انتقام بالخطا
في مكان آخر كان ينظر لصورة خديجة ودموعه على وجهه احتض.ن الصورة وهو يتوعد لكل من حرمه منها بأشد العقاب
أمسك الهاتف واتصل بمريم لمعرفة اخر الاخبار ثم أحد الرجال الذي يتابع ياسين
ضحك بصخب حينما علم بزواج ياسين من جنة وخطته مشت كما هيا عندما طلب من عادل أن يصمم على زواجها منه …
ابتسم بحقد وقال ” العد التنازلي بدأ ياسين هتتحرم منها زي ما تحرمت من خديجة بس بعدها خديجة هتكون ليا ”
أمسك هاتفه واتصل بأحد الرجال المكلفين بمراقبة حبيبته كظلها ومئات الصور لها تصله يتمعن بهم بالساعات ..
” احم يا باشا في حد في المول بيفضل يضايقها ” أصبحت عينيه باللون الداكن وقال بفحيح ” أظن عارف هتعمل ايه ”
أغلق الخط وابتسامة مرعبة ظهرت على شفتيه وهو يتوعد لكل من يقترب منها
**** فتحت عينيها لتجده يجلس على ركبتيه ينظر لها بحب ابتسمت وقالت بخجل ” قاعد هنا من امتى ” قبل عينيها وهمس ” من ساعة بس مستعد أقعد العمر كله أبصلك يا دلال ”
أخفضت عينيها بخجل ليهمس بعشق ” قومي عشان مسافرين ” نظرت له باستغراب ليهز رأسه ” عايز استفرد فيكي اسبوع كامل بشرم شوفت هناك مكان هيعجبك اوي ” همست بسعادة ” وشغلك ” ضمها بقوة وقال ” كل الدنيا قدام فرحتك دي ولا تسوى ويلا بسرعة مافيش وقت ” هزت رأسها بسعادة وقامت تجهز وعندما هبطت السلالم برفقته وجدت والدته تنظر لهم وقالت بضيق ” رايح فين ” فرك وجهه بضيق وقال ” مسافر ارفه عن نفسي شويا تعبت من الشغل ”
نظرت له وقالت بابتسامه ” وماله يبقى تاخد عروستك الأولى ودلال تبقى هنا ” أغمضت عينيها بقهر ليهمس هز بحدة ” انا هاخد حبيبتي مش مراتي تفرق ” فاطمة بحدة ” وانا قولتلك انت هتاخد مريم معاك عشان تعرف تجبلي العيل اللي نفسي ” اشتد بكاءها وتركته وركضت لغرفتها ليصرخ هو بكل قهر ” حرام عليكي انتي ايه مش بتحسي ده قضاء ربنا كان ممكن انتي تكوني بتخلفيش زيها يبقى تحمدي ربنا مش تعايري الناس لانه ربنا خد منك واحد بلاش ياخد الباقيين ”
قال جملته وذهب لزوجته التي كانت منهارة بشكل كبير حملها رغما عنها وسافر سيعوضها عن كل ذلك .. نظرت مريم لحماتها وقالت بغيظ ” شوفتي المسهوكة مخلياه زي الخاتم باصبعها ” نظرت لها وقالت بهدوء قبل العاصفة ” انتي فاضل قد ايه وتحللي حمل ” ردت بابتسامه ” الاسبوع الجاي ” هزت رأسها وهيا تفكر بتخطيط آخر .. وصل بها شرم وقال بابتسامه ألم ” عشان خاطري انسي اللي تقال وتعالي نتبسط ” همست بصوت مختنق من اثر بكاءها ” خليني انام شويا عشان ارتاح ”
