العابثه الصغيره
–لو رجعت مش هيبقي زي الاول
–مش مهم أنا هعمل المستحيل ساعتها عشان اخليكي تسامحيني
–هحتاج وقت عشان اتقبلك
–خدي الوقت اللي انتِ عايزاه بس في بيتي تمام ؟
بعد مرور سنة …
تغيرت الأحوال كثيرا في تلك السنة …انتظم رائد في جلسات العلاج النفسي وكان يشعر بتحسن كبير …وكان من حين لآخر يزور والدة سميرة القابعة بأحد المصحات النفسية بعد ما فقدت عقلها عندما ت سميرة نفسها أمام عينيها …عادت دعاء الي منزله …سمح لها بالعمل وشجعها علي اكمال تعليمها ولجعل الحياة ابسط بينهما ذهبا الي أخصائية نفسية للمشاكل كي يتعايشا بعد كل ما حدث …
-حاسين أن دلوقتي انتوا افضل مع بعض
-قالتها الاخصائية النفسية وهي تبتسم لهما …هزا رأسيهما فأكملت :
–ايه الاخبار العلاقة بينكم
-اطرقت دعاء بخجل بينما قال رائد :
–احنا مش مست…
–انتوا اللي مش مستعدين ولا دعاء اللي مش مستعدة
-نظرت إليها دعاء وقالت:
–انا اللي مش مستعدة يا دكتورة لسه فيه حاجز برضه ..
–تمام ….معلش يا رائد حابة اتكلم مع دعاء لوحدنا ممكن
–اكيد
-قالها رائد ثم انسحب بينما نظرت الطبيبة لدعاء وقالت :
–مر سنة
–عارفة
–مش قادرة تسامحيه صح …
-لمعت الدموع بعينيها وقالت:
–اللي شوفته صعب
–دعاء جوزك كان مريض بالبارانويا …واحد اتعرض ل وغير متزن نفسيا …أنتِ كنت عارفة اللي حصله صح ..
-هزت دعاء رأسها لتكمل :
–ورغم كده اتجوزتيه
–كنت فاكرة …
-قاطعتها الطبيبة وقالت:
–كنت فاكرة انك هتصلحيه مثلا وهتقدري تعالجية مشيتي بمبدأ , بس أنتِ مش مصلحة اجتماعية ولا دكتورة نفسية ومش مطلوب منك تتجوزي واحد مش طبيعي وتعالجيه لانك أنتِ اللي هتتأذي الاول ..حظك حلو لأن رائد بنفسه راح اتعالج …فيه حالات بترفض العلاج …
-مسحت دعاء دموعها …لتمسك الاخصائية كفها وتقول:
–شوفي خدي وقتك براحتك هو مش هيضغط عليكي لانه متفهم بس احنا عايزين نتقدم شوية ماشي حسسيه أن فيه فايدة من محاولاته تمام
-هزت دعاء رأسها بالإيجاب ….
– …..
-في الطريق للمنزل كانت صامتة كليا …حاول رائد أن يتحدث معها ولكنها التزمت الصمت لذلك احترم صمتها ولم يتكلم هو أيضا ….
-…….
-وفي المنزل التزمت غرفتها حتي قدوم الليل نهضت واستحمت ثم ارتدت منامة حريرية حمراء وذهبت الي غرفة رائد وما أن رأها رائد حتي نهض بتوتر …اقتربت هي بخجل وقالت:
–ممكن انام جمبك النهاردة …
-ابتسم بسعادة وقد شعر أن قلبه سيخرج من. صدره وقال:
–اكيد
-ثم امسكها وتسطح علي الفراش ضاما إياها الي صدره وهو يتنهد بقوة ويقول:
–ده أنتِ ربتيني من اول وجديد والله ..
