لا تتركني
سامي: انتي عارفه انك زي بنتي ياساره. ساره: ده شرف كبير ليا اوي يادكتور. سامي: بوصي ياساره في مستشفي كبيره اوي في القاهره انا بعتلهم السي في بتاعك وهما عايزينك معاهم في الفريق الطبي بتاعهم. ساره بفرحه: بجد يادكتور.
سامي: ايوه يا دكتوره انتي تستاهلي اكتر من كده لانك من اكفأ الدكاتره ال قاباتهم في حياتي. ساره: شكرا جداا يادكتور انا هشوف رأي جدو الاول وهرد علي حضرتك عن اذنك بقه علشان المريض زمانو فاق. سامي: اتفضلي. ساره كملت يومها عادي وبعدين رجعت البيت.
منال: حمدالله على سلامتك ياحبيتي اجهزلك الاكل. ساره: ياريت ياماما همــ,,ـــــوت من الجوع بجد وهمووت وانام. منال بحب: ثواني والاكل يكون جاهز عقبال متغيري. ساره: تسلميلي ياماما. ساره دخلت اوضتها وغيرت واتفاجأت بداليا داخللها. ساره: لو في حاجه مش فهماها قوليلي وهساعدك.
داليا: ياريت حاجه مش فهماها بس مرات عمك ياسو. ساره بضحك: هي الحكايه فيها مرات عمي خرجيني منها يادودو والنبي. داليا بضحك: ياندله. ساره بضحك: ياستي متقلقيش طول ماعمي موافق هي مش هتقدر تعمل حاجه. ثنيه: وكمان بتقسي البت عليا.
ساره بضحك: داليا اسمعي كلام مرات عمي هي ادري واحده لمصلحتك. ثنيه بضحك: كولي بعقلي حلاوه ياساره. ساره: انتي ولا عاجبك كده ولا كده. ثنيه بضحك: متزعليش مني يابنتي. ساره بحب: عمري مزعل منك ابدا يامرات عمي انا عارفه انك عايزه مصلحتي.
ثنيه بحب: اه والله بس ده ميمنعش انك بتقوي البت دي عليا. منال بضحك: مش هتتغيري ياثنيه هتفضلي تناقري مع البت كتيير كده. داليا بضحك: فين الاكل عصافير بطني بتصوصو. منال: تعالو ياحبايبي الاكل جاهز. راح الكل علشان ياكلو في جو من الضحك والهزار بين ساره وثنيه وداليا.
داليا: اتفضلي النسكافيه يادكتوره ساره. ساره: ميرسي ياداليا اقعدي. داليا: اخبار دراستك ايه. ساره بضحك: انا دراستي ماشيه تمام وكلها اقل من شهرين وهاخد شهاده الدكتوراه من الجامعه في امريكا. داليا بفرح: برافو ياسارا انتي تستاهلي كل خير تعرفي ان انا وخداكي قدوتي.
ساره: ياحبيتي ربنا يباركلي فيكي ويجعل حظك احسن من حظي. داليا: ساره هو انتي هتفضلي كده. ساره: ياعني ايه كده. داليا: ياعني ولا متجوزه ولا عازبه. ساره بأسف: انا غلط لما سمعت من جدي لما قالي وافقي علي الجواز من غير ميكلمني ولا يشوفني مشي بقالو عشر سنين مفكرش حتي يطلقني خايف من جدي بس مفكرش انا هبقي عامله ازاااي ومفكرش الناس بتقول عليا ايه انا مكرهتش حد قدو ده شبه دمر حياتي بس تعرفي انا مش بفكر فيه خالص بفكر في مستقبلي.
