خفايا القدر

أمل بصراخ : لااااااا أبوس إيدك ماتقت*ليهاش دي طفله مالهاش ذنب ..

فريده ضغطت على الزناد وخرجت رصاصة

**********************************************

رحمة ببكاء : اخذوها قدام عينيا ماقدرتش أعمل حاجة ..

سيف : اهدي ياماما إنتي مالكيش ذنب ماتوترنيش سيبيني أفكر يمكن أقدر أوصل لحاجة ..

رحمة : يارب أحفظهم ورجعهم بالسلامة ..

الباب خبط رحمه قامت بسرعه علشان تفتح على أمل إنها تكون أمل فتحت الباب كان بيجاد هو اللي على الباب
بيجاد : السلام عليكم وصلتوا لحاجة ياطنط ..

رحمة : لسه يابني ما وصلناش لحاجة ..

سيف : أنا هتجنن يابيجاد بلغت البوليس وكلمت أكثر من حد ولسه ماوصلتش لحاجة ..

بيجاد : اهدى ياسيف خلينا نفكر علشان نوصل لحاجة ..

سيف : هنوصل إزاي وإحنا قاعدين هنا ..

بيجاد : تعالى نروح الشارع اللي اتخطفوا منه يمكن نلاقي كاميرات ..

سيف : انا إزاي راح عن بالي الموضوع دا ..
خرج يجري وبيجاد و رحمة وراه

***********************************************

غزال نزلت من أوضتها بتدور على زينة وقفها صوت مايا وهي بتتكلم عن بيجاد وقفت تسمع

في الأوضه مايا كانت متعصبه وبتتكلم بصوت عالي
خالد : مايا قلتلك اهدي بيجاد ماعرفش حاجة ..

مايا : إزاي ماعرفش حاجة وهو جه للبيت وبعدها طلع يجري كأنه وصل لحاجة ..

خالد : يمكن عنده شغل النهاردة في اجتماع ..

مايا : لا يا خالد بيجاد أكيد وصل لحاجة تخص والدته ..

خالد : إنتي مكبر الموضوع ليه إزاي هيوصل وهو مش عارف هيبدأ منين ..

مايا : ماتستهونش بيه بيجاد ذكي وهيعرف إن والدته لسه عايشه ساعتها إحنا اللي هنروح فيها ..

غزال حطت إيدها على بوءها من الصدمه
غزال : بيجاد امه لسه عايشه ..

٢٥&٢٦
الفصل 25
رفعت عينيها وهي بتترعش ودموعها نازله على وشها علشان تشوف بنتها رجعلها الأمل لما شافت ملاك لسه عايشه ..

فريدة : الرصاصه المرة دي جت بالهواء لكن الثانيه ممكن تكون فيها ..

أمل : أبوس ايديكي سيبي بنتي هي ماعملتش حاجة ..

فريدة : أنا هق*تلها لكن بطريقه تانيه مش هتتعذب هيكون مو*تها سهل ..

أمل ببكاء : لالالا أرجوكي ماتعمليهاش إقتل*يني أنا عذب*يني أنا ..

فريدة : أنا استحملت اللي مافيش أي ست في الدنيا ممكن تستحمله علشان يكون لجوزي عيل يشيل إسمه ..