جدتي البريئه حكايات اسما
مغرقة الورقة قالتلي ان ماما ما ماتتش زي ما اتقال لي وانا عندي خمس سنين ماما كانت عايشة بس مش قادرة تفضل كانت ضعيفة ومكسورة بعد اللي حصل بينها وبين ابويا ابويا ما كانش شخص عادي ولا راجل عابر في حياة ماما كان حب عمرها وكان حبها الغلطة الوحيدة اللي دفعت تمنها عمر كامل كان متجوز وانا جيت نتيجة علاقة رفض المجتمع يعترف بيها لما ماما عرفت انه متجوز حاولت تبعد لكنه كان دايما يرجع لها بكلام ووعود ودموع ولما حملت فيا الدنيا كلها قلبت ضدها اهلها قطعوها هو خاف على اسمه ومكانته طلب منها تنزلني رفضت اختارتني واختارته على نفسها لكن بعد ولادتي بأيام قليلة مراته عرفت حصلت فضيحة وجتله تهديدات انه لو ما بعدش عن ماما وعن الطفلة دي هتدمر سمعته وشغله جدتي قالتلي انها هي اللي خدت القرار هي اللي قالت لماما تمشي وتسافر بعيد وتسيبني معاها قالت لها انا هربيها كأنها بنتي وانتي ابدأي حياة جديدة بعيد عن كل ده ماما كانت بتموت وهي بتسلمني بس كانت شايفة ان ده الحل الوحيد عشان اعيش من غير لقب يطاردني طول عمري قالتلي في الجواب ان ماما سافرت محافظة تانية واشتغلت باسم جديد وكانت بتيجي تشوفني من بعيد كل سنة كانت تيجي في عيد ميلادي وتقف تحت الشباك تبص عليا وانا بلعب كانت بتبعت مصاريف من غير ما اعرف وجدتي كانت بتقول انهم مساعدات من حد طيب اما ابويا فهو ما اختفاش هو كان قريب قريب قوي كان راجل معروف في البلد بيسلم عليا في الشارع احيانا وانا ما اعرفش انه ابويا كان يبصلي بنظرة غريبة كنت بحس فيها بحنية مش مفهومة طلع هو كان بيتابعني من بعيد بيسأل عني بيساعد من غير ما يظهر بس عمره ما قدر يعترف عشان مكانته عشان عيلته التانية عشان صورته قدام الناس جدتي كتبتلي انها عارفة اني هكرهها بعد ما اعرف بس هي عملت اللي شافته يحفظني قالتلي ان ماما ماتت من سنتين بس ماتت وهي بتوصيها تحكيلي الحقيقة لما اكبر واكون قادرة استحمل كانت بتبعتلي رسالة كل سنة بس جدتي كانت بتحرقهم الا الرسالة دي كانت عايزاني اعرف الحقيقة قبل ما اتجوز عشان ما ادخلش حياة جديدة وانا عايشة بنص قصة الورقة وقعت من ايدي وانا قعدت على الارض جنب الفستان الفستان اللي كنت شايفة فيه حب نقي وحكاية جميلة بقى شايل سر ووجع افتكرت كل مرة كنت بسأل فيها عن ابويا كانت تبصلي بحزن وتقول لي سابنا ماكنتش بتكدب بالكامل بس ماكنتش بتحكي كل حاجة حسيت اني تايهة انا بنت مين مين اسمي الحقيقي مين حقي اعرفه ومين حقي ازعله افتكرت كريم
