خفايا القدر

أمل بإنهيار : ملاك بت*موت ياسيف

سيف شال ملاك وبصلها ماكنتش بتتحرك
سيف : أمل قومي خلينا نوديها المستشفى بسرعة ..

سيف خرج يجري بيها وأمل بتجري وراه وهي منهارة ركب العربية وأمل ركبت جنبه واتحرك بسرعه البرق بعد مدة قصيرة وصل قدام المستشفى نزل بسرعة من العربية دخل المستشفى وهو بيصرخ
سيف : دكتورررر بسرعه بنتي بتموت ..
الدكاترة شالوها ودخلوا علشان يكشفوا عليها أمل كانت هتدخل مسكها سيف من ايدها
أمل ببكاء : سيبني أروح معاها ياسيف ..

سيف : أمل حبيبتي إهدي الدكتور هيكشف عليها الأول وندخلها ..

بصتله ودموعها نازلين بغزاره وشهاقتها تعلوا
أمل : ربنا ينتقم منهم دمروا حياتي خلوني عايشه في كابوس ودلوقتي عايزين يحرموني من بنتي ..

سيف خذها في حضنه وقلبه بيتقطع عليها وهو شايفها بالشكل دا
خرج الدكتور وهو منزل رأسه بحزن
سيف بلهفه : خير يادكتور طمنا ..

الدكتور بحزن : البقاء لله جرعة الس*م كان قويه جسمها الصغير مستحملهاش ..

أمل بعدم تصديق : لالالا أكيد إنت غلطان بنتي عايشه صح ياسيف هو غلطان ..

سيف بصلها بألم ودموعه نزلت
أمل بصراخ : رد علياااااااااا ياسيف ملاك كويسه بنتي لسه عايشه صح ..

سيف بألم : اهدي يا أمل ..

أمل: متقوليش اهدي ياسيف بنتي ماتت بنتي راحت ..
نزلت على ركبها وفضلت تضرب الأرض بإيديها
سيف قومها وخذها في حضنه ودموعه نزلت

أمل بإنهيار : ملااااااك راحت ياسيف اخذوا مني حياتييييي وبنتي ..
كانت بتصرخ وتضرب صدر سيف بإيديها
فجأه سكتت والدنيا لفت بيها ووقعت على الأرض
مغمي عليها بصلها بخوف
سيف : أمل أمل ردي عليا دكتور بسرعه ..شالها ودخلها الأوضه

الدكتور : ممكن تطلع ياسيف بيه ..

خرج سيف وقعد على أقرب كرسي ودموعه نزلت طلع تلفونه واتصل بامه
رحمة بلهفه : سيف وصلتوا لحاجة يابني لقيت أمل و ملاك ..

سيف ببكاء : ملاك ماتت ياماما ملاك راحت وأمل تعبانه أوي ..

رحمة بدموع : لا حول ولا قوة إلا بالله ياعيني عليكي يابنتي ..

سيف : ماما تعالي أنا محتاجلك ..

رحمة : حاضر ياحبيبي مسافة الطريق وأكون عندك خليك قوي علشان أمل ..
****************************************

مايا كانت بتتخنق وجسمها بدأ يرتخي
غزال مالقتش حل غير إنها مسكت عص*يا وض*ربت ايد بيجاد بقوة
بيجاد صرخ بألم : اااااه إنتي عملتي إيه يامجنونه ..