رهف
رهف لما عرفت ان ابوها جاب لها عريس من الشارع كانت هتموت من الصدمة، قالت له يا بابا انت بتعمل فيا ايه، تجيبلي واحد من الشارع، قال لها اسكتي خالص، انتي اللي جبتيه لنفسك، كنتي فاكرة اني هسيبك كده بعد عملتك السودا، احمدي ربنا اني لقيت حد يرضى بيكي، رهف دخلت اوضتها وقعدت تكسر في كل حاجة وبسمله جت تحاول تهديها، بسمله قالت لها معلش يا رهف استحملي لحد ما زياد يرجع وبعدين اطلقي منه، رهف قالت لها اطلق من مين ده شكله يخوف.
يوم كتب الكتاب نديم جه لابس جلابية قديمة جايبها له ابو رهف، وكان ساكت ومش بيتكلم كتير، رهف كانت بتبص له بقرف ومش طايقة حتى تبص في وشه، المأذون كتب الكتاب ومشي والناس كلها بتبص لهم باستغراب، بعد ما الناس مشيت نديم دخل مع رهف الاوضة، رهف قالت له بص بقى يا ابن الناس انت من سكة وانا من سكة، الجوازة دي على الورق بس، انت تنام في الصالة وانا انام هنا في الاوضة ومحدش ليه دعوة بالتاني، واوعى تفكر تلمسني، نديم ضحك ضحكة خفيفة وقال لها حاضر يا ستي، متخافيش مش هلمسك، بس ممكن اسألك سؤال، انتي فعلا حامل، رهف اتوترت وقالت له وانت مالك انت، قال لها لا ابدا بس شكلك مش حامل يعني، رهف سكتت ومعرفتش ترد.
عدى اسبوع ورهف كل يوم بتشوف نديم قاعد في الصالة بيساعد امها تولين في المطبخ وبيتكلم معاها بذوق، تولين بدأت تحبه لانه طيب وغلبان وبيسمع كلامها، حتى ابو رهف بقى يحبه عشان بيصحى بدري ينضف المحل معاه، رهف كانت مستغربة، ازاي واحد من الشارع بيتكلم بالطريقة دي وبيعرف يتكلم انجليزي كمان، مرة سمعته بيتكلم في التليفون انجليزي بطلاقة، فدخلت عليه وقالت له انت مين بالظبط، نديم اتلخبط وقاله انا نديم، قالت له لا انت مش شحات، الشحاتين مش بيتكلموا انجليزي كده، نديم سكت وبعدين قال لها بصي يا رهف انا هحكيلك الحقيقة بس توعديني متقوليش لحد، انا مش شحات، انا ابن رجل اعمال كبير اوي، ابويا عنده شركات وعربيات وفلل، بس هو عايز يجوزني لبنت شريكه غصب عني وانا مش بحبها، فقررت اهرب واعيش كأني شحات عشان اهلي يدوروا عليا ويسيبوني في حالي، رهف فتحت بوقها من الصدمة وقالت له يعني انت كذاب زيي، نديم ضحك وقال لها ايوه، احنا الاتنين كذابين وهربانين من جواز غصب.
