نغم كانت واقفه في المستشفى
بعد الحفلة في العربية طول الطريق ساكتين، نغم ايدها بتترعش وقلبها بيدق، اول ما وصلوا الفيلا نغم قالت له انت عملت كده ليه، مش انت اللي بتقول ان جوازنا مصلحة وسنة ونطلق وكل واحد يروح لحاله، انت ليه اتعصبت كده، هيثم سكت شوية وبعدين انفجر وقال لها عشان انتي مراتي غصب عنك وعن اي حد، مراتي قدام الناس وقدام ربنا وقدام نفسي، وانا مش هسمح لحد يبص لك كده ولا حتى بكلمة، انا بموت كل ما حد يبص لك، نغم عنيها دمعت وقالت له انت بتغير عليا يا هيثم، انت بتحبني بجد، هيثم قرب منها وبص في عنيها وقال اه بغير عليكي وهتجنن، انا من اول يوم وانا معجب بيكي بس كنت بكابر وبقول مصلحة، انا كنت فاكر اني هتجوزك عشان اغيظ ليلى بس طلعت انتي اللي نسيتيني ليلى وكل البنات وكل الدنيا.
نغم مقدرتش تمسك نفسها وانهارت من العياط وقالت له وانا كمان يا هيثم، وانا كمان حبيتك وانت كل يوم بتتخانق معايا وبتعند معايا وبتعصبني، كنت بموت وانا بشوفك بتبص لليلى في الفرح وكنت بقول لنفسي اني مجرد سد خانة، انا كنت بغير عليك من الهوا الطاير بس كنت بخبي، هيثم ضحك ومسح دموعها بايده وقال لها يا هبلة انا كنت ببص عليها عشان اشوفها غيرانة بس بعدها والله ما بقيت اشوف غيرك انتي، انتي اللي مليتي الفيلا الكبيرة دي بعد ما كانت فاضية، انتي اللي خليتي ليها روح، نغم ضحكت من وسط دموعها وقالت له طب والاتفاق، هيثم قال لها اتفاق ايه يا مجنونة، انتي فاكرة اني هسيبك بعد ما لقيتك، انتي هتفضلي مراتي طول العمر، انا هروح بكرة اجدد اتفاقنا اتفاق جديد، اتفاق حب بجد من غير مدة.
تاني يوم هيثم خد نغم ووداها عند امها ايمان وتقي وكان جايب معاه بوكيه ورد كبير وشيكولاتة وقال لايمان يا طنط انا عارف اني في الاول اتجوزت نغم بظروف معينة بس دلوقتي انا جاي اطلب ايدها منك تاني قدام ربنا وقدامكم كلكم، انا بحب بنتك بجد وعايزها تكمل معايا عمري كله ومش هسيبها ابدا، ايمان عيطت من الفرحة وحضنت نغم وقالت لها كنت حاسة والله يا بنتي انه بيحبك من اول ما شوفته، كنت بشوفه بيبص لك ازاي، تقي زغرطت وقالت اخيرا يا نغم هتبطلي جو النكد ده وهتعيشي بجد بقى.
