لا تتركني
فريده: مين ده. فردوس: ماقلش ياست هانم. فريده: طيب انا نازله اهو. نزلت فريده وتفاجأت انو نعمان. فريده بصدمه: عمي نعمان. نعمان: اذيك يامرات الغالي. فريده: الحمدلله ياعمي اتفضل تشرب ايه. نعمان: مش عايز اشرب حاجه انا جاي اشوف ولاد سالم. فريده: سليم في المستشفي زمانو راجع وعامر في الكليه.
نعمان: في المستشفي ليه خير مالو. فريده: لا ياعمي سليم دكتور بيشتغل دكتور. نعمان: ربنا يحميه زي بنت سليم الله يرحمو دكتوره برضو. فريده بأستغراب: دكتوره. نعمان: اه. قطع حديثهم دخول سليم. سليم: مساء الخير ياامي. نعمان: مساء النور ياولدي. سليم بصدمه: جدي.
نعمان: ايه مكنتش عايز تشوف وشي ولا ايه. سليم: لا طبعاا بس اتفاجأت مش اكتر. نعمان: سبيني مع سليم شويه يامرات ابني. فريده: حاضر ياعمي. نعمان: اقعد ياولدي. سليم قعد قدام جدو كان عارف جدو هيقول ايه بس مكنش عايز يسمع ال هيقولك.
نعمان: انا متابع خطواتك ياولدي من اول سفرك المانيا لغاية وصولك مصر من سنتين وقولت يمكن تيجي وتاخد امانتك من عندنا بس انت مجتش قولت اجي انا. سليم: امانه ايه. نعمان: مرتك ياولدي المسكــ,,ـــــينه ال كتبت عليها وسبتها زي البيت الوقف كده.
سليم: الجوازه دي كانت بالاجبار ياجدي ياعني جوازه بأطله. نعمان بزعيق: هي ايه ال باطله انت كنت موافق وهي وافقت وسبتها عشر سنين والناس كلت وشنا والبنيه بتسمع حديد ماسخ كل يوم ومبترضاش تتكلم علشان متزعلنيش وتيجي انت تقولي جوازه باطله.
سليم: ياجدي انا بقه عندي حياتي الخاصه وبعدين انا خاطب وهتجوز. نعمان: انت اتجننت تتجوز وانت متجوز. سليم: ياجدي انت كده بتظلــ,,ـــــمني. نعمان: وانت مش بتظلــ,,ـــــم بنت عمك حرام عليك البنيه كبرت وال قدها مخلف عيل والتاني انت لازم تاخد مراتك بقه من عندنا الناس كلت وشنا وبعدين عايز تتجوز تاني تبقي تحلو مشاكلكو سوا بقه.
سليم: ياجدي مش هينفع انا بحب خطيبتي. نعمان بزعيق: انت هتعصي اوامري يابن سليم وهتلعب بحياه مراتك. سليم: ياجدي هي مش مراتي. نعمان: لا مراتك قدام الناس في البلد مراتك وعلي سنه الله ورسوله مراتك. سليم: حاضر ياجدي ال تشوفو.
نعمان: ايوه هو ده حفيدي يلا تعالي معايا علشان تاخد مراتك. سليم: اديني ثواني بس اجيب مفاتيح العربيه. نعمان: لا تعالي معايا في عربيتي عيزك جنبي علشان اشبع منك وخلي السواق يجي بيها. سليم: حاضر ياجدي حاضر. نعمان خرج وسليم خرج وراااه وركبو العربيه وبدؤو يتحركون.
