اهانه الام

دخلت المطبخ تعمل شاي، ولقيتها بتستخبى علشان أسمعش صوت عياطها.
وقتها عرفت إن الست دي اتكسرت فعلًا.
قمت دخلتلها، حضنتها من ضهرها، وقولتلها بقلم حكايات منال علي
والله العظيم إنتِ ملكيش ذنب في أي حاجة.
لفتلي وقالت وهي بتمسح دموعها
أنا السبب يا بنتي… لو كنت عرفت إنه مش طايقني مكنتش جيت.
قلت لها
اللي يكره أمي النهارده، هيكرهني بكرة.
سكتت.
لكن كلامي فضل يرن في ودنها.
في نفس الليلة، تليفوني فضل يرن.
جوزي.
مرة…
واتنين…
وعشرة.
مرضتش أرد.
بعد شوية لقيت حماتي هي اللي بتتصل.
رديت.
قالت بصوت كله أوامربقلم حكايات منال علي
إنتِ هترجعي إمتى؟
قلت
مش راجعة.
قالت
عشان موقف تافه هتخربي بيتك؟
ضحكت لأول مرة من ساعة اللي حصل.
وقلت
إهانة أمي بقت موقف تافه؟
قالت
الراجل ليه حق يمنع أي حد يدخل بيته.
قلت
وأنا ليا حق أعيش مع راجل يحترم أمي.
وقفلت السكة.
تاني يوم، جوزي جه بيت أمي.
كان أول مرة يدخل البيت ده.
فتحِتله أمي الباب.
قالها
أنا جاي آخد مراتي.
أمي قالت بهدوء
القرار قرارها.
دخل وقعد، وبصلي وقالبقلم حكايات منال علي
يلا… خلصنا بقى.
قلت
قبل أي حاجة… اعتذر لأمي.
سكت.
قلت تاني
اعتذر.
قال بمنتهى الكبر
أنا مغلطتش.
بصيت له وابتسمت.
الابتسامة دي استفزته.
قال
بتضحكي ليه؟
قلت
لأنك لحد دلوقتي مش فاهم ليه أنا مش هرجع.
قال بعصبية
يعني إيه؟
قلت
النهارده منعت أمي تدخل بيتي… بكرة هتمنعني أشوفها… وبعده هتمنعني أكلمها… وبعد سنة هتتحكم في كل نفس بتنفسه.
قام وقف.
وقال
آخر مرة بسألك… هترجعي؟
قلت بمنتهى الهدوءبقلم حكايات منال علي
لأ.
قال
يبقى خليكي عند أمك.
ومشي.
بعدها بأيام، بعت كبار العيلة.
كلهم كانوا بيقولوا نفس الجملة
استحملي… علشان الجواز.
لكن ولا واحد فيهم سأل
هو ليه أهان أمها؟
ولا واحد قال له
إنت غلط.
كان المطلوب مني أنا أسامح.
وأتنازل.
وأرجع.
رغم إن كرامتي اتدهست.
بعد أسبوعين، رفعت قضية خلع.
ولأول مرة، شفته في المحكمة.
واقف بعيد، حتى مبصليش.
أما أمي…
فكانت قاعدة جنبي.
ماسكة إيدي.
زي كل مرة.
لما خرجنا من المحكمة، قالتلي وهي مكسوفة
سامحيني يا بنتي.
وقفت في نص الشارع، وبصيت لها باستغراب.
قلت
أسامحك على إيه؟
قالت
إني كنت السبب.
مسكت وشها بين إيديا، وقولت
إنتِ السبب في إني طلعت بني آدمة تعرف يعني إيه كرامة… ولو رجع بيا الزمن ألف مرة، هختارك إنتِ كل مرة.
حضنتني وعيطت.
وأنا عيطت معاها.
بعد شهور، حكم الخلع صدر.
وخرجت من الجوازة دي وأنا مش ندمانة.
ناس كتير قالوا
اتطلقت بعد ست شهور بقلم حكايات منال علي
لكن محدش عرف إن
الست شهور دول كانوا كفاية يبينوا لي حقيقة الراجل.
بعدها بفترة، عرفت من واحدة من قرايبهم إن جوزي كان بيحاول يرجعني.
ولما سألوه ليه، قال
مكنتش متوقع إنها تسيب البيت عشان أمها.
ابتسمت وأنا سمعت الجملة.
وقلت في نفسي
وأنا مكنتش متوقعة إن راجل يفتكر إن زوجته ممكن تبيع أمها علشان ترضيه.
أما أمي…
فرجعت تضحك تاني.
ورجعت تزورني… لكن المرة دي في بيتي الجديد، بعد ما بدأت حياتي من أول وجديد.
كانت كل ما تدخل تقول
أدخل ولا أستأذن؟
وأنا أضحك وأحضنها وأقول
ده بيتك قبل ما يكون بيتي.
النهاية