصبح قبل الشغل، يطلب نفس الجملة كل مرة، قهوة بدون سكر من ايد ست البيت ست الكل، وحنين بقت تذاكر في الكافيه بعد المدرسة وتساعد اختها، والبدلة اللي كانت سبب كل ده، ايمن علقها في نص الكافيه في برواز ازاز وكتب تحتها هنا بدأت الحكاية بقهوة ادلقت غلط بس صلحت قلبين.
وفي اول يوم افتتاح الكافيه شاهنده كانت خايفة محدش يجي، بس ايمن عملها مفاجأة ونزل بوست على صفحة الشركة وقال لكل الموظفين والعملاء تعالوا دوقوا احلى قهوة بدون سكر في مصر، الناس اتلمت والكافيه اتملى على اخره، نورين كانت بتساعد في التقديم واحمد مشغل اغاني قديمة، وريحة البن كانت طالعة معبية الشارع كله، شاهنده كانت بتجري من ترابيزة لترابيزة وتضحك من قلبها لاول مرة من سنين، حست ان تعبها كله راح، وان القهوة اللي ادلقت بالغلط كانت سبب رزقها وفرحتها، وان ربنا ساعات بيوقعنا في مشكلة عشان يفتحلنا باب احلى بكتير، وان الحب الحقيقي بيجي من ابسط صدفة ومن مج قهوة بدون سكر ادلق على بدلة غالية فقلب الموازين وخلاها اميرة.
وفي اول يوم افتتاح الكافيه شاهنده كانت خايفة محدش يجي، بس ايمن عملها مفاجأة ونزل بوست على صفحة الشركة وقال لكل الموظفين والعملاء تعالوا دوقوا احلى قهوة بدون سكر في مصر، الناس اتلمت والكافيه اتملى على اخره، نورين كانت بتساعد في التقديم واحمد مشغل اغاني قديمة، وريحة البن كانت طالعة معبية الشارع كله، شاهنده كانت بتجري من ترابيزة لترابيزة وتضحك من قلبها لاول مرة من سنين، حست ان تعبها كله راح، وان القهوة اللي ادلقت بالغلط كانت سبب رزقها وفرحتها، وان ربنا ساعات بيوقعنا في مشكلة عشان يفتحلنا باب احلى بكتير.
