الحاج عدنان
ويحكوا عن جدهم.
لمحة نيوز
في يوم النور قطع بالليل والدنيا بقت ضلمة كحل، سندس خافت عشان بتخاف من الضلمة، بلال قام جاب كشافات وشمع وقعد يحكي حواديت رعب عشان يخوفهم اكتر، سلسبيل قالت له بس بقى انت هتخوف البت، فارس قال سيبك منه تعالي يا سندس اقعدي جنبي متخافيش، وقعدوا يحكوا عن ذكرياتهم وهم صغيرين لما كان جدهم بيجمعهم ويعملهم حفلة شوي في الجنينة، وسجي قالت انا فاكرة لما جدو عدنان كان بيقول ان البيت ده هيجمعنا تاني حتى لو هو مش موجود.
بعد خمستاشر يوم حصلت اول خناقة كبيرة، سلسبيل كانت بترسم لوحة كبيرة وكانت سيباها تنشف في الصالة، سندس وهي بتجري عشان ترد على التليفون خبطت فيها ووقعت الالوان كلها عليها وبوظتها، سلسبيل اتجننت وقامت صرخت فيها وقالت لها انتي عارفة انا بقالي كام يوم برسم فيها انتي مستهترة ومش بتحترمي حاجة حد، سندس عيطت وقالت لها وانا مكنتش اقصد يعني انتي فاكرة اني قاصدة ابوظها، وفضلت تعيط وتقول انا اسفة، وسجي قالت حرام عليكي يا سلسبيل هي مكنتش تقصد.
فارس وبلال جم على الصوت ولقوهم هيتخانقوا، بلال قال يا جماعة اهدوا مش مستاهلة، فارس قال لسلسبيل معلش هي مكنتش تقصد وبعدين انتي تقدري ترسمي واحدة احلى منها، سلسبيل قالت لا مش هسامحها دي تعبت فيها، سندس قامت دخلت اوضتها وقفلت على نفسها، فارس راح خبط عليها وقال لها اطلعي صالحيها احنا قلنا مش هنتخانق عشان الورث، سندس قالت انا مش عايزة ورث لو هي هتفضل تكلمني كده، وسجي فضلت جنبها تواسيها.
فضل البيت مقلوب يومين محدش بيكلم التاني، الاكل محدش بيعمله والبيت رجع يترب تاني، بلال حس ان الموضوع هيبوظ راح لسلسبيل وقال لها على فكرة سندس بتحب رسمك اوي وكانت بتوريني رسوماتك وبتقول نفسي ابقى شاطرة زيها، سلسبيل اتأثرت وقالت بجد، بلال قالها اه والله، وبعدين راح لسندس وقالها سلسبيل زعلانة عشان اللوحة دي كانت هتقدميها في مسابقة مهمة، سندس قالت يا خبر انا مكنتش اعرف، وسجي قالت لها قومي صلحيها يا سندس.
سندس قامت جابت الوان من مصروفها وقعدت طول
الليل تحاول تصلح اللوحة على قد ما تقدر، تاني يوم الصبح راحت لسلسبيل وقالت لها انا اسفة وحاولت اصلحها، سلسبيل شافت اللوحة لقتها بقت احلى عشان سندس ضافت عليها لمسات طفولية جميلة، سلسبيل حضنتها وقالت لها الله دي بقت احلى من الاول، واتصالحوا ورجعوا يضحكوا تاني، وسجي زغرتت من الفرحة وقالت اهو كده.
بعدها باسبوع بلال وفارس اتخانقوا خناقة كبيرة، فارس كان عايز يهد حيطة في البيت عشان يوسع المطبخ وبلال قاله انت هتبوظ البيت ده بيت جدي وله ذكريات مينفعش تهد فيه، فارس قاله ذكريات ايه ده بيت قديم ولازم يتجدد، بلال قاله انت كل حاجة عندك فلوس وتهد وتبني مفيش عندك قلب، فارس اتعصب وقاله وانت فاكر نفسك اللي بتحب جدي واحنا لا، وسجي قالت لهم يا جماعة اهدوا عشان خاطر جدو عدنان.
