عمياء في درب الهوي للكاتبه هدي
اختفت النساء وتبقى معاها عمها وأولاده
وقف الطبيب وصافح والد أدهم قائلا بود
-ازيك ياحاج عامل إيه و
قاطعته “حياه” قائله بنبرة حاده لأول مرة يلاحظها عمها
-إيه دا هو الدكتور راجل ؟
تبادل جميعهم نظرات التعجب والدهشه فقطع هذا الذي خيم عليهم جميعا صوتها قائله
– متشكرة مش هاخيط إيدي
رد الطبيب قائلا بجديه
– بس ايدك مفتوحه جامد ودا غلط عليكي وبعدين أنا مش هالمس ايدك هالبس جوانتي
ردت عليه بحده
-قلت لأ
اغتاظ ” الطبيب ” من عنادها وقال
-أنتِ عناديه كدا ليه ؟ كدا غلط
قاطعه والد أدهم قائلا بنبرة مترجيه وهو يجلس بجانبها
-خلي يخيط يدك يا بتي أجولك هاتي يدك على يدي وهو يخيط بس
ثم نظر إلى الطبيب متسائلا
-ينفع يا دكتور ؟
أوما الطبيب قائلا بمرح
-ينفع يا حاج شكلها مش هنا أنتِ من القاهرة
ردت بجديه
-لأ ، أنا صعيديه وأبقى
قاطعها عمها قائلا بتلعثم
-خلي يدك اهني يا حياه يابتي
سألها الطبيب قائلا بفضول
-وياترى بقى عجبتك الأقصر ؟
أجابته بفخر واعتزاز
-دي من أعظم مدن العالم كفايه الآثار ال فيها ولا المعابد دي لوحدها حكايه
سألها مازحا
-وياترى جربتي الصيف اهني ولا عايش برا على طول
اجابته بحده قائله
-حضرتك بتسألني كتير كدا ؟ وبتتكلم عادي مش المفروض تشوف شغلك ال جاي لي اساسا ؟
لملم متعلقاته وقال بجديه مصطنعه
-وأنا ياستي خلصت شغلي ال جاي لي فعلا الف سلامه عليكي وياريت تخلي بالك الجرح عميق ومحتاج يتغير عليه كل يوم ودا علاج هاتاخدي بانتظام
سألته بدهشه وهي تتحسس كفها المضمض قائله
-خلصت ؟ خلصت إمتى وازاي ؟أنا ماحستش بحاجه !!
أجابها بجديه
– من ساعه ما قلتلك إيه رأيك في الأقصر ؟
غادر الطبيب بعد أن أعطى لها إرشاداته ، عادت سلمى لتصعد بها إلى غرفه أعدت خصيصا لها
وقف عمها أمام “أدهم” ونهره بشده لما فعله منذ دقائق وراح يقول
-بتعمل أكده ليه عاوزها تشعلل اياك افرض إنه عرف إنها بنت عمته كان حصل إيه دلوجه
رد بلا مبالاه قائلا
-ماهو أكده ولا أكده هايعرف إيه الفرق بجى بين دلوجه ولا بعدين ؟
صاح والده بصوت مرتفع قائلا
-أدهم متستفزنيش وتجيب أخري وياك الموضوع ال في رأسك تطلعه أحسن لك
أجابه أدهم وكأنه إنسان آلي ينفذ أوامر صاحبه قائلا بمرارة في حلقه
– حاضر يا بوي أي أوامر تاني عاوز اعاود بيتي
