كبرياء انثي حكايات اسما

وفجأة رفعت ليلى راسها بهدوء كأنها بتعدل تاج مش باين غير للي فاهمين قيمة النفس وبصت للحاج رفعت مباشرة في عينه وابتسمت نفس الابتسامة الهادية اللي كانت مرسومة على وشها من اول ما دخلت وقالت بالفرنسية الصافية الواضحة من غير تلعثم ولا تكسـ,ـير Je suis peut etre venue dun quartier simple mais jai appris que la valeur dun etre humain ne se mesure ni par la nappe en lin ni par les verres en cristal mais par le respect quil offre aux autres ثم سكتت لحظة قصيرة خلت كل نفس في القاعة يتجمد وكملت بصوت ثابت Mon pere ma appris que la vraie noblesse ne vient pas de largent mais du caractere Et ce soir je vois la difference واضحة بين الثروة والرقى

الصمت اللي كان قبل كده صمت حكم اتحول لصمت صدمة

الخالة فريدة اللي كانت لسه ضاحكة ضحكة مصطنعة فتحت بقها ومقفلتوش

نيرمين رفعت عينيها من الموبايل لاول مرة وبصت لها كأنها بتشوفها فعلا

مدام سعاد شدّت ضهرها في الكرسي وحاولت تحافظ على برودها بس ايديها خانتها

شريف رفع راسه ببطء وابتسم ابتسامة احترام صريح

وآدم… آدم كان بيبص لها كأنه بيشوفها لأول مرة من جديد

الحاج رفعت حاول يرد بسرعة فقال بالفرنسية بنبرة اقل ثباتا Vous parlez bien

ليلى ردت بهدوء زائد Vous sous estimez les gens trop vite Monsieur الشرف مش لغة والاحترام مش طبقة

ادم سحب نفس عميق وقال بصوت واضح قدام الكل بابا ليلى مش محتاجة تدافع عن نفسها احنا اللي محتاجين نراجع نفسنا

الجملة دي نزلت زي المطرقة على الترابيزة

الحاج رفعت بص لابنه بنظرة غضب مكتوم وقال انت بتاخد صفها ضدي

ادم رد بثبات انا باخد صف الصح

ليلى حطت ايدها على ايد ادم تمنعه من التصعيد وبصت للحاج رفعت وقالت بالعربي المرة دي عشان الكل يفهم انا فعلا جاية من حي بسيط وافتخر بده اتربيت وسط ناس تعرف معنى الجدعنة وتعرف معنى ان الضيف يتكرم مش يتقاس على ميزان البنك ولو كنت شايفة نفسي اقل من حد ما كنتش قعدت هنا النهارده

الخالة فريدة حاولت تخفف الجو وقالت يا جماعة احنا بناكل اهو

ليلى ابتسمت وقالت الاكل نعمة واحسن حاجة تتحط قدامه كلمة طيبة

مدام سعاد اخيرا اتكلمت وقالت انتي خريجة ايه يا ليلى