جوزي ومرات اخوه
فتحت أول ملف كان عقد إيجار شقة باسمه هو، حازم، ومسجلة باسم مرام ك المستأجرة الدائمة بقيمة إيجار شهري 15 ألف جنيه، مدته 5 سنين، ومدفوع بالكامل مقدماً! تاني ملف فواتير مشتريات أثاث ومفروشات بأسعار چنونية كنبة ب 40 ألف، سر,,ـــــير ب 35 ألف، تحف وستائر تخلص ال 100 ألف بسهولة.
. وكلها مدفوعة من حسابه الشخصي! قلبي اتقبــ,,ـــــض، ضغطت على ملف تاني، وطلعت كشوفات حسابات بنكية.. دمي اتجمد في عروقي! تحويلات متتالية كل شهر، من حساب حازم ل حساب مرام، مبالغ تبدأ من 5 آلاف وتوصل ل 20 ألف، وجمعها في سنتين وربع يطلع أكتر من 220 ألف جنيه زي ما كنت شايفة!
وتحتها فاتورة مجوهرات ذهب من محل راقي جداً في وسط البلد قلادة وخاتم وسوار، مكتوب في الملاحظات مجموعة العيد السعيد وتاريخ الفاتورة يوافق يوم عيد زواجنا الثالث! اليوم اللي هو قاللي فيه الشغل مش سمحلي أجيبلك حاجة، المرة الجاية إن شاء الله.. وكنت ساكتة ومسامحة!
وقعت على الكرسي، دموعي نزلت لوحدها من غير صوت، جسمي بيرتجف زي ورق الشجر.. كل الكلام اللي كنت أقوله لنفسي إني بتهيألي، إني بغلط، إني طيبة وأحسن الظن كل ده اتكسر واتحطم في ثانية واحدة! ده مش مجرد إعجاب أو مساعدة أخوية..
ده حياة تانية بناها من ورايا، بفلوسي وفلوسنا، وأنا اللي كنت بآكل من الفضلة وأخدمهم كلهم! كملت تصفح الملفات، ولقيت شيء أفظع.. رسائل إلكترونية ومدــ,,ـــــادثات محفوظة بينه وبين مرام، بكل تفاصيلها.. كلام حب مبتذل، مواعيد في الشقة اللي استأجرها ليها، وحتى خطط لما ننفصل عنها ونبقى مع بعض علانية.
ومرام كانت تكتب له اصبر يا روحي، كريم مش هيرجع غير بعد سنة، وبعدين نعمل اللي عايزينه.. ومريم طيبة وهتسكت، هي مش هتقدر تعمل حاجة من غيرك! بس اللي خلاني أتجمد بالكامل، رسالة أخيرة من حازم لمرام، بتاريخ قبل أسبوع بس متقلقيش، أمي عارفة كل حاجة وموافقة، هي اللي قالتلي استأجرلها الشقة من الأول، وقالتلي مريم هتتحمل وهتسكت زي ما دايماً بتعمل.
. حماتي! الحاجة ماجدة! هي اللي كانت ورا كل ده! هي اللي كانت تشجعهم وتغطي عليهم وتقول لي اصبري واتحملي وهي عارفة إن جوزي بيبني حياة تانية لمراة تانية من ورا ظهري! قمت من مكاني، مش عارفة فين أروح، جسمي بيتنمل.. كل واحد فيهم كان عارف وكل واحد كان ساكت!
