لا تتركني
ساره: علي فكره انا كمان مجبوره علي الجوازه دي. سليم: يبقي كده متفقين اعرفك بنفسي بقه انا اسمي سليم بشتغل دكتور قسم الجراحه وانتي. ساره بتباهي: وانا الدكتوره ساره دكتوره في قسم الجراحه برضو. سليم بدهشه: مش معقول انا افتكرتك جاهله. ساره بغيظ: جاهله.
سليم: مش مهم الكلام ده دلوقتي يلا بقه علشان انا ورايا شغل كتير في القاهره ومش فاضي للعب العيال ده. ساره: تمام يلا. سليم: انا لازم امشي ياجدي علشان ورايا شغل مهم جداا. نعمان: ماشي يابني وجهز نفسك خلال شهر هنعمل فرح كبير يليق بعيله النعمان.
سليم: ان شاء الله ان شاء الله. منال بحزن: خد بالك منها يابني دي ال طلعت بيها من الدنيا. ساره بعياط: هتوحشيني اوي ياماما وانتي يامرات عمي هتوحشيني وداليا هتوحشني اوي اوي. داليا: خد بالك منها ياسليم دي اغلي واحده عندي دي المنوره بيتنا.
ساره: خد بالك من نفسك ياجدي انا هكلمك كل يوم علشان اطمن عليك. ثنيه: خلاص متعيطوش بقه ده النهارده فرح زغرطي ياختي منك ليها. ثنيه بفرحه: وزعي شربااات علي البلد كلها يابت ياسعديه انا مش عايزه بيت ميشربش من شربات فرح ساره عايزه كل البلد تعرف أن جوزها رجع وخدها ويقطع لسان ال يتكلم عليها كلمه عفشه.
منال: ايوه وادبحو الدبااايح وأطعمو كل الناس الغلبااانه. نعمان بضحك: ايه براحه شويه انتي وهي. ثنيه بفرحه: واه ياعمي خلينا نفرح من عشر سنين مستنين اليوم ده وياما ناس اتكلمت في حق ساره كتييير واحنا لازم نخرسهم.
سليم: يلا عن اذنكم بقه. ساره ودعت اهلها بحزن شديد وركبت العربيه مع سليم وبدأت العربيه تبعد عن البيت وتبعد عن البلد كلها. سليم: خليكي حريصه محدش يعرف ال بينا. ساره: متقلقش انت أصلا مش هتشوف وشي كتير. سليم: يبقي احسن برضو انك متخرجيش من اوضتك.
ساره بصتلو بغضب وقالت: ومين قالك ان انا هتحبس في اوضتي انا هنزل الشغل علي طول. سليم: شغل ايه ان شاء الله. ساره: انا دكتوره ياعني اي مستشفي تتمني اشتغل معاها. سليم بضحك: بلاش الثقه الذياده دي مستشفيات القاهره غير مستشفيات الريف. ساره: مش هرد عليك.
سليم: يبقي احسن برضو. وصل سليم وساره البيت وساره اتفاجأت ببيت كبير جدااا زي بيتها في البلد بس ده بيت راقي جدااا. فريده: حمدالله على السلامه ياسليم. سليم: الله يسلمك ياماما دي ساره. فريده: هو جدك عمل ال في دماغو برضو.