عمياء في درب الهوي للكاتبه هدي
جلست مع حياه وسردت لها ما حدث ليلة أمسه كانت تبكِ وهي تتحدث عن شقيقها الذي فقد عقله من وراء الخمور
كانت حياه تمسد على خصلات شعرها بحنان بالغ وهي تقول بحزن
-الحمد لله إنها جت على قد كدا
ثم تابعت بعتاب ولوم
-ياما قلت لك يا ياسو اقفلي عليكي كويس وكل يوم قبل ما اقفل افكرك وأنتِ ولا أنتِ هنا
ردت بنبرة متحشرجه قائلة
-والله كنت بعمل كدا بس امبارح بعد ما جمعت شنطتي تعبت وكسلت اقوم اقفله نمت مكاني
ربتت على ظهرها وقالت
-الحمد لله على إن ربنا سترها معاكي
-حياه مش عاوزة أرجع القاهرة تاني خليني عندك أنتِ وأدهم إن شاء الله خدامه
قاطعتها معاتبه
-إخس عليكي يا ياياسو وأنا بردو هاخليكي تعملي كدا
تابعت موضحه
-أنا وأستاذ أدهم زي ما إحنا بس جوازنا مجرد ورقه عشان جدي زي مافهمتك
سألتها هامسه
-وهما هنا عارفين دا ؟
أجابتها نافيه
– لأ طبعا هما فاهمين إن هو بيحبني بس عمي شكك في الموضوع بسبب بابا
سألتها “ياسمينا ” بدهشه
-هو أنتِ مين قال لك ؟
أجابتها بجديه
– هو بنفسه وحكى لي كل حاجه
ثم تابعت بعتاب
-ليه ماقلتيش ياياسمينا
-عشان كنت عاوزكي يجي الصعيد وبمجرد ماتحطي رجلك هاتعرفي تجيبي حقك بأي طريقه بس بصراحه أدهم كان برا حساباتي وحساباتك
-عندك حق بس بمجرد ما واصلت هنا والدنيا اتقلبت تماما
-المهم إنك هاتاخدي حقك
-فتكري بدران هايوافق بسهولة ؟
-أنتِ بتقولي إن جدك وأخو الصغير اقفين معاكي يبقى أكيد هاتاخدي !
مر الوقت عليهما في سرعه شديدة حتى جاء القاضي الشرعي “المأذون ” وعقد قرانهم وسط تجمع عائلي بسيط كانت “ياسمينا” سعيدة لشقيقتها وكأن مايحدث الآن ليس مجرد مسلسل تليفزيوني هابط في نظر “حياه”
أما “أدهم” فكان في عالم آخر، عالم لا يعرفه ولا يريد معرفته كان يتذكر كلمات “المأذون ” التي حذرته من هذه الزيجة انتهى الحفل قبل أن يبدء ورحل أدهم مع زوجته إلى مزراعته
كل هذا تتفاجئ به “حياه” مالذي فعلته بنفسها لا تعرف حقا ولكن الشئ الوحيد المؤكد الآن هو أن مافعلته بنفسها لن يقل سوءا عن ما حدث قبل هذا القرار
نورتي بيتك ياعروسه
قالها “أدهم” بصوت هادئ ونبرة تحمل بين طياتها الكثير من المعاني المخيفه لـ حياه
تراجعت للخلف وهي تشدد على تلابيبها نظر إليها “أدهم ” نظرة ساخرة وراح يقول
